影片
以上資料只供參考, 請與餐廳確認詳情
我地兩個大人一個小朋友(3歲)，坐左一張四人台，叫左一個麵、飯團、pancake、一杯咖啡。本身覺得食物都唔錯幾好味，上左最後一到pancake小朋友去左坐大人大脾食，食到一半就黎食完既時候，有個店員叫我地讓張二人台比等緊既客。覺得好離譜，首先我地三個人埋單都四百幾蚊，都唔算叫得少野，唔係叫少少野霸住張四人台。第二我地係食緊個pancake食左一半，其實都唔差果十分鐘，而且係佢自己出菜時間要等，唔係我地食得慢/食完係度霸住張台。要我地2大一細要逼係張2人台，地方本身已經唔大，另外一邊有個好似店員屋企人既小朋友坐左霸住左張二人台，要做生意自己屋企又唔讓開？要做到咁樣趕客？離嗮譜，成日話生意難做，咁既服務下次點都唔會幫襯，食物好食都無用，到最後食完都唔係開心咁出門口。
繼續閱讀
【2024 年 3 月】終於有時間去西貢食 bookmark 咗好耐 Dutch Baby Pancake ~~cafe 店面不太，平日中午都幾旺好彩剛好有兩個靠窗位置，唔使等位日系木調裝潢，加上靠窗位有日光透入感覺舒適寫意 ~~儍媽點咗份招牌 Dutch Baby Pancake。無花果 Dutch Baby Pancake HK$72 班戟以鑄鐵鍋上枱，賣相吸引熱烘烘班戟外邊焦香酥脆，中間柔韌綿軟，充滿蛋香配上無花果和蜜糖，甜度剛剛好，仲有核桃增加口感但是建議 +HK$22 配多一球雪糕可以揀雲呢嗱 / 豆腐，儍媽就揀咗豆香滿滿嘅豆腐雪糕一凍一熱，冰火交融嘅口感，超滿足 ~~
儍爸。香蔥鴨南蠻蕎麥麵 HK$98鴨肉鮮嫩油脂豐富湯汁香濃清甜帶有鴨油香氣裡面仲有香菇和京蔥，搭配蕎麥麵味道清爽不膩口
儍爸。Iced Latte HK$42儍媽。Flat White HK$38** 以上分享是以我的口味、體質和情況作出分享及感受，一試 / 合用與否請自行決定
繼續閱讀
生活很忙，但人總要有停落黎嘅時候，比起通宵飲酒，而家更喜歡安靜落嚟，感受休閑嘅節奏，感受片刻的寧靜，感受無感覺嘅感覺，抽離一下，放鬆一下。西貢行完山路過見到呢間日系裝修、簡潔舒適嘅小店，睇到menu啱胃口就入左去。地方唔大，但因為好安靜，感覺都舒服。完美 quantify我當刻對寧靜的追求🤍黑松露蟹肉沾醬配吐司蟹肉加芝士黑松露醬口感順口，蟹肉份量多令醬身都比較實淨，黑松露醬份量喏喏好，淡淡滲出香味又唔會過分濃烈搶風頭。Sourdough就咁食都正！🤤香蔥鴨南蠻蕎麥麵網上唔見太多人提及，但我覺得係非常好食！鰹魚汁加上京蔥香味令風味層次豐富，甜甜咸咁好平衡，配鴨肉係最佳選擇！將蕎麥麵浸入熱湯汁，冷面掛汁再放入口，非常滿足。簡單既配搭但帶出複雜嘅層次，一級棒👍🏻無花果鐵鑊班戟即叫即做嘅鐵鑊班戟，熱辣辣，邊位脆脆的，但食落又會有啲煙煙韌韌嘅口感。味道方面，無花果味道較清淡，有少少畀蜜糖蓋過咗，不過勝在好香蛋味，遠遠已經聞得到。呢款班戟尺寸唔算好大，作為下午茶配埋一杯熱咖啡就份量剛剛好。😋😋😋
繼續閱讀
過到西貢先要黎落雨，唯有去食啲嘢坐吓，呢間Cafe再瘦都幾靚，叫咗個黑松露蟹肉沾醬配多士，麵包似係法棍包，烘得好脆，麵包麵粉味好香，好韌，有嚼頭，我係鍾意食法棍嘅，所以呢個麵包我比較鍾意，擦埋黑松露蟹肉一齊食，好開胃，脆口得來又煙煙韌韌夾埋蟹肉好鮮味，鹹淡啱啱好，茶漬飯$58，叫咗鐵觀音一碗$68，茶香甘香，餸埋我嗰個多士比較夾。
繼續閱讀
🎑和式cafe🪭 帶俾你置身日本嘅感覺⛩📍地點：西貢🍽️菜式：cafe💰人均消費：下午茶 HK$80~150🔖服務費：✅🧻餐巾/ 濕紙巾：✅ / ❎🪑座位類型：方枱 / 吧枱📝落單方式：侍應生落單【抹茶紅豆班戟】💰HK$82薄身班戟，有香脆口感，配上抹茶粉同紅豆蓉。放係熱辣辣嘅pan度上菜，仲有一球雲呢拿雪糕球。【Iced Dirty】💰HK$48豆味濃，咖啡無落冰，唔會愈飲愈淡味。.#foodcourt #foodxcourtx #foodxcourtxSK#西貢搵食地圖 #西貢美食 #西貢 #Cafe.Kachimushi @kachimushihk🏷️ 西貢市場街35號地舖
繼續閱讀