Korean BBQ Restaurant SSam (已結業)

知道女朋友仔想試食這間韓國餐廳很久，身為男朋友既我一定要陪愛人去食好野啦 於是我就計劃好當日下午我們去完淺水灣觀光後就去這間位於灣仔既韓國餐廳試食啦 7點到了目的地，店內裝修設計好有韓國風情，牆壁上掛著一幅幅既韓國風情畫 同埋發現原來有一大班韓國食客 大量卡坐位，坐位寬闊坐得舒服 牆壁掛上韓國風情畫。坐位寬闊，清潔又整齊。餐牌介紹招牌菜。餐牌也有中文，英文，韓文三種語言。1.前菜:有泡菜，西蘭花，豆腐，芽菜，蓮藕5小碟 泡菜女朋友仔話好辣，所以小弟無試到，西蘭花好淋，芽菜也淋，豆腐有少許辣，但係好味既，蓮藕甜甜地，又唔會太硬，係5種前菜之中最好食既 2.芝士豬排骨:女朋友仔推介的 我地叫左small size,但芝士份量都好多，豬排骨都有8件，同埋都有幾件韓國年糕，服務員幫我地煮溶了芝士，再將芝士捲落豬排骨面上，然後將件芝士豬排骨放係你碟上，服務超好啊，我同女朋友仲係到左諗右諗，d芝士點整添。 食落好重芝士味，又多又厚，熱烘烘香噴噴，豬排骨就有少許辣，仲好多肉添，肉質滑溜又淋，勁正囉，韓國年糕就麻麻地了，好韌同埋唔辣又無味，女朋友仔的確無介紹錯。 3.辣炒八爪魚:中

最近無意中發現，公司附近既韓國餐廳，有"芝士豬排骨"食 , 酷愛芝士既我，心思思，巧想試啊！男朋友一聽到我話想食，就話星期日陪我去食喎！豬仔諗定好節目，話先去淺水灣睇"視覺藝術館"後, 再出來灣仔食，巧感動 呀！我地6點几到達餐廳，門外看兩看餐牌, 便走進去。L型既餐廳有著簡單既佈置，牆上貼滿韓風畫作及海報。我地坐卡位，相當舒適自在。暫時得兩三枱食客，仲要係韓國人添 , 食物質素應該幾地道吓…二話不說，即刻揀人氣主菜"芝士豬排骨"(small size) 先，再找來韓藉男侍應以英語細問，先知大慨有6-8件豬排骨左右, 嫌唔夠芝士或豬排骨既，可以加錢加大份量㗎！每100克芝士加50蚊，4件豬排骨就120蚊。跟住點多個男朋友鐘意食既八爪魚 喇！侍應生率先奉上5碟韓式小食: 有辣泡菜，酸辣爽口，但都几辣吓 㗎，男朋友就怕怕，一於唔食 ！有芽菜、西蘭花，一般質素。有辣豆腐乾，薄薄的，唔過辣！有炆蓮藕，甜甜地, 夠腍入味，最好食！1.芝士豬排骨(small size) : 首先侍應生會將一大盤合共8件煮熟既豬排骨+6件煮熟既年糕+些少大豆芽菜+已搞碎既芝士等放係gas爐上面，然後

Korean BBQ Restaurant SSam話說80後我依一個吃貨係好愛芝士，韓風吹起左芝士豬排骨風，一直都好想食，今天朋友話佢搵到間想食，所以就一起3人去試下，咁就中伏了。。。。。。。8pm打電話去嗰餐廳睇下幾點有位，因為依家啲韓國餐廳都是好full下。打到去，話有位.......心有一秒不安，（復活節前夕），不過都照去咗。8:30pm餐廳有幾檯淨，半滿，心諗應該都ok，先叫咗個芝士骨，再慢慢睇menu。好快侍應送左上黎，5碟前菜，食完佢地就唔會refill架喇，d Kimchi係幾好食既。最後叫咗海鮮石頭飯，韓式芝士豬排骨配年糕，泡菜煎餅，韓國炆牛肋骨煲。海鮮石頭飯，海鮮係雪藏嘅，八爪魚同蔬菜好un。飯質ok，韓式辣醬正中。泡菜煎餅，好油好軟，粉味好重，一啲都唔脆，無咩泡菜味。每人食咗一塊，之後無掂過。韓國炆牛肋骨煲，牛肋骨好un，味道係唔錯但係好油，栗子唔淋。做乜啫…韓式芝士豬排骨配年糕，3 個人叫咗small size，大約有7件排骨，排骨有少少辣，幾嘢味，侍應幫我地捲啲排骨，首先每人分一件，之後將芝士捲哂落啲排骨到，侍應捲完個爐就會熄左佢咗，啲芝士好快硬返，所以我地自

