IL COLPO TREAT

以為il colpo 只有 salon ， 原來仲有yogurt 店。 這店十分隱蔽， 一般行街都唔會經過。不太餓， 所以要了個regular。份量非常多！ yogurt 並不是中空的， 比別店大方得多！ topping granola 也很重手， 友人的blueberry 多到不得了， 有2﹣30粒！ 乳酪質地軟滑，酸味剛好，亦沒有起冰感。 但略嫌太凍，食到條脷有點痺！ …查看更多

若如非友人告知, 根本不會知道這是吃乳酪的地方, 其實修甲才是正務, 只是店的另一邊兼賣蛋糕和乳酪。 其實地點不算難找, 就在溜冰場那邊, 正正就是caffe habitu的對面行入, 只因本時走到這裡便返回頭, 一直沒留意而已。坦白說, 起初見只是兼賣的形式, 不禁對品質有所保留, 會有種偏見, 覺得只是想玩票性質, 不過既然來到, 怎樣也應一試的。 乳酪只有原味可選, 還好, 可吃出原有的味道來。 見大杯也只是$30, 已包兩種配料, 真是抵得沒話可說。 配料選擇不少, 可惜未遇上貴價的黑莓, 始終莓類都是首選, 其後便是一些乾料就像餅碎燕麥之類。 眼見店員將我杯堆得滿滿的, 拿上也是蠻重手的, 差點兒偷笑出來。 店內只有企位, 倒不如走到溜冰場一邊的空位坐下慢慢品嚐才對。乳酪不會太冰感, 綿滑得很, 質感較挺實, 不會過稀, 真怕那些未吃已開始出水, 絲毫不覺削身, 溶化度慢, 帶出一陣清新的乳酸香, 奶味同樣細緻醇厚, 比雪糕輕怡少點罪咎。 藍莓份量也是相當慷慨, 每粒都是新鮮飽滿, 汁水豐富得似要爆發出來, 入口甜中帶點酸。 Granola烘得夠乾身香脆, 麥味滿瀉, 沒有怪怪的旱味, 提子乾也不覺太韌。 其實乳酪以外, 蛋糕看起來亦十分精緻, 以後再來圓方, 也不愁沒有好去處。…查看更多

10月27日, 去elements睇戲前, 又係呀菲食甜品嘅時候~ froyo呢期大熱, 就連呢間美甲店都開埋froyo corner分一杯羹! ::: Large Cup + mango + blueberry ::: $30Froyo裝滿一大杯~ toppings依舊係我最愛嘅生果組合芒果同藍莓! Froyo質感軟滑無冰粒, 奶味酸味比例平均~ 兩款生果toppings香甜新鮮, 好過出面好多跟風froyo店.呢度位置比較偏僻, 長年都無乜人行過, 造就佢地froyo品質唔差兼且唔洗排隊有排等~ 價錢唔貴份量又足~ 絕對值得翻食!…查看更多

forzen yogurt依然是我的最愛，每次經過forzen yogurt的門外總是心思思偷望一下，然後忍不住的跑進店內。其實在element吃forzen yogurt身體會降溫得很快，element的冷氣異常的大，加上一杯冰凍的forzen yogurt，一股冰涼的感覺在身體裡游動。試過各大forzen yogurt店，這間的味道算是不錯。酸度奶味都很適合我的味道，而質地有點冰又有點奶，互相融合，口腔冰涼十足。而價錢也可以接受，$30一大杯，而且還有兩款topping，那些生果topping都算新鮮，不錯的選擇。不過由於forzen yogurt太凍，所以生果都一起冰凍了。…查看更多

