KAPRAO

星期六同朋友去左佐敦食間新開嘅泰國菜。位置喺上海街，餐廳星期六都仲有set lunch，我同朋友就喺main menu叫左幾樣share。鮮蝦炒金邊粉炒起好香，好足料，上枱都感受到新鮮炒氣嘅鑊氣。鳳尾蝦大大隻，食落爽口新鮮。配料足，芽菜，蔥，蛋，花生粒撈起好好食。金邊粉煙韌有咬口，食落清新，酸甜好味。炸皮蛋蝦餅份量比想像中多，一睇就知係相當講功夫嘅一道菜式，皮蛋新鮮，唔會有d放得耐嘅味。蝦餅厚實而彈牙，外皮薄脆炸得啱啱好！建議先原味試一件再點泰式辣醬，就咁食都好好食！推薦~泰式牛肉沙嗲串燒串燒三串起叫，牛肉串燒調味啱啱好，肉質都幾嫰，食落唔會有羶味。沙嗲醬好香濃，喜歡重口味味少少嘅就可以了點埋醬食。飲品 朋友叫左 泰式青檸茶 少冰少甜我飲左啖，飲落似有加左話梅，少少鹹味，茶底香濃，凍飲飲落好清新消暑。我就叫左泰式奶茶 少冰少甜，靚靚嘅杯加埋一層厚奶泡勁啱打卡，仲好好味，奶味香濃，但唔會搶左茶底嘅香味。芒果糯米飯，糯米飯暖熱，質感軟熟，芒果新鮮，賣相仲好靚~餐廳店員有禮，座位闊落舒服，聽到廚房都用泰文溝通，睇黎廚師都係泰國人。…查看更多

佐敦站行遠少少，去到呢間叫Kaprao嘅泰國餐廳。佢嘅菜單選擇都幾多，我哋嗌咗幾樣招牌菜試吓！冬陰功海鮮炒飯 ($88)個飯一上枱已經聞到好香嘅冬陰功味，食落有酸辣味不過唔算好濃🙈入面嘅海鮮都唔少，有蝦又有魷魚，每啖都食到料，好滿足！美中不足嘅係個飯炒得有啲濕，我哋中意食偏乾嘅飯😕豬肉生菜包 ($78)每次食泰國菜必點生菜包！豬肉碎炒得好香好Juicy，食落偏辣，中和咗油膩感！不過唔食得辣嘅朋友可能要加杯飲品🤣辣椒膏炒鮮魷魚 ($108)平時好少食辣椒膏炒嘅嘢，今次試吓覺得比想像中普通。魷魚調味唔算好入味，麵包嗰層炸粉有啲厚，食落口影響咗整體嘅口感。不過好在有好多配菜，例如洋蔥、彩椒等等🙈香蕉奶昔 ($38) & 原個新鮮椰青 ($38)香蕉奶昔好creamy，香蕉味好濃郁，甜度啱啱好，飲得出超足料😻椰青都好超清甜解渴！…查看更多

香葉青豆角肉碎飯 食泰國野點可以唔揀香葉肉碎炒飯😋呢個飯鑊氣十足！肉碎炒得乾身，加入大量香葉、青豆角、辣椒同蒜片，辣度適中，鹹香惹味超級送飯。最正係加入咗脆口豬油渣，增添油香同口感，撈勻半熟煎蛋黃一齊食，邪惡度爆燈！ 泰式燒牛扒軟嫩多汁驚喜之作😋牛扒用咗泰式香料醃製，表面燒到微焦，內裡保持粉嫩medium rare，肉質軟腍唔韌。蘸埋秘製酸辣醬汁（似青檸魚露base），清新解膩，旁邊配泰式酸辣沙律，爽口開胃封門牛柳泰船麵湯底用牛骨熬製，深褐色湯頭濃郁帶香料甜香，麵條選用金邊粉，掛湯力強。封門牛柳切薄片，輕輕灼熟，肉質極嫩滑，仲有牛丸、牛柏葉等配料，足料大碗！船麵配埋日四個特製調味料，甜酸苦辣可自選😆建議加少少泰式辣椒粉更過癮～～泰式奶茶橙紅色經典泰奶，茶香濃滑不死甜！茶味突出，奶滑順喉，甜度岩岩好，少有覺得泰茶唔死甜🙈冰涼解辣，絕對係搭配濃味泰菜嘅完美配搭。 原個新鮮椰青原個椰青上枱，冰凍清甜，椰肉嫩滑可以刮嚟食，食完濃味嘢飲一啖，瞬間解膩😍…查看更多

位於佐敦的泰國菜餐廳，泰籍大廚主理，餐廳供應傳統的泰國菜式，味道正宗，而且沒有加收服務費，菜式價錢親民，性價比高。前菜：青木瓜沙律以青木瓜絲、蘿蔔絲及番茄作為沙律，清爽脆脆，醬汁酸辣，很開胃。燒烤：沙嗲串燒拼盤牛肉及雞肉串燒各三，燒得焦香惹味，外層微微脆口，調味也很夠味，還可額外蘸點沙嗲醬。主食：清邁道咖哩金麵泰北傳統咖哩湯麵，湯底濃郁稠杰，帶椰奶香，甜甜的，微辣很易入口。麵條用上粗身的雞蛋麵，很有嚼勁又掛汁，配上一大隻雞脾，啖啖肉，很厚肉。主食：鮮蝦炒金邊粉金邊粉鹹甜度適中，麵條乾身，炒得有鑊氣。蝦仁改了雞肉，其他配料還有雞蛋絲、芽菜、蔥等等，口感豐富。飲品：招牌清萊綠奶茶一層厚厚的雲朵泡沫，底下是泰式奶綠，茶底濃鬱，略點回甘，綠茶清香，少甜剛好。飲品：泰國紅茶以泰國紅茶葉沖泡出來的紅茶，茶味濃烈，回甘甜香的層次感。…查看更多

今日去咗KAPRAO試泰菜，泰國師傅主理果然無令人失望！仲要全單八五折，抵到爛~先講青木瓜沙律，一入口酸辣醒神，木瓜絲爽脆到「索索聲」，魚露嘅鹹香同青檸嘅清新撞到正，開胃到食唔停口！跟住係豬肉生菜包，炒香嘅豬肉碎帶少少辣，用新鮮生菜包住食，一啖咬落去，菜嘅清甜中和咗肉嘅油膩，口感豐富又惹味！泰式菠蘿海鮮炒飯賣相好靚！炒飯乾身唔油，每粒飯都沾滿咖喱粉香，仲有大大粒蝦、魷魚同帶子，海鮮鮮味突出，仲有肉鬆增添甜鹹層次，口感一流！最後沙爹串燒拼盤（豬牛雞三款），燒到微焦香口，肉質嫩滑唔乾柴，尤其係個沙爹醬，濃郁花生香帶少少甜，蘸多兩蘸都唔覺滯！上菜嘅速度都好快店員招待亦都好有禮貌如果去開呢頭食泰國菜嘅話呢個都係一個唔錯嘅選擇…查看更多