5
1
0
食評 (6)
其實今年已經唔係第一年嚟JaseLab Cookery慶祝友人生日🎂 呢間唔係一般西餐廳,如果要去食係絕對要Book位,而且唔係成日會有位㗎!店主全程都好nice,簡介每款菜嘅材料,同埋好照顧大家嘅食量,如果食唔哂可以幫忙打包添!不過除咗自選菜式之外,其實仲可以聯絡店主講自己想食嘅菜,佢哋亦會幫手設計,包你有驚喜!前菜係 芝士麵包.Parma Ham.配黑醋其實份量係超大!建議細食嘅朋友可以先忍口,食一半,打包一半再留肚食主菜🍞除咗麵包,前菜仲有餐湯(蘑菇牛肉湯),同埋沙律。食完前菜,係時候上主菜🤓 今次嘅主菜有 蝦同青口 、仲有牛柳🥩 我同朋友掛住食都唔記得其中配料同醬汁了,所以睇圖更實際!除咗主菜,仲可以order店主親手整嘅甜品/蛋糕,生日慶祝絕對無問題。而且仲有好多款式揀添🍰 要飲品的話可以自己帶酒或者到時開,款式有好多揀,建議自己問店主🍸🍷好欣賞香港仲有一間咁有心嘅私房菜,一直都好想去試Beef Wellington,有朋友食過亦都好欣賞!絕對係會一去再去嘅星級食店😝味道 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️性價比 ⭐️⭐️⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)
等級1 2019-02-12
2735 瀏覽
看過之前的食評, 有磨菇濃湯,洋蔥湯, 今次去個由朋友老公安排給我朋友的驚喜生日party, 終於一嘗此店大廚嘅廚技!!有什菜沙律牛肉蕃茄片濃湯烤雞烤豬鞍配煮啤梨燒斧頭扒 (香草鹽在旁)配白露荀,欖油焗菇和紫椰菜仔墨汁煎南極魚燒羊鞍威靈頓牛頓配忌廉汁牛油薯蓉生日蛋糕, 口感似雪糕配朱古力醬沙律我添食左兩次, 菜好爽脆, 油醋洽度的好。牛肉濃湯,蕃茄不打得太糊,令你口感感覺到D零碎嘅蕃茄肉, 聞落去, 濃濃嘅牛味, 但不會有羶和膩嘅感覺,湯夠熱, 好喜歡,呢個湯好成功, 技術好高, 完全無頭緒是怎樣煮的。烤雞,任何部分都好嫩滑, 多汁, 皮脆。食落似用豉油雞嘅煮法, 和慢煮中溫煮法再焗脆個皮, 純粹個人斷估, 因大廚從不透露任何煮法。烤豬鞍配煮啤梨, 兩樣東西一併食,十分配合, 不用其他燒汁都好好味。每件豬都比較厚, 但都煮到剛剛好, 個中間仍是半生半熟, 在英國食, 這情況是正常的, 那個熟度不會鞋口, 中間都入味, 有調味過的味道, 這是我摸不著頭腦地方!!斧頭扒的medium rare, 十分準確,大廚掌握得好好!!香煎南極魚, 呢款魚我都會在Citysuper買過, 閒閒地$3xx 都只有3,400克咋。 大廚仲要將每件切到好似個月餅咁大去煎封, 皮脆又肉嫩,魚肉一梳梳咁,一定是從一條好大嘅魚切出黎!! 三個字--唔簡單!!羊是perfect pink , 嫩, 唔鞋口, 好味!!威靈頓牛柳好成功, 酥皮唔太厚, 食落不會覺得滯! 牛油薯蓉, 大廚可能為大家著想, 牛油, 忌廉放少左, 有些水汪汪,可以再改進。生日蛋糕食落似雪得好實嘅雪糕, 雪得好夠凍和硬, 我估到其一材料是蛋白, 但仍唔知點整出黎, 唔太甜, 好好味!整體大廚煮野真係叻! 佢個人好有要求!煮出黎嘅每樣菜式, 我地差不多清晒碟!! 無浪費大廚一番心血!! 加油大廚和美女助手!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-13
2601 瀏覽
Jaselab。數數手指,好像吃了五六次。食物直達我心歡裡。不同的牛、雞、豬、魚、海鮮。幾乎都有吃過。第一次六人吃第二、三次十幾人包場第四、五次二人吃(加小孩)第六次六美女不知有沒有算漏。第一次來是因為食在元朗有個好大迴響的文。好多人說二千蚊食個扒好貴!鬧咗幾日幾夜!問左有冇人食完的評價。無乜人真係有食過,只一味鬧。好吧!我火速約朋友火速預約!講真我嘅朋友大部份都食神上身!要求好高!唔高興會反枱嘅!😂😂訂位時睇到有一編勁長嘅文章。要睇清楚先可以訂位!睇完我嚴重爆笑!真係好似校規!我完全理解!因為我都有間公司!日日有好多麻煩人令我好狂燥!我確實會鬧客或有錢都唔接生意嘅人!只做為接受我一切要求的客人服務!搵到同類喎。真心想快些吃。我記得第一次我唔知點選食物。六人給了$6000預算。由廚師發板!因我覺得只有廚師才能明白,即日的食材有甚麼是最好。