Honor Knight Restaurant

營業中

休息中

⭕️香煎蔓草魚配蕃茄牛油飯🐟賣相非常吸引，打卡一流。不過煎魚冇乜味道，而且偏乾身。如果用多少少鹽醃一醃或者用其他醬汁吊一吊個味就會好啲。蕃茄牛油飯有啲似茶餐廳唔好食嘅炒飯🫣，份量大，但真係冇味道，剩係得個顏色，唔建議試。⭕️低溫雞胸黑松露扁意粉🐓🍝一嚟到，上菜擺盤一流，雞胸幾嫩滑，不過黑松露唔算突出，意粉除了面對有啲汁，下面好乾身，無乜味😔。坦白講，其實有少少似茶餐廳嘅撈意粉咁覺，冇乜味道。🫢整體嚟講，味道麻麻。不過賣相出色，如果單單係打卡就可以試。😂

今日星期日，想chill下又唔想去咁遠又想食好d，選擇左屋企附近一間唔錯的西餐廳。呢間餐廳久唔久都有幫襯，食物係唔錯的，但價錢偏貴少少，我就揀咗個lunch set..豬鞍..$138，要杯latte..埋單加埋一$168個湯唔記得係咩，好似有少少似薯蓉味既湯？！ 杰杰地幾好飲架！豬鞍伴薯蓉，有幾粒西蘭花。好夠飽。中午人唔多，唔洗等，餐廳全落地玻璃夠光猛，環境舒服，乾淨，慢慢食，邊食邊碌電話，咁又過咗一個小下午😀

附近不算很多餐廳，特別喜歡這間西餐廳！今次點了酸種包，份量相對輕省，蛋沙律的味道剛剛好，加上蔬菜沙律，如果想吃一個輕便的午餐，非常合適。這份餐點有附上濃湯，而且定期會轉變，可以試不同口味。餐廳是落地玻璃設計，可以靜靜地望住陽光同附近的植物擺動，稍稍地讓自己在忙碌的生活中放鬆，對自己好點，食個輕鬆的午餐！餐牌仲有其他好吸引的美食，可以試下其他，夜晚仲會變身成酒吧，間唔中見到佢有Ladies Night。仲有一件有趣的事，餐廳內有部大投映機，有時會播歌，甚至試過播足球賽，可以約朋友一齊享受下！

#全自費食評週末遠征屯門，和朋友們享受了一個輕鬆又美味的下午茶Girls Date！Honor Knight Restaurant & Bar位於屯門泳池站，由輕鐵站步行去Cafe只需要3分鐘。預先在OpenRice上預訂位置可以獲得積分和其他獎賞。侍應安排了我們坐在窗邊的位置，落地玻璃設計使光線非常好。週末下午四點還有午市套餐供應。套餐價格從$82起，包含餐湯、餐包一個主菜和飲品。另外，再加$20就可以選擇甜品，可選擇藍莓芝士餅和紐約芝士餅。我們三個女仔每人點了一份套餐，大家一起分享食物：SMOKED SALMON CAESAR SALAD 煙三文魚凱撒沙律（$82）：分量十足，煙三文魚卷搭配玫瑰花的擺盤非常漂亮。新鮮的沙律菜和美味的醬汁完美地搭配在一起。SOU-VIDE CHICKEN BREAST WITH BLACK TRUFFLE LINGUINI 低溫雞胸黑松露扁意粉（$108）：雞胸以慢煮方式烹調，口感剛剛好，肉質嫩滑且入味。黑松露醬汁濃郁，意粉的味道也很美味。唯一的遺憾是意粉稍微偏軟，個人更喜歡有嚼勁的al dente口感。USA PORK LOIN WITH MASH

Lunch同朋友搵地方garthing 見到依間餐廳好似唔錯而且又有多款set lunch 揀我哋揀咗👇🏻雙重芝士焗肉丸蝴蝶粉肉丸好大粒，肉質好juicy，芝士份量好多，配蕃茄醬絕配夾埋蝴蝶粉一齊食，so yummy蜆肉香蒜橄欖油意大利麵一上碟個賣相已經覺得好好味，香蒜好惹味，配橄欖油煮帶出蜆肉既鮮味意粉煮得啱啱好有口感，yummy紐西蘭肉眼扒(8oz)7成熟岩岩好，唔un，肉好juicy跟餐會有一個餐湯+飲品忌廉蕃茄湯配麵包 咖啡☕️有驚喜凍檸茶，正常另外我地加左炸薯條（$15）薯條係有香草既味道，唔會係一般普通解凍既薯條炸雞翼（$20）呢個炸雞翼不得了，一定要叫，炸得非常好味道一流，外層非常之脆，肉質好嫩夠juicy呢度絕對可以同朋友傾到計，環境舒適💯💯💯

因為之前食過呢度既午餐，感覺唔錯，環境也好好，所以今次同朋友黎呢度証試佢既晚餐，同朋友慶祝生日。今次係Open Rice訂位，註明左生日，可能咁當日餐廳就有WhatsApp我確定，同問我需唔需要寫生日碟，最後Order左騎士鬆餅寫上Happy Birthday再帶左個蛋糕去，蛋糕可免切餅費。去到餐廳門口，估唔到已經有萬聖節既佈置，入到餐廳亦佈置得好有氣氛，再加上唔太多人，所以整體環境相當唔錯。但在選擇食物時，覺得食物既選擇比較少，除左椰菜花飯就無其它飯既選擇，感覺差少少。希望可以在餐牌上花點心思，增加多D選擇。最後，性價比方面都覺得午餐較抵食，因為晚上一個Set要$3XX，相對貴左少少。😋威靈頓牛柳 $398酥皮做得唔錯，有口感，再配上味道濃濃的牛，整體味道不錯，可以一試😋雞翼薯條上檯時熱辣辣，雞翼大大的，以為好多粉，但食落唔算太多粉，雞翼亦都Juicy👍😋帶子意大利粉份量大，但略太濃味😋騎士鬆餅自家甜品唔錯，當日食唔晒要帶走，但返到屋企食依然好食，呢個有D驚喜，去呢度食野一定要試下呢個