自從睇完韓國飲食節目滋味行後，一直心思思想去韓國食芝士排骨~但早排舅父睇到雜誌介紹，話依家香港都有得食，仲特登影埋地址電話俾公主公主我梗係拿拿聲去約人book位啦，訂位都易嘅，而且態度有善，幾好幾好到咗當日，點知糖果小姐竟然遲咗公主我驚遲到會無位，所以即刻打去同餐廳講要遲半個鐘，都唔知得唔得點知個侍應覆話無問題，我果下有啲愕然，點解遲咁多都無問題嘅？去到就知咩事，根本間餐廳係無人，我地去到勁多吉位，唔理喇，坐低先算睇完menu之後，兩個人應該唔係食得到太多所以淨係叫咗兩樣嘢前菜有5碟咁多，公主我地每款都好鍾意食，一致認同個煎餅同泡菜係最好食 煎餅香脆煙韌，泡菜偏酸唔過份辣，完全係賣非佛不過可惜每樣都係得少少，極度想encore個煎餅同泡菜囉 韓式芝士豬排骨配年糕就係為咗呢味嘢而嚟，但個人真係覺得完全唔值咁貴一上枱，侍應就會幫你熱溶啲芝士，然後捲住舊豬排骨或者年糕首先，公主我真係唔係好明，點解要落啲青紅椒響啲芝士度呢？因為真係唔鍾意食，甚至覺得青椒係好臭，搞到件事好怪其次，豬排骨有點兒過辣，搞到糖果小姐食到雪雪聲，同埋不停飲水我明韓國嘢係偏辣，但咁辣仲邊食得出你啲豬排骨同芝士有咩味，

啱啱係韓國返黎，太掛住韓國菜上openrice 見到呢間 cheese ribs...打電話book 檯，聽電話果個大叔，唔識中文，又唔識英文，最後講埋普通話先book 到檯。。。7:30 人唔多，唔駛等期待既cheese ribs 到咗 (我地3 個人叫咗個small size )d ribs 少少辣。。。芝士就真係太少。。個韓國女侍應幫我地用芝士捲咗一舊肋骨 ,就走咗去。。。。其他檯檯都將d 芝士捲哂落d 肋骨，之後分哂俾每一個。。$120海鮮薄餅。。一般。。$80紫菜卷。。咁既價錢，咁既份量，有d 貴$100 石頭飯。。一般。。。

之前看過韓國飲食節目有介紹過芝去豬排骨，非常的吸引，想不到香港竟然有，所以與友人立即來到這間品嘗了，但是價錢也不算便宜，店內只有少量顧客，他們也是吃這個芝士豬排骨，上台時的賣相然後開始加熱，芝士開始溶，我們每人都拿住豬排骨點上芝士同吃，非常的棒，可惜芝士不夠多，豬排骨就只有少量的，所以很快便吃完，但價錢就貴了一點，好像是$158，其實味道不錯，因為豬排骨充滿醬汁，醬汁是甜甜的，很入味，但如果量多會好一點。我們又叫了一個魚石頭飯，因為豬肉雞肉牛肉的石頭飯吃得多，魚也是第一次，味道也不錯，上菜時是分開上的，然後全部倒進去。夠熱有飯焦，魚不會太硬，剛剛好。

終於有機會可以吃到星期一至五的午餐套餐，因平日午餐時段不設加一，每人可以慳到十元八塊。當日全店侍應是韓國人，點菜的話要用手指指或英語。我們共點了三個套餐：燒烤牛肋骨連新鮮蔬菜＄98、燒烤豬排骨連新鮮蔬菜＄88、辣豆腐湯飯(忘記左約＄65左右)，當然仲有五小碟前菜。辣泡菜很新鮮，好似自家制咁，唔會太辣也唔會太酸，我們也添左兩次泡菜。燒烤牛肋骨和豬排骨已經係廚房煮熟，再用鐡版上菜。個人認為牛肋骨味道剛好，帶有點點甜味同肉腍。如果啲牛肋骨可以煮得生啲就最好。雖然話係燒烤豬排骨，但一舊骨也沒有，啲肉質咬落去很爽，就好似吃豬頸肉一樣爽口，味道也是帶甜甜的。另提，豬皮只有一小片，稍不留神以為係豬脂肪不吃。一大盤新鮮蔬菜，👀肉眼睇黎落去十分翠綠，咬落去 chop chop 聲，用黎包住啲肉加燒烤醬食一啲都唔覺油膩，吃完都無咁有罪惡感😆燒烤套餐包括：白飯，新鮮蔬菜，海帶湯，前菜。呢個價錢同份量都幾抵食，要encore。👍👍辣豆腐湯有豆腐，魷魚，菜，雞蛋。湯很熱，也不太辣，連白飯一起吃很飽肚。味道尚可，但唔需要encore。整體份量足，服務員態度良好！

