影片
開飯介紹
店舖以白色為主，食物精緻，打卡一流。餐廳提供各种沙律、意粉和扒餐，適合朋友聚會。
繼續閱讀
營業時間
今日營業
12:00 - 16:00
18:00 - 22:00
星期一至日
12:00 - 16:00
18:00 - 22:00
*最後下單時間 21:00
以上資料只供參考, 請與餐廳確認詳情
有關獎賞計劃
優惠
相關文章
在荔枝角工貿區穿梭，發現這家主打多國菜的「香頌小館」，裝潢雅致帶點歐陸風情，燈光昏黃柔和，營造出相當不錯的用餐氛圍，頗適合朋友小聚或情侶約會，先為環境加分。是晚重點品嚐了幾道招牌。最令人失望的，莫過於招牌之一的「安格斯肉眼扒」。滿懷期待切開，入口卻發現肉質偏「鞋」 (韌)，而且比較乾身，欠缺安格斯牛應有的豐腴油香與軟嫩口感，調味亦屬普通，未能留下深刻印象，實在不值推介。幸好其他菜式挽回分數。一道「香辣大蝦手工意粉」令人喜出望外。蝦隻新鮮彈牙，香辣醬汁惹味得來不會過份嗆喉，最精彩是那手工意粉！質感絕佳，煙韌有咬口，完美掛汁，每一口都充滿麵香與醬汁的融合，證明廚師在澱粉質上下了功夫。然而，全晚最高潮，非「法式多士」莫屬！這道甜品甫上桌已香氣四溢。厚切多士的厚度絕對真材實料，外層煎至金黃微脆，內裡則極度鬆軟濕潤，吸滿了濃郁的蛋漿與奶香。每一口都像在吃著香噴噴的蛋布甸，蛋香豐盈卻不甜膩，口感綿密得令人陶醉。簡單的食材，做出不簡單的美味，絕對是「邪惡」卻又忍不住一口接一口的完美句點！👍🏻總結： 「香頌小館」環境有情調，服務亦算周到。安格斯牛扒水準未如理想，是明顯敗筆。但大蝦手工意粉展現質素，而法式多士更是必食的驚艷之作，足以成為回頭的理由。建議來訪時跳過牛扒，直衝意粉與那令人難忘的厚蛋香法式多士，會是個更完滿的體驗。
繼續閱讀
工廈浪漫情調之《INN - I’m Not Nothing》放假前夕，去咗於荔枝角d2 place one，品嚐呢一間，無論喺打卡、情調、嘢食質素都非常高嘅多國菜餐廳👍🏻。經典法式龍蝦湯(波士頓龍蝦殼熬製)：龍蝦湯味鮮甜、幼滑可口，湯底有蝦肉，配上細細舊嘅牛油法包，口感同味道相當不錯😆。巴馬火腿煙三文魚檸檬香草沙律：份量十足、賣相吸引，煙三文魚卷到好似一朵玫瑰花咁靚😊。加上酸酸甜甜嘅醬汁，配上不同嘅沙律菜同巴馬火腿，係一度好開胃嘅前菜👍🏻。寶雲酥羊扒伴薄荷醬：喜歡羊酥味嘅朋友絕對唔能夠錯過呢一度菜式，羊酥味十足，配上薄荷醬，食得生嘅朋友，建議叫五成熟，口感煙韌得嚟，食完又唔會黐牙，配菜亦有薯蓉、燒粟米、燒蕃茄等等，十分抵食😋。大蜆香草忌廉扁意粉：當食完呢一款意粉後，直接當選咗我今餐嘅精選😋。真係超級好味，意粉彈牙、蜆肉鮮甜，香草忌廉味亦非常濃郁，口感多樣化😋，有機會再食嘅話，呢一樣一定會再叫😋。Green tea latte：作為綠茶愛好者嘅我，有得叫Green tea latte，當然亦都唔會錯過啦😊。賣相吸引，打卡之選，女士們唔好錯過呀😆。總結：其實一直都好少去荔枝角，每次嚟到都只係經過，但係估唔到喺工業大廈內，竟然會有一間集情調、浪漫、打卡於一身嘅 餐廳。另外，值得一提嘅係，餐廳位於嘅工業大廈，其實行3-4分鐘就可以到d2 one place商場，唔趕時間嘅話，亦都可以喺嗰度行一個圈，相當唔錯嘅飯後活動🤭。
繼續閱讀
