Karena Cafe (已結業)

反正昨晚媽咪去飲無飯開！我打算到新蒲崗 Mikiki 重溫 Karena Cafe 的精緻立體拉花咖啡！  可是，店子已結業！ 當時，我已一早起稿，還打算幫襯兩次才一次過出食評！現在，是時候補出這篇食評吧！ :) 未走進店子，已見門外貼上不少雜誌報導其招牌彩色 3D 立體拉花咖啡！ 這裡光潔鮮明，牆上的黑板還說明牛奶、奶泡及咖啡的份量比例；讓食客一目了然！ 用上來自意大利的咖啡機，咖啡師悉心弄好立體咖啡後，由他親手送上結食客！相當貼心！  同時，他可以看到食客的興奮雀躍表情，他也感到有滿足感！ 下午茶餐 (2:30 ~ 5:30)有四款選擇，由 $54 起彩色 3D 咖啡 - 原價 $58 (跟餐 +$48)黑白 $48 (+$38)另設加一服務費  精選下午茶餐 多士、窩夫、青菜沙律 $54很驚喜！  原來多士並非簡單一塊烘過的方包，而是兩件滿載吞拿魚餡的的多士，多士的口感則好像蒜蓉包的金黃鬆脆，  吞拿魚混合清爽的洋蔥粒，令人一試愛上！ 沙律是寥寥可數的沙律菜，沒有什麼特別可言！連最基本的沙律醬或黑醋也欠奉，卻有點失望！  如果，當作點綴的話就算了吧！ :( 窩夫即叫即製，質感綿密香脆！ Mochocino 跟餐 +$48奶泡質感細膩挺身，讓奶泡貓貓可以 hea 嘆在咖啡中！十分優悠！咖啡混合朱古力，入口偏甘苦，略帶甜味！:)咖啡混合朱古力，入口偏甘苦，略帶甜味！咖啡師很細心，附上一枝小飲管，讓食客細味咖啡之餘，又不會弄毀立體拉花，值得一讚！可選擇代糖、白糖及咖啡糖，配合不同食客所需！很週到！:)…查看更多

年初五開工大吉!係新蒲崗返工~好多食市都仲未開~我堂細佬又難得約我食LUNCH~諗住行遠啲去MIKIKI食~行左個圈~好多間都食過晒~係未試過依間~LUNCH時間去到得1枱食客~員工好似新年放假MODE未瞓醒懶得招待我地~即時影响心情~求期叫左2份SET LUNCH~本來想試下轉立花咖啡~但係都未睇完就收左我MEUN~最後我地叫凍檸茶同凍啡算鬼數~沙律+南瓜湯:味道濃~OK!蕃茄大蝦意粉:細佬話一般無乜味~三文魚白汁忌廉意粉:無特別~三文魚過熟~意粉太硬~總結:環境幾好~服服麻麻~LUNCH可能會去下~DINNER一定唔會去~唔會推介比朋友!!…查看更多

Last month, I read an article about Karena Cafe's 3D art coffee. I have been meaning to try that for a while now. It was time I did some self exploration in San Po Kong. Good initiative to start this month of February I would say. As a precaution I arrived early; about 10:10 a.m. We do not want to get caught up with crowds, do we? Well, I was the only customer when I got there. As it was too early, there was only one barrista/waiter at the front. And boy, he needs to lighten up! No sunshine; no smile; no "hello". Quite robotic. I wonder if he was fully awake. At least he got "nicer" when he took up orders. Since I came mainly for the 3D coffee that was so famous here, I only chose a simple breakfast meal: French cinnamon toast (with ham). This was quite a let down. What happened to the cinnamon? I could barely taste it. It was just regular French toast that was warm - going on cold. I waited for the coffee for 5min, but could not stand it anymore. I had to dig in before the toast really went cold. Who knew when the coffee was going to be ready?  Luckily, the coffee was all worth the wait. It was the highlight of my Sunday morning. Coincidentally, the coloured 3D Mochaccino was as I had imagined it: blue (I had been thinking about Doraemon lately) and in the form of a bear. Yay! Note: Ah, yes. One does not get to choose the pattern.I did not want to break the foam, so I only added some sugar on one side. It was a little bitter, but still fine. The only thing I would suggest is to try to serve the coffee at the same time as the food. It would be good to improve communication with the kitchen and have a head start with the coffee. The food definately needs improvement. Here is one last picture. - "Bye, Mr. Bear."For those cuteness-, art-, coffee- enthusiasts, Karena's 3D Art is truly a must. You can order a white one for $48 or a coloured one for $58. Enjoy!…查看更多

