影片
港鐵荃灣西站 E1 出口, 步行約1分鐘
繼續閱讀
電話號碼
59960986
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
最近同吖妹去咗荃灣「Kopitiam By Saya」食泰式海鮮大餐，因為餐廳推出咗個優惠就係：晚上八點後入座，惠顧海鮮菜式可享七折優惠！同場加推，燒生蠔，有買五送一優惠，認真超抵食，難怪全場爆滿。另外，餐廳由米芝蓮廚師主理，菜式味道正宗又有保證。*此餐廳收取加一服務費。燒生蠔（六隻$160），好大隻，足足有一隻手板長，生蠔肉質肥美，食落好新鮮，配以泰式青辣椒醬、蒜蓉食用，味道更佳。辣椒膏炒花甲（單點$128），花甲肉質飽滿，食落好入味，味道香辣帶甜，配料包括有彩椒、洋蔥、芫荽。冬蔭清湯魚蛋粉（單點$88），魚蛋、魚片口感彈牙，食落有鮮味；河粉口感透薄、爽滑；冬蔭湯飲落椰奶味濃、辣味較淡，配料包括有脆片、草菇、芽菜、芹菜、香蔥、花生。飛天炒通菜（單點$88），通菜口感爽嫩，配以椒絲、炸蒜食用，食落好惹味。金柚子芒果沙律（單點$88），好足料，金柚食落好Juicy，芒果味道香甜，沙律菜包括有生菜、苦菊、紅毛生菜、洋蔥、車厘茄、香蔥、油蔥酥，配以泰式甜酸汁食用，味道清爽。炭燒大頭蝦2隻（單點$48），肉質爽口，頭大膏多，蝦膏味道甘香，配以泰式酸辣汁食用，味道香辣。泰式奶茶奶凍（單點$48），表面鋪有烤杏仁片，奶凍口感挺身，略嫌茶味偏淡、奶味及甜味欠奉，泰式奶茶糖漿味道濃郁，略嫌份量少。新鮮椰青（單點$48），味道清甜。中杯凍泰式奶茶（單點$28），茶味濃香，甜度適中。
繼續閱讀
荃灣海之戀的 Kopitiam by Saya 以泰式街頭美食摘下米芝蓮必比登推薦，主打泰國南部風味與創意fusion菜式，今晚和朋友來品嚐舌尖上的泰國之旅。🔥沙嗲雞串配烤多士 $48/2串雞肉串焦香撲鼻，肉質軟嫩帶彈性，表層微脆鎖住肉汁。沙嗲醬有著花生碎與椰奶香氣，蘸上附贈的烤多士，酥脆麵包吸飽醬汁，滿滿風味！🦐生蝦刺身 $52/4件這餐廳對二人顧客友好，提供小份小食，可以淺嚐生蝦刺身，生蝦刺身晶瑩剔透，入口冰涼彈牙，蘸上泰式酸辣醬，夾著生蒜食更惹味。🌶️紅咖喱檸檬葉燒封門柳 $168封門柳以紅咖喱醃製後燒烤，切成一片片，外層烤香，內裡肉質半熟，柔軟中帶點嚼勁，散出淡淡紅咖喱香氣，附上生菜葉可包著肉吃，帶來清爽口感。🍳爆蒜炒蟹肉滑蛋飯（中）$88鑊氣十足的平民美食！雞蛋滑嫩如雲朵，蟹肉絲鮮甜不腥，蒜片爆炒至金黃酥脆，加上一些炒香的蔥，蛋下包著的是白飯，濃淡融和平衡。🦐 椒鹽大頭蝦 $188大頭蝦已拆去蝦身的殼，吃得方便，蝦肉飽滿軟嫩鮮甜，蝦頭藏著蝦膏，甘香濃郁。椒鹽調味適當不會太鹹，撒上炸蒜粒與辣椒碎增添辛香，炸蒜內還隱藏一些蝦膏呢！🍹 特調飲品Sunset $48 (mocktail)：泰式羅勒獨特香氣加上蘋果汁、檸檬汁、蜂蜜，味道溫潤平衡，感覺清爽，杯子橢圓形特別，7pm前有happy hour價錢。Sabai Sabai $68(cocktail)：伏特加基底融入荔枝果香與小黃瓜清新，玫瑰糖漿勾勒優雅尾韻，夢幻粉紫紅色調少女心爆發，微醺不嗆喉。
繼續閱讀
