ICONIC H 特色熱狗店 (已結業)

<有優惠: 拎住我地呢個post 張相(instagram:hkfoodieslife)去上環店o既 ICONIC H 可享全單9折>黑松露森林熱狗 ($51, set $66)芝士份量超多滑蛋煎得好好有流心的加左黑松露,令到更加香食到芝士味又食到黑松露味麵包都好軟熟如果可以烘脆少少個麵包會更加正.和牛漢堡狗 ($88, set $103)一拎過黎已經聞到好香o既煎牛肉味牛肉味好濃,煎得好好和牛下面有菠蘿,好夾甜甜地令到個包唔會太咸呢個熱狗好多肉又有和牛又有腸.熱溶芝士薯條 ($58)邪惡o既芝士配上粗薯條真係好難抗拒車打芝士真係冇得輸呢個真係要襯熱食如果唔係凍左芝士會硬左.秘製雞中翼 ($58)香草加上蜜糖去烤有肉汁.手工啤酒 ($38 1 支)Iced tea 好似飲緊凍檸茶咁, 好易入口一d都唔苦, 但原來都成5.2%酒精Vanilla cream ale 比較甜仲有一款係 Apple pie 肉桂味較重, 鍾意肉桂o既朋友可以去試下.熱狗套餐會配薯條同罐裝飲品唔想食薯條可以轉做栗米杯或沙律杯, 又可以健康d

收工諗唔到食咩好，見到間熱狗店幾特別就買左2個返屋企食。店員姐姐好有禮貌介紹menu有咩好食，睇左陣就決定外賣左黑松露森林同大鰻狗。等左10分鐘左右就有啦。※大鰻狗味道估唔到咁好食，好特別好夾。開初以為係淨鰻魚+包，原來係鰻魚+腸+包。※黑松露森林熱狗個蛋好滑好香，如果芝士再多啲就好😂整體都值: 8.5/10🌟下次試雙鴨肝熱狗同熱溶薯條

今日星期五又凍凍地唔知食乜，Iconic 做promotion 半價食大鰻狗！初初以為淨係得一大條鰻魚+熱狗包，幾過癮諗住試吓，點知原來仲有熱狗腸，但係加埋啲味又幾夾喎！加多個黑菘露薯條都唔錯。薯條唔會炸到燶哂，如果個醬再濃味啲、有truffle 粒仲正雖然90幾蚊食lunch有啲貴，不過Happy Friday 就算啦，耐唔耐都要試啲得意嘢調劑吓喺門口外面等外賣，見到佢哋有麵包湯又好似幾得意，下次會dine in 試試。

Friendly staff and a great selection of hotdogs. The Sichuan spicy dog is a recommendation, not too spicy at all. To my surprise the fries were quite crispy. Definitely coming back.

星期日同男友係上環搵食醫肚，見到間熱狗店心血來潮好想食！入到去隻隻都好想食！又黑松露又和牛又鰻魚，選擇困難症又發作啦！最後叫左松葉蟹狗同和牛漢堡狗！好 好味呀！連我男朋友都食得津津有味！佢口痕再叫多隻松露森林，當準備滿載而歸既時候，我男朋友一手禁住我，細細聲同我講 '好好食呀，我想試埋菇菇芝味' 都唔明點解佢突然變得大食！我食完一隻已經好飽啦！但真係好好食！下次再帶朋友去！多謝店長QQ 熱情招待！完全唔捨得走！