見雜誌介紹芝士豬排骨即刻去試下 去到七點九 只係坐滿一半台 唔洗等位就入得 當然要叫芝士豬排骨喇 不過我就揀左雞翼 佢會係你面前整 由融芝士 到卷上雞翼 佢都會一手一腳同你卷好放落你隻碟到 而且會分幾次 等你食完再幫你再卷 務求令你熱食 唔知係咪太辣呢 食落去淨係食到辣味 如果唔食得辣朋友就唔好試啦 因為真係幾辣架 另外仲叫左石頭鰻魚飯 同牛肉炒年糕 個鰻魚飯條鰻魚有陣形容唔到嘅味道 又唔係魚腥味又無魚味 而且仲要百幾蚊 所以唔係好抵 另外年糕嘗算可以 但我覺得個汁較為淡

 男朋友喜歡吃芝士，在雜誌上見到這間餐廳的宣傳，看見芝士豬排骨，就馬上訂位了。事前看了Openrice的簡介，一心只想叫一客芝士豬排骨和一客飯，然而當天要吃芝士豬排骨的話，沒有單點，只有套餐！套餐有芝士豬排骨、燉雞湯、蟹子紫菜飯、烤肉和甜品南瓜粥。但一場為了芝士豬排骨而到來，所以算了，點了2人份。當天座位的烤爐壞了，結果擾攘了一陣子又不肯給我們換位，最後給我們一個"平板爐"在GAS爐上烤，一邊烤肉手很接近火所以很熱。最後想休息一會兒再烤(因為很熱)，但職員突然把烤肉全都放到爐上，然後收去裝肉的碟…過程來得很突然…禮物上都應該說一句吧？！

上網睇到呢間野好出名而且我都好想試下芝士豬排骨所以就黎左去之前睇左openrice食評先去,知道$268一set芝士豬排骨,點知去到變左聖誕套餐先有,冇得單叫,個餐要$338一位,最少要叫兩個套餐....咁分明搵笨啦,套餐提供的食物又唔係樣樣岩食,而且叫兩份3個人實食唔哂,所以最後冇食芝士豬排骨,只單叫其他首先叫左辣炸雞,炸雞好食雞肉都嫩但一d都食唔到辣味==炒年糕,夠大碟夠辣但好咸紫菜包飯,正常味道冇特別泡菜煎餅,太酸跟住都試唔到咩味鰻魚鍋飯,講真太失望冇諗到百幾蚊個飯舊鰻魚可以細到咁而且唔係特別好食

最近韓國興起芝士豬排骨的新潮流，在弘大有一間主打芝士豬排骨的店大受歡迎，以大量芝士包著ribs，光看介紹已讓我這芝士迷食指大動，從ig得知香港竟然這麼近貼韓流，引入了這道菜，我當然要來嘗嘗啊。店舖的位置不算太便利，但從地鐵站步行至此也不算遠，星期一大約七點多到達，眼看店內只有兩枱客人，有點冷清，我想大概是位置問題尚未太多人得悉這餐廳吧。我和友人二人未能試太多，所以點兩道菜已夠了，先來前菜五小碟，每款味道都不錯，很怕吃到一些劣質泡菜，這家泡菜做得不錯，酸辣味道適中。石鍋雜錦飯($100)這個有點不抵吃，只有蔬菜作配料卻索價一百元，而且拌飯的辣醬亦不夠香，整體味道一般。芝士豬排骨($268)期待已久的主角！光看鐵板上大量的芝士已讓我們雙眼發光！店員正把溶化中的芝士拌匀，哇超級邪惡啊哈哈。店員看到我在拍照還把芝士拉高，讓我拍個夠（笑）是時候把大量的芝士卷在ribs上喇！這個一定要趁熱食，冷掉後芝士會變硬。戴上手套用手拿起來食最方便，ribs的調味也很好，甜甜辣辣的醬汁加上濃厚芝士醬真的超級讓人有罪惡感，但味道很好啊，我還是第一次吃到這樣的配搭！把ribs都吃光後，店員會把餘下的芝士和醬汁炒年

