1
0
0
以上資料只供參考, 請與餐廳確認詳情
同朋友行山上到凌霄閣，熱辣辣就想食雪條。呢間主打賣以新鮮水果製成嘅雪條，賣相非常吸引，味道清新，有多款口味選擇，芒果，士多啤梨，奇異果，伯爵茶開心果......今次試左草莓北海道牛奶雪條，有兩大片心型嘅士多啤梨喺雪條中間，濃濃牛奶味帶點酸酸甜甜...，雪條硬度啱啱好，口感綿密。不過要四十幾蚊一支實在太貴。
繼續閱讀
1369 瀏覽
四年多五年前香港開始流行手工雪條，情況就同手工啤酒一樣，賣點少量生產、味道特別。同坊間大牌子、大批量生產雪條的最大分別，在於手工雪條強調純天然原材料，不添加任何糖分、人工色素、防腐劑及食物添加劑。直到今天，只在某些餐廳試過沒有零售點、一直只做網上直銷及餐廳推廣寄賣的「n’ice pops」；反而坊間更出名、pop-up store 曾經遍布港九各個大型重點商場的「ISEE iSEE」就沒有食過。近一兩年，不知道什麼原因，「ISEE iSEE」的 pop-up store 數量越來越少，甚至銅鑼灣重點地舖也結業，就更加難找到品嚐機會。今日聖誕節，下午上去山頂參觀《大富翁夢想世界》，竟然發現一間「ISEE iSEE」，終於食到喇！可能小店位於山頂，主力遊客生意，除了手工雪條之外，竟然還有幾款咖啡及抹茶類別熱飲，甚至港式街頭美食雞蛋仔，但就要 $32～$42 一底！是否抵食，見仁見智；只知道這個價錢，足夠在山頂下面市區買兩底。小店在一角撥出部份空間安裝樓梯級式座位，吸引客人坐下稍作休息，並藉此機會品嚐手工雪條。今日目標一定是手工雪條。不過店舖太細，雪櫃同樣很細小，只有幾款雪條可供選擇 ⋯⋯ 其中竟然包括榴槤雪條！吸引目光的並非榴槤雪條推廣，而是推廣廣告牌上臨時貼上去的手寫宣傳字條：「買任何口味，送一條奇異果或菠蘿口味」！一問店員，原來係山頂廣場的推廣活動。優惠實在非常吸引，變相等同半價，加強了幫襯的動力。雖然雪櫃內的雪條款式不多，但色彩繽紛，仍然非常吸引。Strawberry Hokkaido Milk 草莓北海道牛奶（$42）不含雞蛋、不含麩質，有食物敏感人士也可以放心品嚐。每支雪條表面有兩大片士多啤梨，雖然只有大約 1mm 厚度，但實在很大片，應該只有士多啤梨的最中央位置才可以切得出來。毫無疑問，每粒士多啤梨剩下來的部份就會用來攪拌成果汁、再混合北海道產牛奶，然後冰凍成這一支淡粉紅色的雪條。大大啖咬下去，雖然已經急凍成固體，但仍然有淡淡牛奶香甜，其中又混入了士多啤梨的天然菓香，味道甜中帶微酸，非常天然。至於士多啤梨薄片，經過急凍程序之後，已經失去了水果的天然質感，變得又硬又脆，但仍然保留了士多啤梨的天然味道。Straight-up Pineapple 啖啖菠蘿（$38）除了不含雞蛋、不含麩質，更加沒有任何牛奶成份，是不折不扣的純素雪條，vegan 也可以盡情享受！製作方法大致與 Strawberry Hokkaido Milk 相同，成份是一片薄切新鮮菠蘿、及全天然不添加任何糖分的新鮮菠蘿汁。每一啖雪條就好似正在進食新鮮菠蘿一樣，充滿菠蘿果酸味道、但慢慢又滲出少少菠蘿香甜；與一般其他牌子的平價菠蘿冰條比較，是完完全全不同層次的味道。菠蘿果肉較士多啤梨多纖維，即使經過急凍過程，仍然保留了一點點的菠蘿質感，更加似食水果。兩款手工雪條的確好味道，固然遠遠優勝於一般牌子的所謂果汁雪條（皆因全部採用人工合成味道），甚至比較好多外國進口的名牌雪條好食。原因簡單，純天然原材料是首要元素，其次，就是不含任何添加劑；關於後者這一點，即使外國大牌子也可能做不到，因為始終要考慮到長時間儲存問題。作為香港人，加上「ISEE iSEE」的優質出品，絕對要支持這個本地品牌！
繼續閱讀