返工返到好攰...又到星期五!! 梗係約埋D朋友一齊去飲杯嘢,嚟個happy Friday night !! 之前朋友經過上環發現有間熱狗店新開，我哋就隨即去試一試！當然一坐低就叫返枝啤酒先啦！啤酒種類都算多，有平時叫開嘅1664, hoegaarden，不過我個人喜歡試新野！所以叫咗手工啤酒！哈哈哈 apple pie 味夠清甜！而Vanilla cream ale 就有一種兒時嘅味道。。。再黎叫個薯條先，肉醬熱溶芝士薯條，食住小食等齊人！呢個有d驚喜喎！薯條炸得剛好，脆度非常好，加上熱辣辣嘅芝士肉醬，真係食唔停！送酒真係一流！一路傾計飲酒差d忘記order 熱狗！ 叫左隻法國雙鵝肝狗！ 雖然價錢係有d貴，但真係值嘅！個熱狗拎過嚟時已經好香，睇落鵝肝一啲都唔hea, 夠厚身！一啖咬落去鵝肝熱狗度，鵝肝嘅油出哂嚟溶入哂喺個包度，有趣嘅係鵝肝下面係配上一片菠蘿，出奇地鵝肝+菠蘿+腸係咁夾！我都係第一次食到咁嘅配搭！最後都要再加個一口和牛粒，一邊吹水一邊食！和牛粒充滿肉汁，又唔會過份熟，咬落一d都唔韌，韌度剛好！整體而言，食物質素不錯，價錢合理！特別係酒！真心唔貴！得閒可以再去！

今日試下佢地既下午茶，見到佢都幾多款式全部都係$40包汽水，茶記都未必得啦依家。同老婆叫左一個雞翼薯條一個撈丁加蛋，太愛食佢個黑松露蛋！雞翼有三隻，蜜糖雞翼👍🏻👍🏻👍🏻出面多數都係炸翼，炸到乾晒！蜜糖係小有既~撈丁足料肉醬加拉絲芝士再加煙肉加埋炒蛋，勁邪惡👍🏻👍🏻👍🏻埋單都係$90....最衰要返工無得飲酒，見佢有生啤1664 同Erdinger，細既都係$40 又ok bor~

平日係中環番工 有日收工約左朋友食飯🍚無意中係OpenRice見到有呢間熱狗店🌭係好耐之前同朋友係紅磡店食過一次 佢熱狗上面的熱熔芝士實在一試難忘😍一直都好想再去食過但紅磡對我黎講要過海有d遠😂所以見到係番工附近的地方有一間就心中又湧起要食🌭的心😂上環店雖然唔太大 但就空間感十足坐低唔會覺得迫👍🏻牆身有好多老闆推介的熱狗配搭 仲有好多小食揀一心想重拾芝士口味的我 就自選左個配搭有菠蘿芝士同埋老闆介紹的蘋果腸🍎意想不到蘋果腸的驚喜大過熱熔芝士!!!😍菠蘿同芝士配搭已經夠好味 蘋果腸仲有淡淡的甜味 好好食😍😍另外我地仲叫左小食😄新鮮即叫即煮 炸魚薯條同雞翼🍟全部都好脆口好好味😋我同朋友都大讚 冇唸過熱狗以外都咁出色!!!我地仲另外叫左兩枝啤酒係 iced tea味同apple pie味🍺味道好獨特平時出面飲野都未見過呢款啤酒佢仲有一隻叫cinnamon味下次有機會都想試埋佢!我同朋友不知不覺間坐左好耐 老闆都冇趕我地走😂有機會一定會再去試埋佢地其他款熱狗🌭️😋

好好味又有特色既熱狗可以係上環孖沙街可以食到喇！ 呢間熱狗店我唔係第一次食喇，食過就返尋味。店舖鄰近地鐵站出口，行幾分鐵就到。熱狗店有好多種類既熱狗腸同配料，飲品又有可樂同生啤可以選擇。 今次我叫左菇菇芝味既熱狗，呢個熱狗蛋味同黑松露好夾，隻蛋好滑，熱溶芝士好香，啖啖都拉到絲，賣相好吸引，味道很不錯呢，抵讚! 飲品方面我叫左賣飛佛既1664生啤，爽！推介芝士控同熱狗控既你去一試Ps. 唔想等咁耐既就兩點左右去，有下午茶餐同人潮會比較少。