見過報紙推介，就慕名去飲咖啡:去到唔太多人，我地快手睇menu 想食mei,Cappuccino: 係隻白色熊仔，唔忍心攪亂，只用飲管係旁邊飲Chococinno: 白色貓咪，好可愛ar蕃茄長通粉: 有酸甜味，但唔太熱炸薯角: 欣賞佢鮮炸，夠熱窩夫: 配cream, 藍莓，士多啤梨，甜甜地都不過不失，士多啤梨正常，朋友覺得藍莓好酸粟米片: 有牛油果粒，肉醬，番茄粒，覺得似送酒小食多d, 比較正常其實今次重點係非常用心的立體拉花咖啡…查看更多

同Aeris去街,周圍都多人唔知去邊到食lunch好,上網見到呢間3D拉花好得意呀,一於去試下,順便行下Mikiki商場,可能新蒲崗實在太偏,去到時冇乜人呀。要了兩杯不同的3D咖啡& full english breakfast。Color for Karena 3D art coffee,$48,cappuccino,是彩色的立體拉花咖啡,彩色要多$10,都幾貴,好想要kitty or keroppi呀,不過冇得指定,是隨機的,給了我粉紅色豬呢>_<,不過都幾得意,因為是3D拉花,好多奶泡呀,都幾甜,咖啡味道普通。Karena 3D art coffee,$38,是黑白的立體拉花,mocha,Aeris的,好可愛的白熊仔呀,仲面紅的呢。full english breakfast,$69,有雙蛋伴煙肉、腸仔、火腿、焗豆&多士,味道普通,煙肉太硬了。食物上一般,但3D拉花咖啡真係好靚,值得一試,唔知甜品又好唔好食呀。…查看更多

友人K要飲立體拉花咖啡，專程嚟呢間新開張嘅店。我要咗意大利雜菜燴飯，嚟到微暖，食落唔夠半生熟冇咬口，材料唔覺得特別靚，味道正常。杯caffe au lait其實即法式鮮奶咖啡，意大利式就叫latte，飲落普通，咖啡味、奶味都唔突出。K叫咗個立體拉花飲落都係普通。問店員介紹咖啡caffe au lait同flat white分別，都唔係好識答咁。如果真係要响呢區飲咖啡，勉強會揀Mikiki地舖嗰間Gelera，至少有啡味。…查看更多

真係好難食😡😡 個risotto 一啲味都無 仲要唔係用意大利飯 完全浪費錢 個南瓜湯仲要唔熱 金寶罐頭湯都好飲過佢 好離譜仲有個karena breakfast個菠菜好似有人咬過吐出嚟咁 睇落好差 食落仲差 完全無味 調味都無😥😥仲有個3D拉花咖啡 睇落就靚 但個味完全唔值$68 個咖啡味一啲都唔香 feel到唔係用靚嘅咖啡豆 selling point係咖啡唔該買番啲靚嘅咖啡豆先好收我$68😡真係好差 點都唔會再食😡😡…查看更多