INN - I’m Not Nothing長沙灣道883號億利工業中心2樓203號舖🥰今日去D2 place附近學畫畫🎨🖌️，所以約埋朋友去咗長沙灣地鐵站附近間"I'm nothing"食咗嘢先，真係有啲驚喜！ 🍗頭盤叫咗香脆炸雞翼伴辣味蕃茄莎莎，雞翼炸得啱啱好，外皮好鬆化脆卜卜，入面肉質仲好juicy。個辣味蕃茄莎莎好開胃，微辣帶少少酸，同雞翼好夾，食完即刻想encore！ 🥗沙律叫咗巴馬火腿煙三文魚檸檬香草沙律，淨係個名已經夠fancy。巴馬火腿鹹香得嚟唔會太搶，煙三文魚好新鮮，加埋檸檬香草汁，成個沙律好清新，食完炸雞翼都即刻解晒膩，正！ 🍛主菜係燒八爪魚墨汁意大利飯，真係要畀個like！八爪魚鬚燒得啱啱好，煙韌得嚟又爽口，咬落去仲有少少焦香。個墨汁意大利飯煮得超有水準，飯粒中間有粒硬心，口感一流，仲好掛汁，入面仲有啲菇同洋蔥絲，每一啖都充滿墨魚嘅鮮味，真心推介！ 🍮甜品係tiramisu，咖啡同酒味平衡得好好，mascarpone芝士夠滑，lady's finger濕潤度啱啱好，唔會太濕或者太乾，為成餐飯畫上完美句號。 🥰總括來講，呢間餐廳食物質素都幾高，原來佢係Royal Inn集團旗下嘅食肆之一，雖然係樓上舖，但價錢合理，絕對值得再encore！
繼續閱讀
星期六去咗呢間西餐，聽聞佢哋嘅菜式幾有水準，於是就約埋朋友一齊去試下。今次我哋叫咗蘑菇湯、凱撤沙律、英式炸魚薯條、招牌波士頓龍蝦包，仲有熱檸茶，真係食得好開心！一入到去，餐廳嘅環境真係幾靚，裝修得幾有情調，燈光柔和，令我感覺好舒服。座位間隔唔算太擠迫，適合同朋友傾計。### 蘑菇湯講返我哋叫嘅蘑菇湯，$18嘅價位真係好抵！湯嘅味道濃郁，蘑菇嘅香氣充滿，質地滑順，飲落去好舒服。### 凱撤沙律接住上嚟嘅係凱撤沙律，呢個沙律同樣只係$18，真係超值！沙律入面有好多新鮮嘅蔬菜，搭配上凱撤醬，味道清新，食落去好開胃，唔會太油膩，啱啱好。### 英式炸魚薯條主菜方面，我哋叫咗英式炸魚薯條，$148嘅價位雖然唔算平，但真係好有誠意！魚肉炸得金黃色，外脆內嫩，搭配上薯條，真係一個完美嘅組合。佢哋嘅醬汁亦好正，食落去唔會覺得膩！### 招牌波士頓龍蝦包另一個主菜係招牌波士頓龍蝦包，$168就算貴啲，但絕對值得！包入面嘅龍蝦肉鮮甜，搭配上特製醬汁，味道層次豐富，包皮鬆軟，每一口都令人驚喜。### 熱檸茶最後，我哋叫咗熱檸茶來解膩，呢杯茶味道清新，檸檬味道好突出，飲落去舒服又提神，真係一個好選擇！呢間荔枝角嘅西餐廳食物味道正宗，環境舒適，服務周到。午餐套餐無論係湯、沙律定主菜都好好味，價錢亦算合理！
繼續閱讀
今日約左前同事，咁岩就係D2 Place附近，佢就話帶我去食間好野，一入到INN，感覺都幾靚，好多打卡位，都幾適合同朋友慢慢傾計。今次叫咗佢哋嘅二人餐，$498有前菜、主菜、甜品同飲品，味道唔錯，性價比一流。🟡 前菜有脆炸芝士條。芝士條外脆內流心，咬開一刻有拉絲超邪惡，芝士香味勁濃郁，配埋微甜嘅醬汁，好滿足。而係三選二既前菜，我地就叫左煙三文魚沙律同埋啲菜新鮮爽口，煙三文魚鹹香帶少少油脂，配埋沙律醬一齊食好開胃，另外仲叫左是日餐湯，為黎緊既餐點作準備😍🟢 主菜我地揀咗燒美國豬肉眼扒 12oz。成塊扒上枱已經香氣四溢，燒得啱啱好，外層有焦香，入面仲Keep住嫩滑多汁。油脂分布平均，咬落好有嚼勁但又唔韌，仲搭配左蕃茄等配埋配菜同醬汁☺️ 另外，個香煎銀鱈魚蕃茄意大利飯都好有驚喜，飯粒煮得啱啱好，唔會太腍，番茄醬酸酸甜甜，非常開胃，鱈魚新鮮滑溜，味道層次感豐富。🔵 甜品係原味忌廉法式多士。Size都幾大，多士外脆內軟，唔會太甜，好有蛋香，配埋忌廉一齊食，好爽呀，啱晒打卡同收尾。
繼續閱讀