Kaleido Coffee

營業中

休息中

見到OpenRice評價咁好去試吓 點知兩杯咖啡都只係得六成滿 凍嘅咖啡冰都冇 熱咖啡又唔夠熱 凍咖啡又唔夠凍 飲管又無 熱嘅咖啡拉花都冇 仲特登去 非常失望 OpenRice第一間就出現呢間仲以為好好 極度不推薦

🥰 start a GOOD DAY#香噴噴嘅烘焙味 🥯#陣陣誘人嘅咖啡味 ☕#愉快輕鬆嘅音樂 🎼 1️⃣意大利三文治🥪🔸牛油果🥑賞心悅目😍，成熟情度剛好，口感 creamy，面頭仲有mixed seasonings，配 肉質柔軟嘅Parma Ham🥓 一齊食，味道好 match。🔸包外脆內軟，內搽有 cream cheese，配上蕃茄🍅 十分鮮甜，唔會有草青味，而生菜🥬都好新鮮，整體味道豐富及有層次感👍🏻2️⃣Dirty ☕鍾意佢由上到下都好有層次，睇落好治癒。飲落去由濃到淡😋，溫度由熱到凍👍🏻，呢個咖啡味好啱我🥰食物有 heart女職員友善環境舒適休閒

今日約左朋友一齊去cafe chill 下，平時好少行開置樂呢邊，今次就專程去發掘下呢頭嘅特色小店。今次去嘅呢間其實都幾多人推薦過，係行精品咖啡店路線。 舖頭雖然唔係好大，但格局令我坐得舒服，唔會逼夾。裝修就行簡約清新風，成個vibe 係幾chill，好啱約朋友黎傾吓偈或者帶部電腦嚟做吓嘢。今次就嗌左兩杯嘢飲同埋兩份食物。順帶一提，呢度嘅Staff都好友善同sincere。*經典意大利朱古力☕️超級濃郁，口感極Creamy，同平時出邊普通飲到嘅熱朱古力一啲都唔同，rich同滑好多👍🏿有驚喜*京都抹茶鮮奶🍵抹茶味出，唔會過甜又或者有種好假嘅抹茶糖漿味，加埋有心思嘅拉花，睇得又飲得。*煙三文魚沙律菜貝果🥯貝果有咬口，亦都做到有少少外脆內軟嘅感覺。加埋煙三文魚沙律菜嘅配搭，食落好夾，好食。*日式碎蛋沙律三文治🥪一擺上枱面，極大份，兩個女仔一齊食都好夠飽。個麵包係口吐絲，好鬆軟唔會話好硬好乾，而入邊嘅碎蛋沙律調味都啱啱，好食落好清新同健康。整體嚟講，我覺得呢間Cafe係高質嘅，亦都值得再回頭到訪試下佢其他嘢。

呢間小店位於屯門置樂花園，開張應該有差不多一年終於搵個機會去試吓。座位不多大約有10幾個座位，由幾個年輕人做主理。食物選擇有意粉及三文治及蛋糕，今次我order了海膽汁雞翼意粉，croissant,一杯焙茶鮮奶咖啡和一杯Flat white。意粉做得很出色，濃郁的海膽龍蝦汁，掛在每一條意粉上，味道剛好 ，賣相精緻 。最近愛上了學焙茶鮮奶咖啡，但不是每間Cafe都有，這間店有我當然點了一杯試吓 。焙茶味很濃郁，沒有被奶味蓋過，恰到好處 。至於Flat white,味道很濃郁，我個人比我喜歡喝熱咖啡，這裏的咖啡溫度很夠熱👍🏻難得在屯門置樂有這些休閒小店我定必會再幫襯❤️

🌟Japanese Lobster Pottage Pasta 🍝(招牌日式海老汁意粉）🔹Wow！果然係招牌意粉！意粉入口 海老味超濃，非常掛汁。雞槌（drumsticks）🍗外層 好 crunchy，裏面肉質 好嫩滑。🔹好有心思！今期係雞槌🍗，上一期係蝦🦐，每期係唔同的，好期待下次去食究竟係咩呢😜🌟Lotus Biscoff Cheese Cake🍰🔹top 嘅焦糖面層口感好幼滑，配埋成個芝士蛋糕食，味道好夾，口感輕巧，配咖啡最啱！ 整體味道冇想像中咁甜😊🌟Dirty🔹一見視覺上已好療癒。先飲一啖，品嚐香濃而溫暖嘅咖啡味道，然後係凍奶。多重視覺、溫度、味道嘅享受❗地方 唔大，但係座位唔會擠逼。設計 文青、簡約，感覺休閑、舒服。職員態度 友善殷勤。