一場來到新蒲崗當然逛逛區內大型商場MIKIKI,想不到聖誕假期的中午人流也不多,相信平日時段應會更清靜。在日式超市裡走走玩玩幾個大圈幫助消化後也是時候休息一下(藉口!!),首選當是有3D咖啡的KARENA CAFE。假期裡的下午茶時間還有不少座位,繼手拉麵小廚後又一次人龍店沒人龍情況出現,真好!店裡客人都是少女居多,她們面前也是一個大咖啡杯,看來少女們都是為了咖啡而來。年青店員無聲息地送上一杯檸檬暖水,飲得安心也可以讓剛才被羊湯迷暈的味蕾清醒起來,不然怎可品嚐得到咖啡香呢??店員安排最近水吧的小桌給我,反而可以讓我比其他客人更近距離地看到3D咖啡製作,看到身兼店員的咖啡師認真地以茶匙將奶泡堆砌成不同形狀的動物形態,看似容易也需要相當耐性及技巧呢。3D咖啡只能以泡沫咖啡、朱古力或MOCHA才可做到相關效果,我當然是選泡沫咖啡嚕。泡沫咖啡($45),看到一頭有長鼻子的大笨象出現後,我的咖啡會是什麼來的呢???咖啡師好像在堆了一隻貓,牠會是我的咖啡嗎??事實證明這隻如有口版本的哈蟆MIMI就是我的咖啡,WELL.....這頭貓貓除了爪爪及貓鬚外還加了一抹紅色,莫非想增加聖誕氣氛??可是卻看似貓貓頭部受傷了。奶泡打得屹立不倒似的,細味下也有一點牛奶香,貓貓下的咖啡也有蠻不錯的咖啡香,屬於大家會接受的咖啡濃度,大大杯的很有份量,看來不用甜點也夠飽肚了。狠心地伴勻後的咖啡出現一暈紅色漩渦,看來反而更具特色;拌勻後的泡沫咖啡比之前更為香滑,就算沒有3D造型,這杯咖啡也算及格有餘的。看著其他客人的小河馬及大笨象實在有點無奈,我其實想要一隻大肚臍熊熊或仰泳的貓貓,天意還是給我一頭有小尾巴的MIMI,算吧!加一後沒付小費,對我而言是很少有的,只因這家餐廳實在沒有什麼服務可言,也許我已被其他咖啡小店的親切友善寵壞了,本來有打算在此來個全日早餐的念頭也打消了。…查看更多

特登由香港島去新蒲崗就係為左杯彩色3D立體拉花咖啡2點零去到唔駛等位~即入座:)我同朋友叫嘅野一樣，一個野食同一杯咖啡主角出場啦，咖啡有Cappuccino, Mochachino and Chocochina 可挑選!我地要左Cappuccino，咖啡唔算香，飲落唔會澀，唔加糖都好飲~OK的!醉翁之意不在酒，我地只係想要個可愛嘅彩色3D立體拉花公仔$58+10%，老實講貴左D，我呢隻小熊真係有D hea囉朋友嘅係布丁狗，我朋友唔多滿意，因為重hea過我隻小熊食完野飲佢個頭已經開始頭dup dup，朋友一路留意其他人D拉花都比自己呢隻頭dup dup布丁狗可愛~佢好失望 因為見到其他人嘅食評唔多好，所以食物方面我地選擇安全性比較高嘅番茄汁煙肉長通粉個番茄汁唔錯酸酸地咁好開胃，煙肉份量算多亦唔會好肥，長通粉略嫌有D硬左D如果再煮淋D會更好食:)…查看更多

Nov, 2014我係從網上見到哩間cafe 的. 一見到咁可愛3 D 拉花就被佢深深吸引了. 由於揀左平日去, 所以完全唔洗等位. 叫左個Karena breakfast.諗住係主打招牌早餐, 點知有所失望. 因為凍冰冰的. 炒蛋: 真係炒蛋. 一點也不滑. 蕃茄: 有點酸. 茹: 沒有味道.麵包: 不脆的.整體, 我覺得好似已經預先整好, 然後每樣放返上碟比客人食. (可能我個段時間少人, 所以係咁. 但本人認為繁忙時間又好, 定非繁忙時間都好. 應該即叫即造) 凍了就會令食物失色.  由於唔太好食, 所以比多次機會, 叫多左一份"Classic Egg Benedict" 試一試.個汁不錯.個蛋入面都唔會整到熟晒, 不錯.但包就只係包, 有點難咬. 整體沒有太大驚喜. 講左咁內, 我都仲未講杯3 D 咖啡? 之唔係因為失望囉. 拉花出o黎梗係好興奮, 係咁影相. 因為都整的OK. 不過, 一飲落去就偏苦, 亦飲唔到滑同香o既感覺. 仲要每杯另加HKD38, 因為有顏色. 未免貴了點吧?…查看更多

