KoBaNe

營業中

休息中

平時下午兩點幾嚟以為會無咩人幾chill？我錯了，成間舖頭全部枱都未收，放滿食剩嘅餐盤。都幾影響食慾。放低menu 就走咗唔理人。邊個會估到要出去counter 落單？ 俾錢仲好笑，話八達通唔收，其他咩都得。問佢即係有咩？唔答我，重覆多次咩都得。小姐，我估你點都有一兩樣做唔到？人民幣收唔收，yen又收唔收？食飯方面，正常普通。只有正餐，無下午茶或者輕食。唔想食太飽就去隔離食Yau’s veggie 啦！都明白點解啲香港人會全部北上消費嘅。我估唔會有人想俾錢買難受嘅。服務態度都幾影響食慾。失望🙍🏻‍♀️🙂‍↔️🙂‍↔️

這家南豐紗廠內的小店，已經是第二次光顧，食材非常新鮮，由日本進口，日本蜜瓜，蘭王雞蛋，價錢非常抵吃，冇加一服務收費，爸媽也食得非常之高興，他們的食品及甜品非常推介

南豐紗廠內有好幾間環境別緻、餐牌項目有特色嘅餐廳，呢間係其中一間。佢嘅擺盤同餐具靚，食物配搭別出心裁，味道亦有保證。鯛魚刺身紫蘇汁冷闊條麵 ($120) ★★★★✰配素菜天婦羅、味噌湯鯛魚刺身魚肉堅挺有咬口，味道新鮮；配上西式嘅闊條麵同清新嘅醬汁估唔到會咁夾，係一道好refreshing而且調味適中嘅主食，對唔中意濃味嘅食客應該幾對味。味噌湯同天婦羅就正常發揮。醬油漬吞拿魚鯛魚茶泡飯 ($120) ★★★★✰配麻藥蛋、芥末莖漬同上面嘅鯛魚一樣，醬油漬吞拿魚同出面高級日本餐廳食到嘅感覺無異，而且切得每片有1 cm厚，食落好滿足。飯上面有好多木魚絲都加強成道菜嘅魚鮮味。茶湯係類似烏龍茶底，連埋青檸汁加吞拿魚都幾好餸飯。芥末漬物好刺激攻鼻！醃蛋就睇相片都知熟度啱啱好。假日無lunch set，只有$120一道主食午餐無包飲品，不過店內可自行斟水，亦有自助餐具同領紙巾處。座位同整體環境好舒服，裝修好有春天和風拂面嘅感覺，仲要係pet-friendly。以南豐紗廠嘅消費水平嚟講價錢絕對可接受，而且食物幾有質素，值得推薦