J1 Club

與一班年輕朋友初試這裡的bar中燒烤，果然與傳統店不同。店內裝ok，價錢$308絕對不貴,員工也很年青，有活力及健談. 露台可以靜靜地傾計,想飲酒玩game又可以入返室內. 好少有的地方,tst一向都好難搵到咁的地方,我們玩下食下4小時都好快過…查看更多

新一年到，當然要好好慶祝一下，Booking了上次這間，今次送試管酒比我們飲，味道女仔都好合適，又有得玩飛標，食嘢廳的氣氛都好熱鬧，環境一般，不過服務態度好好。又在尖沙咀好方便！…查看更多

是日心痕想唱K，搵到這間近尖沙咀三角公廁附近的酒吧餐廳，上到來Walkin 好彩有位，PS:原來可以電話Book位的，下次識咁做。經理人好好，比曬卡片我們。入到酒吧，7點可能太早唔係太多客人，靜靜地，我們7-8人坐在廳，任食4小時BBQ食物，總類都多十種丸/腸/扒/菜，係一開頭出食慢了一點，之後就快好像，酒水啤酒紅酒白酒，都好多種類！大廳可以唱歌環境都算唔差！男350/女300在尖沙咀來講又得食唱飲，好難搵！…查看更多

網上搵到呢間，睇過下相，覺得價錢幾平所以決定去呢間野一行30幾人，一早book左房佢地留左間大房話坐到30幾人既房俾我點知去到，嘩，細都算，間野仲要勁殘勁舊，仲衰過neway d房間房坐廿個人都迫，我地30人到左 企都無位企最後同d職員講，佢肯轉出去俾我地出廳坐。間場差都算啦，明明話任飲任食 BBQ佢幫你燒埋十分鐘先出一盤腸／扒／丸，一盤都唔知有無30條／粒係咁同d職員講，就話出緊黎緊好快真係忍唔到，再同d職員講，唔係呀嘛咁樣叫任飲任食，餓死哂d人啦佢地主動幫我地叫到會，但到會d野食黎到，都已經好晏，大部份人都餓到走左。平時我個人都好懶打食評，今次既經歷真係令我呢個懶人都要打下字同大家分享一下。…查看更多

今次上網見到在於尖沙咀商廈中的酒吧，今次我們攪一個大型聚會，入場的速度同安排都好快，而大廳又可以比我們唱歌，酒類選擇都好多有十幾種，紅酒白酒都包埋，傾計，飲野，食飯同一時間都配合得好好，食物份量準備得好夠。我們中段有抽獎活動，服務員有好好，給我們停點唱，進行幸福大抽獎。個個都對今次的活動好滿意。地點又方便，我們離開都唔洗咁麻煩。一落樓就有的士，附近有巴士站，附佐敦，所有同事都說可以多一點安排這裡攪活動。雖然是酒吧，但有埋餐廳食物的元素，所以我們都唔洗食完飯先轉場再飲嘢。室內座位又幾舒適，一條龍服務。唱的種類都好新，音質都算ok，所以我們有一班同事都不停點歌唱，大曬歌喉。在場員工都好好招待，有問必答。環境格局及配套都好滿意。好少尖沙咀會有這樣的場所。我會再Booking這裡…查看更多

朋友介紹話這裡好多標友，今次就來看看有無對手先，當然我同成班好朋友一起來，我們連飯都唔食就上來，因為我book了bbq加任飲，收費都平，男350/女300，任飲又有專人燒烤。我們喜歡熱鬧所以坐大廳，廳人數都好多5-60人，四台標機都好熱鬧，我們見到好多標友，有幾位都好勁。而食物種類都好多20幾種，不停供應而足4小時，氣氛好好，我們見到有3間客房，房內都好多人，下次生日也會揀這裡，工作人員說生日會送蛋糕，煙花蠟燭，試管酒，香檳。送咁多嘢其實這個價都真的好抵。…查看更多

朋友介紹的尖沙咀飛標地方，又有專人燒埋食物，同時間又有得唱歌，當然最重要當然可以同三五好友一起掟標，在這裡還給我認識到一班掟標好手，大家還互相分享心得。眨一眼就幾個鐘，我們成班一定會再次幫襯！…查看更多

一直以為好兆年是寫字樓，原來內有食肆。位置雖然稍遠，但可以避開尖沙咀心臟地帶的人流和繁囂。餐廳裡有3間K房，當然我們book了間中一間慶祝生日，估唔到食物同音響都好好，食物好快就送到，廚師手藝不錯。個個都食飽飽。這餐廳還會送蛋糕令我們很窩心。thx J1 各位…查看更多

😆😆😆上次去完k-11格離的J1 今次再來J1 CLUB飲野後覺得環境同服務好好, 帶左班朋友黎試下有專人燒埋比我們食，除左種類多之外, 估唔到D食物幾新鮮wor~ 丸果d就彈牙, d 蝦幾甜, 鷄翼味道剛剛好~而最開心係有蜆, 青口, 豬頸肉&元貝燒~ 好鮮甜味美呀!室內又有得唱k 同掟標, 還有乒乓波game😍😍…查看更多

每年一班舊同事梗要安排一次大型聚會嚟見見面聚吓舊，普通食飯大家興趣麻麻，要有K唱有酒飲先開心，所以之前幾年都喺CEO任唱任食，已經開始覺得悶啦！今年聽朋友講喺尖沙咀有個新地方任飲任唱，仲可以燒烤，咪上網了解吓情況囉！見到真係幾得意而且他們仲有間新店喺加拿芬道，即管試吓啦！最後我們玩到零晨兩點幾，價錢都係三百幾，真係幾抵玩，而且大家都能盡慶而回 …查看更多