呢晚同男友仔去 element's 既 the grand 睇戲戲~離入場時間仲有一大段距離, 所以就行下食下野先嚕!無無聊上 openrice search, 比我發現左呢間.....神秘 yogurt 店!!!!搵呀搵, 搵呀搵......佢個位, 真係好隱蔽耶, 表面仲係一間修甲店~不過勁 like yogurt 既我, 見佢有咁多 lam lam 脷, 就算幾隱蔽我都一定要去, 吼吼!!!終於, 搵到了, 哇哈哈哈~價錢有 2 種: $28 - 細 (1 個配料) / $30 - 大 (2 個配料)一個箭步沖埋去, 諗左唔使 5 秒, 有決定嚕!!大乳酪 + 藍梅 + 可可脆米店員好快手, 唔使等就有得食, kekekekeee一拎上手, wow....好重耶~果然份量十足, 呢個價錢的確比好多 yogurt 店更更更抵食!!!乖乖影完相, 就急不及待放佢入口....>0< 真係.....好好好好好食呀!!!!!!!!唔止酸甜味道適中, 而且又軟又滑又唔易溶....配料夠新鮮, 藍梅又爽又甜, 可可米絕對脆爆, 超讚喲!!!!!好老實, 我本身係 Mama 粉絲, 一直都搵唔到一間可以同佢比美...今次既間....我覺得絕對有資格同 Mama 睇齊, 甚至..........高出 Mama 少少耶!!!!!唯一可惜既係....佢無分店囉 =(Element's....真係 1 年都唔知有無黎 1 次......但係為左呢個又抵食又好味既 yogurt....我會再黎, 等我!!!!!!!!…查看更多

此店子其實是一所修甲店，但其實也有賣冰乳酪及各式各樣的蛋糕，指甲我男人老狗就一定不會去修，蛋糕委實賣相吸引，不過吃飽了烏冬，就不想再吃太多了，故此光光是來吃杯冰乳酪好了。地點是非常之神秘，要到了溜冰場再屈入另外一邊，門面很大，但吃的地方其實不大，看來其主要的地方都是用了在理甲方面，但也不要緊，吃杯冰乳酪，立吃也可以了。一杯大的乳酪兩份吃，Toppings要了Granola及藍莓，Granola不單止脆卜卜，入口更非常強勁的麥香；而藍莓也下得慷慨，足有兩打，粒粒都是飽滿又多汁，吃起來肉質夠實在，不會霉腍，感覺良好。不知是否不太多人幫襯的關係，入口非常之夠冰，果真的是非常之涼快，乳酪的質地可以再滑一點，但有奶香又有酸度，味道也算是非常不錯，雖然個人仍舊認為Yo Mama是好一點，但不容置疑，此店真的是好吃的一杯冰乳酪。雖然本人的食評的題目，看來跟其內容有點不相對稱，但本人其實只是想帶出此店的主題，讓食評不多的此店，可以讓人知道它們的主題。…查看更多

30＄！真系好抵無中空，toppings 又系好慷慨概份量！froyo 夠企身 同夠酸（當然不夠yomama／旺角yoppi旺酸) 但同時又夠奶味同夠滑！系我食甘多froyo以來最開心，攞到上手真系好“墜”手！店員好態度～幫我“擠”左好多froyo !藍梅好大粒，但系同strawberry一樣都系雪凍左 同埋無咩甜味／酸味 一定會encore! 雖然間店系比較難揾D，系ice rink附近概HAbitu cafe 再入！…查看更多

剛開業時,尊誠走過來視察,感覺怪怪,又整指甲,又賣食。而且cake,賣相普通,又細件,價錢一點也不合理。但今日又走過來,看到桂花芝士蛋糕$38,還有金莎芝士蛋糕$38,兩者也是我囊中物。而芝士以外的東西,有朱古力漿cover,澄球狀的梨子焦糖朱古力蛋糕。不知怎抉擇,便問問店員,蛋糕內是怎樣結構?可惜她竟說「不清楚!之前只問過餅廚,某兩款,至於這款……不太清楚。」噢!太不Prof吧!!後來興致減弱了,只買一件$38蛋糕、一件清蛋糕:咖啡朱古力$16、50g曲奇餅。桂花芝士蛋糕,雖然眼見不少桂花,但完全沒桂花味。不過芝士蛋糕很soft,不膩口。欣賞以Oreo餅底,密度緊扣,實淨!咖啡朱古力蛋糕,做到有彈番起的戚風感。味道完全唔甜,可說只是Espresso甘味,連朱古力粒粒也沒味兒。由於只是試吃心態,所以......曲奇$50/100g,只買50g。serve緊我的店員,叫另一同事替我秤50g曲奇。她有點驚訝的問「吓?50g?」秤出來的,就整整是每款三片。分別是紅棗杞子、玄米茶、朱古力。三款都有著咸酥的牛油甘香,不甜,而且材料味道很出。尤其玄米,和朱古力味。…查看更多