反正除了羊我甚麼也吃。吃了多次!麵包、沙律、不同款的湯都勁岩我口味!所有跟我去過的朋友們都一致滿意!跟我吃的人都會說平均價$600-800好貴。但我真心想講!只要有吃過Jaselab。便會明白食材不平宜。選料至上。元朗大把二三百吃個扒能比較嗎?不能!一分錢一分貨的道理誰不明白?要比較去酒店乜乜乜!我無嘢講!誰說酒店一定好咩?誰說酒店會有溫馨感?十幾日包場吃,有大有細有老有嫩。看到每一道菜出場。眾人的喜悅和滿意在面上出現。我特別高興。我覺得食評不知怎寫出來。因為人人口感不同。有一絲差異已經有不同的觀感。我只能說用心製作的食物花時間找尋的食材花心機及執著的廚師做出來的食物。你能用心感受有多珍貴。有錢吃不是大晒!懂吃和惜食才重要!每一次我們都拼命清碟!因為真的不想浪費廚師的心血。我很欣賞這帶點囂張但又暖男的廚師。我不認識他。只是邊吃邊閒聊幾句。他確實有他串串槓的時間。但你正常對人、人地不會串串槓。還有美女karen的甜品我特別喜歡。因我不太愛吃甜。她的甜品就是不太甜。我好少吃飽後會祈待甜品出場。絕不部份用膳完。甜品我都會說不要。還有想說,在預約時商量吃甚麼。廚師都給我很多意見。有小朋友時,他會特別為小朋友煮雞翼和意粉。朋友不能吃太多肉,可加一客意粉。我很喜歡這個安排。能令朋友們帶有驚喜的用餐。期待無一道菜、每一口味道。說真的!個個行業我都想做。但飲食業我無本事做!一定日日大鬧西客。想知好唔好味!自己去試!一千幾百不是天文數字。排隊選中最喜歡吧我極愛沙律🥗新鮮及不同蕃茄我喜歡湯我愛磨菇湯(因有幾款不同磨菇、味好重)牛:威靈頓牛不一之選。當有對比下。我暫時想不到其他威靈頓牛比這裡好吃。味覺嘅嘢。真係無得用文字解釋。雞:英國燒雞!我平常好少吃雞,但這隻連雞胸都滑到爆嘅雞。我覺得好味!不過如果二人用餐。。還是選南極魚。我好鐘意食魚、好捨得食魚。這個南極魚我契仔寶貝超愛吃。豬、羊、海鮮類。我沒有評語。其實有點過這幾道菜但我沒有吃過。所以沒有食評!😂😂😂😂沒特別執錯字。不要介意。用心製作我用心寫。這店我高度推介。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-10-21
2584 瀏覽
補祝閨密的birthday dinner,原來想試 Maze Grill。但電話一唔冇人聽,諗起朋友推介過呢間餐廳,又近閨密住的地方就豪一次試試。一早知道很多規矩,不可早到不可遲到,要清碟。Inbox問完完期,問要俾幾多訂金,收番店主再發的FAQ 連結。前前後後睇左3次d亦不便利,性格比很低。先黎麵飽跟手上沙律濃到似汁的湯main course 南極魚期待的威靈頓牛柳威靈頓牛柳一共有4層:酥皮,菇醉,火腿同牛柳。侍應千叮萬囑不要只吃牛柳,有客食剩其餘部份,有如剩底個bra。整塊牛柳應反轉面碟切。牛柳熟度剛好,很嫩有味。但火腿焗完偏咸,菇味道很搶。一次過食的話,會搶走主角 :牛柳的味道。那一刻我明白,為何有客人食剩那個bra。醬汁是味道偏甜的蛋黃醬,個人覺得跟濃味偏咸的牛柳不夾。反而伴碟的莓汁,可以中和一下油膩味,但份量太少。伴碟還有焗蒜頭同不太新鮮的火箭菜(菜葉是帶點黃,份量亦很少,沙律油偏多)。甜品是Mica Tramisu,味道OK。侍應亦細心提點,小心chok到朱古力粉。見到Facebook page內店主常有跟客人吹水影相。當晚佢都有同熟客吹水,我地呢d生客就0交流,其實我都冇咩所謂,因為只此一次。總括:用料頗足,食物味道ok,地方偏遠,環境一般,收費不便宜,性價比低。9百幾蚊一位,可以有更好的選擇! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-08-22
5835 瀏覽
去到位於元朗較偏僻小巷嘅西餐私房菜,俾佢個有啲高傲嘅門口嚇親,原來係由於佢哋唔做walk in客人,所以門係鎖上,要敲門,感覺都幾招積!坐低後,食物慢慢送上,食完一道到一道,如果要速度嘅朋友可能會唔耐煩,但就啱晒我同朋友傾到雞啄唔斷都唔會俾壓力我哋。每上一樣食物,店員都會細心介紹,建議最佳食法,同埋會鼓勵我哋盡量唔好浪費食物,呢方面我覺得幾特別。總括嚟講,比起嗰啲門高狗大白鴿眼嘅高級餐廳,我寧願幫襯有質素有誠意嘅小鋪,有下次! 繼續閱讀
(以上食評乃用戶個人意見 , 並不代表OpenRice之觀點。)