51
2
1
港鐵奧運站 A1 出口, 步行約7分鐘
繼續閱讀
電話號碼
36194737
68120858
開飯介紹
餐廳由外國人店主主理,由頭盤、主菜至甜品均有自家製食材,如麵包、蛋糕、雪糕 。經典意菜:黑松露意大利雲吞、蕃茄海鮮意大利麵,帶有家庭式餐廳感覺。
繼續閱讀
附加資料
午市免加一
營業時間
今日營業
11:00 - 15:00
18:00 - 22:00
星期一至五
11:00 - 15:00
18:00 - 22:00
星期六至日
11:00 - 22:00
公眾假期
11:00 - 22:00
公眾假期前夕
11:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
招牌菜
食家推介
經過好多次,一直想入去試,今次就入去try try 個dinner,佢有dinner set,都有好多選擇有前菜仲有甜品叫左沙朗牛扒三成熟煎得好靚,個網紋好清晰炸薯條就一般,炸得唔夠鬆脆烤羊脊肉五成熟一上檯面已經好驚喜,一條一條咁第一次食呢個部位,好少見有得食一般都係羊架多呢個好香羊肉味,但一D都唔騷,好好食五成熟岩岩好望落雖然有D似舊💩,不過一入口,超級冧,仲好多汁,加埋佢配既醬汁甜甜地配上牛油味濃郁嘅薯蓉,不得了服務員係外國人,一開頭都準備this this this and this點知佢開口講廣東話,仲要係大家都聽得明個隻雖然裝修望落有D舊,但食落都OK有機會會再黎食條羊💩
繼續閱讀
大角咀出名都多嘢食,不過一直都好少去大角嘴食嘢,去開呢邊做嘢又肚餓,又想食西餐,雖然門面唔算顯眼,但有種魔力吸引咗我入去可能未到lunch time,所以未算人多。入面環境佈置舒服簡單。老闆同員工都係外籍人,要用英文落order。佢話lunch set竟然有好多選擇,真係眼到眼花撩亂最後揀咗海鮮意大利粉加蕃茄湯。蕃茄湯好濃,酸酸甜甜好開胃,一啖湯一啖好正海鮮意粉有蒜同橄欖油炒,香氣撲鼻,意粉好彈牙好有咬口,夾埋海鮮配合都好好。地址大角嘴大全街55號大同新村大滿樓地下3A號舖港鐵奥運站A1出口,步行約7分鐘
繼續閱讀
成班同事最近去大角咀搵野食,突然想食西餐,行行下黎到呢間意大利餐廳😁午市時間好多人,等左一陣就入座。裡面環境唔錯,如果夜晚黎應該幾有情調☺️🍅蕃茄湯湯都幾濃郁,唔會太酸,值得一提係佢嘅麵包,口感好似片裝蛋糕,但唔會好乾,出乎意料地好食🫢🐮燒西冷牛排 $98 (套餐連湯飲品)一上枱已經好香,見到排上嘅烤紋都覺會得好食🤣店員主動拎住一大支黑胡椒,然後直接轉轉轉,落喺牛扒上面,更加香🤤🤤食落去肉味好夠,唔會好韌😝配菜嘅薯蓉亦夠幼滑👍好食!🍛海鮮燴飯 $108 (套餐連湯飲品)呢個又係上枱好香,海鮮湯已經浸滿哂意大利飯👍佢都好足料,有蝦有帶子等等,意大利飯口感濕潤飽滿,海鮮湯味道濃郁,好食🤤🤤🤤🧀Tiramisu 大家最後都每人加左甜品☺️佢嘅Tiramisu 都唔錯,咖啡味都重,如果再幼滑一d就更好🤤🤤整體而言性價比都唔錯,店員服務都積極友善,可以值得再黎食過,再試下其他主菜!
繼續閱讀
本身和屋企人唔知你想食乜嘢,跟住就唔打誤撞入咗嚟呢一間大角咀嘅意大利餐廳,咁我見佢個餐牌過價錢有相宜,咁跟住啲食物都好似幾好咁。我就點咗個三道菜晚餐,前菜燻三文魚沙律,三文魚好新鮮,好多菜和車厘茄,主菜就係蟹肉意大利麵,意大利麵嘅質地幾彈牙,同埋蒜容味夠,份量非常足夠,因為試過其他意大利餐廳主菜係相對較少。最後個甜品有雲呢挪雪糕加蛋糕,蛋糕好鬆化。本身3道菜單只有甜品或飲品,咁我要晒2樣,都係俾多15元。下次都會嚟,試其他菜式。
繼續閱讀
用E字頭APP訂枱可享主餐牌半價,仲要連星期六都有呢個優惠,加上見GOOGLE評價唔差,即刻吸引到我呢個慳妹去試😏。星期六晚上6點嚟到餐廳,當時我地包場😆;喺餐廳果1個鐘,計埋我地都只有三枱客,睇嚟生意幾淡薄。落左柯打之後,職員送上餐包;餐包非常之熱,我妹話見佢喺微波爐度拎出嚟😂所以麵包皮好乾硬,中心位則軟彈。麵包味道麻麻,無乜麥香。Beef Salad $118火箭菜幾新鮮,牛柳調味鹹左少少,份量亦唔算多,不過屋企人話幾有牛味。Beef lasagne $158食落其實就係蕃茄肉醬味,寬麵口感適中,但我都係中意配有Al dente嘅意粉食多D;另外芝士份量幾多,身為芝士控嘅我表示好興奮😃;NZ Ribeye(320g) $238本身預左NZ嘅牛扒唔會好重牛味,但無諗過肉眼有咁多筋😅,另外好似無落鹽,吊唔出肉香;唯一好係有碳燒香。Pascatore Pizza $128簿批底硬脆、夠乾身、唔油,唔會好厚好頂胃;配料有三文魚粒、普通魚粒、蝦仁仔,整體食落不過不失。Pork with fries $178個人覺得豬比牛好味,外層煎到焦脆,入面仲粉嫩,食落多汁,中心位彈牙,有落鹽調味,所以食到豬香。另外連薯條都比牛果碟炸得更熱、更脆。Tiramisu $58雖然唔係好大件,但半價可以試下。賣相幾靚,有幾層layer;食落唔似有手指餅,海棉蛋糕質感重D;入口好濕潤,淡淡嘅咖啡味,唔會好甜。折後同原價加一後,$530左右;服務正常;環境、裝潢幾舊,燈光昏暗,營造情調氣氛。
繼續閱讀