JK Brother’s (已結業)

因為朋友生日，所以去咗Brandon之前推介嘅JK brothers食火鍋放題。上到去即刻諗叫邊一個set，不過侍應行咗過嚟同我哋講$388嗰個set而家做緊買一送一，我哋諗都唔諗就即刻揀咗呢個啦。湯底方面我哋揀咗部隊鍋同埋牡蠣湯底。本身一上湯嘅時候覺得都幾香，但係侍應加湯嘅時候係加清湯，即刻溝淡晒啲味😭講吓食物方面，用手機掃QR code可以叫刺身，我哋叫咗每樣少少嚟試吓，覺得個醬油蝦同埋鮑魚都幾好食。火鍋配料方面就略嫌少咗啲啲，我最鍾意食嘅豆腐同埋芋絲都冇😢可能係我食嘅嘢比較揀擇....不過甜品方面就好揼本！去咁抵食嘅火鍋放題，竟然有movenpick!仲有好多韓國甜品，嗰個芒果雪條一定要食，同埋朋友拎咗呢個綠茶鯛魚燒雪糕，佢都非常推介！出面買一個都好貴。最後因為有朋友生日，所以送咗一支香檳俾我哋。非常推介大家去食

朋友見到有優惠 帶我地黎試下4個人 叫2人價錢網上見到影片已經覺得好吸引 可以自己出去拎海鮮 有啲似之前韓國食一間店 不過嗰間就係燒烤嘅我勁鍾意食蜆啱晒我平時去任食打邊爐 落親單 蜆都係比幾粒而家鍾意攞幾多都得哈哈 仲有熟食 甜品 飲品自助區好多選擇地方唔算好大 記得要卜位海鮮全部望落去都好新鮮 對熟蝦冇興趣所以就冇拎到蜆就試哂幾款 個人覺得大粒啲白色嗰款比較鮮甜間唔中會有沙 可接受味道到正常 啲野未熟可以食住等有牛味 推薦唔記得影醬油蝦 醬油蝦推薦 好鮮甜 個醬汁就係醬油蟹嗰啲醬汁幾入味 甜甜地 辣辣地相反鮑魚就太辣呀 唔食得辣嘅唔好點鮑魚同埋刺身都一般般 可以每款叫2件試下先我嗰晚食嘅三文魚就太肥 好油芝士撻好味 可惜叫完2個之後就話無哂奶黃流心牛角包 個包本身好食個奶黃餡好流心 但味道有啲怪呢個唔推薦 都幾難食下🤣 千祈唔好拎

現澳洲和牛套餐買一送一，兩或四人極抵食，但我最喜歡是有現撈生猛大頭蝦及貝類，蝦新鮮生猛🦐，幾款貝類鮮甜好味，任點的自製醬油蝦及醬油鮑魚亦好味，剌生款式不多但亦新鮮好味，自助吧食材有多款餃子/菜/雞肉，其中清酒雞肉及韓國泡菜餃可以一試，小食有多款炸物，以炸蠔，燒生蠔及串燒蝦最好味，甜品/雪糕都好多選擇，如果喜歡榴槤可以試吓榴槤糯米糍，飲品有多款選擇，喜歡飲酒更有韓國燒酒清酒梅酒🍻，整體來講食物新鮮，味道OK。

本人本來看了某youtuber介紹，看似有很多食物選擇，例如醬油蝦，刺身，即撈海鮮等等，因此有不少期望。但入場後，大大失望。首先食物總類少雖然有即場撈海鮮，但蝦無蝦味，貝殼類有沙，120分鐘未見到燒生蠔出現，和youtube片很大出入。牛肉還好，但下下都要向職員下單，浪費了qr code落單的功能。眼見醬油鮑魚清理得不太乾淨，所以醬油蝦都不敢食了。雪糕方面，雖然有movenpick,但只有咖啡味可選擇。員工服務態度還好。最後感受：性價比很低

