影片
以前（當時連小洪賓都未聽過）去開將軍澳分店，果邊設計、空間感一流，食物水準唔錯，性價比高。當時，午餐包湯/沙律，餐飲可選奶啡，有造型、大大杯，食完飽足又滿足。今日放假，為求新鮮感，就去咗尖沙咀分店。5月份午餐由$98起，只得主菜+餐飲，小食/甜品可額外加錢。意大利憤怒大通粉配意瓜：$108；午市餐牌上有幾款素食選擇，呢個睇落最純粹（冇芝士），適合素食人士；上檯時，通粉冒煙，非常熱，絕對唔能夠即時擺入口。由人手落單到上菜，極速完成：落單後1-2分鐘有飲品，~5分鐘有埋主菜，估計好大機會係預製+微波爐翻熱，一諗到可能係咁就相當失望。味道方面，茄醬的味道非常好，餐牌寫係「（漚（熬）煮3個鐘蕃茄汁，辛辣）」，佢的質地濃稠，適合用嚟掛汁，辣度夠，味道濃郁，相當惹味；散筆的係大通粉，煮/翻熱過籠，幾乎每粒都未篤已散或一叉即散，莫講話al dente，佢的水準甚至比普通西餐的出品更低，嘥咗個茄醬；意大利青瓜切到好細粒，水份重，冇乜味，只係點綴Latte：檯上有牌仔寫「餐飲咖啡可免費升級意大利Caffe Carraro coffee」，落單時，侍應反轉牌仔話是日咖啡係左面的「Honduras」，呢個時候睇見幅圖，先知原來Caffe Carraro coffee係膠囊咖啡，唔係咖啡豆，有少少失望，但都點咗latte試下；咖啡嚟到，細杯，冇拉花，顏色係淺米色，咖啡味唔重，似飲緊帶薄弱咖啡味的牛奶Tiramisu：望落大杯過latte；質地可以，𢳂落層次分明，手指餅冇浸到淋曬，甜度啱香港人，亦食到有些少酒味，不過，甜品的味道好單薄/單調，冇層次，當食到酒同cream cheese的味道時，哪怕唔係食家都食得出食材質素較低，只有表面的味道，唔會想追住食整體用餐經驗：呢度無論上菜速度、味道同服務都猶如快餐，飲品落單冇耐就送上，令餐廳免卻斟茶遞水；食物應該係翻熱食品，pasta肢離破碎，咖啡稀，tiramisu味道單一，以上總總都令人幾失望。講番呢次的特別體驗。當食物送上時，因為太燙口，只好慢慢食，等佢放涼。望望下突然發現點解冇意大利青瓜既？仔細睇，係成碟都冇。問侍應，佢同另一位職員（應該負責廚房）聯繫後，話落漏咗，幫我重新整過。新上果碟多咗意瓜粒，食物同樣燙口。再隔一陣，侍應送上tiramisu，話因為落漏材料而請我食。原本因為餐廳的食物質素，我同個菜名一樣都幾「憤怒」，不過，侍應同職員好有禮，加上免費甜品，點都緩和咗負面情緒。呢間餐廳最好的地方係（1）環境；（2）職員的態度（服務一般，主要因為得1個侍應睇曬成個場）；至於食物，光顧前要做定期望管理。最近睇過小洪賓的片。當遇到劣食時，小洪賓會爆粗，而佢亦曾經以意大利人身分，評價香港的意大利菜。與其周圍覓食，小洪賓不妨先踩場試下自己名下的分店，用食客的角度，發掘餐廳更多可以進步的空間！
繼續閱讀
食物非常好吃，特別是 Blue Cheese Apple Pizza, 芝士和蘋果的配搭10分奇妙 , 喜歡芝士的人要試吓 和 辣肉腸pizza也非常好吃。服務當然好！價錢也合理! Mussels 很滑 ， 不喜歡酒香的人可以轉用蕃茄味道 ，如能配搭兩塊多士更佳Paraham 味道適中, 鹹香味濃 , 配搭甜甜哈密瓜，簡直是美味的配搭! 薯條即叫即炸，所以大快朵頤!意大利芝士蛋糕作為甜品, 手指餅在入邊還有一點香脆 , 作為完美的終結 , 那不是天上的神安排的嗎？
繼續閱讀
上次係5月頭嘅時候同同事嚟食，個個都話啲嘢好食😋，大家準備話下月頭又嚟食多次😆1.蘋果藍芝士pizza 必食之選，呢個Pizza每次嚟都一定要order，個個同事都讚不絕口， 哩個pizza係比較甜口，藍芝士同蘋果嘅配合好特別，一定唔可以錯過！鍾意食甜品嘅人應該一定都好鍾意食佢😋2. 鮮菠蘿pizza 平時啲Pizza只係罐頭菠蘿，鮮菠蘿pizza原來真係唔同啲架，特別Juicy同fresh, 甜酸感中和咗芝士嘅油膩感，恰到好處👍🏻3. 蟹肉通粉 都係每次會叫嘅，係好香嘅牛油味同奶味，蟹肉都算多，之前同小朋友嚟食，佢哋超鍾意！4. 海鮮意粉 都有好豐富嘅海鮮，有少少辣，可能我唔鍾意食辣，唔知可唔可以下次叫佢哋走辣呢😆, 不過我啲同事就話唔係好辣，仲幾好味！5.火箭菜牛油果沙律（唔知有冇寫錯個名😅） 平時唔鍾意食啲菜葉沙律，但呢個沙律啲菜葉好新鮮，牛油果同其他嘢好足料（不過已經俾個同事好快撈埋咗仲食埋😅）個汁都好好味，唔太酸，成餐飯配返個沙律，正🧡 我哋係七點去食嘅，差不多八點已經全場full曬，等食物嘅時間都幾快，不過可以增加下樓面啲員工會更好！
繼續閱讀
今日慶祝父親節就去咗尖沙咀這一間餐廳之前食過幾次pizza都ok,但係之前又冇叫長通粉同埋意大利飯嘅, 今次就叫黎試一試叫咗一個牛油果紅菜頭沙律 真心成餐飯 除咗pizza 最鍾意呢一個雞蛋牛油果紅菜頭份量都好多紅菜頭又好夠熟夠甜Pizza覺得肉肉太鹹夏威夷風光有菠蘿嗰一款覺得都ok但係感覺有少少似甜品長通粉都好吸汁食落都係煙韌韌，但係唔算好特別其中我哋叫咗一碟青口青口就係我寫呢一篇食評嘅原因因為青口其實有幾隻係完全冇開口唔知係死咗定係唔夠熟整體餐廳侍應非常友善，但係人手太不足侍應超級忙碌，係不斷做不斷做， 真係有點慘不忍睹
繼續閱讀
唔知係咪改咗配方，上面張圖係以前喺銅鑼灣店食藍芝士蘋果pizza。好好食，鹹甜啱啱好芝士好香酥味。相信好多人都讚過好好食。下面圖係今日喺尖沙咀美麗華店食嘅藍芝士蘋果pizza，首先蘋果過分甜，芝士量好少，亦都冇左藍芝士嘅酥味。可以見到冇咗嗰啲藍芝士嘅深色位懷疑用咗第二種芝士。完全成為一個好普通嘅pizza。😓😓😓😓😓😓😓😓😓😓好難相信係同一個出品。希望周生聽到意見。認真有啲失望。
繼續閱讀
您可能會有興趣的...