House FiftyEight

營業中

休息中

餐廳單看門口有點像酒吧，因為靠近門口的地方放了有飛鏢機足球機，這是比較少見的。但其實裡面地方很大，環境挺舒服的，更有露台的位置，約會或聚會都挺不錯！水牛芝士蕃茄沙律（７８元）大大碟，上面有大量的水牛芝士，吃起來很綿滑，又有芝士香，配上脆嫩的蕃茄和沙律醬一起吃，特別清爽。另外也撒上了黑胡椒和藍莓醬，味道更豐富。香煎法國鵝肝（１３８元）厚切的鵝肝經過煎香，吃起來外脆內嫩的，中間的油脂半溶化的狀態，超邪惡，油香十足。底下的多士有烘香，但仍保留到鬆軟的口感。怕油膩的可以配上藍莓醬一起吃。美國頂級肉眼扒（１０ｏｚ）（３０８元）肉眼很有驚喜，真的對得上頂級兩字，煎得表面焦香，吃起來肉質嫩滑多汁，亦有豐富的油脂香。更特別的放上大量的蒜頭，吃起來更是不辣的，帶點甜味，跟牛肉很搭。本身也下了不少的黑胡椒來調味。溫泉蛋卡邦尼意粉（１０８元）這裡的卡邦尼意粉吃起來比較奶滑，特別是跟溫泉蛋拌勻以後就更嫩滑了，吃起來奶香十足，又吃到煙肉的鹹香，意粉比較有彈性。菠蘿汁（２８元）是鮮榨的菠蘿汁，酸酸甜甜的。無糖可樂（２８元）

觀塘都幾多值得去發掘嘅餐廳，呢間酒吧連同西餐廳環境幾正，地方大得黎又有現代感，仲要有個露天戶外位望住市境食野飲杯野都幾唔錯。日本鱈魚乾脆脆 $68開下胃幾好！！烤得好脆，都好多片，想話鱈魚脆配蛋黃醬真係一流煙三文魚海藻沙律 $88我覺得幾特別，因為未食過海藻做沙律。海藻口感原來幾得意，滑滑地爽爽地幾好食。蘆筍軟殼蟹忌廉意大利飯 $188顏色煮得好靚，忌廉個味未食已經覺得香。炸軟殼蟹炸得好脆好鮮。飯粒飽滿忌廉夠多好厚身，每啖都覺得好濃，D飯粒有咬口英國皇室T骨牛扒 $498有15oz大嘅T骨份量夠晒兩個人食，嗌左7成熟度，外表煎得夠焦脆好香。肉夠淋夠香，肉汁多，配左好多煎蒜頭同蔬菜，蒜油味都發揮得出。小總結：餐廳夠大得黎又有得玩飛鏢，室外室內座位都舒服，餐廳野食擺盤夠細緻，食物質素夠穩定，價錢未至於經濟不過反映到餐廳重視食物嘅味道，下次有機會會再同朋友再黎

觀塘區真係好多隱藏美食🤗今次呢間收埋左係 電訊數碼大廈4️⃣樓餐廳環境勁Chill 又夠哂大 檯興檯之後有充足嘅空間同fd食野吹水飲酒 真係無得頂🤗🐚北海道帆立貝刺身薄片配黑松露醋帆立貝刺身夠鮮甜 黑松露醋絕對係錦上添花😋🦞原隻焗龍蝦薄餅（10吋）做緊特價🥰🥰8折🈹無理由唔食可以揀pizza/Linguine 我地就揀左🍕10吋size 都真係幾大個岩哂一班人開心share每一塊都有龍蝦肉 加埋個茄醬底+芝士 超滋味😋🥩味噌煮和牛面頰比想像中更出色🥰煮到係近乎入口即溶嘅口感 入哂味仲有幾片辣椒/車厘茄/瓜做配搭可以化解哂牛肉啲膩 超正👍🏻🍸Signature cocktail --- Refresh Token超fresh 淡淡嘅Jasmine 香 碗上清新青瓜味酒精唔重 好岩女士飲😊真係好鍾意呢到個vibe 仲有個露天位 可惜落雨 無得出去feel下呢到gathering真係好正

