影片
港鐵灣仔站 A3 出口, 步行約5分鐘
繼續閱讀
電話號碼
25271768
開飯介紹
大廚兼老闆曾於酒店任職廚師十多年，與太太用心經營家庭式意法菜，以心太軟甜品聞名。
繼續閱讀
營業時間
星期一至日
12:00 - 23:00
以上資料只供參考, 請與餐廳確認詳情
食家推介
招牌菜
今日同一班同事去咗食哩間唔算太貴嘅西餐廳~一人叫完一個餐之後，首先出現嘅係跟餐嘅湯同包🥯~ 湯嘅味道一般，但啲麵包就好出色，加上帶檸檬香嘅牛油，又香又軟~ 其實除咗相中嘅麵包，佢地仲有另一款蒜蓉包，可惜我地太餓一嚟就食晒，唔記得咗影😂食完starter冇耐，主食就陸續上枱了~🦀日本小帶子、野菌及菠菜意大利飯 伴 日本松葉蟹鉗(3隻) $98個意大利飯好香；松葉蟹鉗雖然細細隻，但已剝好殼，食得好方便~🐷西班牙Duroc無骨黑毛豬扒 配 野菌西梅燒汁、薯蓉及時菜 $138點餐時見到豬扒都有得揀幾成熟我地都嚇咗一跳，因為一直認為豬肉係要全熟先食得~ 不過見佢建議7-8成熟，咁我地就叫個8成熟試試~ 果然入口幾軟滑，加上個酸酸地嘅燒汁，好好味呢！哩度叫lunch set可以加錢叫埋甜品，我地當然唔會放過啦！🍎法式金寶蘋果盅 +$20蘋果+玉桂本身就冇得輸，再加埋個sour cream，正呀！🍦心太軟 伴 冰凍雲尼拿芭菲(法式手打雪糕) +$35睇相都感受到個心太軟有幾流！而且佢個朱古力味好濃！配埋個手打雪糕，一冷一熱衝擊你嘅味蕾！總括而言，哩度嘅食物性價比好高，不過當日食嘅時候見到佢話1月尾要搬去西營盤，想食佢就變得無咁方便了~
繼續閱讀
成日Lunch諗食咩真係諗到頭都爆好在有一班永遠都有貨既靚靚同事經佢地介紹下知多左好多小店就好似今次試既呢間一個set lunch大約$100左右有湯+主菜+野飲另外可以再加甜品餐湯既款式應該係成日都轉我地當日係蘑菇湯味道好濃不起除左見到打成蓉既蘑菇仲有丁粒增加口感仲有超脆既蒜蓉包主菜我叫左意大利飯 好有驚喜意大利飯用左波菜汁煮食落無咁漏而且仲加左松子仁令到個飯有更豐富既口感一邊脆一邊淋 好有層次 好正而且蟹鉗位已除左殼方便食用 讚!唯一係蟹鉗有少少乾 但配埋飯食都OK~最後同事們推介呢到既心太軟所以我地都叫左一個share真係幾高質 仲唔會死甜雲尼拿雪糕亦好香見到有好多雲尼拿籽 真材實料推介
繼續閱讀
経同事推介，午餐時段來，地方不大，但坐得算是舒服Set lunch 有很多選擇，menu 將每款set lunch，都描述很細緻，與其他餐廳是比較少見同亊大力推薦，黑毛豬柳，還指定要吃8成熟，揀了餐湯 - 粟米忌廉湯，非常creamy，非常濃郁，粟米鮮甜，原來是自家烹調，不是罐頭貨，飲到一滴都無剩主菜上桌，黑毛豬柳夠份量，剛剛好8成熟，嫩，滑，有肉味，油脂香，入口即溶，堪稱近年來最佳的黑毛豬柳....色 香 味 俱全要一提招呼很週到，很難得性價比超高的一餐👍👍👍👍👍
繼續閱讀
呢間算係我同屋企人嘅周未食堂，最少每兩個禮拜都去一次，地點有啲隔涉，但勝在 value for money。而且佢嘅客人大多斯文有禮貌，好少人大聲講嘢，就算有小朋友佢哋相對都好乖。每次都係叫晚餐，大約$130至$170。雖然佢出名係食豬，但我最常叫係Risotto，幾款都食過，冇失望。今次兩個晚餐再叫多碟mussel，新鮮 creamy，會再試。
繼續閱讀
呢間餐廳喺一個唔係好顯眼嘅位置 但係通常去食都要book定枱 今日同啲同事六個人一齊去入到去幾乎每張枱都擺住reserved嘅牌前菜有得揀湯或者沙律 啲沙律菜夠曬新鮮不過就唔係好夠汁 而且啲菜有啲普通都係啲生菜同埋蕃茄仔 主菜嗌咗紐西蘭牛肋條德國腸配白飯紐西蘭牛肋條嘅表面有少少太乾身 不過食落都ok嘅 德國香腸就正正常常冇乜特別冇乜驚喜 其實同白飯好似唔係好夾 最尾先係重點 食咗個心太軟配雪糕 呢度嘅朱古力係超級濃郁心太軟流出嚟嘅朱古力醬好好味 係一個唔錯嘅結尾
繼續閱讀