88
11
7
電話號碼
27210275
營業時間
今日營業
10:00 - 18:00
星期一至日
10:00 - 18:00
以上資料只供參考, 請與餐廳確認詳情
食家推介
趁平日放假，天氣唔太凍又唔太熱，同朋友搵咗間打卡cafe chill下嚟呢度係因為可以坐榻榻米，好日式呢。檸檬蛋黃醬 Dutch Baby Pancake $78和牛吐司 $128無花果吐司 $88DIRTY $48蟹肉薯仔沙律 $62梅子Sparkling Juice $48第一次食Dutch baby pancake，根據google: 佢係"荷蘭寶貝鬆餅，其別稱有德式鬆餅、鐵鍋鬆餅、德式布丁、俾斯麥布丁或荷蘭泡芙, 是一種美國人發明的烘烤麵團類甜品，通常供應於美國西海岸，其口感介於美式鬆餅、約克布丁和泡芙三者之間。"又幾得意呢！唔係太甜酸酸地，好好食😋，雪糕配搭埋一齊口感好正。個沙律就好大兜，啲醬汁酸酸甜甜好有清香味，好多蟹肉絲，薯仔唔係太腍或太冰凍，襯埋一齊食好夾。個擺盤賣相開頭睇好似雪糕咖啡好濃郁Pancake可以後上好細心，因為佢話有雪糕，咁就唔驚融無花果多士未食入口已經feel到個種鬆化，一切落去已經好爽脆嘅聲音。有薄薄ham,無花果嘅顏色好靚好新鮮，配埋啲火箭菜好健康個toast有少少暖，無花果酸而多汁，有啲黑醋香味和牛吐司有啲洋蔥，食得出係靚和牛另外服務方面都值得一讚。之前睇到有啲人話呢間態度惡劣，都有少少擔心。見到隔籬枱走咗之後佢哋都好勤力好快咁樣清潔，噴到消毒酒精味好香🤣🤣👍🏻好安心我放咗上面張相之後，即刻好幾個朋友pm問係邊度嚟，話想去、好靚係靚嘅！
繼續閱讀
在錦田問過幾個人，也是推介這間咖啡店，可能係錦田最有水準的咖啡店。今日見店內由三位年輕人在處理，因不是太餓，只選了兩杯手沖及一客麵包籃。Honduras 帶有蜜桃、檸檬皮…等香味；Ethipion Guji 則帶有朱古力、雲呢拿香，放涼了還有陣陣酒香味，幾有特色。麵包籃有三款麵包，最喜歡帶有無花果味那款(圖片左上角)，好吃又鬆軟，而且焗返熱才上枱，更是貼心！食店內堂位置，更打造成日式庭院設計，在這裏品嘗咖啡，可能會更加輕鬆自在，但要留意有最低消費。有機會到錦田，不妨過嚟試吓！#麵包籃 $52#PourOverHonduras $74#PourOverEthipionGuji $74#Kachimushi地址: 元朗錦田永隆圍77號地舖電話: 27210275
繼續閱讀
日系風格既錦田cafe，進店後感覺好寫意舒坦。侍應安排好位置後，可到收銀處落單。店內有塌塌米座位，落地玻璃外有小園庭，打卡一流。等待食物時，不妨拍照。平日午市到埗，已經有唔少食客，及陸續入座，非常受歡迎。黑松露蟹肉沾醬配吐司($108)，蟹肉送上枱時黑松露味撲鼻而來。用木托盤盛載食物，感覺簡潔優雅。絲絲冷蟹肉鮮甜，黑松露香味十足，唔會蓋過蟹味。吐司烘烤過後，外皮脆硬，但內裏軟。沾醬份量十足，單吃已經好滋味。不能錯過～和牛吐司($124)，滿滿火箭菜鋪係吐司上，帶醋香味。牛肉厚切，仍帶粉嫩紅色，完全唔乾唔韌，口感一流。而吐司鋪上芝士、炒香甜洋蔥，配搭既麵包較軟身，麵包吸左肉汁，食用時味道更濃厚。南瓜濃湯配麵包($68)，當日既湯點選用南瓜。熱辣辣既濃場送上枱時仍冒煙，冬天飲用暖入心。