Jello & Mellow

推薦呢間超新超大既北歐風親子餐廳！ 空間寬敞舒適，坐得舒服，食物質素仲超高👍連小朋友餐都好精緻！🍝🍕 首推招牌菜豬鞍配蘋果白酒汁，厚切豬鞍煎得外層微脆，內裡肉質卻保持驚人的軟嫩多汁，毫不乾柴。靈魂所在既醬汁以蘋果清甜結合白酒既醇香，滋味層次豐富！另一亮點係啖啖肉Pizza，薄脆餅底上鋪滿各式肉類和濃郁芝士，絕對可滿足「食肉獸」的胃口。餐廳對細節的用心更體現係兒童餐上，一個餐盤裡竟包含薯條、Pancake、肉醬意粉、色彩繽紛既啫喱、新鮮生果同雞蛋，精緻豐富，小朋友食得開心又營養均衡。飲品方面亦絕唔馬虎，香濃滑順的好立克帶來暖心懷舊風味，而酸甜醒胃的熱情果特飲則果香突出，非常開胃。…查看更多

呢度係我lunch time其中一間on list嘅餐廳，服務好，食物優質。今日食美國安格斯平鐵牛排，肉味濃郁，5成熟煮得啱啱好，另一個羊肉馬薩拉配飯都好出色。值得推介。…查看更多

今日晏晝同朋友嚟咗鰂魚涌呢間親子餐廳食飯，入到嚟環境幾好，地方好新淨，咁我哋就叫咗三款食物，晏晝都做緊promotion，第二件半價，而我叫嘅嘢食分別係唐揚雞飯，雞胸肉意粉，同埋半隻燒春雞，雞肉夠味，全部都唔會嚡，包括雞胸肉都係，都聽職員姐姐講，原來佢哋最出名會係Pizza，下次會帶多幾個朋友上嚟食飯，想試埋Pizza…查看更多

第一次嚟呢度，啲嘢比想像中好食好多，同平時街好味嗰啲餐廳冇乜分別。乳豬有驚喜，薄餅，意粉都好好味好立克奶蓋特飲都好特別好味唔講唔知去咗親子餐廳小朋友喺波波池遊戲區玩得好開心，呢度好安全大人可以安心吃飯，小朋友自己狂歡下次會再來場內遊戲區寬敞…查看更多

因為小朋友同學gathering所以揀 Jello and Mellow , 一入嚟就喜歡呢度嘅裝修風格 。非常舒服。 小朋友嘅設施好足夠， 一見到已經跳咗入去波波池 。我哋點咗margarita pizza , hojicha chiffon cake 及burger. 每樣食物都係高水準 。無論大人細路都係好啱食 ，尤其是欣賞Pizza個餅底 。好正宗，同去意大利食冇乜分別,因為就小朋友所以burger要全熟。但係個burger都仲係好Juicy好嫩。 非常欣賞呢度每一種食物。 誠心推介俾大家。…查看更多

暑假尾声，约埋成班同学仔一齐！环境好好，好干净，小朋友玩得超开心超兴奋！食物都有惊喜，同其它亲子餐厅比较的话食物选择较多，而且味道都好好！职员姐姐都好nice!會繼續支持！…查看更多

最近帶小朋友去左位於鰂魚涌的Jello & Mellow親子餐廳食飯同玩，呢間餐廳勁靚又多打卡位📸，色調非常夢幻，仲要好寬敞，足足有5700呎！一入到場就被星球滑星同波波池吸引住眼球🌌🎉。除此之外，仲有小朋友最愛的廚房玩具同其他訓練智力的小遊戲🧩。食物質素方面😋，我地都一致高度評價👍。佢地的兒童餐堅持健康、營養、美味三大原則✅，製作少鹽、少油，無添加的食物💯。我們為小朋友點選了熊貓造型的兒童白汁雞皇飯，造型可愛又美味，小朋友食完一啖又一啖，真係好好食呀🍚🐼！Jello Mellow的主打拿波里披薩🍕，口味係夏威夷物語，麵團由意大利麵粉新鮮製作，食落特別好味😋。仲有香蒜大蝦扁意粉配龍蝦汁🦞🍝，龍蝦汁非常濃味，大蝦非常大隻爽口彈牙，食到停唔到口呀！Jello Mellow除咗提供美味晚餐同盡情玩樂的地方之外，仲有暑假期間（7月21日至8月29日）的特別活動，平日入場者仲可以免費參與「綠色探索」主題工作坊🌱。星期一至五，每日不同綠色主題，包括綠色海洋🌊、綠色生活♻️、綠色飲食🥦、綠色家居🏡和綠色出行🚃，讓小朋友在炎夏盡情玩耍同時學習到有用知識📚。P.S 在場的姐姐個個都好友善！經常同Jayden👦🏻玩，仲玩得不知幾咁開心！😊 下次一定要再次光臨😆…查看更多

屋企人鍾意有小朋友出世，特登帶佢嚟呢間親子餐廳，睇吓環境先。叫咗少少嘢食，分別嗌咗pizza，哈意粉，等等，味道相當唔錯，會希望小朋友百日宴喺度舉辦，呢度環境都好好，服務態度都好好，下次會再嚟。…查看更多

