7
2
1
電話號碼
25221800
營業時間
今日營業
12:00 - 23:00
星期一至日
12:00 - 23:00
付款方式
Visa Master AE 銀聯
座位數目
89
其他資料
加一服務費
招牌菜
刺身拼盤 雜錦卷盤 櫻花煙三文魚配芥辣奶油 唐揚げ雞翼 薑肉包子 照燒油甘魚
食評 (13)
等級4 2017-08-03
5559 瀏覽
日系料理多元化,近來我們已不只滿足於日式壽司、刺身等類別,庶民美食如餃子、拉麵等都在香港百花齊放,當然不能不提和風味濃的居酒屋。 IZA 位於圓方美食廣場,主打攞正牌的「備長炭串燒燒烤」,令燒出來的味道更貼近正宗。 居酒屋應該是日劇最常出現的餐廳類型之一吧?!除了因為治癒劇《深夜食堂》,講食物和客人之間的故事,也是打工一族放工後,或學生聯誼的重要社交場所。 「IZA」環境不錯,雖是食串燒的格調,也沒有煙 boom boom。 日本下至路邊小檔,上至高階烤鰻魚店,備長炭也是必不可少,除了因為燃燒時無臭無煙,也因為它出來的火候容易控制,用來燒食物,比較不會燒得外焦內仍然生。要在香港申請炭燒牌照,先要改行繁復的工程改裝、文書工作,以確保符合規格,不容易的! 先來兩碟「串燒拼盤」,有牛舌、青椒、豬肉、雞肉、粟米、大蔥等。 大家一致認為「牛舌」最好味,鹹香有咬口,急不及待 encore : 除了牛舌,我個人也很喜歡燒青椒,青椒仔大約有尾指般長,不辣,燒得香口,表面帶炭燒的焦,椒燒得軟塌下來,可再沾醬汁吃。 素食朋友不用擔心,蔬菜類的串燒選也夠多,除了以上的拼盤,也單點了「串燒蕃薯」,加上之前的大蒽、蘆筍、銀杏,讓草食的朋友也揀到啱心水目標。 串燒以外,這客小食「一夜乾」$45 它的製法恰如其名,是把魚獲處理好後,浸在鹽水中一夜風乾;聽上來就是日式鹹魚,不過魚產的鮮甜就變成鹹鮮。 「燒喜知次魚」$148 Kinki 出名油脂多,適合燒製的烹調手法,外面餐廳賣得不便宜。我覺得這個價錢,大家一起開開心心的吃到這尾 Kinki,未算勁脂香,也值得推一推。 「壽司拼盤」8貫$218,令人心動的紅、白、橙色配搭 最好吃的帆立貝、拖羅都剛巧被我夾了 (沒有刻意的!!),兩款都新鮮,尤其拖羅油脂豐富,配合上面輕塗的醬油已能吊出鮮味。 我也沿用一貫吃壽司的原則,只輕沾些 wasabi,不額外點豉油,吃它的原味。由於最好吃的拖羅壽司被我獨佔了,所以想來點多一碟拖羅,可惜已經售罊。原來海產來自築地,每天來貨賣哂就無。 改點帆立貝 $36一貫,和鰻魚壽司 $45一貫,安撫一下大家的情緒。。。 四格「炸物小拼盤」$148,有蕃薯、辣餃子、炸洋蒽圈等,帶點西式佐酒路線,價錢合理,值得點來 Happy Hour 送酒放鬆一下。 別看這個也是四四正正的,是「火炙A4和牛配香蒜油」$228 「燒鰻魚」,肉質和味道也很不賴,我覺得可再燒焦一點,令染在魚身上炭香味更濃。 「串燒雞皮」$20,要格外講一講: 追求健康及減肥的朋友會把它敬而遠之,它卻是雞其中最精彩的部份,燒脆後就像把雞的鮮味濃縮在薄片上,調味方面比較輕巧,用來佐酒一流。 任何地方,有雞翼我都會很自然想點,「備長炭串燒雞翼」$38 如何呢? 食材來自九州,燒得外脆內滿有肉汁,大人與細路也應該會喜歡吧?! 「圓方」的食肆一向走高檔路線,這間居酒屋價格選項豐儉由人,無論想吃貴價材料,還是簡單與朋友吃點小吃歡渡一下都可以,食物特地用日式備長炭燒,絕對是亮點。所以若路過這邊,可以仿效日本上班族放工的畫面,來吃吃喝喝輕鬆下也不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-31
3082 瀏覽
Elements圓方的Civic Square露天廣場,雖然人仍屬於商場範圍,但感覺又多份度假休閒feel,不太像在商場內。忙完一日,在這裡輕鬆一下真寫意。這晚我們的目標是新進駐Civic Square的居酒屋IZA。簡約日系風格裝修,氣氛輕鬆休閒。而且有別一般居酒屋的格局,IZA既有戶外座位,亦有空間感不錯的室內空調座位。座位之間有一定距離,方便聊天。菜單除了主打的備長炭火燒烤外,也有沙律、小食、天婦羅、炸物、刺身與壽司等,選擇頗豐富呢!飲品方面,有多款日本威士忌、梅酒、燒酎、雞尾酒及啤酒等。我先後點了2款雞尾酒,其中的梅highball,酸甜中帶點鹹,有點話梅的影子,有趣。另一款雞尾酒,是以麥燒酎,加入青瓜、薑、荔枝及梳打等調配的Cucumber Squash ($88),清甜易飲,很適合女生。先來一輪小食,螢光魷魚一夜干($45),煙煙韌韌,味道鹹鮮,佐酒一流。