湯品非常濃稠幼滑，南瓜味濃郁，而且打蓉得好徹底。而附送既麵包，完全有心思，內餡混和乾無花果，令麵包帶果甜，而且好吸湯，配搭別出心裁。無花果班戟($78)，餐牌上有數款dutch baby pancake選擇，每款味道都好吸引。其中，無花果款式特意將新鮮無花果砌成好似盛開中既花朵，配上雪糕。班戟軟綿綿，充滿蛋香味，混合雲呢拿雪糕一齊食，冷熱交集，口感更豐富，完全唔覺得膩/過甜。Iced Dirty，凍咖啡漸層由濃至淡，先品嘗到濃厚咖啡味，後帶奶味，而且奶香味久久不散。MIKAN Soda，比較少見既蜜柑梳打飲料。入口係柑甜，但甜味好淡，所以感覺清新。加上係梳打類，所以好fresh。倒入冰塊杯飲用，靚之餘梳打氣更強烈。整體，非常滿意既高質cafe，環境安靜裝修簡潔，望住庭院嘆好寫意。而且食物由擺盤到味道，都有講究及心思，有水準，打卡一流，值得再食。
繼續閱讀
今日入咗元朗,叫朋友帶我去搵啲特色嘢食下,佢帶咗去一間人氣cafe店,餐廳嘅環境比到我一種好舒適嘅感覺,所以推介一下Kachimushi 咖啡店,地址喺錦田永隆圍77號。餐廳以簡約白色為主,外面大自然的風景,令到我有一種好休閒好舒服嘅感覺，我原來喺錦田除咗壁畫村之外仲有呢間世外桃源嘅餐廳入面有和風嘅日式設計感覺非常寫意牛肉吐司 $124 元,和牛吐司上面放咗啲蔬菜,蔬菜味道清新,第二層就係鮮嫩香口嘅和牛,牛肉有入口即溶嘅感覺,牛肉味非常香濃,煎到啱啱好嘅牛肉仲保留到肉汁。真係特別好食。下面就係一層芝士洋蔥最底就係吐司。夾埋一齊食味道好夾好有層次。松露蟹肉沾醬 $108元,呢個松露沾醬真係不得了,黑松露同蟹肉嘅鮮味完全突顯出嚟,加少少配吐司一齊食增添口感。蟹肉薯仔沙律,追加牛肉,風乾火腿,$127元風乾火腿帶少少鹹香,加上有少少脂肪人口特別惹味,沙律味道清新,食完都特別開胃,配上鮮甜嘅蟹肉無論口感同味道層次都好豐富,呢個簡直係必食嘅推介。Matcha Latte $38元,抹茶latte加上拉花,非常吸睛,豐富嘅茶香,入口特別幼滑。凍Matcha Latte $42 元,另外點左杯凍飲,凍飲多一份清新香口嘅味道，香濃嘅綠茶味道喺呢度有種好舒服環境非常寧靜嘅感覺完全係有慢活嘅氣氛，最重要係食物質素非常高絕對會再返嚟幫襯
繼續閱讀
今日入咗元朗探朋友,而家入元朗真係好方便,搭西鐵一陣就到,探完朋友梗係叫佢帶我去搵啲好嘢食下,佢今日就帶咗我去錦田食西餐。餐廳望落去好整潔,裝修得好有格調,空間感十分足夠,坐得好舒適,喺度食嘢個感覺真係好放鬆。Kachinushi ,地址係錦田永隆圍77號地舖。松露蟹肉沾醬 108元,黑松露加埋蟹肉用嚟配麵包,黑松露味道好香,加埋蟹肉嘅新鮮鮮甜味,食落去好有層次,沾少少上麵包食,無論口感同味道都好正。牛肉吐司 124元,一上枱已經好吸引,牛肉煎到啱啱好,入口肉質好嫩滑,食落去牛肉味好香濃,仲係好juicy,加上下面有少少洋蔥吊起牛肉嘅味道。黃豆粉年糕班戟 78元,非常特別嘅甜品,班戟有啲蛋香味,加上燒到邊位有點焦香,食落去好有口感,味道都幾特別。年糕口感煙煙韌韌,配搭埋香濃嘅黃豆粉,再配埋雪糕,食落去又凍又熱,口感非常特別。檸檬蛋黃醬藍莓班戟 78元,賣相已經好吸引,雪糕係中間慢慢融化,酸酸甜甜嘅蛋黃醬食落去又開胃又香口。
繼續閱讀