imm阿來

營業中

休息中

Imm 呀來：泰式風味大爆發！炭燒肉與冬陰功的極致滿足 **推薦菜式：金邊粉、燒豬頸肉、燒雞扒、冬陰功湯** 近期發掘到一間隱藏版東南亞小店「Imm 呀來」，主打泰式街頭風味，從主食到湯品都充滿驚喜。這次試了招牌四重奏——金邊粉、炭燒雙拼（豬頸肉+雞扒）和冬陰功湯，整體表現超出想像🔥 **炭燒雙拼：豬頸肉 x 雞扒** - **燒豬頸肉**：厚切肉片炭香逼人，外皮焦脆帶微微蜜糖甜，內裡肉質彈牙多汁，油脂分布均勻，蘸上酸辣青醬更解膩！ - **燒雞扒**：雞皮烤得金黃酥脆，肉質軟嫩不乾柴，醃料帶淡淡香茅和魚露香氣，搭配旁邊的醃漬青木瓜絲，清爽感瞬間提升！ 🍜 **金邊粉：鑊氣十足的泰式經典** 河粉炒得乾爽不油膩，配料有彈牙鮮蝦、豆乾碎和花生碎，酸甜醬汁比例抓得剛好，擠上青檸汁後更開胃。特別喜歡它的辣度可自選，小辣已足夠提味，嗜辣者可挑戰中辣以上！ 🥘 **冬陰功湯：酸辣控必點** 湯頭濃郁有層次，椰奶柔和了辣椒的刺激，酸度來自新鮮檸檬葉和番茄，喝得到蝦膏的鮮味。內有足量草菇、鮮蝦和魷魚，建議搭配白飯或直接當湯品喝都很過癮！ 個辣汁好正

見夜夜哋，好肚餓。難得見到一間唔使排隊。但其實見到佢唔使排隊都知道係伏。諗住嗌個豬頸肉炒公仔麵，應該唔會有啲咩大件事。點知，又喊，食完又頸渴。炒得唔均勻。啲菜係生，有部份就好鹹，有部份就冇味，完全係冇心煮嘢食。冇心就唔好開餐廳，真係好傷心。影衰太安樓美食嘅聲譽。

做野做到點幾，咁攰經過太安樓睇吓有咩食見到呢間仲未閂門，泰國嘢食，諗住叫啲最簡單嘅嘢，簡單啲豬頸肉炒金邊粉，返到屋企一望，乜料，我第一時間諗，睇到呢個叫燴粉或者湯粉，點會聯想到係炒出嚟😂打電話俾佢哋仲同我講話可能個人口味唔同👍冇得頂最後食咗一啖酸到嘔，掉咗，如果大家個口味係想要湯粉或激酸，咁樣嘅就可以試吓佢有話唔緊要嘅，唔啱食可以退返錢俾你或者整個份，不過因為我住喺太遠，揸車都要半個鐘，放棄🤣

之前都有幫襯過，不過有時等待時間真係有少少長。今日宵夜叫咗一份燒豬頸肉飯同雞肉炒金邊粉，都幾好味！食物份量大，好足料，醬料、辣粉、青檸汁仲會另上，睇得出係俾心機整，抵讚嘅

一開始落單前冇話要等半個鐘咁耐都算 嗌完先話要等半個鐘但半個鐘之後去到攞嘅時候又話末得😅開始炒緊仲要收銀個個係到嘴藐藐 最後係個到又多半個鐘 外賣自取都要成粒鐘啲飯嘅味道又唔好食 完全係嘥時間同金錢

諗住見佢門面都算乾淨試試佢啲泰式食物鹽都無落完全無味勁油公道講句肥牛份量係幾多但係成盤野出到黎真係搞唔掂早知食其他太安樓既野好過明明叫泰式乾炒變左洗式乾炒牛河中哂伏

我試咗Imm阿來嘅泰式濕炒河，但係我覺得完全唔似泰式濕炒河。我食過嘅泰式濕炒河係用寬河粉，口感濕潤，上面淋咗帶有豆鼓醬和魚露的香氣嘅醬汁。但係呢間餐廳嘅濕炒河係用細河粉，醬汁太甜，味道同顏色都似用蠔油、醬油同糖調味，同埋蔬菜菇菌好少。雖然唔難食，但係唔符合我對泰式濕炒河嘅期望。我好失望，唔會再去。

完全不是泰國餐廳風味，我叫左濕炒河、冬陰功及泰式鳯爪，完全沒有泰國味道，濕炒河是普通港式味道，冬陰功顏色似冬陰功，味度是清湯，鳳爪完全冇味，差極的泰式餐廳，不會再去。