🥢尖沙咀超抵食買一送一每人$239全包 海鮮火鍋刺身放題🥢這間良心放題火鍋店一直在我book mark list 入面，而家仲做緊買一送一優惠，除了火鍋肉類仲有即撈貝類同流水蝦，仲有醬油鮑魚同醬油蝦，海鮮迷聽到都覺得食指大動🥢M6 澳洲和牛肩胛火鍋放題 $398 (星期五六日買一送一價錢） 平均加一後每位$239湯底一共有7款選擇，牡蠣土手鍋，海鮮煉獄鍋，步隊鍋，人參雞鍋，壽喜燒，豬骨鍋，隻隻都好吸引最後揀了海鮮煉獄鍋，店員話好辣，搞到我非常之咁期待，點知出到嚟係小小辣，雖然冇想像中咁辣，甜甜辣辣地幾好味，入邊本身已經有蝦帶子青口，所以都好鮮味🥢刺身，醬油蝦，醬油鮑魚刺身款式雖然唔多，但感覺很新鮮爽脆，最好食係醬油蝦同醬油鮑魚，我encore左好多次，醬油蝦用的是有頭甜蝦，本身已經好甜，加上特製的甜豉油醃過，味道更加鮮甜，鮑魚口感軟腍滑溜有口感，甜甜的又係好好食🥢即撈貝類，大頭蝦出邊有魚缸可以俾你即撈即煮，貝類共有四款感覺新鮮鮮味，其中一隻蜆略略有點沙，大頭蝦隻隻都超爆膏，如果鍾意食蝦嘅朋友呢度真係一個天堂🥢串燒蝦出邊有個燒烤爐，會不定時提串燒蝦，我咁鍾意

今天去了食午餐放題，只是$68元再加一，十分超值，肥牛任食，還有食物櫃放有蔬菜，金姑，雲吞， 泡菜餃子，貢丸等等。有些食物由台灣及韓國直送。還有些熟食，有些 炸物，都十分好味。還有日式的 螺肉 ，八爪魚，中華沙律等等。又有 響鈴和炸魚皮。食物都好好味，非常超值。還有飲品，任飲，雖然 選擇不多，但都可以，仲有甜品， 豆腐花，牛乳及芒果布甸，和雪糕。所以非常超值，現在日日 爆滿，一定要訂位。自助餐由1:00pm 至3:00pm, 今日大概2:30pm 時，突然見到有位大叔，他因為太貪心，之前從食物櫃取了太多食物，他食唔曬，他景然想將食唔完的食物放回食物櫃，我見唔到有没有店員阻止他，只見他大大聲講" 我食唔曬，唔好浪費", 但現在有疫情，你的口水已經噴曬在食物上， 如果將食物放回食物櫃，十分唔 衛生， 冇人想食你口水尾， 如果自己食唔曬，就唔好攞太多食物，要真惜食物。希望這店可以罰款， 以阻嚇那些貪心的人。

因為間店告急所以去支持下但係對呢間黃店真係太失望啦好味是良知呀大佬 再唔改善下比你告急幾百次都唔掂第一，食物質素差叫左個$388買一送一嘅套餐但啲牛未解凍之餘 質素仲差過牛摩完全唔值388呢個價 壽喜燒湯底 甜到飛起 已經瘋狂加水都仲係好甜 第二，環境唔衛生 竟然用白布隔開座位成間醫院咁🌝 我唔知啲白布有冇洗啦但啲食物成日唔小心hi到塊布真係好污糟第三，呀嬸態度差 其他員工都係後生仔女 態度ok唯獨是有個呀嬸 唔知係店長定老細態度真係特別差 黑口黑面一過鐘 明明已經執緊野準備走都要係到啤住哂🤷🏻‍♀️ 不過唯一抵讚係 甜品有movenpick😍😍

家庭聚會雖然疫情影響下各食肆也人心惶惶!但這間多元化火煱在逆境中令人振憤!買一送一的牛肩胛套餐加任撈海鮮，刺身，酱油鮑鱼及蝦，燒蝦燒蠔炸蠔榴槤糯米糍好出色。吃過好多放題開了一年左右的這店可算最掂啦~大力推介

店舖非常多人，建議去之前一定要訂枱！之前與好友一起總共五個人一齊食！雖然環境有少少擠迫，但整體還算乾淨企理沒有大影響。食物非常抵食有新鮮嘅蝦，帶子等，要幾多有幾多！啲新鮮嘅蝦全部都係自己夾上黎，啲蝦新鮮到放咗落火鍋仲跳返上嚟，感覺非常新穎，而且服務員非常有禮貌，非常耐心講解。食物質素油高，醬油蝦非常新鮮好食！而且甜品極高質，唔同其他任食放題，好多韓國甜品、韓國雪條，仲有啲又貴又高級嘅雪糕，食到舔舔脷！

本身見到佢有得自助打撈海鮮食所以吸引咗我哋去訂位點知去到見到打撈海鮮嗰個位的衛生程度真係一般仲有好多蝦已經喺缸中死咗所以都冇乜點食海鮮反而佢其他食物就好友驚喜尤其是醬油鮑魚少少辣又鮮味我哋encore咗好多轉另外佢酒水任飲呢個都係一大個回本位佢隻韓國芒果啤酒同埋白桃酒非常易入口我媽咪一晚就飲咗四罐😂另外佢隻韓國芒果雪條我哋一行五人總共食咗12支🤣🤣🤣有個小朋友一個人自己食咗四支😋總括來講而家買一送一係非常抵食尤其係打邊爐大家都會飲嘢比較多佢有得任飲真係好容易回本

