影片
港鐵荃灣西站 D 出口, 步行約9分鐘
繼續閱讀
營業時間
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
招牌菜
相關文章
上網見有post介紹jk brothers，於是book左枱慶祝母親節。好耐之前幫襯過尖沙咀分店，個陣放題有任食醬油鮑魚同醬油蝦，質素都唔差。估唔到今次惡夢般體驗🙄一入到去reception，話搵唔到訂枱記錄， 擾攘左一陣揀埋火鍋湯底就安排入座。點知遲遲未有qr code落單🙄我地催佢，店員淨係話電腦壞左出唔到單，完全冇諗過點解決，淨係識叫我地等等。呢個悲劇唔至發生係我地身上，隔離2枱客人等左半個鐘都冇qr code，即係"等等" 已經等左大半個鐘。放題個限時已經呃左我地半個鐘😢3枱客人一齊催佢，店員先話俾張紙我地寫想食咩，搞笑既係連有咩揀都無從得知，完全冇menu。再等左一陣終於識print張menu出黎，不過得一張…佢好似連幾多枱客冇qr code落單都仲未知🙄店長話每樣執d俾我地，一定會俾我地食齊咁多款。咁叫任食咩？隔離枱位爸爸話，咁埋單銀包求其執d錢俾佢得唔得😂最好笑男朋友行左出去同其他食客吹水，人地火鍋料到齊，係冇個鍋，等左好好好耐🙄最尾3枱一齊走人🙄但係已經破壞曬母親節氣氛，仲要臨時臨急walkin去其他餐廳😔完全唔知店長訓醒未。冇qr code賴電腦，冇電腦咪原始d一早print個menu囉，半個鐘前應該要做啦。火鍋我又唔明有咩咁難整，生肉生海鮮放落去，倒d湯就上得枱。災難咁非常失望😪
繼續閱讀
🤑 帆立貝青醬意粉 $32🤑 溏心蛋 $8🤑 韓國雪濃湯 $16🤑 刺身丼 $30🤑 蒜蓉包 $10———————————————荃灣搵野食，經過見到好大個牌寫住：日韓料理低至$xx😂 於是比個價錢吸引左，餐牌食物種類似薩莉亞，但實際食物完全唔同😆 🌟 帆立貝青醬意粉 $32 🌟蒜香味好夾意粉，加上有帆立貝肉，CP值超高，味道唔差，只係$32，一個女人食應該好飽🤣 男人就可能要加多個小食。🌟 溏心蛋 $8 🌟溏心蛋中規中矩，完全做到流心效果，但配搭嘅汁比較鹹，少少失色😣 但對於小編勁鍾意食溏心蛋，就好值得試下🥳🌟 韓國雪濃湯 $16 🌟唔太推介雪濃湯，有啲鹹，味精重，勝在湯中有牛骨，$16嚟講好真材實料，但我下次會選擇飲品🤓🌟 刺身丼 $30 🌟刺身丼唔大份，一細碗飯，但依然配上三款厚切刺身，刺身鮮甜，一啲都唔馬虎😋🌟 蒜蓉包 $10 🌟匆忙間唔記得影蒜蓉包😫 蒜蓉包比較香脆，多蒜蓉牛油，烤到成個包脆而硬。如果想食外脆內軟蒜蓉包嘅朋友，可能選擇其他小食較好🙈餐廳位於樓上舖，要經過一個小商場入去，假日下午茶時段唔多人，環境安靜，職員服務態度好❤️ 最特別係，送餐由機械人負責，又節省人手，又安全送餐，唔會有好多delay。可能因為餐廳有做任食，座位非常闊、舒服😌 兩個人食，最後$100都唔洗，味道大致唔錯，十分抵食❣️———————————————評分🔖 (5⭐️為滿分)味道：⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️衛生：⭐️⭐️⭐️⭐️抵食：⭐️⭐️⭐️⭐️回購？會😋✅———————————————🚶🏻♀️ #youngcfood_hongkong🚶🏻♀️ #youngcfood_tsuenwan🕵🏻♀️ #youngcfood_japanese———————————————📍JK Brother's📍荃灣川龍街118號百悅坊11樓 👣 港鐵荃灣西站 D 出口, 步行約9分鐘 ...#hkfoodblogger #hkig #discoverhongkong #hkfoodie #instafollow #foodstagram #bestfoodhongkong #bestfoodfeed #foodphotography #foodporn #topcitybiteshk #openricehk #吃貨 #支持小店 #香港美食 #hkcouple #hk #852 #hkiger #香港人 #香港 #相機食先 #hkfood #hkfoodstagram #荃灣 #荃灣美食
繼續閱讀