同6位同事二訪 House FiftyEight，整體體驗依然滿意。上次試牛扒已覺出色，今次改試羊架同樣有驚喜：火候掌握準確，外層香煎帶輕微焦脆，內裡粉紅多汁無騷味，配薄荷醬與底醬平衡油香；配菜份量足，烤蔬菜與薯配搭得宜。餐廳環境一如既往闊落舒適，採光好、噪音控制佳，三人談公事或輕鬆閒聊都自在。上菜節奏合拍，服務有禮而不打擾。主菜份量偏大，性價比以同區西餐計算算合理，食完頗有滿足感。總結：適合同事聚會或商務午晚餐，想食高水準牛扒或羊架都值得一試。建議預約並留意當日廚師推介。

三位同事平日到 House FiftyEight 做午餐聚會，整體體驗愉快。環境先加分：空間感足、採光好，坐位闊落不擠，裝潢帶點工業風而不嘈雜，談公事或輕鬆閒聊都舒服。食物方面以牛扒最突出，火候掌握準確，外層香煎帶焦香，內裡保持多汁嫩滑，肉味濃郁；配菜份量足，薯角/沙律處理得宜，平衡油膩。其他主食亦有誠意，整體份量偏大，男生都覺得飽肚。服務有禮，落單與上菜節奏恰當。唯一要留意是以觀塘區的午市來說，定價偏貴，結帳時略有感覺。不過若重視舒適環境與高水準牛扒，偶爾犒賞自己或安排商務午餐，仍屬值得考慮。建議提早訂位與留意是否有午市套餐或信用卡優惠。

冇影啲食物嘅相 叫咗個卡邦尼意粉 個意粉個質地正常 但係啲調味就好好淡好淡叫咗個蘑菇湯都係有好多蘑菇碎冇蘑菇味 …..仲叫咗個牛扒 牛扒就正正露露冇乜特別 但係啲嘢好似唔係好值呢個價😅可能係普通一間Cafe都比佢好

🌇 同2位朋友晚上7點去咗觀塘食dinner，叫左2人dinner set 再另加意粉，餐廳可以揀室內或戶外座位（落大雨只好坐室內），環境舒服，氣氛都幾好，比較靜，傾偈幾chill。🥗 前菜係吞拿魚配牛油果，牛油果係醬唔係一塊塊，creamy，吞拿魚新鮮，口感都OK，感覺唔錯。🐟 Main course有兩款，炸甘雕魚好有驚喜，魚肉嫩滑，魚皮超脆，配白酒忌廉汁味道夾，雖然朋友唔食皮但我就覺得個皮幾好食，好特別。味噌煮和牛面頰肉超入味，啖啖肉質腍滑，冇難咬，份量又大，味道好出色！🍚 飯就有黑松露飯配海膽三文魚子蟹肉，見到超多料，真係好滿足，松露香、蟹肉鮮甜、兼有海膽同三文魚子，全部撈埋一齊，每啖都超正！🍝 仲額外加咗一份Carbonara，蛋香、忌廉香、煙肉香全部都有，口感creamy不膩，水準幾高。🍰 甜品Tiramisu就真係略嫌普通，蛋糕底，冇咗mousse質感，咖啡味唔太出，對比其他幾味有啲失色。💵 性價比高，份量足，埋單感覺都算抵食，而且出菜速度好快，唔洗等。🪑 餐廳氣氛輕鬆，裝潢casual舒適，無論約會定三五知己聚會都幾適合，清潔度亦OK。👩‍🍳 服務人員態度親切有禮，落單

今次同朋友去咗觀塘呢間「House FiftyEight」，真係驚喜滿滿！門口睇落似普通酒吧，有飛鏢機同足球機⚽🎯，但一入去就發現別有洞天——環境超闊落，仲有園景露台同VIP房，啱晒一班人開Party！仲可以帶埋毛孩一齊嚟，Pet Friendly加分🐶❤️！ 🍴食物方面絕對唔馬虎： • 牛肉他他：混入椰子醬好特別，口感清新又濃郁🥥 • 海膽海鮮撻：勁足料！海膽+魚子醬+帶子+吞拿魚蓉，鮮味大爆發🌊 • 味噌煮和牛面頰：煮到超淋，味噌香濃，送酒一流🍷 • 波士頓龍蝦忌廉扁意粉：龍蝦肉彈牙，忌廉汁掛滿每條意粉🍝 玩樂設施多到癲：篤波、Beer Pong、唱K🎤，仲可以喺露台chill住飲嘢🍹（試咗Apple Juice同Cranberry Juice都唔錯！）。無論係約會定Group Gathering都超適合，下次一定要再嚟！

