2
4
2
港鐵銅鑼灣站 D4 出口, 步行約1分鐘 繼續閱讀
電話號碼
27777895
付款方式
現金
食評 (9)
等級1 2018-11-21
91 瀏覽
市面上咁多間野飲鋪,呢間就主打唔同口味珍珠!有幾款好特別既珍珠簡,小篇冇勇氣試到榴槤味,如果大家試左話我知好唔好飲,不過火龍果珍珠就幾好咬口,幾好味!不過野飲就都係芝士茶,有d 甜。d 珍珠都算係一個新衝擊!值得試! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-11-21
70 瀏覽
友人💩小姐由加國短暫返港,同埋L小姐、C小姐同O先生約喺銅鑼灣聚一聚午飯啦,午飯期間因為💩小姐想係聽日離港前去飲杯珍珠奶茶,大家當然食完飯就即刻奉陪到底啦~話說💩小姐特別想去呢間Just Bobba,因為話上網見到係新開,賣相幾吸引咁話。去到見到第2杯做半價,O先生又想試榴槤味,我地即刻湊夠4個叫杯試下。Menu - 有4款珍珠,正常,蜂蜜珍珠,火龍果珍珠同榴槤珍珠,而且d珍珠都係免費加既。見menu寫話用左大紅袍茶葉,美味子同L小姐都叫左招牌鮮奶茶加蜂蜜珍珠走冰小甜。點知🀄️伏左。首先L小姐見到兩杯有冰就同職員講我地叫走冰啦,點知職員話「冇冰都係會有d冰既」?!點解咁都up🉐️出既?!!!🤷🏻‍♀️🤷🏻‍♀️好啦,咁小事費時嘈,照飲啦,美味子平時係屋企冲開大紅袍飲,但今次一d大紅袍既茶味都飲唔出,唔知佢d茶葉冲左幾多次啦真係🤷🏻‍♀️,奶茶味又唔出,珍珠亦都唔好食,而且成杯都過甜(已叫小甜),完全失望,美味子覺得非常唔值,無論服務到飲品質素都唔🈴️格🙅🏻‍♀️O先生杯榴槤返而叫做好d,但佢一飮完都係話好甜同d珍珠唔得;發起人💩小姐成為衆矢之的係咁俾我地投訴,佢叫個杯過甜抹茶歐蕾配火龍果珍珠成為佢離港前最後一杯珍珠奶茶,銅鑼灣咁多間好飲嘅都飲唔到,真遺憾😓😓😓。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-06
164 瀏覽
剛剛吃完火鍋,朋友和我在研究喝那間台式飲品店好,朋友首選其實是喜茶,不過12月才正式開業,所以試不到喜茶。我提議試試天仁茗茶的副線Just Bobba,這裡有我們喜歡的榴槤飲品售賣,朋友聽了深感興趣,決定一試。來到Just Bobba門外,我們看見「本月優惠買第二杯半價」的宣傳板,多吸引的優惠,加上這裡本身所有飲品可以免費加配珍珠,我們覺得非常化算。我們兩個榴槤控當然選榴槤珍珠,飲品方面則挑了榴槤鮮奶綠及榴槤鮮牛奶。黃澄澄的榴槤珍珠蠻搶眼的,不過當我們一咬,失望感隨之而來,為何珍珠這麼硬邦邦,沒半點煙韌感,是加入鮮食纖維的關係嗎? 而且榴槤珍珠些微的榴槤味也沒有,我們下次都是不加珍珠好了。撇除榴槤珍珠的劣處,其實榴槤鮮牛奶和榴槤鮮奶綠挺不錯的,Just Bobba所用的鮮牛奶是日本明治鮮牛奶,入口頗細滑,榴槤香味撲鼻。朋友覺得榴槤鮮牛奶較榴槤鮮奶綠甜香,就像甜品店的榴槤糖水,榴槤鮮奶綠則清新一些,主要綠茶平衡榴槤的甜度。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-11-04
117 瀏覽
夏天又過去 超鍾意食榴槤既人又要等一年今年榴槤當造 食左幾轉超市普通貨都超甜超香濃所以 呢間主打即制珍珠而且仲有榴槤珍珠 緊係要試啦可能新開業 都要排一段時間叫左社交媒體推介既榴槤奶綠配榴槤珍珠飲落飲品其實都有淡淡榴槤味唔可以話好濃味但亦唔算太淡珍珠好有咬口 我係鍾意硬身啲既 所以幾好咬但榴槤珍珠就真係無乜榴槤味啦對於榴槤控黎講 呢杯係第一次飲既榴槤台式飲品所以都無乜得比較但整體黎講 無論珍珠定飲品味道本人覺得合格既 繼續閱讀
(以上食評乃用戶個人意見 , 並不代表OpenRice之觀點。)
等級3 2018-10-28
179 瀏覽
銅鑼灣又一台式飲品店加入戰團。之前睇 {{ Just Bobba }} 簡介原來佢地係由天仁茗茶團隊創立。Foodamin 俾呢個點吸引而且有所期待。所以決定去試下。放工時間未到。只有大約7至8人在排隊。所以唔使等好耐。Foodamin同表妹分別揀左佢地推介嘅蘭香烏龍茶以及榴槤鮮奶綠。蘭香烏龍茶入口唔苦澀。尚算清香。但茶底唔算得上濃郁。味道只屬不過不失。而令人期待嘅榴槤鮮奶綠味道唔濃郁之餘。亦略嫌口感唔夠稠身。只有榴槤醬香味但完全唔覺得有榴槤肉打喺飲品入面。而且價錢偏高。味道普通。完全唔值。佢地嘅賣點係日日新鮮製作三款口味(黑糖/蜂蜜/紅火龍果) 嘅手作珍珠。新開張期間限定推出榴槤珍珠。既然手作珍珠係賣點。當然要試下比較特別嘅紅火龍果同限定口味榴槤珍珠啦。可惜無論係紅火龍果抑或係榴槤珍珠都相當普通。唔覺得新鮮之餘亦偏硬身。桃紅色紅火龍果珍珠保留左一粒粒黑色火龍果籽。食落提升左口感。但由於火龍果味偏淡而甜味較濃。加上珍珠質地過硬。感覺好似食緊果汁軟糖。不爽。同樣榴槤珍珠唔夠軟身。唔香濃。欠缺榴槤味道。飲品冇特別。珍珠亦唔好食。剛開張冇耐好似未能贏到口碑。要加入台式飲品店大戰似乎有d 難度。希望日後製作會加以改良。提高水準。計劃要試嘅朋友。暫時大概不必專程去排隊了。 繼續閱讀
(以上食評乃用戶個人意見 , 並不代表OpenRice之觀點。)