36
3
0
港鐵佐敦站 B2 出口, 步行約3分鐘; 九龍佑靈堂側旁 繼續閱讀
電話號碼
6428 1461
營業時間
星期一至五
10:00 - 18:00
星期六至日
全日休息
食評 (39)
等級3 2016-05-14
6455 瀏覽
第一次1:30到來,没有飯供應,以為太遲賣完,趕時閒便走了。今次12:30只有cake和飲品,原來由4月開始没有飯供應。店員有禮説可带食物進來。午餐食甜品。。下午茶食咸點。。haaa點了香蕉果仁蛋糕,硬硬地不太甜很小牛油不錯。桂花茶很清香,飲到最後小小苦,有蜜糖供應。這兒有點像英式大宅,看小説静静嘆下午茶。。舒服 繼續閱讀
(以上食評乃用戶個人意見 , 並不代表OpenRice之觀點。)
等級4 2016-02-19
5866 瀏覽
想去Kuc Space食野好耐,又想去食港嘢好耐,甘岩呢次佢地cross over,梗係即刻去,go go go. 呢晚佢地仲搵左九龍公司個展覽入面個「百呎農場」主持人分享。話好緊張呀,我出面摸左好耐至搵到個門口,好神秘甘,好似去熨秘密花園,話曬呢度都係歷史建築物。呢個menu同我地今晚食的野無關。至於想飲水的話,自在形式,自己來啦,而餐具都係自己取。呢個就係今晚的餐牌。「港嘢」其實係用本地食料提供素食,主張「不時不吃」、「友善素食」、「本地生產」、「善用食材」,「關心生產」。而平時「港嘢」唔係在Kuc開檔。餐單寫曬每款食物邊度黎,甚至連醬油係邊個醬園都寫埋,真係食得安心又放心。前菜:脆皮素鵝,外層唔算好脆,有別於平時食開的素鵝,反而有份純樸同扎實。好濃郁豆香味,原來係八鄉打石湖石煎腐皮。湯:紫菜豆腐湯,湯底淡身,凸出大澳漁民自家曬紫菜海水味,豆腐質地堅實,食落有份實在感。主食:咖哩薯仔雜菜,伴杞子上湯浸紹菜,配白菜炊飯。整個配搭簡樸、低調,但全部食材都配合得恰當好處,絕不會誰搶了誰的風頭。保留薯仔皮,因為原材料來源甚至生產過程具透明度,所以佢地刻意保留薯皮,唔好浪費。飲品: 紫蘇到手香茶,好香,兩者互相平衡對方氣味,出來效果非常好,飲落好舒服,可以防感冒。(如果有種開野的朋友就知到手香係非常粗生,又被比喻為植物界的小強。)甜品:木瓜雪耳糖水,簡單作結。飯後,百呎農場場主分享在市區種植的經驗。呢餐飯平實,不矯揉造作,唔會有嘩一聲的感覺,但食得舒服、安心,因為好清楚自己究竟食緊d咩落肚。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-01-31
3835 瀏覽
良心企業丶這個名詞似在附近,但又拿不着。成本是任何商品的基石,商人經過多方面的考慮才創造出受歡迎的物品。而物品要為市民所喜愛,就要被不同層面考驗及討論,才可成形了。所以良心要有後盾和機遇。佐敦佑靈堂內有家《KUC》,自由與悠閑同生的小店,幫助忙碌的成市人加加氣丶添添油。店舖所在的建築物可能超過五十年,廳中有柱丶樓底高丶窗戶大丶長餐桌和木椅子,有着古老大屋feel。牆上掛着多幅寫有金句丶勉勵説話的圖畫,閒坐或等朋友時看一看,可加強正能量。神是平安的泉源。在你苦難的時侯,你會在神的愛內找到平安。特別介紹星期一的安排,真有意思,可認識新朋友,交流自家菜式。店內售賣自家製蛋糕,款式未有創新,但品質上佳,而我點了檸檬蛋糕及特濃咖啡。兩者味道各異,有其獨到的濃味,恰到好處地合襯。另一杯薑檸水就太家庭式,無檸檬味,應找方法與顧客溝通後才製造會好啲。近期店內售賣着柬埔寨婦女製造的圍巾,有特式之餘,可對第三世界伸出緩手,使到自力更生傳到世界深處,重要是令富裕的香港新一代反思自身之所有。請大眾支持。 繼續閱讀