估唔到置樂附近都有高質cafe，見網上評語唔差，所以去試下，飲下咖啡，又有熱食，竟然有驚喜添。去到咁岩二人枱full晒，得返兩張bar枱，諗住都係飲杯咖啡，食少少輕食，冇所謂啦，照坐。我地兩個人，叫左Espresso Tonic，Cafe latte，松露炒蛋bagel，蘑菇雞肉批。杯Espresso Tonic好有驚喜，之前飲過幾間cafe，今次係最好飲！Tonic唔會搶左咖啡味，平衡得好好，同埋好夠凍。Cafe latte一般水準，都知道唔會有太大差落。松露炒蛋bagel，好香松露味，蛋夠滑，不過bagel略嫌硬左啲，唔夠口感。蘑菇雞肉批個饀好正，夠豐富，批皮夠脆口，不過甜左啲。下次去開置樂既街坊，可以黎試下，價錢親民，食物質素中上。

週末是很想躺平的心情，修修煩惱絲調整思緒，以咖啡讓自己抖擻精神。Kaleido依然是那初相識的咖啡小店，純白無印風格，座位不多。每每週末來到，客人不多倒也挺安靜。平日較鍾情Latte，今次選澳式Flat White($38)，能嚐出兩者分別，Nutty基底顯得更醇香濃厚，奶泡綿滑畀Latte更順口，當然是對店方出品有信心，才作新的嘗試。由於是這區唯一較舒適的咖啡店，另一家白羊咖啡只數外帶，如此文迪便收起三心兩意，是偶爾會到訪的咖啡店。

在屯門置樂小區的一間咖啡店，經常都會去光顧，因為附近有咪錶泊車位非常方便。這間小店外觀簡潔讓人覺得舒服輕鬆，內裏坐位雖然不太多，門口有高腳枱櫈別具心思的設計。我大多在閒日前往，客人不太多，在店內用餐感覺非常寧靜舒服。最喜愛他們的黑松露bagel，配上精美的咖啡或抹茶飲品，有時趕時間也會買外賣。他們多種三文治和咖啡也非常美味，很有特色。這間小店是我口袋裏的早午餐店必選之一。最近他們也加了早午餐和意粉類的餐點，下次有機會一定要試試。

之前經過已經好想過嚟試吓，佢哋招牌logo好靚☺️設計有心思，今日中午去嘅時候爆曬場，睇嚟呢間Cafe係呢區口碑唔錯。焙茶鮮奶 $51本身都好鍾意焙茶嗰種香味，飲落有奶香，底部仲有少少焙茶粉😗茶味香。嘢飲冇額外加糖已經好好味，可以放心飲！鮮蝦沙律三文治$32餡料好多好豐富，沙律除咗有蝦之外，仲有粟米同少少黑椒調味幾香口。真係好多蝦，每一粒都晶瑩剔透，整得好靚。三文治係即時烘所以食嘅時候脆脆地，成份三文治好大份。食咗一半同埋飲埋杯嘢已經好飽，所以剩低一半打包返屋企做下午茶☺️

今日去等緊做facial前，見到隔離就有間好靚靚既cafe，諗住反正都係等，不如就嘆住啡咁慢慢等啦☕️果然係無選擇錯，又俾我揾到間高質Cafe🥪仲食到好豐富既厚吐司🍞 。🐒日式碎蛋沙律三文治💰$30👉🏻Flat White+$25👉🏻soy milk+$5呢間咖啡店係好簡單，但反而俾到我一種好舒服既感覺🐚白色嘅空間令我特別放鬆，而當日都有唔少人係嗌外賣翻去🥡而當日去到店員都有介紹下佢地既豆，我就揀左nutty既豆🌰中意dark roast少少苦啲既豆另外佢地呢個set都好抵，因為份三文治勁厚😍而個餡亦夠cover件toast😋每啖都好滿足

今日端午節 一大清早做完yoga 去左附近食早餐 呢間cafe平時行置樂都有經過 難得今天放假得閒 自己一個去飲杯咖啡chill一下Shrimp Salad Sandwich 蝦沙律三文治$32做完yoga好肚餓呀 點左個三文治黎食 份量好足夠 料都十分足 d蝦沙律多到爆出黎 講番個蝦沙律 好夾 好多蝦同粟米 好好味 好推介 Dirty 髒髒咖啡$45今日實在太熱喇 想飲番杯凍ge咖啡 所以揀左Dirty 而我自己本身都好鍾意飲Dirty 呢杯整得好好  飲到個層次感 呢度ge環境簡約又舒服 店員又好nice 咖啡同三文治都高質 推介推介 下次想試下其他咖啡同三文治 見都d蛋糕／scone／雞批都好吸引好好食咁 下次一定會帶埋朋友再黎試試先 難得屋企附近有咁高質ge cafe