今日19號，特登約埋其他家長朋友一齊嚟到呢間餐廳試吓，食物相當唔錯，我哋嗌咗個燒乳豬同埋香蒜橄欖油意粉，食物都比意料之中好，對比其他親子餐廳更加吸引，環境都乾淨，服務態度都好好…查看更多

平時都有同同事一齊嚟呢間餐廳食飯，見今日星期日，長假期結束，特登同囡囡一齊嚟呢間親子餐廳玩下，環境幾乾淨，最出乎意料係食物同飲品，嗌咗個豬鞍配蘋果白酒醬同太子意粉同囡囡share，豬鞍好Juice，配埋個醬食酸酸甜甜，食物冇咁油膩，明太子意粉幾好味，平時同同事黎食飯都有叫開呢個意粉，佢哋都係呢個意粉嘅忠實fans，餐廳嘅員工仲見我自己一個湊住小朋友，特登同我講話佢哋幫我照顧住阿囡先，俾我放心慢慢食，幾nice ，下次再有長假期都會同女女再玩過…查看更多

價錢偏貴。成人平日入場費就要$108， 小朋友$38 ，而且不能從點選食物中抵消。 每人食物最低消費要100蚊，同埋要加一。（入場費都會加一計算）所以唔知點解好多食評都話抵。親子餐廳，環境唔錯，確實可以係俾大人休息，小朋友放電的地方。 餐廳裏面有個媽媽房可以俾小朋友換片，呢個幾好。可能係平日，人唔算多， 小朋友可隨便玩耍。餐廳職員都幾友善。食物方面質素唔錯。假日就一定唔會考慮來， 人流多， 小朋友多就唔可以好隨意玩。…查看更多

Training搵皓西系列，原本想去幸圓，點知等10張枱，即刻轉場去咗樓上Jello & Mellow，平日係親子餐廳🍴有瀡滑梯🛝同波波池🛝，午市有午市套餐，都9成滿，坐咗最後一張枱，都舒服，play area既枱就唔開，QR code落單，波波池🛝區要除鞋。叫咗藍青口意粉🍝（辣🔥）（$168）,加$30轉餐有湯同餐飲。忌廉湯有塊包，湯🥣一般，熱latte有拉花，味道👅ok。藍青口意粉🍝既青口比較細，意粉🍝一般。臨走有職員👩‍💼介紹返playhouse，同埋見到老闆娘…查看更多

帶小朋友嚟呢間親子餐廳玩同食，地方幾大，比小朋友玩嘅遊樂設施幾新淨同埋乾淨。嘢食方面都唔錯，我哋叫咗mini burgers、蕃茄意粉、滑蛋炸豬扒飯、一杯uni-cone特飲，味道都唔錯。…查看更多

Jello & Mellow位於鰂魚涌，是間親子餐廳✨ 裝潢設計都以可愛風格為主，色彩繽紛🌈 這裡空間非常寬敞，更設有波波池及滑梯等玩樂設施，小朋友一定很喜歡🩷 (朋友的兒子玩得非常開心🤩)餐廳需要支付入場費：成人HKD108小童 HKD38 (6個月至8歲，6個月以下免費)以及每位客人最低消費HKD100👌🏻我們點了：🤍Wheels on the Bus (HKD168)🤍蜜椒雞球意粉 (HKD128)🤍大蝦扁意粉配秘製濃蝦汁 (HKD158)🤍夏威夷物語pizza (HKD128)🤍好立克焦糖脆餅奶蓋 (HKD65)整體食物味道不錯，當中推薦“蜜椒雞球意粉”及“好立克焦糖脆餅奶蓋”😋蜜椒雞球意粉：雞肉嫩滑，甜辣相融，煮得很入味👍🏻好立克焦糖脆餅奶蓋：賣相很漂亮❣️ 好立克不會太甜，配上厚厚的奶蓋、脆餅碎及黑糖啫喱，口感非常豐富💛📍Jello & Mellow - 鰂魚涌英皇道1001號1001 King's Road 9樓…查看更多

𝑳𝒖𝒏𝒄𝒉 𝒔𝒆𝒕 $128主食🍝𝑪𝒓𝒆𝒂𝒎𝒚 𝑴𝒆𝒏𝒕𝒂𝒊𝒌𝒐 明太子意粉明太子同忌廉汁冇得輸👍🏻掛汁，creamy，入面仲有海鮮同菇，系3個意粉入面最推薦呢個🍕𝑴𝒆𝒅𝒊𝒕𝒆𝒓𝒓𝒂𝒏𝒆𝒂𝒏 地中海鋪滿cheese 海鮮有魷魚🦑、青口、鯷魚🐟，pizza軟熟😝🦐𝑷𝒓𝒂𝒘𝒏 𝑳𝒊𝒏𝒈𝒖𝒊𝒏𝒆濃蝦汁大蝦扁意粉4隻大蝦，扁意粉彈牙，加上蕃茄汁同cheese.🍝𝑪𝒂𝒓𝒃𝒐𝒏𝒂𝒓𝒂 卡邦尼意粉加左黑胡淑，烤培根🥓，略嫌醬汁唔似平時個啲咁creamy，相對普通包沙律/ 湯加咖啡/ 茶.✨新開的親子餐廳，有波波池同滑梯🛝，環境乾淨裝修以糖果色為主，空間大，估唔到野食唔錯，價錢同cafe差唔多😉…查看更多