187
13
6
| 餐廳: | Jashan Celebrating Indian Cuisine |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵香港站 C 出口, 步行約8分鐘
繼續閱讀
電話號碼
31055300
31055311
開飯介紹
充滿異國情調，以有質素的烹調技巧，服務和餐飲經驗。這裏可享受有創意的菜單和現代化的設計。設有雞牛羊俱備的咖喱吧，還有叫人驚嘆的原隻燒羊腿。
繼續閱讀
營業時間
今日營業
12:00 - 14:30
18:00 - 22:00
星期一至日
12:00 - 14:30
18:00 - 22:00
公眾假期
12:00 - 14:30
18:00 - 22:00
公眾假期前夕
12:00 - 14:30
18:00 - 22:00
以上資料只供參考, 請與餐廳確認詳情
有關獎賞計劃
優惠
相關文章
食評 (225)
中環有不少印度餐廳，Jashan Celebrating Indian Cuisine位於大館對面，內部裝修很有濃濃印度風味，窗邊可以望著香港歷史建築用餐，環境不俗。Jashan提供正宗印度菜，每碟價錢不太貴，散叫有八折優惠，份量亦不太大，可以多嘗不同菜式。Delhi Golgappa Shot 印度街頭小吃，空心油炸球填上薯仔蓉、洋蔥、番茄、豆類等等，再注入薄荷羅望子石榴汁，酸甜清涼。Crispy Kale Chatt 炸羽衣甘藍配薄荷及羅望子調味。配上鬆脆薯餅，很特別的一道前菜。Samosa 咖喱角外皮酥脆，餡料薯仔及豌豆很紮實，香料味道豐富。Chicken Tikka Chaat 烤雞塊運用了大量香料醃製，香味封鎖在肉類當中，肉質嫩滑細緻。Goan Fish Curry 魚塊用上紅辣椒、椰子及咖喱哩烹調，味道帶絲絲甜味。Lassooni Palak Paneer印度常見的一道素菜，菠菜芝士配上醃薑，配印度香米很合。Butter Chicken Old Delhi Style奶油咖喱雞將雞件以酸奶椰槳及咖喱香料煮成，醬汁非常香濃，配上烤餅或米飯均非常合適。Kashmiri Saffron Pulao 印度香米帶有一種堅果香味，黏性低，口感乾爽，加入藏紅花及香料更增強其香氣。 Garlic Naan 扁平麵包配上蒜蓉香草，香濃惹味，口感煙韌，可以搭配印度醬汁作食。Green Cardamom Rasmalai 芝士餃子入金黃色的番紅花和小荳蔻糖漿中，味道很像港式煉奶。Mango Lassi Rose Lassi 乳酪飲品很濃杰，味道酸酸甜甜十分吸引。
繼續閱讀
同一班朋友食開sem飯🥳12個人，要搵返間有咁上下大細嘅餐廳經過一番搜查之後搵到呢間印度菜，經OpenRice訂位Menu超多選擇，雞牛豬羊素食都有▶️ Papadum sampler ($38)先叫個前菜開開胃印度式蝦片，入口脆卜卜配上三種特製醬汁：薄荷醬、甜醬、一隻似泰式雞醬▶️ Delhi golgappa shots (free)老闆好好，請我哋試🫶🏻擺設好型，似人哋shots🥃食法係將綠色醬汁倒落上面嘅脆米波波，然後一啖放入口😋醬汁食落酸酸甜甜，有薄荷同其他香料味，幾新奇上面嘅波波非常脆口，入邊有鷹嘴豆泥同薯仔蓉成個嘢好夾味，好介紹👍🏻值得一試▶️ Chicken tikka ($128)六件烤雞件，配上印度薄荷醬用雞髀位肉質鮮嫩，完全無骨，烤得Juicy唔乾爭爭🐔不過唔係鐵板上，因而欠缺煙燻香味，好就係冇咁油本身雞調味少少辣，係香料嗰隻辣唔係麻辣，所以好接受到未必係我食過最好食嘅Chicken Tikka，但都唔錯▶️ Delhi butter chicken ($138)將雞肉煮入醬汁，樣貌似咖喱🥘比較適合配naan/ roti食雞肉份量都幾多，唔會剩係得醬，而且同雞肉夠腍醬汁好杰身，帶香葉同微微蕃茄甜味雖然話Butter，但一啲都唔油膩呢個算係佢哋嘅signature▶️ White butter chicken ($138)Butter Chicken變奏版🤣意外地好食醬汁白色似carbonara，比傳統Butter Chicken醬汁稀味道重奶味🥛一樣唔油膩亦唔heavy我哋不停「偷」嗰位同學嘅醬嚟食🤣▶️ Butter roti ($20)一塊切四咁上薄身得來口感煙靭有拉扯度🫓呢隻冇烤至脆邊，不過幾啱鍾意食麵包嘅我食晒成份夠飽肚😋配唔同口味嘅印度醬食一流▶️ Garlic naan ($26)▶️ Lamb rogan josh ($145)-所有嘢嘅味道正宗，調味賣相到位比較有驚喜係老闆推介嘅「delhi golgappa shots」，令我認識多一款印度特色街頭小食🇮🇳服務超好，booking當日有打電話同我confirm，有交帶老闆好fun，招待好 (係落單亂少少，事關我哋多人🙈)環境氣氛舒服，用上暗燈光、紫色配金色色調，俾人感覺高貴浪漫💜我哋去嘅時候未多人，變相好似包場開party，勁開心🤣價錢以印度菜嚟講相當抵食，12個人每人叫一個main加一份bread或飯計埋加一，平均$170/人以中環地段同食物份量大小嚟講算係咁(經OpenRice book，單點餐牌仲有八折優惠!)
繼續閱讀
嚟到呢間印度lunch buffet中環嘅印度傳統餐廳好令人驚喜 一入門就感受到擁有豐富風味&氛圍，注意到門口展示左好多獲獎榮譽🏆仲有masterchef同埋藍帶嘅獎 去座位同埋裝修都好靚😍非常寬敞 啲嘢食都好豐富😊沙律都有好多選擇 醬汁好好味🫓值得一提係，廚師會現場即整薄餅，而呢啲薄餅非常薄&好味，絕對值得再試😋佢咖哩甜薯餡 夾埋超match 超好食 炸到卜卜脆嘅小食 當中fried fish特別好食👍炸魚食到入面好分明🥭Drink芒果特別好飲🥘Butter咖哩羊肉同埋有豆有長條形狀嘅彩色米 各種都會試啲都幾過癮 唔同咖哩令到人可以嘗試唔同口味對食物嘅呈現同品質，無論沙拉定主菜，每一道菜都非常精美且令人垂涎欲滴。而且，食物味道都非常出色，充滿正宗印度風味。廚師非常擅長調配香料&調味料&醬汁 令每一道菜都展現最佳口感同味道👍價格都好合理無論你是素食者定非素食者，你都可以搵到適合自己嘅菜式。對印度菜唔熟悉，佢地都樂意比建議&解釋，幫你做出最好選擇；提供嘅食物品質&服務水平，值得下次再試😋🏷️Jashan Celebrating Indian Cuisine @jashan.hk📍中環蘇豪荷李活道23號金珀苑1樓#中環#印度菜#自助餐#咖喱#清真#少鹽少糖食店#Jashan
繼續閱讀
呢日放假黎到中環諗住去大館行下~ 但去大館之前想食個豐富既lunch! 友人就推介左呢一間食印度野既Jashan celebrating Indian cuisine! 呢度係$158 加一就可以食lunch buffet! 可以由12點食到2點半,真係好抵! 我地上到去店員就安排好我地入座, 仲有得坐卡位添, 坐低冇耐店員就問我地飲乜, 因為包一杯standard drink~ 可以係lime soda又或者係mango lassi! 加多$128仲可以任飲1.5個鐘既beer & sparkling wine添~ 呢度都多印度人幫襯, 入到黎都見到幾枱, 當然仲有外國人! 出面有超多野食! 有沙律、蝦片、炸物、最classic 既chicken tikka 同butter chicken! 另外仲有keema mutter, mango dai 等等,仲有生果同埋傳統既印度甜品, 真係睇落都覺得好食! 另外佢沙律個度仲有好多醬可以拎! 我最中意係佢白色既乳酪醬,用黎點乜都得, 用黎點chicken tikka 同蝦片都得! 佢既chicken tikka好高質, 一D都唔乾! 我地食左好多蝦片,佢係新鮮炸起, 夠脆又唔油! Perfect! 另外店員仲會俾naan我地, 食完仲問我地加唔加, naan點butter chicken食又係一流! 呢日真係巨滿足!
