影片
4/9下午3點幾來,入到去有三四檯客,我地入到好入去到水吧位先見到一個女侍應,佢問我地食唔食煙,我話唔食,佢就比了近門口的位給我,但我見最入面窗口位有好幾張空位,敢我就話想坐入面,果女侍應就同我講如果唔怕嘈ok的,因為果檯客都幾嘈.我就話無問題.敢我地坐下後,點了high tea set$140,我就點了cappuccino,小熊點了凍咖啡.飲品先來,cappuccino-ok啦,都有好多泡泡,小熊果杯就話一般喎,我地都坐左好耐(半個鐘),d野食都未來,之後我仲聽到果女侍應好大聲同另一位同事講,唔知點解d架越來越少,之後我見佢拿了剛剛客人食完果兩個架,就走出出面,我真係覺得出奇,敢大間酒店,唔係因為無架(得兩個),所以我d野敢耐都未來呀??之後真係無幾耐果set來了,但我杯cappuccino得番一半都無啦!講番果high tea set真係可以講完全唔掂,一件cake都無都算啦,野食就得果幾件,用d料又cheap到死,夠膽死比d青瓜三文治果d敢ga野比人食,煙三文魚法包,我咬了一啖,嘩咩黎ga,完全係隔夜野,d野食完全可以話係難食.好啦講完野食,講下lee到d人啦,我地坐果張檯隔離有一檯好嘈的三個男人(四五十歲左右,就係女侍應話好嘈果檯),佢地簡直不知所謂,大大聲話一陣落中國城,又話d女人點,食偉哥...又講到自己點點點...賺幾多錢...,之後我地食野時,我前面又來了四個男人(有三個五六十歲左右,有一個就同佢地年紀相差很遠,廿幾歲左右仲著住波衫),佢地又係大大聲話一陣落中國城,有一個仲話不如去佐敦,剛剛有新女....嘩,又無攪錯呀,去滾仲大大聲,不知廉恥,仲帶埋d細路仔去,真係教壞細路.lee到完全係d男人約埋朋友聚下腳食個tea,等齊人就去滾的地方.本來我同小熊都唸住可以坐一個鐘先走,但見敢ga情況緊係拿拿林埋單走人,lee d地方真係不宜久留,簡直係鬼地方,以後我亦都唔會再來.
繼續閱讀