看到雜誌封面，說這期紅極明洞等地的芝士排骨初登陸香港，愛嚐新的當然不能不試。店舖距離灣仔同銅鑼灣地鐵站，需走10分鐘路程，要找好吃k food 不算太遠。座進卡位，店內播著video。看到差不多每一枱也會點這款芝士豬排骨，更加強必試的決心。店完送上gas爐，鐵板上有未熔的水牛芝士，店員再慢慢的加熱鐵板，芝士慢慢熔化，傳來很香很濃的芝士味，店員解說每枱也點這個，客人可以自己動手，但多也由店員待勞，每晚替客人卷豬排骨，用夾夾起，再熟手翻幾翻，一圈圈把芝士緊緊卷著排骨，用剪刀剪斷。芝士據說由澳洲來，質素高。熔化後芝士一層層掛在排骨上，很急不及待想試。店員把排骨送上，趁熱把排骨送進口，芝士香令排骨更覺吸引，喜出望外，是排骨本身也很諗，很入味，korea style醬汁令排骨不用沾其他也很好吃。吃起來像pizza,不過真的要趁熱吃，最美味的。吃完2條後，有一位店員也主動上前是否需要幫手再卷排骨，服務細心。芝士汁再拌配上的年糕，把最尾的芝士汁加上色彩的彩椒也吃光。吃罷排骨後，再加一份海鮮石鍋拌飯，海鮮配料有魷魚，蝦仁，蜆肉等，味道不過不失。店內亦有不同korea飲品選擇。2人吃得滿足，也推介趁熱潮

果然韓風不斷！又有韓式新食法引進香港！登登登登～！這次登錄香港的就是「芝士豬排骨」！！事原於當日中午翻看雜誌時，看到當中一頁以大量芝士包裹著一件豬排骨的一幕，身為芝士迷的我，頓時雙眼發光！正好當晚同事們要為我補祝生日，雖然知道已訂好了餐廳，但還是取著雜誌走向某位同事枱前嚷著要轉吃這間！經過一番工序後，終於成功了XD由於餐廳門前正有裝修工程，還要走上幾級樓梯才能內進，令門面變得不太起眼，加上舖前沒有寫上店名，令我們差點過門而不入呢。幸好，樓梯旁放上了兩塊宣傳牌，細看下發現當中一塊就是介紹新品「芝士豬排骨」！找對地方了！舖內環境比想像中光鮮，以木色為主，感覺舒適。而且地方寬闊，沒有一般韓式燒烤店的壓迫感。店內分別設有4人卡座及梳化長椅，即使人多也不怕。另外還設有兩台電視，經同事一問之下，發現原來只能播放韓國節目，未有安裝本地的頻道，店員最後還轉到一些音樂台給我們欣賞～細心看看牆身的畫作，原來是一幅幅風景畫，再畫上窗框，原來是模仿著一卡正在行駛的列車，經過小學、海邊及田園等，後方還有一些交通指示牌～以前方的4人卡座最為迫真，似是一個個獨立車箱，窗邊設有窗簾之餘上方更擺放著一個行李箱～相當細緻

行過灣仔,一間位置唔太顯眼既韓國菜,味道估唔到的特別,間野開左3個月左右,可能中午去食,無咩人,入到去,內部幾韓國餐廳感覺,老闆係韓國人,老闆身兼廚師,一腳踢,犀利犀利!韓色前菜 - 自家制!Nice!韓國餐廳既特色係前菜! 前菜既功夫反映出餐廳食物既質素美中不足:唔岩食唔到太辣既朋友芝士烤豬勒骨 - 3-4個人份量,價錢合理!味道不錯,入口溶化!黎到已經聞到好濃郁既醬汁味,鐵板式既做法,仲有專人幫你卷芝士!特別 - 食豬勒骨最驚係D肉岩崩崩,又難咬,整到成咀都係醬汁但呢個本身的肉已經煮到好林,加埋芝士係口入面溶化,一流美中不足1:專人會一次過整好曬所有,食第3,4件,芝士已經變硬!可以的話,寧願自己卷,更有風味!美中不足2:唔岩食唔到太辣既朋友,最低都係小辣!泡菜炒飯 -地道,美味,價錢合理太陽蛋整得岩岩好,無蛋白係生既! 符合安全標準!配合蛋汁既泡菜炒飯,每一啖都好香好濃郁既泡菜加蛋既味,一試難忘!

今日幾位同事都想趁午飯時間去食韓國菜，所以就到了公司附近的Korean BBQ Restaurant SSam，雖然門面及店內裝潢不算是堂皇華麗，不過餐廳內寬敞舒適，也可說是午飯的好去處。這裡有多款午市套餐可以選擇，而餐前當然有韓國菜不可缺少的前菜小食啦。同事一看餐牌已被吸引著，所以就試了這道「石頭鰻魚飯」，果然沒令人失望，鰻魚很嫩滑。另外就點選了辣牛肉粉絲湯及辣泡菜湯，兩款湯的味道有所不同，各有各特色，但同樣味濃可口，令人胃口大增。我就揀了最喜歡的人蔘雞湯，清湯滲著點點人蔘甘甜味，雞肉亦嫩滑鬆軟。大家已約定下次再來試一試其他午餐呢。