3D拉花咖啡係一種藝術~咖啡師拉出得意既動物圖案就令到成杯咖啡好有生命，見到都唔捨得飲~ 呢間係新蒲崗Mikiki商場既Karena Cafe就玩返3D立體咖啡同All Day Breakfast喇。呢度地方細細，可選擇既野食都叫多既~2個人嗌左卡蓮娜早餐、班尼特蛋同埋肉桂法式多士~ 班尼特蛋($59) 兩份都似模似樣，雞蛋形狀都無話太鬆散，叫做圓渾得黎同完整。慢慢切開真係流心既 因為用左1種叫荷蘭蛋黃醬，所以睇落去會更有蛋黃色，亦更有蛋黃味。夾埋蘑菇同英式鬆餅(即係麥記豬柳蛋漢堡個包)好好味!!個包本身係乾身D,不過隻蛋好滑身既口感令總體食落去唔會好乾頂住個喉嚨。至於蘑菇就味道普通，只有菇味，冇話有其他調味，所以味道較清D。卡蓮娜早餐:無肉菜式，有D咩呢?牛奶炒蛋、茄汁豆、蘑菇、菠菜、烤番茄、士多啤梨、脆多士等。牛奶炒蛋尚算炒得滑，茄汁豆無咩驚喜，蘑菇同班尼特蛋既一樣，味道清D，菠菜就不過不失，係唯獨烤番茄烤過更香蕃茄味、都叫多汁鮮甜之外，總體就只能說仲有改善空間。 肉桂法式多士:跟兩條蜜糖腸。法式多士其實係西多士。感受唔到肉桂既味道。點楓糖漿加牛油好似食熱香餅，食落都唔熱同太"諗"，有點失望..而蜜糖腸食一啖都係凍之餘都係無咩特別，肉質普通。 :( 最後當然少不免3D拉花咖啡!!動物既款式同顏色，大家都唔可以選擇。兩杯都拉得幾好，都有返個形狀，拉花動物都清楚睇到，無話化開左。 味道就尚可，少少苦味唔重奶味，如果熱返小小會更好。環境:設計簡單，旁邊書架式既設計、黑白格調、一束束鎢絲燈泡，給一種屋企書房既感覺服務:店員大都有笑容，說話都很客氣，人不多既時候都會傾下閒計。上餐時間都不會很耐，10分鐘左右，但普遍野食都唔熱，呢點要改善..…查看更多

今日為左去睇grumpy cat既聖誕節deco去左mikiki商場，由於新蒲崗冇地鐵到對我黎講真係好遠! 一早上左openrice睇下有乜好食。見到呢間立體拉花咖啡幾靚所以要試下。一來到見到佢係open既格局，以糖水鋪、coffee shop多過似餐廳，啲位又唔太好坐。tea set只有三款，第一款係立體拉花咖啡+cake，其餘兩款tea都係要加錢先有立體拉花咖啡...仲要加好多錢，黑白要加$38，彩色要加$48...最後我揀左54蚊既窩夫+多士+沙律。多士兩少片，沙律只有兩塊草...窩夫係最好食同最多份量，cream好厚同甜，不過我朋友都話窩夫始終都係要拼雪糕好食啲(但雪糕都要加$10)窩夫可能放耐左少少，不太脆。但內軟，可以再好食啲。我最後都有加錢飲立體拉花咖啡。呢度既立體拉花咖啡真係拉得好靚，好3D，而且又畫得靚！靚到有啲唔捨得飲！我冇揀要拉咩花(其實我唔知有冇得揀)但又會咁岩拉左貓貓俾我，真係勁鐘意！味道都好好，好豐盈的奶泡，咖啡濃但唔苦。不過如果唔係山長水遠走過黎都唔會再去~…查看更多