香港好少特色熱狗🌭️舖頭見咁岩經過上環就入去試下之前有朋友介紹話一定要自選熱狗蘋果雞肉腸，真係好好食💕💕💕加埋菠蘿🍍同芝士超配合，完全唔漏！友人就食左店主推介的松蟹肉都好好食熱狗size 比想像中大，價錢同食物質素係成正比的👍🏻另外推介黑松露薯條🍟，黑松露醬加我至愛的粗薯條簡直係冇得輸🖖🏻雖然舖頭細細坐滿客時堂食都唔覺迫重點係冇限時間，值得一讚👍🏻有機會都會再黎試試😆自選熱狗🌭️蘋果雞肉腸+菠蘿+芝士黑松露醬配粗薯

平日食來食去都係中餐西餐，假期咁岩帶埋阿仔一家三口去中上環行下街relax下！一出上環地鐵經過孖沙街，原來開左Iconic H熱狗店所以諗住食啲特別啲 等阿仔都開心下可以一齊happy meal haha😋😌我地總共叫左三款熱狗 黑松露森林 和牛漢狗& 大鰻狗每款熱狗都可以跟餐配薯條&汽水 薯條仲可以轉配粟米杯/沙律杯 健康啲 講返黑松露森林 個蛋炒得好滑 再加上黑松露醬 食到阿仔lam lam脷😂 老公點左個和牛漢狗，一黎到上碟見到"嘩 好有份量 好足料" 而大鰻狗都係一樣💪🏻💪🏻 整得好好食 好juicy 原來我發現無影到薯條不過薯條一樣新鮮脆卜卜 而且係我最鍾意既肥身厚肉薯條 (我係咁形容粗身薯條) 好好食又好香口！好surprise小店經營但用心製作而且每款熱狗都好足料👍🏻 有機會會再去食過

今晚係上環無意中撞左去呢間熱狗餐廳，原來熱狗可以咁多唔同味嘅配搭！本身勁鍾意食蛋，見到有呢個黑松露蛋嘅熱狗，即刻心心眼揀左。好大期望，好采冇失望！個蛋勁滑，條腸唔係hea腸，好香煙熏味，加埋無敵嘅芝士，勁正呀！貪心要左餐，個薯條都OK，不過隻熱狗實在令我好驚喜男朋友揀左個和牛漢堡狗，痴左一啖黎試，個牛肉都好有牛味，好軟熟、不過女仔食晒成個實在太多肉，應該會好full！男朋友係食肉獸，就勁讚足料同夠晒飽但我都係鍾情個松露蛋多啲！絕對可以再返去食！

上環返工通常都係食茶餐廳/粉麵，都食到悶悶地...今次就試下上環新晉熱狗店。個日經過孖沙街見到有間店新開原來賣熱狗，上環一帶除左burger之外都唔覺眼有其他熱狗店，應該係唯一一間啦見到有好多選擇好多款式連鴨肝和牛都有Happy Friday!!梗係對自己好d ~我地揀左和牛漢堡狗另一個就自選加鴨肝加黑松露蛋，好好味呀！好滿足呀！和牛好juicy夾埋菠蘿洋蔥好香，另外黑松露蛋好滑招牌菜鴨肝為左對自己好d加既~好甘香同埋好大塊，係足料既！性價比高另外再加左個黑松露薯條～薯條係粗薯條好香黑松露味飲品除左汽水重有梳打/花茶/朱古力/都有！佢地遲d重話會賣埋生啤，幾好呀放工happy hour又多個選擇，熱狗啤酒

店面唔難搵，麻雀雖小 五臟俱全有好多選擇既熱狗 自由配搭最後我地揀左老闆娘推薦嘅鴨肝熱狗入邊仲好surprise 有菠蘿配搭 令到個熱狗無咁heavy無咁油膩 會再encore

Great hotdog in Hong Kong Love it !i only tried the classic and its great. i cannot wait to try the rest of the menu.