Ice Bean Cafe

營業中

休息中

偶然嚟到怪獸大廈，發現到有間隱世新開咖啡小店，出品唔錯，跟隔鄰名牌咖啡店相比性價比高，值得再次幫襯。今次除了是咖啡之外還有牛角waffle, 熱辣辣真的很好味，值得推介.

去怪獸大廈打完卡天氣實在太熱，咁啱經過見到間新開小店，朋友話想食雪糕，我哋就入去涼一涼。店舖走小清新風，座位唔多但幾舒服，最重要係冷氣夠凍，夏天坐低食杯雪糕真係一流！試咗幾款，冇諗過都幾有驚喜：*怪獸阿芙佳朵 Affogato %（$42）Today special，大推！Espresso 醇厚香濃，配上牛乳雪糕後，苦甜交錯層次感好豐富。*北海道牛乳雪糕（$33）一入口已經感受到北海道牛乳的香濃，奶味純正，質感順滑，甜度啱啱好，個雪糕筒又香又脆。*抹茶拿鐵（$42）抹茶味濃郁但唔會苦澀，茶香同奶香比例啱啱好，唔會太甜，好順口。飲得出用料唔求其，抹茶控應該會like 。有時無心插柳，反而試到啲幾好食又舒服嘅小店，夏天可以收藏落list！