太安樓阿來買咗個海南雞脾併豬頸肉飯，一打開見到都已經係唔開胃，先講啲雞，乾過阿婆，又鹹過阿伯，嗰啲飯先厲害，半滴雞油都搵唔到，仲要硬過我條命！叫人點食呀大佬？！呢盒$55蚊既嘢，真係想知邊忽似海南雞呀，啲汁又係九唔搭八，亂晒龍，堅係唔知食咗啲咩！完全係不知所謂、垃圾！其實呢次唔係第一次幫襯佢，對上一次係試佢個青咖喱， 啲咖喱汁仲甜過糖水！諗住比多次機會佢呢間嘢，點知難食程度係勁到要唻寫食評，呢間嘢無第三次！各位睇路。

見到太安樓新開左間外賣泰國菜 諗住試下不過味道同服務都好一般 十分失望😐1. 有排等 🫣首先，要等好耐，見到枱上7,8張單 收銀話要等起碼4,5個字。 什至排我前面個叔叔話頭先已經打咗電話叫外賣 點知都係未整好😅2. 唔叫號 🥲明明啲外賣整好晒一袋袋，但冇人叫number 結果都係自己行去望下有冇自己嗰袋啦 🌚3. 食物賣相味道麻麻🫠 叫左個泰式濕炒河 ummmmm 盒麵一睇唔太吸引 啲菜係未熟 啲麵斷晒 夾唔到😐 亦都好油 冇咩香料味 btw本身想叫泰式炒金邊粉 但泰式炒金邊粉$55係唔包任何肉 所以諗住叫嘅話留意番！

呢間野最近新開，立即要試下，試左好幾樣野，味道都唔錯(除左海南雞垃圾)，價錢就小小貴。但衛生情況真係正，絕對無烏蠅喺舖裡面飛黎飛去，結果絕對真係無中招，第二日絕對無腸胃炎疴到死，唔建議食呢間野！

豬頸肉泰鬆餅 ❙ $40 太安樓掃街掃掃下掃到黎小店食泰式手抓餅等左大約十分鐘有別於平時食開既手抓餅比較厚身但熱焫焫好夠脆😆有丁丁油膩感內餡係用香料辣椒兜過既豬頸肉🤩有辣度夠晒惹味刺激豬頸肉爽口 成個口都充滿油脂邪惡但我地覺得係好食🫶🏻職員服務態度好🙌🏻門口得一張檯要立食定價都算大眾化 試得過😆😆🤙🏻

途經這間在太安樓的新開泰國菜外賣小店，看到他們推介「必食生菜包」便忍不住叫了一客。等候時聽到老板娘跟其他顧客介紹她們的流沙鳳尾蝦炒飯，說是要用上三隻咸蛋炒一碟飯呢！聽得我也很想賣一碟，可惜在經過到這間小店之前，我已在其他兩間店舖賣了兩個餸菜了，實在不能再賣了！今次與流沙炒飯真的是相逢恨晚了。回到家中便急不及待地品嚐還是温暖的生菜包，真的十分可口！味道調得十分好，用的泰國香料也很新鮮，生菜的份量也十分充足。現在正在計劃在短期內再度光顧呢！由於生菜包一開盒蓋便香氣四溢，吃完了才想起還未影相，不好意思！下次吧。小小提示：這小店只收現金，沒有座位， 跟太安樓其他很多小店一樣只提供外賣。也剛翻查過，發現在網上外賣平台是找不到這間小店的，似乎暫時只能外賣自取了。

豬頸肉泰式鬆餅，真係第一次食，味道好有驚喜喎，豬頸肉燒得非常之香呀，佢嘅質感軟林林，加埋鬆餅一齊食，口感非常之唔錯，估唔到豬頸肉夾埋鬆餅呢一個組合，好有新鮮感呀

放假去太安樓買嘢食😋 原來之前齊柏林熱狗店個位，而家轉咗做泰式食店imm阿來，見佢啱啱新開張，一於試一試😆食物選擇都唔少第一次嚟，先試試🐷豬頸肉泰鬆餅($40) 泰鬆餅即係手抓餅，食物係即點即做，製作需時15分鐘左右⏱ 温暖嘅手抓餅以餐盒盛載，口感非常酥脆香軟，豬頸肉味道正常發揮，內裏並沒有添加醬汁，可自行淋上泰式辣醬汁，醬汁都幾辣🌶📍imm阿來西灣河筲箕灣道57-87號太安樓地下A55A號舖