31
1
0
港鐵北角站 A2 出口, 步行約2分鐘 繼續閱讀
電話號碼
28858830
營業時間
今日營業
11:30 - 14:00
18:00 - 22:30
星期一至六
11:30 - 14:00
18:00 - 22:30
星期日
全日休息
付款方式
Visa Master AE 現金
食評 (32)
等級4 2018-07-05
952 瀏覽
今日犀利呀黎到北角食咗一間高級嘢一間門面冇門牌望落似啲草屋同茅屋嘅裝修風格門口都冇餐牌又冇任何指示淨係見到寫住營業中嘅一間日式串燒食店名字叫:工川圍爐裹炭燒 Kousen Irori Sumiyaki枱面擺放啲好有格調日本式風格 但感覺好高級 嘢都唔級講咁大聲咁滯個裝修都好有格調中間一個爐旁邊都仲有四人枱嘅都坐係到個感覺都幾舒服不過大門一開 好凍呀因為呢幾日天氣都好凍餐牌價錢黎講 對我黎講都算高級嘢架喇 我就點咗個野生炭燒鰻魚飯一杯冰凍嘅水沙律前菜一個沙律幾開胃呀食完有隻蛋成套前菜 仲有碗湯面鼓湯幾好飲開胃重點黎喇我盒飯呀但盒都幾精美一個全木嘅木盒裝住我個飯鰻重  Natural  Unaju  Don $400野生鰻魚飯見介紹話佢係用備長炭黎燒嘅鰻魚賣相好靚 食落都非常之好食炭燒得黎佢唔會話好濃一口咬落啲鰻魚到 真係陣好香嘅炭燒味佢唔苦架喎陣炭燒味 好吸引個飯都好好味佢冇汁嘅 咁先試到最原始嘅味非常好食 但四百蚊對我黎講都幾貴但真係好食嘅 繼續閱讀
(以上食評乃用戶個人意見 , 並不代表OpenRice之觀點。)
神秘燒燒 焦點食評
等級4 2018-02-05
3632 瀏覽
經過北角嘅內街,估唔到有一間日式爐端燒。門口無明顯嘅店名,但睇落似係日式鋪頭。入去睇睇 ,店中間係一個爐端燒位置 ,店鋪裝飾都幾好 ,就坐低試一試 。 牆身用瓦片推砌成,幾有特色。食具都好有日本特色。要咗一小杯紅酒,配日本燒物都幾好,又可以坐低睇住師傅燒烤。師傅每一個都好用心去燒及不時反啲串燒,亦會留意會唔會燒燶,真係好用心。首先係南瓜小食,因為臨近Halloween,裝飾咗一個南瓜頭幾得意,味道亦唔錯。服務員附上自製辣椒配料,唔算,都幾好味。燒物第一款係燒日本銀杏,燒到金黃色...配上燈光,好似一粒粒金元寶一樣。跟住係燒雞翼,燒得好均勻,味道亦啱啱好。豚肉串 ... 豚肉包住番茄仔,食起來亦都比較清新,唔會肥膩。燒茄子日本茄子,肥嘟嘟,好cute。雞肉串燒燒得亦都好靚好均勻 串燒豚肉波波,比較少見,肉質比較嫩滑。燒薄牛舌,上面加咗蔥花檸檬汁,好好味。 薄牛舌,師傅好快就要反了。日式炸蝦加個日式蒸蛋。炸蝦外貌有啲似越式,而下面加咗啲蘿蔔絲,可以格油,所以一啲都唔油。燒甜蕃薯都幾乾身,食起嚟好甜,日本番薯係唔同啲。師傅用心地燒又反。燒日式鰻魚,睇個樣已知好肥美,食落好美味。最後,亦都係一個焦點嘅燒牛肉切粒拌飯,加上日本甜豉油,超好味又暖粒粒。其實有啲似香港嘅煲仔飯。牛肉係用柴燒,燒到火光紅紅,又有風味。日式甜品,唔記得咗乜名堂,甜甜地,好似啫喱咁。 繼續閱讀
(以上食評乃用戶個人意見 , 並不代表OpenRice之觀點。)
初見......圍爐裏 焦點食評
等級4 2017-12-16
1553 瀏覽
天氣漸冷, 剛看見朋友 facebook 資料, 介紹日本傳統 圍爐裏 在香港設店,  Kousen Lrori Sumiyaki, 位於北角寶馬道.  值得一試.  店子裝修好別緻, 令我們留下深刻印象........茅草店蓋, 找不著招牌.店內日式設計, 中央設有兩座大炭爐, 用玻璃隔著,  客人座位是三邊圍著火爐,像吧座形式.   客人可以近距離睇到廚師的精湛廚藝.另設有長檯, 旁邊有玻璃飾櫃, 內置日本石景, 配上漸變燈光.店內入口的左右主牆用了瓦片砌成, 好細緻, 擺放了三個透明玻璃展示櫃, 內介紹了日本人圍爐裏用的食具.也有酒釀, 及酒器.餐廳裝潢實在獨特, 高雅,  香港少見.至於今晚的食物, 我們有問店長意見, 他提議我們點燒物, 如生蠔, 雞翼, 串燒, 及鍋飯.  我們也贊成.桌上具備濕毛巾及餐巾紙, 餐具美觀整齊.我們品嚐玄米茶, 第一道前菜先送來了.  