琴日係觀塘搵食，想搵間坐得舒服的餐廳！午市套餐$108起，仲有主菜、餐湯、餐包同飲品包埋！首先要推介嘅係佢哋嘅香煎比目魚柳（$138），魚皮煎到脆卜卜，咬落去「喀喀聲」，入面嘅魚肉又嫩又滑！三大塊配埋甜甜地嘅南瓜蓉同枸杞葉，加埋啲瓜菜，簡直係一個健康又滿足嘅選擇！💛講到羊架（$158），三大嚿羊架，份量霸氣，肉質鮮嫩，香氣十足，配返杯紅酒就Perfect！🍷 西冷牛扒（$158）都係另一個驚喜，煎得啱啱好，切開仲見到靚靚嘅粉嫩色，加埋香脆薯角，幸福感爆棚！🥩🥔小食方面，我哋試咗青口同埋小食拼盤。青口嘅Creamy醬汁加埋個蒜蓉包！🧄🥖 小食拼盤有雞皮餃子、蝦多士同炸魚柳，全部都係新鮮炸起，款式又夠豐富！✨環境方面，餐廳好闊落，坐得舒服，最重要係Pet Friendly！🐕 帶埋毛孩同朋友一齊嚟食，邊食邊傾計，過個Chill住嘅下午，真係一流！☕💬 總括嚟講，呢間餐廳都算性價比高，食物同環境都值得一試！

“北海道帆立貝刺身薄片配黑松露醬”($158)“自家製炸蟹餅”($158)“烤原隻法國穀飼自然春雞”($198)“味噌煮和牛面頰”($178)最近發掘咗一間可以放工同frd放鬆吓嘅地方就係呢間喺觀塘嘅西餐廳餐廳空間夠哂大,仲有戶外位置就連飛鏢機同足球機都有得玩餐點方面選擇都夠哂多先點咗份北海道帆立貝刺身配黑松露醬帆立貝夠哂鮮甜,好開胃😋自家製炸蟹餅十分香脆入面係滿滿嘅蟹肉好足料🦀主菜就點咗烤原隻法國春雞🐔春雞肉質嫩滑,外皮烤到十分焦香醃料調味帶點微辣好惹味🤤另一道點咗味噌煮和牛面頰🐂牛面頰超腍超入味😍用味噌煮完帶點甜味,好食☺️

觀塘站走五至十分鐘就到啦！這裏不單止有好出名的張公子，仲有呢間超級寬敞的西餐廳，真係好啱寵物一齊嚟，因為有露天公園可以Enjoy！🐶🌳一入到去，你會感受到開陽的氛圍，夜晚來這裡Chill就正！🌙✨裡面仲有飛鏢可以玩，真係超級適合一班朋友聚會，桌子可以坐八至十個人，大家齊齊分享美食！🎉🥳午餐 我選擇了三個餐，首先可以選擇雜菜湯或蘑菇湯。雜菜湯裡面有好多新鮮雜菜🥕🥦而蘑菇湯就濃郁得來又滑，cream感十足🍄❤️法式烤羊架 $158肉質嫩滑，配上特製醬汁🍖😋仲配上薯角做配菜美國CAB安格斯牛西冷$158口感Juicy，肉味濃郁🥩💖大大塊，慢慢食欣賞個底度仲有啲枸杞葉配菜煎比目魚柳 $138鱈魚我最鍾意食嘅魚類魚肉鮮嫩，同樣配有枸杞葉做配菜Cappuccino、Mocha、Chocolate☕🍫炸物拼盤$78唔係普通雜物，有蝦多士、雞皮餃子同埋炸魚柳！全部都係好味嘢白酒忌廉煮藍青口$138味道鮮美，好多醬汁可以點

House FiftyEight佔地8000呎 係Steakhouse & Bar類空間座位闊落 有開放式空中花園 秋天坐外面一定好舒服場內仲有多款玩樂設施 掟鏢、唱K、Beer Pong 任你玩 忙裡偷閒 禮拜五六日應該可以玩得好盡興✨🍽️海膽海鮮撻 ($168)海膽 魚子醬 三文魚籽 帶子 拖羅蓉撻雖然唔係好大但份量十足 每啖都好享受😋🍽️水牛城雞翼 ($98)呢個水牛城雞翼個味道比較特別 辣味同酸味都好出 芝士醬又出奇地好夾 中和返2個味 🍽️西班牙橡果黑毛豬鞍 ($228)豬鞍嘅口感係比較爽脆 肉質粉嫩原塊菠蘿墊底 食完豬鞍仲可以清新味蕾 🍽️香煎挪威三文魚柳配海鮮忌廉汁 ($168)三文魚柳係健康之選 煎得外脆內滑海鮮醬汁非常出色 海鮮切粒非常多料 一道菜食落好豐富 見佢哋春日Lunch嘅牛都好似好靚 下次可以試✨

