J's Daily (已結業)

今日阿媽冇煮飯，決定出街食，行左陣決定食韓國野。夜晚冇乜人，計埋我地得２台客，完全唔洗等唔洗迫。老板娘係韓國人，好似唔識講廣東話，點菜唯有用身體語言/普通話/英文，可惜老板娘都係幫我地落錯單.....不過算啦，照食。野食幾好食，我地叫左炸醬麵，炸雞，烤牛，價錢合理，不過野飲就貴左Ｄ。

Having past this place numerous times on the bus, my boyfriend and I decided to try this place out.As I had a bit of a dodgy stomach, we opted to go for the non-spicy options which included kimbab, hot stone pot beef rice, beef rib soup and beef tenderloin.The kimbab came first, which was ok. It was fresh but it would do as I was hungry. Next came the hot stone pot. My first thought was "wow what a small portion" but it wasn't too bad. Our soup came which was also ok but a little too salty.The w

小弟好鍾意食牛肋骨，無論香港or韓國，都係必食，今日行過見到呢間野有，就坐入去試下，叫個$60嘅牛肋骨鍋，等左20分鐘先到都冇乜野，點知我一睇鍋入面得3粒牛，其中一粒係骨，我覺得係咪黎錯，點知個老闆同我用國語講有三舊肉，仲問我要唔要，我即刻回答佢我唔會俾$60蚊囉，佢就收起啲野食，what the xxxx!

今晚係第三次幫襯 點咗韓式辣炒雞肉 由於不是套餐 所以另加了一個白飯 主食以外還包括了三樣韓式冷菜 除了常見的泡菜 還有蜜糖薯仔和蘋果沙律 店主是韓國人 冷菜是新派韓式做法 好爽口醒胃 主菜香辣味道濃郁 送飯一流 有驚喜是送了一碗诲帶湯 是放了新鮮蜆仔 亦好鮮味 至於價錢共一佰零五元 喺土瓜灣唔算便宜 但食物資素店舖環境和服務都好好 見到佢哋餐牌 炸雞竟然係原隻炸 心思思想叫朋友一齊試 我好少寫食評 但覺得呢D有誠意有心思的小店值得支持 請努力

難得全家人都放假，決定出面覓食見到土瓜灣新開左間韓國料理，拿拿林去試下！睇到menu 上有BBQ喎，決定點黎食食，我地點左豬肩肉、燒牛仔骨同五花腩各一份。黎到先發現哩度BBQ特別唔同，冇傳統烤爐，直接將食物放喺枱上面已經可以燒問過先知原來係韓國新出旣方法，正！慳好多位置豬肩肉吾錯，吾會太硬，肉質OK！五花腩好味老闆親自教路，將泡菜放爐旁邊吸收豬油味道更好更香最推介牛仔骨，好香甜，老闆自家制醬料好好味！今餐食得好滿足，絕對有下次！服務態度吾錯韓國人老闆Nice！下次帶埋朋友黎食

跟屋企做冬, 諗起附近新開了家韓食店, 於是就去試試。舖內太約有6~7張4人檯, 檯與檯之間好闊落, 就算有大人細路都坐得好舒服, 唔似出面d餐廳迫到你死。裡面有韓燒及熟食可選, 我們就點了燒五花腩, 豬皮, 牛仔骨, 燒牛肉配粉絲, 全部都好多汁好好味, 夾住生菜黎食無咁油膩  最喜歡最喜歡就是辣炒雞排, 跟韓國正宗的春村雞一樣好味而且可以叫少辣, 唔食辣既朋友都可以一試 熟食點了魷魚泡菜煎餅, 炒辣魷魚等等。成家人都食到飽飽, 我覺得可以再encore囉