🧁如果數係屯門可以靜靜地一個人spend an quiet afternoon 嘅coffee shop其實唔多，呢間可以算係為數不多中最好嘅一間🍧山埋門為後外面嘅俗事都唔再重要，一個人發呆飲咖啡好好差番電🍘舖頭比較細所以座位比較密，不過黎嘅人都通常係一兩個人細細聲講野所以唔會好困擾☕️咖啡正常發費，要讚係舖頭用環保飲品要加分！✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨

置樂係一個匯集了多元文化既有特式的小店，今日找到一間對於咖啡有要求的精品小店，從店鋪的裝潢黎講就可以睇到，係收銀位已經有一部裝飾用的咖啡機。一日必須要飲一至兩杯咖啡的對，在眾多的咖啡選擇中，我最鐘情的是榛子鮮奶咖啡☕️榛子鮮奶咖啡一上枱已經見到靚靚的心心拉花圖案，影相📸️打卡一流❤️係準備飲個陣已經嗅到榛子🌰味，好香，亦好好飲，尼個價錢既咖啡再加上可以坐係到休息一下，超值。法國瑪德蓮 $38淡黃色的蛋糕係檸檬味，味道好清新朱克力色的蛋糕，大家係咪睇到個隻顏色都以為係朱克力味？食落去先發現原來唔係，伯爵茶味😍😍😍😍好有驚喜不論係邊一隻味道，都係好好味，咖啡師係有幫手焗返熱，所以食個陣表面係會脆脆地，裡面係軟林林，正是外脆內軟😋😋😋放假約埋三五知已聚一聚，尼到絕對好適合青年Chill一chill既好地方👍🏼👍🏼

最開心就係平日放假，有時間去吓我心水咖啡list內的咖啡店，平日又休閒又寧靜，真係可以好好享受一刻。一早捉埋男朋友去咗呢間白色咖啡店，休閒地嘆杯咖啡，食嗰早餐。座位唔多，共有六枱，裝潢簡約舒適。開放式的製作區，可欣賞咖啡師的手藝。飲品有Black coffee、White coffee、Signature Drink和Non-coffee 系列。除飲品外，還有一些輕食，包括Pastry、Bagel和Dessert，仲有飲品配牛角包套餐。叫咗兩份Pastry和兩杯飲品，先上熱辣辣的食品。雙色火腿芝士牛角包（+$18/原價$38）非常鬆脆，一口落去啲酥皮碎四散，滿滿牛油香，中間夾着鹹香的火腿、已溶化的車打芝士和積克芝士，芝味滿分，好好味！香烤雞肉蘑菇批（$38）熱烘烘，批身鬆化，滿滿的內饀有嫩雞肉和爽口蘑菇，味道亦岩岩好，正！男朋友要咗杯熱鮮薑汁鮮奶咖啡（$55），餐牌註明採用台灣阿里山竹薑，優質！心形的拉花圖案好清晰，飲咗一半都仲喺好靚！溫度好岩，入口香滑細膩，薑味和咖啡味都香濃，甜度亦岩岩好，好飲！日式焙茶鮮奶轉燕麥奶（$48+$5）就選用咗日本丸久小山園焙茶粉，聞到陣陣焙茶香，好嘢嚟

下午茶時間一個人，行到一條唔起眼既小巷，又有機會遇到小店cafe 🥰🥰Cafe入面環境的確細細間，但座位setting好舒服，一個人來chill當然揀左個小角落，遠望個個大玻璃門向街，好寫意，店內裝飾好簡單，但好有有美感☺️☺️簡單點左杯飲品- 🍋自家製檸檬梳打特飲我鍾意體驗小店既「自家製」，的確冇令人失望，都係簡單又有美感地上檯～味道好清新，係用左100%新鮮檸檬汁及青檸汁去做，唔係出面既「汽水」味👍🏻👍🏻另外叫左個- 🥧香烤雞肉蘑菇批一焗好既香味極濃，顏色又靚，好鬆脆，就咁用叉已經可以順住d紋切開，裡面既雞肉蘑菇都好足料！熱辣辣又外脆內軟，係我食過最讚既雞批之一😊整體黎講，環境、音樂都好chill，食物、飲品都好有特色，係一個發空好地方，食咁少野，已經坐左成個鐘，真心適合喜歡hea、發呆、發空、慢活既人🥰