今次試依間觀塘西餐，有戶外靚景，而且室內都好寬敞，坐得好舒服首先叫左香煎法國鵝肝，典型嘅鵝肝配麵包，鵝肝入口即溶，味道濃郁。麵包吸咗鵝肝嘅油，香脆又香濃！仲叫左黑松露野菌長薄餅，一上枱就聞到好香黑松露味，熱辣辣嘅芝士配黑松露同香脆嘅薄餅濃郁又香口主菜試左美國頂級封門柳，叫咗五成熟，切開肉質煮得啱啱好！外層煎得香脆，肉質紅潤多汁一啲都唔鞋，而且冇筋！仲叫埋烤原隻法國穀飼自然春雞，份量都幾大，切開咗一半，食落唔乾身，外皮香脆。醃得好好本身已經好夠味依間餐廳選擇好多，而且質素唔錯！

上星期去咗呢間喺觀塘嘅Pet friendly酒吧餐廳，環境超級闊落，有園景露台同埋VIP派對房間，仲有好多玩樂設施：篤波、飛鏢、Beer Pong、唱K等等，有得玩又有得食，好適合唔同嘅派對聚會！DrinksAmericanoOrange Juice煙三文魚海藻沙律煙三文魚柔軟嫩滑，帶煙燻香味；拌車厘茄，紅海藻同綠海藻，口感清脆爽彈，又fresh又健康。水牛城雞翼雞翼酸辣開胃，外脆內嫩。乳酪醬同西芹條係最常見嘅配搭，乳酪醬可以平衡雞翼嘅辣味，而西芹清爽口感就可以解膩。另外，配啤酒或cocktail都好適合。美國安格斯牛肉漢堡個包夠曬鬆軟，牛肉Juicy之外，中間仲有熱熔芝士，新鮮番茄生菜同埋一大片微焦嘅菠蘿。紐西蘭青口鮮茄意粉青口圍滿碟邊，一啲都唔吝嗇；Al dente口感意粉配自家製鮮茄醬，酸酸甜甜好開胃。榛子朱古力香蕉酥批個批上枱時仲係微熱，好酥脆。上面加咗榛子朱古力醬，士多啤梨同香蕉片，再配多個雪糕球，有冷熱口感嘅效果。

觀塘工廈區估唔到有間咁闊落嘅西餐廳 門口仲有飛鏢機同足球機玩 我哋平日夜晚去 個場都幾full 多人坐卡位都幾鬆動 侍應幾好笑容最正係有露台位 可惜當日落雨冇坐🧀 水牛芝士番茄沙律 一上枱嚇親 水牛芝士味超濃 好香 仲要係面頭燒小小等佢更加流心 夾埋新鮮番茄同黑胡椒食 清爽得嚟帶啲奶香 抵讚係沙律菜底夠凍夠脆 夏天食真係透心涼 🐮 牛肉他他配薄脆 呢道驚喜位！ 生牛肉他他調味夠膽識 仲有魚子醬 重點係底層塊薄脆 脆到「咔嚓」聲仲keep到十分鐘唔淋 勁好食🥩 美國頂級肉眼扒 （10oz)叫咗五成熟 上枱粉紅色啱啱好 表面煎到微焦 切落肉汁多到瀉 驚喜位係伴碟堆焗蒜頭 一粒粒完整蒜瓣焗到軟淋 咬落去甜似栗子 撈牛扒食超夾 配菜有翠肉瓜同車厘茄 吸曬牛油香 我搶住清碟 🦐 虎蝦海鮮意大利飯 大大隻虎蝦 蝦膏爆曬出嚟 飯粒用海鮮湯煮 每粒都索滿汁 硬度係正宗意式al dente 咬落有米芯 海鮮控必嗌 ☕ 飲品▶️ 凍朱古力濃得嚟唔會死甜 面頭奶泡打得綿 仲有朱古力碎加分 ▶️ 凍檸檬茶 茶底夠濃 檸檬俾足三厚片 糖漿自己落 對我啱啱好