真心覺得佢係我2014年食過最難食同最唔抵食嘅餐廳。 上次經過，見到佢嘅全日早餐賣相不錯，所以今次突登來試一試，除咗egg ben，其他真係令人太失望。味道還可以， 但食材質素絕對普通，所用嘅菠菜就係平日屋企炒菠菜用嘅菠菜。其實味道還可以，如果你係收我＄40一碟嘅話。三文魚過熟，得個一隻帶子，幾條意粉，個份量實在細得太離譜！賣相亦超差， 完全睇唔出誠意。呢個精彩啦 ，我真心懷疑係咪俾人食。個賣相非常嚇人，個味道更加嚇人。意大利飯竟然用中國米來煮，咁你不如直接寫中國雜菜燴飯啦！太離譜啦！個味道仲差過我中學家政堂煮出來嗰啲垃圾。最後飲埋跟早餐嘅一杯咖啡，苦到無言。如果質素繼續保持係呢個水準，相信結業之日不遠。…查看更多

相約朋友到此午餐兼品嚐佢嘅立體咖啡，set lunch款式算ok，價錢都可以接受跟set+$38有白色立體咖啡，+$48有彩色立體咖啡，同朋友點咗蕃茄長通粉，味道ok，不過不失。重點去到餐飲咖啡，我原本想點彩色立體咖啡，但店員話兩點後先有彩色立體咖啡，有些少失望唯有點白色立體咖啡。其實真係唔明點解兩點後先有，但係成個menu冇提過。咖啡普通，唔太好飲，拉花亦普通唔係太靚。整體來講，店員唔算太親切。呢間cafe試一次便夠，完全無意欲再幫襯…查看更多

今晚我們一家三口去了Mikiki食KarenaCafe. 這家只開了兩個多月的Cafe, 來頭不少...19:30到達, 人客不多, 輕輕鬆鬆不用等位, 坐在梳化卡位, 舒適, 舒服看菜單.我最愛光猛的食肆, 最怕黑暗暗的, 就算梳化污穢也看不到, 這裡當然是我推介的其中一點吧!!三個人點了二人套裝, 青瓜雜菜沙律, 放了甜甜的沙律醬, 我愛不帶酸的沙律. 前菜先甜一甜, 非常充滿希望的一餐.店內沒有紅湯供應, 只有忌廉野菌湯, 我愛忌廉湯, 只是阿太想羅宋湯多一點...而揀飲擇食的小朋友也將忌廉湯喝得一乾二淨, 就知這碗湯如何吸引.之後的三文魚他他, 小菜沒有甜味, 而我不太愛煙三文魚, 所以阿太吃粒粒, 阿囝則負責蕃茄多士.蕃茄意大利粉很入味, 很怕一般餐廳只會給開水煮熟意粉就遞上枱, 毫無味道. 這裡的意粉略帶少酸, 如果調校少少味道會更好呢.香燒春雞份量比想像中細, 我最初以為是原隻上枱, 不過很好食, 阿太說略鹹, 但我反而覺得適中, 二人套餐剛剛好一人一隻雞骴.本來想點肉眼牛扒, 但店員Leo推介吃黑豬鞍扒, 當然聽從意見, 結果真的沒有失望, 入味而沒有渣, 如果大塊少少就更正.我覺得這裡吃薯條最好, 不是炸的, 焗出來的薯角, 當你吃的時候沒有太大魔鬼罪惡感, 而且感覺一樣有吃炸薯條的滿足. 好野!!之後就是朱古力慕絲, 超濃的味道, 愈食愈浪漫, (我不知道為何那一刻突然浪漫喎....), 總知這種味道, 簡直令人食到欲罷不能.可能你會問, 為何今晚我們來這裡呢?? 賣點是甚麼? 對~~吸引我們來的原因....就是Karena Cafe最最最出名的3D拉花.這裡特別在於不單止Cappuccino有拉花, 就連朱古力一樣可以配3D拉花. 你睇隻Keropii可愛到...明天我同大家齊齊向大師Leo偷師學拉花!!…查看更多