259
60
21
所有分店 (5)
電話號碼
2899 0122
開飯介紹
King Ludwig Beerhall 是一間位於赤柱的傳統德國餐廳。尖沙咀的店在九龍的中心地點。每晚都有樂隊表演。 繼續閱讀
特色
浪漫情調
營業時間
星期一至五: 12:00-0:00; 星期六: 11:00-00:00; 星期日及公眾假期: 10:30-00:00
付款方式
Visa Master AE 現金
其他資料
酒精飲品
自帶酒水 詳細介紹
VIP房
電話訂座
加一服務費
海景景觀
Live Music
室外座位
招牌菜
脆香燒豬和薯仔 黑森林火腿和煙腸 德國香腸拼盤(三款) 薯蛋糕和煎蛋德國香腸
食評 (360)
等級1 2016-12-06
2742 瀏覽
入來赤柱四圍行下,之前聽friends 介紹過呢間,所以呢次特意選呢間食下,當然點了不可錯過的主打菜鹹豬手,但考慮兩個人食唔嗮,其他也唔敢點了,加個德國金裝香腸和火焰雪山杏仁芭菲配鲜果。一個個介紹,豬手第一個上,皮脆,好香,而且有陣豬手特有的味道,我最喜歡食筋健位,好嫩。肉噶話呢,靠裡面位置的會嫩點,靠外面的就會香口滴同埋老滴。但係真係好鹹好鹹啊!配菜的酸菜几好味,薯仔好好食!第二個上噶系德國金裝香腸,同以往香腸的味道差不多,薯泥好有特色,酸酸甜甜。第三個就系驚喜,呢個火焰雪山杏仁芭菲配鲜果,上噶時候用點燃的威士忌淋落,好有feel ,味道唔會太甜,口感有層次,不會太膩,唯一不足噶系生果有點唔係新鮮的。 繼續閱讀
(以上食評乃用戶個人意見 , 並不代表OpenRice之觀點。)
第一次在香港吃德國豬手就是在King Ludwig,那年正值發肉時期,見到大份大份肉當然異常興奮,給我多多都能清碟。是日中秋節假期和家人重遊舊地,回到擁有160年歷史的殖民地式建築美利樓,和豬手再相遇。 這兒假日中午有自助午餐和A La Carte可選,前者價錢為每人$268加一,可是現在我們胃口不大,散點便可。這分店來過不下五次,分室內和戶外的位置,店子裝潢甚有異國風味,彩帶和旗幟滿佈,而店員也穿著獨特的巴伐利亞服裝,熱熱鬧鬧的好有嘉年華氣氛。 芒果大蝦沙律 $125知道待會兒的豬手會較油膩,所以來個沙律平衡一下,成品來到比想像中少,蝦肉油炸過,調味過鹹,芒果肉只有幾小球,味道頗酸,橄欖油亦下得重手,不如想像中清新。 脆皮燒豬肘配酸椰菜薯仔 $225豬手一如以往的大大隻,五個人分都只是勉強完成。豬手原隻上桌後店員會幫忙切件,件件都份量十足,豬皮卜卜鬆脆,肉質香軟,不怕乾柴,做得甚有水準,難怪是這兒招牌。 迷你德國腸拼盤$170來到德國菜館感覺還是要點個香腸,胡亂要了一個迷你腸拼盤,沒細心研究三款香腸的名字,只記得帶紅色的較濃味,有香草在內的則較鹹,而白雪雪的那一款味道最清淡又最對胃口。 泰式海鮮炒飯 $135媽媽不是個食肉獸,怕之前幾味都不合她心意,特地為她點上一客炒飯;炒飯顏色略帶金黃,海鮮有三文魚、魷魚和蝦肉,算是挺有誠意,加上面頭的肉鬆和腰果,惹味非常。 雖然吃得不多,但已膩得不想再進食,連兩杯凍檸茶($42@),加一後八百多,感覺不太划算,下次還是走回大街或商場,吃得輕怡精緻一點。長大了,原來啖啖肉豬手已不再是我杯茶。 繼續閱讀
(以上食評乃用戶個人意見 , 並不代表OpenRice之觀點。)