1st visit要不是食友sharing,都唔知修甲店裡附設的1間餅店............經食友嘅提示,找到呢間舖頭.........jan 28, 11..............我先在中午打電話來訂餅,索性喺晚飯前來1round甜品,食咗 : 1) banana white choc cream tart (hk$38)-見食友大力推介,所以1早鎖定這個target-頂頭的cream不太甜,滑,也有自然的香蕉味-那些迷你朱古力粒,咬下是脆的,所以增+口感之餘,朱古力與香蕉是慣性的gd partner-底下的餅餡鬆軟,濕度又夠,tart皮都薄,微脆-的確不錯2) choc tart (hk$38)-朱古力glazing很亮滑-頂上有4粒橙皮-裡面的朱古力mousse質地近乎是truffle般黏密-朱古力味很濃,不過是帶有橙味的-個人還是喜歡純黑朱古味2nd visitfeb 15, 11, 今日body比咗個message我去食甜嘢,所以揀來這裡,碰吓有咩出品 : 3) red bean soup roll (hk$35)-很高興在餅柜裡見到佢因為我上次已很想試這款了-很濃的陳皮味,但這股陳皮味,令我覺得似9製陳皮多d,1來甜味很濃縮,2來是陳皮味非沉鬱。這個很易理解,因如果單靠乾晒的陳皮要有咁出嘅味道,1定要用很上乘的優質貨-而海綿蛋糕部份濕潤度是有的,但鬆度可以更好-不過整體味道已是不錯,值得買來食吓因坊間也很少有這個陳皮味flavor,所以不失有個性4) mille feuille (hk$38)-很榮幸比我遇上這個不是每天都有出的款式-酥皮鬆脆-朱古力mousse比較挺身,難得有很濃的朱古力味外,仲有有明顯嘅酒味-like it a lot* 本來諗住來到再從餅柜揀多件餅,但來到時,除咗我盒餅之外,餅柜吉吉如也........原來今日booking好多.........下次想食,都喺打電話來留定先啦* 這裡除了有餅賣,還有yogurt賣* 這裡的餅每天供應款式同數量都不多,但試了4款,都覺得全部很有鮮明同討好的個性…查看更多

吃完薯條就落一層搵呢間yogurt店la, 位置好僻, 如果唔睇商場地圖真係唔知響邊!雖然鋪頭細細, 但感覺好乾淨企理!$30有兩個toppings~ yogurt得一隻味, toppings既種類唔多, 好似得12種, 都係d大路既款式~ 我買既時候係7點幾, 但d toppings 已經無咩剩, 可能就黎關門卦, 佢地都無refill返~ 本身諗住下次先再食, 但又覺得下次黎Elements唔知幾時, 既然一場黎到, 都係試la!要左granola同kiwi~ 個位女店員唧左好大杯乳酪比我地! 好欣賞呀! 落toppings又非常闊綽, 每種toppings都畢左三次比我地, 差唔多將有剩既都畢哂比我地, 真係非常好人! 拎上手呢杯野係好重, 如果以出面$15/100g黎計, 呢度真係有$50! 但宜家用$30就有甘大杯, 好滿足呀!當然最緊要係個yogurt好唔好食! 果然無令我失望, 佢既味道同我最愛既Crumbs好似! 有yogurt應該有既酸甜味, 但唔會太酸! 唔會唔好似熊貓甘太重奶味! 我覺得熊貓係好食, 但無左yogurt應該有既酸甜口感, 似雪糕多d! 不過人人有唔同既口味~granola好好食, 好有咬口, 佢同yogurt永遠係perfect match! 至於kiwi, 未至於好甜但一d都唔酸! 而且望落去都幾新鮮!好欣賞佢地既yogurt, 所以決定外賣試埋賣相好靚既蛋糕! 要左香蕉白朱古力tart, 其實我本身唔鍾意食香蕉, 但見下面既食家都甘推薦, 無理由放過既! 睇落去件tart好細, 但食落去又覺得啱啱好, 太大反而可能會好漏! 上面既mousse好柔滑, 香蕉味好香, 食個時真係啖啖都有香蕉肉! 但唔知係咪蕉味太搶呢, 唔係好食得出白朱古力味呀! 而tart皮既口感都唔錯~ 兩個人share食啱啱好, 但唔知一個人食會唔會好滯呢?不過蛋糕黎講, 我都係鍾意樓上Chez Shibata 多d!…查看更多

