影片
港鐵尖沙咀/尖東站 N2 出口, 步行約3分鐘
繼續閱讀
電話號碼
34285545
營業時間
今日營業
11:00 - 15:00
18:00 - 22:00
星期一至五
11:00 - 15:00
18:00 - 22:00
星期六至日
11:00 - 22:00
公眾假期
11:00 - 15:00
18:00 - 22:00
公眾假期前夕
11:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
嚟到感覺好似闖咗入寶萊塢電影嘅片場！呢間餐廳源自1952年孟買街頭小食檔，七十幾年嚟堅持素食路線，家傳秘方將北印度風味帶到香港。環境裝修簡約帶點異國情調，牆上寶萊塢海報同柔和燈光，座位闊落唔覺擁擠，仲有個街頭小吃檔即場炮製Pani Puri，望住師傅落手落腳，絕對係素食控或想試新口味嘅人嘅隱世好去處。今次試咗幾款菜，先講BORIVALI KI DABELI，軟綿綿嘅麵包夾住薯仔泥、花生同甜羅望子醬，灑上sev同石榴籽，一咬落去甜酸脆口，簡直係味蕾大混戰，一試難忘！KHATTE MEETHE ALOO就係薯仔混洋蔥同甜脆醬，調味啱啱好，香料層層疊疊，食落似喺街頭小食檔偷食咗個驚喜。CHEESY BROCOLI TIKKA係西蘭花醃製後烤到金黃，芝士融化得勁夾，配薄荷醬清新解膩，邪惡得黎唔覺膩滯，啱晒芝士迷。MUSHROOM IN PEPPER GARLIC嘅菇菇彈牙，椒蒜醬香辣適中，食到你眉飛色舞，似中咗印度魔咒咁停唔落口。PANEER TIKKA LABABDAR係茅屋芝士煮喺濃郁蕃茄腰果醬，奶香四溢，軟滑得似雲朵，配CHEESE NAAN一齊食，外脆內軟嘅naan夾芝士，簡直係完美拍檔，食完覺得人生圓滿。飲品試咗Pistachio Milkshake，開心果味濃郁滑溜，甜度啱啱好，似飲緊個異國甜品，解膩一流。整體嚟講，呢度唔係硬推嘅高級菜館，而係用心將街頭風味變成舒適一餐，價錢公道，份量實在，絕對值得同朋友或另一半嚟探險。
繼續閱讀
幾年前食過呢間餐廳，當時感覺係一試難忘，最近再食竟然比回憶更加驚艷🫨！！雖然係印度素菜，但係食物款式超豐富，完全唔似食緊齋，味道勝過唔少普通餐廳❤️🔥💪🏻❝ Pani Puri經典印度街頭小食，外蓋包住薯仔泥同鷹嘴豆，再倒入酸辣嘅薄荷水💦 一口咬落去係酥脆、刺激又清爽🔥❝ Gobi Manchurian (Dry / Gravy)印度/中式fusion菜，將花椰菜裹上麵糊炸至酥脆，再加醬汁拌炒至外層焦脆，內裏軟冧，有少少似升級版釀豆卜！！❝ Chole Bhatura北印度經典菜式🇮🇳 Bhatura 油炸麵包成個人頭咁大🫨 咬落略帶酥脆，配搭鷹嘴豆咖喱，風味非常濃郁✨❝ Malai Paneer Tikka印度芝士切粒，醃製後再烤至金黃香口🤤 食落有濃郁奶香，再點少少辣醬幾惹味！❝ Palak Patta Chaat超吸睛嘅一道菜🤩 將菠菜葉裹上麵糊，油炸至酥脆，淋上酸奶、薄荷醬等，再撒上香料同石榴，酸甜辣兼具備，口感層次好豐富🤤❝ Shahi Paneer皇家奶油芝士咖喱，醬汁由濃郁嘅番茄鮮奶油同堅果整成，加入多種印度香料，口感滑順香濃，配naan食一流🙌🏻❝ Taka Tak Mushroom呢道菜以蘑菇為主角，與洋蔥、青椒同多種香料快速翻炒而成。食落蘑菇口感鮮嫩，簡單而美味💛❝ Masala Cheese Naan改良版印度naan，傳統麵團裏面加入芝士同印度香料✨ 本身有少少驚會唔會好奇怪，但答案係唔會！！幾推薦的🫶🏻