下巴仔評分（5星為最高）味道：🌟🌟🌟🌟環境：🌟🌟🌟🌟服務：🌟🌟🌟抵食：🌟🌟🌟🌟🌟重點推介🤤👍🏻 麻辣柚子雞中翼調味屬於甜辣甜辣 外層掃咗一浸薄薄嘅柚子醬 清香嘅味道減低左油膩感😎燒到脆皮但內裏繼續保持油分 值得推介😽👍🏻 四重芝士薄餅🍕對我來講 最簡單嘅Pizza其實係最好味 薄餅底部鋪滿左蕃茄醬 配合四款唔同種類嘅芝士 天衣無縫嘅組合🙌🏻🙌🏻 上枱時 薄批依然香脆 不過都建議趁熱食‼️👍🏻 帆立貝青醬意粉意粉分量比想像中少 但驚喜地帆立貝有頗多粒 蒜香味非常重嘅一款意粉🍝雖然味道好 但略嫌唔夠乾身 好易食到個嘴油淋淋 注意事項⚠️- 餐廳隱身喺街市入面嘅一棟大廈 入口位置有啲難搵- 餐廳之前係做放題嘅 所以環境好闊落 而且有私隱度- 採用高科技 QR code落單📲以及機械人送餐🤖
繼續閱讀
本來是打邊爐，疫情變了外賣小吃，到場一個人都冇。本來叫一份炸蠔和炸蝦，炸蝦冇叫二份蠔。即叫即炸，約10分鐘，外賣盒是熱。回家打外見有些overcook，但仍好鬆脆，蠔不算大，加上炸粉都算滿足。
繼續閱讀
👧🏻見到新假期話荃新有間放題喺疫情下大轉型～平得嚟仲話個餐牌好似薩莉亞?! 地點都好易搵～只喺喺楊屋道街市入面～一於同👦🏻一齊食盡佢🍽由於疫情關係～👧🏻👦🏻喺大約𝟤-𝟥點到～餐廳只有𝟣-𝟤枱客人食緊嘢～所以店員見少人都比咗張𝟨-𝟪人枱我地所以坐得好舒服～另外餐廳喺採取手機落單～再由機械🐱送到客人面前～可以減低接觸👍🏻𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒🌈麻辣柚子雞中翼(小辣)(𝟦件) $𝟤𝟢 👍🏻雞翼𝗌𝗂𝗓𝖾屬於中型～啱啱焗起嘅雞肉質嫩滑～柚子醬味濃但有少少蓋過咗麻辣嘅味道～🌈韓式辣味蒜蓉包 $𝟣𝟢本身心目中嘅蒜蓉包喺用法國長棍包整嘅～點知一上枱👧🏻👦🏻真心笑咗～餐廳喺用咗嘉頓嘅熱狗包嚟整😂不過又無影響到個味道～包底一樣咁脆～蒜蓉味啱啱好～不過唔太食得出有韓式嘅感覺💁🏻♀️🌈牛肝菌忌廉湯 $𝟣𝟨 👍🏻呢個喺👦🏻推薦嘅湯品～因為佢鍾意牛肝菌嘅味道😂飲落都濃郁嘅～唔會太稀/太杰🌈香濃牛骨雪濃湯$𝟣𝟨大大舊牛骨放咗喺一隻中碗入面～雖然湯底好雪白…飲落都好重牛味～不過型住好似飲緊味精湯咁🤨🌈三重芝士炸雞 $𝟦𝟤$𝟦𝟤得𝟧件細炸雞～份量認真有啲少～同雞翼一樣啱啱炸起所以食落外脆內軟～不過唔知因咩事～炸雞外面嘅芝士已經凝固咗～無拉絲嘅效果～味道亦都唔突出～食到最後仲有啲漏漏地嘅感覺🌈和風鰻魚薄餅 $𝟥𝟨 👍🏻𝖯𝗂𝗓𝗓𝖺底好薄脆～上面鋪咗𝟨片鰻魚～可以好平均地切出𝟨小片而每啖都會食到鰻魚🙆🏻♀️鰻魚焗完之後散發出焦香焦香嘅香氣～配搭埋芝士入口真心好好食❤️🌈蕃茄肉醬焗薯蓉 $𝟤𝟫同薩莉亞嘅好唔一樣～薯蓉入口好𝖼𝗋𝖾𝖺𝗆𝗒～蕃茄肉醬酸酸甜甜好開胃～食完一碟落肚唔會覺得好濟🌈香草忌廉汁焗吉列鱈魚柳 $𝟥𝟤呢個餐除咗兩大件炸好嘅鱈魚柳外～旁邊用咗薯角同粟米做配菜～鱈魚柳外層炸粉都「幾厚」🙈不過勝在夠熱夠脆～配菜就中規中矩啦🌈忌廉明太子刀削麵 $𝟥𝟨刀削麵煮得太淋～用叉一捲起好容易斷🥲忌廉明太子呢個配搭其實好好味～不過醬汁過多～搞到好「張」口同好濟～呢個👧🏻唔太推薦🌈提拉米蘇慕絲蛋糕(𝟦件) $𝟤𝟢餐牌上面張圖好吸引～好似係雪到好凍嘅朱古力蛋糕咁～點知餐廳都喺做返自己…就喺放題最常見嘅迷你蛋糕🥲味道唔多講大家都好熟悉💁🏻♀️🌈自家製𝟥.𝟨牛乳奶凍 $𝟣𝟨 👍🏻同蛋糕一樣～喺放題店好常見嘅奶凍～不過味道都唔差～牛奶味好香濃～如果大家想食飽飽之後想食甜品～都可以𝗈𝗋𝖽𝖾𝗋一杯咁囉 𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒每一碟嘅份量都好對得住個價錢～甚至乎可以話超越咗～👧🏻👦🏻因為當日無食到早餐～所以叫咗咁多嘢食同埋喺食曬埋單嘅🤣大家去到叫返正常份量就𝖮𝖪啦𝖢𝖯值 🌕🌕🌕🌕🌗 (𝟧分滿分)推薦度 🌕🌕🌕🌕🌑 (𝟧分滿分)以上食評只喺屬於個人口味～大家可以參考參考～最後希望大家可以𝖿𝗈𝗅𝗅𝗈𝗐 #𝗄𝗋𝗂𝗌𝗍𝗂𝖿𝗈𝗈𝖽𝗂𝖾之外～仲可以𝖢𝖫𝖲 (𝖢𝗈𝗆𝗆𝖾𝗇𝗍 + 𝖫𝗂𝗄𝖾 + 𝖲𝗁𝖺𝗋𝖾) ～我地下個𝖯𝗈𝗌𝗍見👋🏻進食日期：𝟤𝟢𝟤𝟤.𝟤.𝟣𝟪
繼續閱讀