frozen yogurt base本身a bit too 甜, 唔同yo mama or berrygood or yogurtime 嗰啲偏酸的frozen yogurt euro tart , 食得到奶味 , but 跟出面supermarket like marketplace or three sixty 嗰啲real yogurt like muller or yeo valley 唔同...i better turn to nearby three sixty to have three large bowl of real yogurt totally cost me just $39(( toffee light, black cherry greek and vanilla chocolate balls ))~!…查看更多

之前去過呢間餅店，當天太早，一件餅都未有，所以被逼離開。今日係放學辦完告解，決定放棄目標中的半島酒店和fine foods (( they have new patisserie cook~! ))來這裡買餅，試試她們的手藝。去到見到有三件食評有讚的香蕉塔，有個性的我當然不會要喇！在與蛋糕師父淺談後要了桂花Cheese Cake$38。(( there are also red bean cheese cake, passion fruit macaroon, chocolate nib mousse tart, lemon tart...etc ))芝士蛋糕部份是比較輕宜的味道，吃落口質感是較軟和滑的，味道柔和，自然唔太濃味。bottom is not the usual butter and digestive biscuit but 蛋糕師父推薦的巧克力hazelnut開心果餅底。剛剛食完係唔膩的，坐下來做中文進展性評估才慢慢地飽出來，感覺唔錯。但要一提的是，蛋糕吃來花香並不算很突出，然而甜度適中，整體口味不差，下次再來要試試蛋糕師父推薦的可可豆殼mousse sponge撻！…查看更多

之前一路睇openrice已經好想去呢間位置奇怪嘅nail froyo cake shop, 係放完新年假嘅最後一日, 決定要黎買幾件cake, 安慰吓自己唔想番學嘅心情去到見到得番一件banana tart, 記得openrice嘅食評都有讚佢, 所以第一件就要咗佢仲要埋Souffle Cheese Cake with Rum Dried Fruits $38 同一件chessecakeBanana Tart:香蕉味清新自然, 唔太濃味, 好明顯係冇添加嘅flavour但係嗰tart硬咗啲, tart冇乜牛油味, 乾身的食完唔會膩, 唔錯Souffle Cheese Cake with Rum Dried Fruits $38cheesecake好滑, 甜度剛好, 但係敗筆嘅地方係啲冧酒乾果, 好苦要拎晒佢地出黎先好啲rum dried fruits酒下得太多....如果啲rum dried fruits唔係咁苦係好食的chessecakecheesecake同Souffle Cheese Cake差唔多,但係冇咁濃味, 份量啱啱好自己食晒三個cake, 好飽但唔係滯, 最怕食完cake有呢種反胃嘅感覺食飽了, 又係時候番學嘅日子.......…查看更多