召喚鍾意食泰國菜嘅朋友！ꜱᴀʏᴀ曾經獲得米芝蓮推介，分店同樣吸引，裝修非常之有格調，略帶昏暗嘅燈光好適合約會或者同朋友聚會！🦐🦐生蝦刺身 $58超級精美嘅生蝦刺身，生蝦肉質都新鮮，厚肉彈牙，配合經典嘅綠色泰式辣醬，呢隻醬比我想像中更加辣，介乎喺小辣同中辣，生蝦混合呢個醬超級惹味！🧡🦐椒鹽咸蛋黃大頭蝦 $188呢個真係超好食喎！以蛋黃醬炸香嘅大頭蝦，中間部份已經剝晒殼非常之貼心，一咬蝦頭蝦膏爆曬出嚟，外皮香脆惹味，內層啖啖肉，真係超級推介！✨爆蒜炒🦀蟹肉滑蛋飯 （中）$88呢個屬於必點招牌菜式，點中份都足夠2人份，🍳滑蛋大約七成熟，並唔會太過熟鞋口，入面加咗好多泰國嘅調味料、香脆炸蒜蓉、蔥花辣椒，混合埋一齊真係好出色，蟹肉份量仲要唔少添，🦀粒粒蟹肉好大粒唔係碎上，所以食唔停口！🥬飛天炒通菜 $88經典菜式，非常正宗嘅泰式味道，屬於小辣，配搭其他餸菜、炒飯都一流！🩷Sabai Sabai $78女仔一定勁鍾意飲，香甜嘅荔枝加上香濃嘅青瓜味，非常容易入口，可能不知不覺就飲晒！✨全部嘢都好食喎，特別係蟹肉炒飯同埋大頭蝦，真心推介！服務方面：戴眼鏡嘅女侍應好有禮貌，仲推介咗好多唔同款式嘅食物同飲品俾我哋，令我哋食得更加開心，thx ！ (◍•ᴗ•◍)
繼續閱讀
朋友嘅屋企人生日，所以想揀個好啲嘅地方食一餐生日飯，而且見到近排都有人講呢一間泰國餐廳，佢喺海之戀商場，所以可以望到海景又食到泰國餐。入邊嘅裝修都幾靚，同埋啲枱同枱之間都有距離。上網見到八點後入座海鮮菜單有七折，係一定要八點後入座呢個時間先會有七折。所以望落都幾吸引。都點咗唔少嘅款式。嚟到呢度一定要點泰啤，咁先似食泰國菜。我覺得呢個蝦餅係必點嘅，因為佢炸得非常之脆，又唔會太，蝦餃嘅口感好彈牙，仲配埋個甜酸醬超惹味。呢個蟹肉奄列都好大，裏面都好多蟹肉，都係必點嘅。比目魚椰子湯，原來係成嚿比目魚煎得勁香，個外皮好脆，而且個湯好鮮，個湯唔夠飲，應該係要成煲上。金邊粉冇乜特別比較普通。呢個粉絲蝦煲可以唔使點，因為完全冇味，佢俾咗個綠色嘅醬，完全同啲粉絲唔夾。以為呢一個芒果糯米飯好好，個芒果係甜，但係發覺個糯米超硬，完全失水準。
繼續閱讀
曾獲選米芝連推介餐廳，食物質素當然有保證啦！我哋6點去到，未夠7點已經全間餐廳坐滿！傍晚時分坐窗邊位置仲可以睇到日落靚景🌅🐟 椒鹽九肚魚天婦羅重點推介必食👍🏻一上枱周圍嘅食客已經望住勁吸睛，原條九肚魚炸到好香脆，魚肉滑嘟嘟，口豐層次豐富，乜都唔使點已經好好食，成條連骨都吞晒，隔離幾枱食客見我哋食到咁滋味即刻跟嗌同款😆🍤 冬陰海鮮湯食泰國菜點少得冬陰功湯，湯料好足味道香濃酸味適中，如果可以Keep住有火熱住就更好喇！🦪 魚露金不換浸花甲(熟)食落去質感好嫩，好似食緊生醃咁鮮甜，熟嘅就食得更安心🍤 生蝦刺身肉質鮮甜爽口，個泰式生蝦汁好啱我口味唔會過辣，酸酸辣辣好開胃🍤 泰式炸蝦餅小寶貝最愛，蝦餅夠厚身彈牙，炸得夠香脆，點埋泰式雞醬更惹味🍢 沙嗲雞串配烤多士雞串燒得好香，肉質一啲都唔會乾，沙嗲醬充滿花生香氣好好味，估唔到烤多士點沙嗲醬又幾好食喎🥩 和牛炒寬河粉和牛肉質軟嫩，寬河粉口感滑滑，似食緊粉皮嘅感覺，吸晒和牛同醬油嘅香味好好食，推介👍🏻🍤 粉絲蝦煲啲蝦大大隻，肉質爽口彈牙，份量都唔少，係略嫌淡口咗少少🍨椰子雪糕原本想叫埋芒果糯米飯，不過真係太飽應該食唔落，所以叫咗椰子雪糕，真係超好味，濃濃椰子香味又夠滑，食一球係唔夠喉架😂
繼續閱讀