繼續閱讀
在香港自助餐選擇非常多，倒如酒店buffet、打邊爐、燒肉、日式放題、中式點心等等，印度自助餐相對少有，今次就在中環大館對面的 Jashan Indian Cuisine 發現性價比極高的lunch buffet，由12:00至2:30供應，包括每人一客前菜Dosa和小食Pani Puri，自選一杯飲品，自助吧提供的冷盤、沙律、炸物、咖哩熱葷、甜品都是無限量任食，還可任點Garlic Naan，價錢每位只需$148，非常經濟實惠，內裡環境寬敞，甚有空間感，環境佈置典雅，裝潢和一般印度菜餐廳的強烈民族風完全不一樣，採用落地玻璃設計，中午時份能透進自然光，窗外正是中環大館歷史建築物。圓形中空的Pani Puri脆米球是印度常見的街頭小吃，size 有如乒乓球的大小，外層金黃鬆脆，內藏已混了香料的鷹嘴豆薯泥，緩緩倒下酸酸辣辣的綠色醬汁，放進嘴裏一口咬破，即時令人胃口一醒，可以作為開胃前菜，Dosa薄餅是南印度素食「名物」，將米漿快速的畫圓、攤成薄薄的一圈，等米漿逐漸變成棕色時，放入加了印度香料調味的薯泥作為內餡，迷你版Dosa由印度廚師即場製作，餅皮入口薄脆，拌以番茄洋蔥馬沙拉醬和椰子Chutney沾醬同吃，自助餐來說份量剛好，不怕吃得太飽肚。自助吧食品源源不絕地供應，refill 速度亦夠快，熱葷區有六款咖哩，包括牛油雞 Butter Chicken、芝士菠菜 Lassoni Palak Paneer、肉醬咖喱薯仔 Aloo Keema、咖喱炒雜菜Kadai Vegetable、蘑菇咖哩 Mushroom Matar Masala和豆蓉咖喱 Dhaba Wali Dal。Butter Chicken是印度菜經典之選，由於咖喱已跟牛油調和，質地濃稠順滑，雞肉煮得入味，帶有微妙的異國香料風味，溫潤醇厚而不過分辛辣。Palak Paneer菠菜泥煮得細緻軟滑，而又保留一點纖維感，清新微辣，Paneer是不經發酵芝士，遇熱也不會融化，口感濕潤軟嫩滲出天然奶香。濃郁的咖哩醬汁五味紛陳，突顯辣味上的多重層次感，可配印度香米Basmati Rice和番紅花黃飯Saffron Pulao Rice兩款印度米飯。品嚐印度菜又怎能缺少烤餅，無限量任點的Garlic Naan即叫即製，撕下一片烤餅，蘸上咖喱汁，豪邁地一手放進口內。烤焗炸物總共有四款：鐵板無骨燒雞Chicken Tikka、咖喱炸魚Mix Seafood Starter、炸青豆蓉餅Green Peas Tikki和咖喱炸椰菜花Gobi。Chicken Tikka雞肉烤成搶眼奪目的鮮明橙紅色，香料味道濃烈，Mix Seafood Starter炸魚外脆內軟，小圓餅形狀的Green Peas Tikki 口感結實綿密。冷盤沙律可沾上不同印度特色醬汁，隨個人喜好自行混搭沙律款式，Aloo Chaat 以薯仔混合酸甜乳酪、薄荷醬、鷹嘴豆、脆片等，清酸醒胃，讓素食變得絕不單調。還可任吃兩款印度傳統甜品，例如玫瑰蜜炸奶球Gulab jamun 和椰子糕Coconut Burfi，另有新鮮西瓜水果供應，附送的飲品點了原味和芒果味Lassi，奶昔濃厚細滑，酸爽怡人的香氣有助消滯解辣。
繼續閱讀