鮟鱇魚肝:  玻璃高腳杯盛載著鮟鱇魚肝, 上面鋪有青擰檬片, 薑絲和金箔, 擺設高尚.    魚肝質感軟綿, 油滑香濃, 入口融化, 加點酸汁伴吃, 好開胃. 接著是串燒.  廚師去中央的炭爐忙碌地把食物番來番去. 好細心.串燒雞:   外皮燒得脆卜卜, 肉質軟嫩, 雞味濃郁。炭燒生蠔:   生蠔連殼燒熟, 打開起肉, 生蠔肉肥美鮮甜, 蠔肉濃郁.蛤湯:    每人一盅, 打開蓋熱辣辣, 香噴噴.    好大隻蛤,  肥美鮮嫩, 彈牙又爽, 湯汁都甜美.鹽燒雞翼:  日藉廚師在炭爐邊慢慢地燒. 不時用手動扇加強熱力.外皮烤得香脆, 雞肉肉質嫩滑, 雞味濃.櫻花蝦土鍋飯:  打開煲蓋, 飯味加櫻花蝦味飄來香溢, 面層鋪滿紅紅的櫻花蝦. 米飯的質素不錯, 飯粒煙韌有口感, 沒有焦味, 拌上鮮甜的櫻花蝦, 令人吃得滋味.甜品:   水信玄餅透明球狀, 造型清雅, 用金箔點綴, 加了黃豆粉和黑糖漿, 口感甜滑, 好滿意.這頓晚餐豐富,  食材新鮮, 吃得健康. 餐廳環境舒適, 價錢合理. 店內所有燒物均用長炭燒烤,  可以在香港有如此圍爐裏晚餐, 真的驚喜. 最適合三五知己聚餐, 我們會再來. 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-09
3295 瀏覽
位於北角A3出口對面的Kousen Irori Samiyaki是新開了不久,門口的招牌都未安裝。餐廳主要是以燒物為主,吧枱對正燒爐,即叫即燒,新鮮熱辣。鮟康魚肝完全無平時食內臟的腥味,入口即溶,充滿油份的甘香,但完全沒有鵝肝的油膩感。北海道燒蠔蠔肉脹卜卜,燒到蠔殻無水,但一咬開裏面依然充滿蠔汁,有海水的咸味及鮮甜,肉質腍滑。燒秋田縣鰻魚,鰻魚表面燒得香口,肉質嫩滑,表面醬汁帶甜味,完全唔腥,配飯一流。鹽燒雞翼非常大隻,比平時的雞翼大一倍,外皮燒得香脆,裏面肉質嫩滑而且有肉汁,不會燒得太乾。海雲土鍋飯是用瓦煲原煲煲熟飯後加入海膽,飯是用日本珍珠米,每粒飽滿充滿飯香,海膽份量十足,店員會原煲上枱讓我們拍照留念,之後再把海膽及飯拌勻碗上,每啖飯都充滿著海膽的鮮甜及甘香,珍珠米飯粒分明,飯香十足,我自己足足吃了兩大碗先停手。水信玄餅配黑糖蜂蜜及黃豆粉,水信玄餅本身是無味,視覺上是透明,質感似啫喱溝大菜糕,腍中帶點彈性,要加上其他調味料配搭,配出各種不同的味道,而加上黃豆粉及黑糖蜂蜜後,有黑糖的甜品及黃豆粉的香,不會太甜。總括而言,食物味道不俗,來貨高質,燒物即叫即燒,可以食到食物最新鮮的一刻。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-04
2650 瀏覽
北角馬寶道最近有間門面高级的日本菜,跟左右店鋪格格不入。走居酒屋線路,整個設計是中間的(圍爐裏),在日本鄉下老屋中常見的方形圍爐,用來取暖和料理烤肉烤魚,㷛水。但這裡是作廚房用。(圍爐裏)設於店中央,抽風好,亦不會畀油煙熏著。客人又可看到廚師料理。日本料理長友利伸治主理。店裡堅持選用備長炭烹調,食材全部採用日本。連店内的食皿全部精心挑選。前菜鮟鱇魚肝,高貴玻璃器皿盛載著鮟鱇魚肝。視覺上已吸引,魚肝入口融化,伴上醋汁伴吃,減輕膩感。燒蠔,蠔是北海道,比較大隻,連殼燒,燒得原汁原味,火候時間控制得非常好😋。日本秋田縣的鰻魚,原條在店劏好,而魚肉先白燒再蒸,蒸好就放在炭火高燒,邊燒邊淋上蒲燒汁,燒得兩面焦脆。 肉質結實有彈勁😋。鹽燒雞翼,鹿兒島赤雞翼,燒出來賬卜卜,外皮薄脆,肉質細嫩,肉汁十足😋。串燒牛肉,日本和牛牛脂豐腴,入囗軟腍👍😍。愛知縣出產銀杏來燒,顆颗大粒,顏色碧綠美味。店裡另一招牌是土鍋飯,陶土製的飯鍋,全部出自伊賀職人之手煮出來的飯,煙韌香甜。櫻花蝦味鮮濃,滲入飯内,令人鮮味無窮。蛤蜊湯,湯底用鰹節與清酒煮成,蛤蜊剛煮熟,鮮甜美味😋。燒豬腩肉,沒有騷味,原味或蘸醬料都好味。甜品水玄餅透明如水晶,入口即化。圓型加金箔點綴,高級和菓子。伴黃豆粉和黑糖漿,别有一番滋味。 繼續閱讀
(以上食評乃用戶個人意見 , 並不代表OpenRice之觀點。)