繼續閱讀
今次跟friend黎到尖沙咀食吓d異國風情既菜，試下呢間印度野，仲要係食素既，我朋友都唔係素食者，但話食話幾好依想帶我黎，咁就睇下有幾好食👨🏻🍳餐廳環境裝修唔錯，都坐得幾舒服，d七彩既燈同桶都幾有特色😁Papdi Chaat（$89）呢個類似前菜咁，乳酪加左d脆脆同薯仔，甜甜酸酸咁好好味🥗Cheesy Corn tomato soup（$59）湯超級重芝士味，反而蕃茄味唔算好重，如果鍾意食芝士，可以叫一個試下🫕Chowmein（$95）印度式炒麵，唔辣嘅，呢個係素菜版本，感覺同我地港式既差唔多😆Malai Paneer Tikka（$129）Cottage cheese加上新鮮忌廉配搭埋個薄荷醬食，個口感好好👍🏻Saag Paneer（$128）印有餐廳名既intial KP，係菠菜芝士加埋有芝士塊，份量都好足，類似咖哩醬咁，用黎配簿餅一流😋Kulcha - Plain（$55）食咖喱一定要叫薄餅，薄餅叫咗原味，有啲芝麻起個面，令薄餅口感增加，用黎點Saag Paneer醬就最夾🫓Mango Lassi（$65）經典既芒果乳酪，味道唔會好甜，飲完已經飽飽地🥭Chill Guava（$65）石榴汁 ，值得一提係佢有啲辣椒粉喺個杯嘅邊，個感覺辣辣地幾得意🍹呢間素食既印度菜又幾好食，以芝士為主既一餐，飽得黎又好味，原來素食都可以整多咁多種類👏🏻
繼續閱讀
一踏入Kailash Parbat，馬上被其色彩繽紛的裝潢吸引。餐廳以鮮艷的色調和印度風情的設計為主，牆上點綴著充滿民族特色的裝飾，燈光柔和卻不失明亮，營造出既舒適又充滿活力的用餐環境。空間寬敞，桌與桌之間距離適中，適合朋友聚會或家庭用餐。服務員態度親切，細心提供中英文對照的菜單，甚至有圖片輔助，對不熟悉印度菜的食客來說非常貼心。Kailash Parbat主打印度素食，菜單選擇多樣，從經典街頭小食到濃郁咖喱，無一不讓人感受到印度料理的層次與創意。最令我印象深刻的是Gobi Manchurian Dry ($99)
這是一道印度與中式融合的菜品，花椰菜裹上麵糊炸至金黃酥脆，再拌上濃郁的蒜蓉和香辣醬汁。外層焦脆，內裡軟嫩，味道帶點微辣，令人回味無窮。對比傳統中式炸物，這道菜的香料運用更為大膽，帶出獨特的印度風味，絕對是素食中的亮點。Kailash Parbat雖然是素食餐廳，但菜式的豐富度和香料的運用讓人完全不會覺得單調，甚至讓非素食者也會愛上這種風味。職員態度無疑是整頓用餐體驗的一大亮點，堪稱10分友善！從一進門的熱情招呼到點餐時的耐心解答，服務員總是面帶笑容，細心周到。他們不僅會詳細介紹菜式特色，還會主動分享食用小貼士，例如如何完美享用Pani Puri，讓初嘗印度菜的客人倍感親切。
繼續閱讀
又一正宗印度菜介紹💕呢度主打素食，素食者想有多啲新意又多個選擇🙌🏻餐廳好有異國風情，佈置得好靚，顏色好鮮艷，地方闊落入面好多印度人食～食物擺盤都好用心，份量好大份，一個飯同麵3-4人食都得😂特別大推蘑菇咖喱，好正🤤好好味之餘比平時食肉類嘅更加唔膩👍🏻👍🏻👍🏻炸薯餅都好特別，聽講係本地好受歡迎嘅小食嚟 值得一試😋呢度好多食物都唔辣/辣度唔高 所以都好適合一家大細＆唔同偏好嘅朋友～
繼續閱讀
您可能會有興趣的...