9
0
0
港鐵奧運站 A1 出口, 步行約6分鐘 繼續閱讀
電話號碼
36194737
68120858
開飯介紹
餐廳由外國人店主主理,由頭盤、主菜至甜品均有自家製食材,如麵包、蛋糕、雪糕 。經典意菜:黑松露意大利雲吞、蕃茄海鮮意大利麵,帶有家庭式餐廳感覺。 繼續閱讀
營業時間
今日營業
11:00 - 22:30
星期一至日
11:00 - 22:30
付款方式
Visa Master AlipayHK 支付寶 現金
座位數目
40
其他資料
網上訂座
Wi-Fi
酒精飲品
自帶酒水
電話訂座
賞訂座積分
外賣服務
加一服務費
當面支付
有關獎賞計劃
招牌菜
pasta, steak and pizza
食評 (9)
等級2 2019-06-25
0 瀏覽
有幾次行過依條街,都見依間鋪有人喺門口做招徠介紹。今次終於有機會黎試。間鋪嘅侍應全部都係講英文,所以我地都用英文點餐。見個lunch set都幾吸引,有唔同種類嘅野可以揀,我揀左食意粉。個set雖然無包餐湯,不過一落完order,就有麵包送黎。個麵包口感幾特別,好似蛋糕嘅texture,同平時食開嗰啲好唔同,而且味道都ok。至於個意粉黎到已經覺得賣相唔錯,我叫嘅係蜆肉扁意粉。大概有8/9隻蜆,不過d蜆肉算係比較細size。味道方面,成個意粉加左啲garlic sauce,都幾惹味,而且意粉嘅軟硬度煮得岩岩好,分量又適中,覺得幾好食。不過反而係有同事叫左牛排,覺得佢overcooked,太硬又難咬,話下次唔會再點。所以如果我下次食,都係會叫翻依個意粉。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-06-06
424 瀏覽
小朋友生日想吃意大利餐, 喜歡芝士意粉及薄餅, 看openrice又一間在大角咀 的新開店的意大利餐廳, 坐地鐵很方便去到奧運站行六分鐘就到, 就在我非常喜歡吃大角咀芋圓再過一條街。可以用openrice訂位非常之方便, 因為餐廳侍應全是外國人不懂聽廣東話, 幸好menu內有中英對照, 如果可以加上圖片就更加方便了。他們有Set Dinner 3 course138-188 不等, 除了識之外還有單点, 想不到款式也十分之多選擇。座位舒服 ,五個人叫了羊架/ 肉眼扒/ 卡邦尼意粉 /pizza /沙律 /焗青口。 吃完自製麵包後 ,吃主菜之後他們還會問我們 有沒有意見,好不好吃 ? 可能由於是外國人關係, 好nice及服務態度也十分之好, 令人感到這一餐很舒服。羊架煎得十分好, 十分好食是我在香港吃得最好的羊架。肉眼扒五成熟剛剛好, 因為是炭燒的關係火候掌握得很好, 中間有粉紅色的肉質比較嫩滑卡邦尼意粉十分好味,吃到連個汁都冇剩我一有少少失望就是個六隻青口, 是用洋蔥醬汁去燒的, 不合我的口味。最後因為生日關係他們每一位送一份甜品就是雪糕加小蛋糕, 令我們十分驚喜的一餐吃得很愉快。最後他望的是洗手間: 真是細得可憐一個人剛剛好入到去,但是非常清潔衛生。 總括來說是一間十分值得去吃的義大利餐廳, 吃飽飽才每人$180, 而且沒有限時可以慢墁傾計,你一定會覺得有驚喜,因為你沒有中伏。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-06-03
568 瀏覽
金船長接任人,鬼佬睇場的IL CIBO鋪面,係8成5同金船長一樣檯凳無變,鋪左紙檯布係感覺好D但冇cover到檯角,搞到揩到檯角其實仲有d痴立立餐牌方面,冇圖可以話賭博一樣雖然有圖都可能伏不過價錢尚算可接受甚至比金船長好似仲抵dd?侍應用英文所以我地都冇嘗試用廣東話落單叫左一個set煙三文魚沙律,西冷扒散叫凍盤,意式餛飩,海鮮pizza三個人share食餐包係似蛋糕咁,texture麻麻地,有少少soggy再點埋醋同橄欖油,整體不太好食沙律同冷盤都好快上菜,約5-8分鐘就有得食沙律普通貨色啦,冷盤雖然有輕微對唔住價錢(ard100蚊)但整體黎講除左隻碟唔係好夠風味,都叫可接受主菜打頭陣既係餛飩,賣相我覺得幾好都算新鮮挺身唔會太一pat野,餡料係似菠菜碎+芝士粉+薯蓉咁,唔太記得點寫,味道可以但偏鹹,但完全缺乏松露味(揀左松露菇汁)跟住上既係pizza,穩陣冇伏,薄批,脆邊,芝士味重,海鮮料就尚可,量唔多但冇雪味,收貨。