任食黃店火鍋店唔多選擇，所以今次都係揀最多人講的JK brothers試下🤨 係openrice到買錯小童個隻任食，所以現場補錢，但我計來計去都唔啱數，懷疑佢收左我買一送一個隻M6澳洲和牛扁胛餐，不過冇同佢計就算了，因為個到真係太混亂又唔夠人手，地方都幾細🤯-抵讚位就係好多款野食，除咗邊爐，仲有刺身，醬油蝦，醬油鮑魚🥰刺身勁薄，質素一般，醬油🦐都好細，但幾鮮。鮑魚好d，夠彈牙，同埋醬油入晒味😉回本位呀！佢地仲有得自己撈海鮮，海蝦，各種蜆，青口，蟶子仔，沙白，元貝仔等等，全部都好新鮮，特別d蝦，我新鮮到跳左隻落地😂🙈 青口特別大隻！但小心啲蜆會有沙😖 -熟食都有幾款，有啲燒蠔，但好快就比人拎晒🧐普通仲有啲炒菇，炸魷魚，魚蛋，餃子等一般嘢，係湯未滾都可以食小小既😝 但佢火鍋配料就好小款，出面個雪櫃真係數得晒😫 係泡菜餃子好啲，其餘都唔特別😶 仲有啲牛肉薄到有啲誇😰同埋話係和牛，我又唔係好覺🥴睇睇張圖都好似差啲bor😵湯我揀左壽喜燒湯，佢越滾越鹹🥵所以呢間質素麻麻，係多選擇同支持黃店，下次去試牛大人了😍😍

6月18號剛去試了388買一送一晚餐，實收388×2 加一 再減388 ，即＄466 2位。環境非常迫，空氣極不流通。 8點入座，蝦缸只得十幾隻蝦，之後見有客人要求加蝦，過了45分鐘才見有加廿多隻。標榜鮑魚任食，但每次論落單多少，只會上2隻，而且等候時間很長，落單到上枱要15到20分鐘。燒蠔不新鮮有異味，Movenpick雪糕一早已經沒了，不會Refill 。服務方面，職員全程只有2次主動收東西，另想一提在疫情之下，還有職員全程沒有配帶口罩，情況十分不理想。總括來說，如以這種‘有限度’任食來講，＄233一位CP值不高，並不推薦去試！

黎尖沙咀整頭整到夜一夜，就搵間放題店大食特食🤣-呢間係性價比好高嘅打邊爐放題店！有得任撈海鮮、任食牛、火鍋餸、刺身、飲品、甜品我地嗌咗呢個餐M6澳洲和牛肩胛火鍋放題 $388加一 去到店員話呢個餐做緊買一送一, 再收兩位加一, 平均每人239 超抵食🤩 牛係堅好食 好有牛味 肉質正 買一送一真係好抵🙈最特別係呢間有得自己撈海鮮食 啲海鮮仲係識郁嘅 超新鮮🤣刺身都幾鮮甜 不過較少選擇 可惜帶子賣哂😢自製甜品一般 但入貨雪糕、雪條都夠食～仲有movenpick🤩-買一送一真係抵 仲有即撈海鮮 🙉未試過最平嗰款嘅牛 但應該都唔差得去邊

我覺得呢度打邊爐真係好抵價錢有比較平而且食物質素都唔錯唔會好馬虎選擇都比較多蔬菜肉類同埋配料都比較齊全同朋友食到好飽而且時間都算足夠！當然如果再多啲時間會比較好啦服務態度都唔算差不過人就可能比較多啦⋯⋯

近來好多食肆都推出優惠，呢間火鍋都唔例外。之前見到有遊水新鮮大頭蝦已經好想試！！除左遊水大頭蝦仲有好多其他海鮮一樣可以自己拎，任食。 全部海鮮都係新鮮，想食幾多就自己拎。另外仲有好多熟食任取，全部質素都好好，而且仲好好味。我地揀左海鮮辣鍋，辣味都幾勁，所以唔食辣既要小心啲揀。湯底一樣有好多海鮮牛肉好大碟，雖然價錢做緊優惠，但肉品無因價就貨。刺身同豉油蝦，鮑魚都係任食的。三文鮮刺身切得切厚，豉油蝦好好食，比外面單叫的韓國餐廳仲要好食。整體以呢個價錢真係無得輸，非常值得再來。