是夜8點先晌土瓜灣收工，睇睇電話先知原來朋友仔被腦細捉住開緊馬拉松會走唔到，死死地氣自己晌openrice search 下附近有咩食（唔識路嘛...）發現有間新開既韓國餐廳，決定自己一個去試新野。入到去，細細間但裝修幾舒服，睇睇Menu，居然無食開既伴飯、鍋飯喎，佢只有Offer Set Dinner 同埋一D湯類，太餓啦，是但叫左個韓式炒辣雞（$85）。等待途中食佢既前菜，泡菜同蓮藕都超好食，完全停唔到口！好快個Set就黎左，每個Set都跟個白飯，一試真係不得了！辣，真係夠辣，唔係一般韓國餐館加左好多甜味既辣，份量係大碟，本來都驚食唔食得晒.....最後居然清晒碟！真係好好送飯！ 突然驚覺個餐無湯既？於是就決定加$10試埋個湯，是夜佢地提供蘿蔔湯.....唔知係咪食完辣野，飲落好淡，但最後又發現個湯都幾解辣，足料既！埋單$95無加一，晌土瓜灣可能係貴左少少，但絕對係滿足。後記：邊食邊睇其他食評，發現佢既炸雞係原隻架！韓國老闆同兩位本地女服務員態度都好好，食食下仲黎問我好唔好食，不過見到連埋我得3個客，可能地理問題，希望佢生意興隆啦！

去土瓜灣探朋友經過發現有間新韓式店開張，見到裝潢幾整潔光猛就入去試試。 我跟朋友點了午餐韓國辣醬魷魚同袐制韓醬烤牛小排， kimchi很開胃不算辣正合我口味。 至於主菜牛小排味道真是非常讚，而且份量也不少食著食著我整碗飯也食完😅 朋友的魷魚也不錯但因為是辣的我只試了幾口。 店主原來是純正韓人呢!! 還向我們推介晚市的炸雞，他說跟韓劇裡的不一樣呀，結果吸引了我之後帶了朋友一行6人去再幫襯。 炸雞果然沒令我失望…整隻上撕來吃感覺很爽而且肉一點也不鞋! 其餘的炒粉絲，年糕，豬扒，大醬湯等等也不錯，不知是否韓國人主理感覺跟以往食的更地道! 價錢合理而且沒加一，下次會再去!

由於是新開的所以不用等位, 喜出望外是食物質素很好,份量不小. 前菜小食都有水準.小牛排及炸雞是必食的, 其他食物都有韓國風味..原來是由兩位韓國人主理. 真不錯

  經過見新開張入去試下乜味道, 由於外墻竹棚還未清拆見吾到招牌, 真係吾易察覺呢間店鋪,裝修為小店格局. 入坐後個員工攞個餐牌過來好努力用普通話推介, 傾左一陣原來佢係老闆娘, 呢間係佢老公開的韓國餐廳小店只是開張1個星期, 最後點左韓式原隻酥炸雞.秘制韓醬烤牛小排及秘制韓醬豬肋肉. 可能新開張關係餐牌上菜選擇吾多, 祈望日後再來時更多新菜式.秘制韓醬烤牛小排, 豬肋肉味道還可以, 如果可以加點配菜裝飾更佳韓式原隻酥炸雞炸到金黃色原隻上賣相吸引, 吃落熱辣辣又多汁配點"話"鹽幾好味.

前兩天路過土瓜灣見到呢間新開嘅韓國菜於是就入去試下啦入到去有位講普通話嘅女仕帶位, 後來同佢吹左幾句, 先知原來佢係韓國人. 佢話間餐廳係佢同佢老公開嘅.後來我地就點左兩個set Dinner, 一個小牛排, 另一個就韓式原隻炸雞, 另外散叫了一份炒年糕.等緊上菜果陣啲泡菜已經俾我KO左, 老板娘都好主動幫我地Refill到上菜lu, 小牛排ok好味啦, 只係賣相一般, 可以改進本來我地以為炸雞係"都敏俊style"嘅, 點知原來佢係原隻炸, 不過都炸得好好味, 就算連雞胸位都唔會覺得"鞋", 可以推价一下.到佢個炒年糕就真係一定要強烈推价, 連平時唔寫食評嘅我都要為左佢入黎寫返份食評.本人平時唔太喜歡食炒年糕, 因為出面啲韓式炒年糕一般都做得好韌同埋好辣. 但係佢個炒年糕就一啲都唔韌但又會覺得太淋, 有咬口又唔會覺得黐牙. 另外佢辣得黎又唔會覺得只有辣味, 辣中帶點香味, 好易入口. 其實我都唔係太識得形容, 總知就係煮得恰到好處, 非常之好食總括黎講佢地係比較地道一點嘅韓國菜, 如果食慣左港式韓食又想轉換一下口味嘅可以考盧下呢間.