好多朋友係11月生日, 一於包個場搞大佢! 搞手揀左去尖沙咀既J1 Club, 有露天自助BBQ場,、擲飛標場、卡拉OK等, 有得玩又有得食, 每位HKD275已包加一, 任燒兩個鐘, 包場有四個鐘玩, 任飲含酒精既飲品, 仲送4個生日蛋糕添! 聽落超抵玩 啊！我地係佐敦地鐵站D1出, 到好兆年行上3樓, 見到黑漆漆既一間bar, 入去俾錢先。 個室內場都夠大, 可以唱K、擲標、猜妹等。 個露天自助BBQ場唔夠光, 有四個爐供應, 都几多款嘢食架, 有几款丸丸(爽口 魚旦、龍蝦丸、貢丸、彈牙 牛丸、墨魚丸等), 几款腸(長腸、芝士腸、紅腸等), 獅子狗卷, 燒賣(燒到皮脆內軟, yummy) 青瓜, 茄子, 金菇+雞脾菇(用錫紙包住,放上牛油後燒, 好爽甜 呀), 粟米(好甜可惜係粒粒 ), 細條型多春魚(好香,可以成條連骨食 ), 雞翼(好惹味 ), 牛扒(肉質鮮嫩 ), 豬扒(肉質較硬 ), 金沙骨(肉質鬆軟 ), 大蝦(大隻厚肉 ), 魷魚, 生蠔, 蜆, 青口, 生命麪包等。侍應生會不停refill食物 ，但好快就夠鐘要交BBQ場，至於飲品就自助去order，無咩service ，本來有間room俾我地去唱K，但又無講明時間，搞到我地想唱都無 ，要出大廳唱……未夠四個鐘又好快要人交場 ，除非加錢(男士$100，女士$50)先可以繼續落去！…查看更多

食完飯同朋友去Happy hour,第一次去呢度,如果唔係朋友帶都唔知原來呢度有間club!!個場都幾大,睇得出d裝修仲好新,服務態度ok,我轉左3次order個staff都冇黑面!!唱左陣k又去左掟標,玩到有點肚餓就叫了小食填肚,炭燒雞串好香好惹味,日式煎餃子超正好多肉汁,之後我地再order多一客搶食後來先知原來呢度有個露天bbq場,見到都有唔少海鮮,有青口、蝦、蜆等,其他食物賣相都唔差,冇記錯好似二百蚊左右,價錢都唔算太貴,有機會會去試下!!…查看更多

上次經朋友介紹去過J1 CLUB飲野後覺得環境同服務好好, 於是昨日又帶左班朋友黎試下他們的自助bbq了~除左種類多之外, 估唔到D食物幾新鮮wor~ 丸果d就彈牙, d 蝦幾甜, 鷄翼味道剛剛好~而最開心係有蜆, 青口, 豬頸肉&元貝燒~ 好鮮甜味美呀!燒燒下走返去室內又有得唱k 同掟標, 都唔錯呀下次再有朋友生日or其慶祝活动都會黎…查看更多

我喜歡三五知已走去飲下野傾下計...隊下酒 j1 club 就岩晒啦佢set 定左一個價錢任飲....仲要假日都好平起碼唔駛等到d人醉晒先夾錢..又或者睇住d酒黎飲..d staff 反應都好快...我d酒飲到咁上下己經有人幫我 refil整體呢講我覺得呢間場都ok....我會再去...…查看更多

用團購買咗票，一行五人去燒烤。呢間嘢本身係酒號來，燒烤的地方係一個露天地方。去到時店員安排我地在酒吧部份坐低，但無講做乜要等。隔離檯既人後尾問店員坐喺度其實等乜，店員話預備緊場地，5分鐘後就得。在等的期間，店員都有問我地飲唔飲嘢（團購包了免費汽水／fruit punch/綠茶）.到我D朋友齊人時，我地就埋爐邊準備燒烤喇。燒烤場好似有6個爐，場地本身係長方型，燈光比較暗。擺食物的地方在場中間的一張檯，我地喺張檯既一面，個場都幾逼。明明無位，D人成日喺我地背脊經過，成日撞到我地。食物有各式丸類，少少扒類，魷魚同多春魚，種類算少（不過佢地團購都寫明有乜食物，無得好講）。仲有切開晒既西蘭花，一粒粒的粟米，貌似雞肶菇片既食物，但散收收，到好後期先俾錫紙出來，好快又俾人用晒卷錫紙。之後有嘉頓生命麵包2條，但好快俾人搶晒，我地問店員仲有無麵包，因為D人一次過攞晒，我地一塊都拎唔到。個店員話仲有最後一包，佢拎出來時，先俾我地拎咗先擺出去，算係好好人。食物都有refill, 丸類現成買番來，味道一樣。我食了雞翼，覺得醃得唔入味。因為場地唔太夠光，我唔敢燒扒，所以唔知味道如何。D汽水（七喜）無味的服務方面，店員都算有禮同helpful的，不過D店員照在室內食煙，可能酒吧係無可避免呱。我朋友訂檯果陣，店員話我地得5人，叫我地叫多幾個朋友俾正價($220)來燒烤，佢地話原本8個人先俾1個爐，因為我地唔夠人，可能會加D散客入來我地個爐燒。我地覺得如果D唔識既人肯加入黎燒，咪來囉，所以拒絕叫多D朋友來燒，最後都無散客來BBQ啦。團購＄98／位，另收＄22／位服務費…查看更多