一客有4款香口炸物的炸物小食拼盤($118),一班朋友分享也不錯。4款炸物:炸雞、炸洋蔥圈、炸北海道薯仔與炸泡菜餃子,我個人推介是炸泡菜餃子。餃子炸得香脆,微辣泡菜餡料夠惹味(單點的話,一客$45)。說到最對我口味,就是吞拿魚他他配脆米餅($115)。一客分別有吞拿魚刺身粒粒及吞拿魚腩蓉。2款味道都頗鮮美,配搭鬆脆米餅,食感豐富亦清新。來到IZA居酒屋,當然要吃吃串燒。大概因為以備長炭即點即燒,各款串燒與燒物火候控制均衡。大家一致大讚的就是燒牛舌。而串燒日本蕃薯($43)、串燒日本小青椒($23)和串燒雞翼($38),也是我喜歡的。還吃了其他燒物,包括喜知次一夜干($148),以及蒲燒鰻魚($238)。蒲燒鰻魚肉質軟綿,淋滿甜美醬汁,拌飯吃真會一流。下次可以點客鰻魚飯呢。雖然因為仍在試業階段,menu上部份未有供應,但整體水準已經不錯。午市餐牌與Happy hour優惠看來頗吸引,下次再來Elements逛街,就多個吃飯歇腳好地方啦。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-03-29
91 瀏覽
晌Element睇完戲想食日本野就上左去平台睇下有咩選擇,見倒呢間居酒屋環景同餐廳設計都幾好就入左去試試。食物整體來說一般,冇驚喜,服務也一般。 叫左個牛肉烏冬好難想像自稱係和牛,令人有點失望! 和牛飯老實講唔係特別平,不過牛肉嘅份量都幾多。串燒:叫左牛舌、軟骨,同銀雪魚,味道就無乜特別,不過食得出係用高級食材。刺身係最有質素,食得出唔係用雪藏急凍刺身價錢黎講,晌Element,微微中間偏高啦。一試勉強無妨,唔試亦唔會可惜  繼續閱讀
(以上食評乃用戶個人意見 , 並不代表OpenRice之觀點。)
等級3 2018-03-27
98 瀏覽
依家餐廳除了日本菜都係一間酒吧。一班朋友可以邊食飯,又有d可以行去門口酒吧位置飲酒食煙。餐廳氣氛好好,食物亦好精緻😊三文魚牛油果沙律,兩個食材加在一起非常配,沙律做頭盤更令大家口胃大開😊吞拿魚放上米通一齊食,配搭比較特別。仲有兩種吞拿,魚生粒和他他雙種質感,亦係另一出色嘅頭盤👍🏻肥鱔真肥美😙外面脆内𥚃滑餃子嘅賣相精緻,不過都不只係外觀,半煎炸,好香口。另一提下係🐔雞軟骨,佢同香港一般日本餐嘅軟骨有所唔同。通常外面食嘅係🐔膝位置,但依道似係雞胸部位白色尖尖嘅軟骨再帶少許雞肉,係日本會叫得到,因為佢地專吃雞嘅食店比較仔細針對部位,香港少見些。亦比🐔膝貴串燒叫得多多都係食唔飽肚,叫個卷物填補一下。亦係三種吞拿魚,兩種做法,沒有太大驚喜,但魚生新鮮👌🏻燒魚下巴,魚肉不但滑,魚油令佢更香🤨。牛肉半成熟,軟而不韌🙂。炸雞勸諭大家唔好試,冇乜味道,偏乾左少少😐蟹腳鍋,材料十足,滾起后,湯底味道好清,蟹肉好甜。我唔記得咗依隻係什麼品種嘅蟹,可能當時食得太興奮,忘記咗餐牌寫乜😝 繼續閱讀
(以上食評乃用戶個人意見 , 並不代表OpenRice之觀點。)
等級1 2017-12-24
656 瀏覽
本身唔會寫食評,今日真係要寫下呢間極品,入去前門口有一個講英文的服務員,咁我同佢講table for four pls.佢之後話ok but sorry we hv min charge of 500.咁我話ok nevermind.我地order 曬野上晒菜有職員開張單同我講未夠2000係最低消費每人500。聽到我之後都冇計較咁多反正平安夜。但後尾8:45有對情侶黎食飯可能訂左但唔知係話9:30收爐定咩,我聽到個店員話一係收佢800最低消費,我諗係講2人成張單最低消費,不過咁樣睇你個最低消費任你口講,你又冇印紙或菜單上,果時我都同果個講呢句既店員講,我入黎時只聽到出面講英文同事講最底消費500,冇聽到per person喎,佢話佢聽到有,咁ok我都冇必要同你講落去,一係你店員果時係咆吼講野,一係就你順風耳,出面隔著咁多距離仲有室外位,出面店員得佢一個企,你入面都聽到你嬴。如果睇番價單你平均每樣野都$200一份,你要人頭500最低消費講得通嗎?野食中規中矩吧,但下次真係唔會再食感覺不公道,本身唔係介意幾多錢,但係隨口講既霸王條款不敢恭維。你如果真係要人頭最低500如果每個菜都300,400容易到好易2000咁有咩所謂,但你每樣都平均200,4個人食又係咪咁易凑夠2000,如果人地10個人食有4個大人6個細路你係咪要最底消費收5000。呢個完全係邏輯問題,俾你佔到食客便宜,但你計下有幾多個回頭客呢?我真係食過咁多間elements裡面既店得你一間係按每人最低消費,唔係按枱單最低消費 繼續閱讀
(以上食評乃用戶個人意見 , 並不代表OpenRice之觀點。)