(以上食評乃用戶個人意見 , 並不代表OpenRice之觀點。)
佐敦★KUC Space明知今日要同可惡既功課大戰一百回,特登揀個舒服d既地方等自己心理平衡d嘩,完全有地理優勢,佐敦站B出口過條馬路就係。可能係church(佑靈堂)隔離特別有"靈氣",又可能d傢俬擺設好有"家"既感覺,入到去個人真係自然放鬆左落黎藍色既牆壁配木傢俬木地板,空間寬敝,枱同枱之間有一定距離,可以獨佔自己既小區域參觀完大廳發現側邊既窗口位,二話不說就揀左張藤櫈坐!搵食時間依到採用半自助形式,首先行去黑板既menu睇下有咩心水,諗好就同義工落order,之後自己乖乖地去自助收銀處比$,最後去拎所需餐具/斟杯水,番埋位等食物就ok啦- 自家製香蕉果仁合桃蛋糕 ($16):簡簡單單既切片蛋糕放係一隻藍色圈紋既碟仔上面份外賞心悅目食落有牛油香再加香脆果仁增加口感,只係香蕉味唔出&略為乾身左少少,不過十幾蚊竟然有咁大件又厚身既自家製蛋糕,仲有咩好嚕囌?- Latte (Hot $23):透明杯裝住既latte簡單直接,面頭無花巧既拉花。咖啡帶微酸,個人口味會希望奶既比例重d~就係依個咁寧靜舒適既環境渡過左一整個下午。做功課做到好頹廢既時候望下窗外面既天空又感受下d自然風,心情都舒暢d埋單$39。食物飲品平平無奇,但係對依個地方充滿好感,黎完1次已經成日想再黎(可惜只係平日先開&6點就閂門)好想搵次帶本書/筆記黎扮下偽文青,肆意享受一個悠閒既下晝。 繼續閱讀
(以上食評乃用戶個人意見 , 並不代表OpenRice之觀點。)
等級4 2015-11-11
2348 瀏覽
繁忙的星期一早上,先要到醫院On Call, 等下等下又無左一個朝早,終於搞掂走得當然要去食餐好!今日又來到了KUC Space, 我喜歡這裡環境好清靜,而且好Free, 坐幾耐都無人理,正好可以讓我冷靜一下!今日點左朱古力腰果蛋糕(建議售價$16),點解係建議售價,係因為呢度其實係教堂的一部分,餐廳所得嘅收益其實都係會用返喺教會上,而且呢度係無人收錢,找續,所以俾幾多真係無人理,大家亦可以俾建議價以上的!朱古力腰果蛋糕,明顯是Homemade 的,質感不如一般的蛋糕柔軟,甚至有點Raw 的感覺,但朱古力味都偏香濃的!蛋糕質感比較乾身帶微暖,單食係有點乾,不過就好彩不過甜,如果配雪糕或者茶都唔錯!不過呢度無雪糕呀!無雪糕但茶款卻不少,今日點左香茅茶,建議售價大概是20元一壺,倒出會見到不少的香茅料,香味也濃郁,微温下感到綳緊的情緒有所舒緩!忙左成朝,終於可以停下來了。提提大家呢度係開星期一至五,下午六時就會關門,星期六日同公眾假期都會唔開,平日有半日假的話,不妨去休息下都唔錯的!  繼續閱讀
(以上食評乃用戶個人意見 , 並不代表OpenRice之觀點。)