牛扒最遲上,幾驚佢overdone但好彩係冇既,叫左mid-rare黎既都係mid-rare而且扒面煎得相當靚,條邊既油同筋膜有煎過但可以再煎多少少。略為失望既係佢冇落粗鹽煎塊扒,亦好少好少黑椒味,可能預我地淋汁食。雖然英國食Jamie's Italian都係咁(係咪意式牛扒特色?) ,但問佢佢可以俾手磨已鹽胡椒你。呢間就只有一支手磨胡椒,佢磨完就會拎走,而鹽只有下價餐桌鹽。碟係冇預熱再放扒,不過冷氣唔算太凍而且200蚊套餐價,可以接受冇做呢一點。肉質未到細嫩,係有D缺乏油脂既,煎果陣都冇落牛油所以食落都係比較廉價少少。冇記錯佢係澳洲牛黎,唔太識個分級,但對換返美國牛個Grade食落都有US Choice級數既,未算最曳。食完上甜品,其實原本只有一個餐,理應得一個甜品(蛋糕+雪糕) 但佢俾左3個我地。可能見我地叫其他野既量同金額都交到差掛。蛋糕基本上同餐前麵包好似,係甜d多左d提子乾咁。雪糕就幾好,有少少糯糯地唔係維記果d貨色。然後再上一個Panna Cotta係呢度訂座兩位就會送一份。奶凍做得幾好,唔太意碎但又唔會好結實,偏向有黏性。莓醬係熱既,所以會同奶凍有少少融和左,幾好唔錯。總結頂讓返黎所以傢俱同牆同水吧都似金船長,其實無所謂不過如果佢抹好少少,唔會黏黏地會舒服d吧。值得讚既係燈光改善左好多,食物影出黎唔會好似恐怖餐廳咁。服務方面都幾好,因為食完頭盤收一次餐具,食完主菜又收一次,街坊地段,中價,做到標準西餐服務,算係咁啦。食完都有循例問下D野O唔OK,咁我都循例落左佢Ravioli太鹹,可惜我地自己都唔記得叫左松露味...所以完全忘記同返佢講。賣相方面,除左冷盤Hea底左少少,其他都算唔錯啦,值得讚既係佢每樣野上菜都抹到隻碟冇多餘且影響觀感既醬汁同污垢,雖然見到少少抹布痕但算係有花心思。味道方面其實可以接受,金船長係食過唔會想返兜,但呢間雖然同檯人士都覺得唔特別想再食,但我自己就覺得可以再去的。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-06-02
288 瀏覽
價錢公道,基本上可以稱之為抵食👍🏻我地叫咗2個set dinner, appetiser 個沙律夠大份d菜又新鮮, 其口一份主菜係海鮮炒意粉,意份彈牙之餘又足料,另一個係grill 雞胸,從來未食過一d都唔鞋嘅雞胸。甜品係carrot cake 配雪糕,做得有heart 絕對唔係出面求其上件cake就算。總括黎話,絕對值得試嘅一間餐廳,而我地絕對會返去再試埋其他菜(當時偷睇到格離枱個pizza都好正) PS: 從來冇寫過食評,不過依間小店絕對值得推介 繼續閱讀
(以上食評乃用戶個人意見 , 並不代表OpenRice之觀點。)
等級1 2019-05-26
739 瀏覽
朋友下個月生日,但自己唔係香港,所以想同佢catch up兼慶生,搵到大角咀一家開左無耐的義大利餐廳。其實,準確來說,應該話係西餐廳,因為睇完menu就發覺義式元素唔強,不過款式都幾正常。我地兩個人點了兩份餐,分別係: 我: 雞肉沙律 + 海鮮義大利粉 + 雪糕蛋糕朋友: 餐湯 + 魚柳+ 雪糕蛋糕食物質素都係發揮正常,不過不失,雞肉唔會太老,菜幾新鮮,意粉都彈牙😍,係海鮮有少少"沙",蛋糕比較硬身,係雲呢拿雪糕融得快。由於二人訂位關係,獲送一客甜品,但朱古力奶凍真係甜左少少。整體來說,份量夠,性價比高。加分位 : 侍應服務周到,不時加水,同會主動幫我地影相。我個朋友下個月生日,佢地會在甜品盤上寫了生日快樂,非常貼心。 繼續閱讀
(以上食評乃用戶個人意見 , 並不代表OpenRice之觀點。)