是日的重頭戲是一同掃甜品餐牌, 但吃甜品前總要打打底, 一行四人就先來這家修甲乳酪店, 不過我們的目標是店內的甜品. 修甲跟甜品有甚麼關係? 真不知道, 既然是會長的推介, 當然放心的跟著吃就行.Souffle Cheese Cake with Rum Dried Fruits $38: 8分, 是比較輕宜的芝士味道, 加上忌廉及蛋白, 吃落口是沒有一般芝士蛋糕的霸道. 蛋糕質感幾滑, 底下是冧酒乾果粒, 小小的酒味, 配合輕宜的芝士味, 是幾柔和的結合.Blueberry Banana Tart $38: 7分, 一共有19粒藍莓, 不過藍莓味道就偏淡, 反而個香蕉撻底就相當不俗, 夠香脆. 吃落去有點分割的感覺. 見大家食極都食唔完, 還是由我清掉吧.Lemon Tart $38: 8分, 平日都幾怕酸酸的檸檬撻, 不過這裡的做得不會太酸, 反而帶點清新的感覺. 加上鬆脆的撻皮, 令人滿意.Banana White Chocolate Cream Tart $38: 9分, 最後也是最出色的就是這個香蕉白朱古力忌廉撻. 香蕉味濃郁, 同白朱古力又相當匹配, 有層次感, 加上繼續鬆脆的撻皮, 大滿足.這家在倔頭巷的店子, 很易走漏眼. 不知道大家有沒有興趣一試呢?…查看更多

在Grand Central Bar & Grill吃過很滿意又超飽足的午餐後，與食友先逛了好一陣，然後將稍稍騰出來的空間，留給這家隱秘Yogurt / Nail小店。　二度重來，但覺來幫襯的人客明顯增多，大概越來越多人意識到轉角有間不貴又不錯的健康乳酪雪糕店。然而這日來的目標並非Froyo，而是Oli吃完大力讚好的甜餅(劃一收費$38)。當日的選擇不少，約有5-6款，無奈胃納早被上一餐佔去九成，只有一人選出一款心水來。我選的是Oli力推的White chocolate banana pie，整個撻層次很豐富，而層是富天然蕉香的軟滑忌廉，中間則夾有香甜的九成熟香蕉蓉、帶有杏仁香氣的蛋糕，以及口感清脆吸引的脆撻底，由頂至下吃在咀裡，真是美味幸福無限，好吃得除了嘩嘩嘩嘩都說不出別句了! 食友選了白桃慕絲蛋糕，甜餅賣相很漂亮，半圓的慕絲十分光滑，連帶朱古力波也金碧精緻，足見製作之認真。味道方面，軟滑的慕絲中有白桃夾心，吃來果香突出但並不算很清新，甜度適中，整體口味不差，但一撞上美味香蕉撻，就完全被比下去了。與食友都認為這裡的香蕉撻真的驚為天人，水準直逼頂級酒店餅店，為此特來一試也是值得。也是因為這撻實在太好吃，加上掃得未夠過癮，剛過去的週六參加炸彈甜品局前，又來了這裡打底。或者時間太早，當天只得四款餅，不要想就給我全掃吧!!四件甜餅排開，最先試是Souffle cheese cake with rum dried fruit。那是一款質感特別軟滑的芝士餅，芝味較為輕柔，特別之處是近底層是帶有冧酒的果粒，是別處找不到的味道，特別得來也幾好食，很快就吃剩一角。Blueberry banana tart是賣相很動人的一款，其撻底也與極品香蕉撻的底是一樣的，所以是一樣的香脆美味動人；可惜以藍莓為主的撻面味淡淡的，襯以忌廉既不太夾也不能提昇滋味，所謂的香蕉更加稀薄得很。是當日最失色的一款，幾乎要落得吃剩的收場，還有黑洞幫手掃了貨!Lemon tart則是另一個值得推介的驚喜，撻皮做得香脆鬆化，中間的夾心又酸甜有致又軟滑，相當美味而且開胃，令人吃了一口又一口。不過這四款餅中，要講最愛，始終不變是White choc banana pie。我不想長氣，但這味道豐富、口感又變，同時帶有鮮香甜滑脆幾大元素的甜餅，真的是既美味又在坊間少有近似甜品，當日連不太愛吃蕉味甜品的食友也為之折服，蕉味更加萬分不可錯過!為了這個香蕉撻，味道難得的給了五分滿分；又為了它，我應該還會來第四次、第五次，並同時期盼著有機會也可以試試Oli推介的另一款Chocolate mille feuille。祝我下次好運! …查看更多