結婚週年丫,難得唔洗湊女同老公鼠出去撐台腳~老公比我任揀食乜,本身諗住食西餐算~但係美利樓行行下, 聽到有人唱歌 應該係德文,除非唔係😂就話不如食德國菜啦,見又唔係特別貴~~叫咗個套餐,呢個係頭盤~鴨肝好creamy 幼滑細膩,香濃鴨肝味汁有啲似千島醬,但無千島醬咁酸 少少水果酸味 係酸甜莓味 開心果瓜子碎配汁 無咁濟~包唔係蒜蓉包 係硬 唔係脆 食唔出佢搽咗咩老公一嚟就話:我要食扒!鑒於老公唔食生野,我哋就叫咗七成熟雖然都七成,但肉質一啲唔韌又唔乾!好juicy添! 好香炭燒味,扒都算厚!好香牛肉味~露筍稍老,食落有渣~有少少失望~ 我以為佢係一塊魚柳…但佢係銀鱈魚柳~碎~ 唉… 比佢呃咗雖然係咁,但依然好好食酥皮盒夠香夠穌脆,牛油味好香!有兩隻蝦,蘑菇,西蘭花,露荀,白汁其實最主要係酥皮盒好食!皮脆,唔太咸 肉一梳梳 肉質彈牙 有咬口皮帶脂肪 全部皮都好香脆 又無燶!豬肘配搭酸菜 更出色 唔膩唔濟,但稍苦不過食食下原來都幾咸😂金寶脆卜卜 底下蘋果香甜軟軟 有檸檬味吉士汁暖暖地 吉士汁香濃 好香濃雲利拿味 見到有好多籽一脆一軟 口感佳 繼續閱讀
(以上食評乃用戶個人意見 , 並不代表OpenRice之觀點。)
等級2 2016-08-08
3796 瀏覽
食過咁多間豬手~呢間真係一推再推!早排同男朋友入左stanley行下, 順便食我地初初拍拖時食既豬手~一泥好中意食豬手,二泥呢度環境好好~ 又有live band因為同男朋友都好中意豬手, 所以食到最後會連骨都會咬埋既程度!今次我地叫左招牌豬手,農夫包,羊架同埋芝士通粉(唔記得個名)當然唔小得兩杯德國啤酒!男朋友叫左黑啤, 我就叫左果味重既啤酒(唔中意好苦既啤酒)~招牌德國豬手就唔洗講 成隻上 比我地睇左先上~外脆內軟~再加上酸菜, 個個味道配合得天衣無逢~ 我最怕酸菜有酸縮味~同埋太酸, 但佢呢間就無呢個問題!岩岩好~ 抵讚!農夫包每次都係必叫既, 佢兩個醬真係好好食~特別係芝士醬, 真係好好食~羊架我個人就覺得都幾普通, 無咩特別同價錢都幾貴~ 唔太抵食同感覺屋企都正到~芝士通粉又係必叫~ 因為佢d芝士味好濃好似每個通粉入面都係濃濃既芝士味令人停唔到口咁去食~由於我電話唔見左 所以無相比大家睇~ 繼續閱讀
(以上食評乃用戶個人意見 , 並不代表OpenRice之觀點。)
天氣好,心情好,又有幾日假孖住放就緊係去遠D鬆一鬆啦!入返轉赤柱行下 relex 下咁係確實幾舒服。 本來冇乜目標,休悠悠咁見到邊間合眼緣就入邊間,點知行到去美利樓,二樓間西班牙菜大大個牌寫住 憑中銀信用卡午餐/晚餐,在主餐牌消費滿400元減100 酒類飲品除外(記住加一係另計架!)。雖然睇落幾底,但是西班牙菜唔係我杯茶,跟手行上三樓的德國菜館,同樣有這個中銀信用卡優惠,本來星期六有自助餐,連埋加一大約300蚊一位,不過計落還是用中銀信用卡散叫價錢比較化算。所以二話不說就入呢間啦!更何況德國咸豬手係我的至愛。我們一行四人,叫了兩隻德國咸豬手、一杯德國麥啤、一杯凍檸蜜、一客欖油蒜子炒意粉、一客蕃茄牛尾千層麵、再加一個甜品。用中銀信用卡找數全單扣了200蚊,實際付款$810。一個字“抵”!德國咸豬手一如以往的外皮脆脆卜卜,食得出係新鮮即炸的,加埋酸菜一起食,冇咁油膩,我鐘意啊!呢個牛番茄牛尾千層麵是我的最愛,先將牛尾蚊淋再起肉,夾在千層面裡邊,啖啖肉超好味!而且個欖油蒜子炒意粉味道就一般普普通通。再加這個甜品90蚊可能貴咗少少但是那個雪糕非常好味,細細份四個人分其實唔係幾夠食。總括來講這個德國餐廳食物水準高,價錢其實唔平,但是有這個優惠叫做相當化算。食午餐可能唔覺平,不過呢個中銀價惠,午市同晚市都用得,吃晚飯都係呢個價就真係無敵喇! 繼續閱讀
(以上食評乃用戶個人意見 , 並不代表OpenRice之觀點。)