食物質素比同級餐廳好，最緊要氣氛非常好，員工非常之Nice，能夠帶動全場情緒高漲，啤酒節優惠$380/10杯手工啤，還有啤酒競賽，可以話香港嚟講非常之少有嘅餐廳。

今天約了朋友共7人到餐廳午膳，要了兩打生蠔，一支白酒，另外自帶一支白酒免收開瓶费，每人一份午餐，生蠔非常鮮味，價錢也很合理，午餐份量足夠，食物質量很好，由餐湯到主菜，都看出㕑師功力深厚，朋友們都不絕口，而且價錢非常合理，服務也很到位，藉得推薦。

發現了一家充滿文青風格的咖啡廳！室外座位被雨淋濕了，只好走進室內享受冷氣涼爽。這間咖啡廳有落地玻璃窗，空間感十足，在窗邊坐著既不曬太陽又能欣賞風景，週末在這裡享用午餐真是太chill了！lunch set上有沙拉、意大利麵、牛排和漢堡等多樣選擇。香煎盲鰽柳配蕃茄牛油飯（$128）是一道絕配！煎得香口的魚肉非常嫩滑，而且特別的是飯裡帶著微微的番茄味道和一點點的酸味，牛油味道不會太重，但卻增添了整體的香氣。不如約埋朋友一齊去試吓，立即plan埋次去呢間文青cafe嘅行程啦！💃🏻

屯門御海灣高檔住宅區內，食肆選擇少，咁偏僻嘅區域入面最近開左間打卡Cafe，裝修好高級，落地大玻璃及半開放底吧台，空間感及採光度十足，很適合附近打工仔或住客來Chill Chill😎平日午市都有10個Lunch Set揀，有餐湯、餐包及餐飲。價錢上都長期有discount，每隔幾個月會換一換menu，唔怕悶！今次試左低溫雞胸黑松露扁意粉($88)、紐西蘭肉眼扒($128)、蟹肉南瓜意大利飯($88)。餐湯係洋蔥湯配烘多士，味道唔錯，餐湯就偏鹹啲。飲品方面唯一唔推介熱奶茶，奶味偏淡，同茶底唔夾😅低溫雞胸黑松露扁意粉($88)-個人食過幾次，呢款扁意粉性價比高，擺盤幾靚，雞胸肉切成5至6塊，意粉乾身煙韌，炒香粒粒洋蔥、香菇放埋一齊，美中不足係較多油，味道唔錯。價錢：❤️❤️❤️❤️🤍味道：❤️❤️❤️❤️🤍推介：❤️❤️❤️❤️🤍紐西蘭肉眼扒($128)-揀左5成熟，等左20分鐘先上菜比較耐，肉眼扒份量正常，切開多肉汁，肥膏部分較多，過熟以致肉質偏韌😞薯菜只有焗薯仔及烤蕃茄，呢個價錢應該要有菜或者多幾款配搭較為合理。價錢：❤️❤️🤍🤍🤍味道：❤️❤️🤍🤍🤍推介：❤️❤️🤍🤍🤍蟹肉南瓜意大利飯($88)-落單後店面哥哥提示過飯

依間餐廳嘅舊址執咗之後就變咗呢間西餐廳，環境都幾舒適，仲有聽唱卡拉OK歌嘅感覺。薯角熱辣辣，好香脆黑松露醬帶子意粉 好香嘅蘑菇醬 帶子一啲腥味都冇 好滑 不過整體有啲偏鹹 。牛排正正常，薯菜好好食😋。慢煮豬安油脂味重，食落似豬頸肉。

呢日比較得閒，深入屯門走走探索下，無意發現呢間環境唔錯可坐底慢慢Chill下嘅西餐，如果天氣唔係咁熱仲可選擇坐室外。 🧡自製煙肉卡邦尼（$138）卡邦尼醬汁濃郁，滿滿香味！自家製煙肉亦香口肥美，推薦！ 🧡青口配麵包青口份量十足，配埋脆脆麵包點汁食，好味又飽肚！ 🧡騎士鬆餅（$58）蛋糕質感，滿滿濃香蛋香味，正！表面煎到焦香，內裏軟熟，唔會太甜，配埋水果一齊啱啱好，一食愛上！ 🧡黑騎士（$52）濃郁嘅朱古力Smoothie，口感綿綿，入口個配搭好似食緊蛋糕咁，唔錯！ 🧡粉色公主（$52）少女味十足嘅粉色士多啤梨Smoothie，入口清新冰涼，夏日飲啱哂！

屯門御海灣樓下有好多不錯嘅嘢食，平時入屯門練波前都會喺度食吓嘢。今日入到屯門就為咗食呢間餐廳。入到去環境幾好，仲有個好大個projector用嚟播歌，如果夜晚用嚟睇戲一定好chill。食物：🟠是日餐湯 $58我哋揀咗忌廉薯仔湯，質地較濃稠，幾不錯。🟠吞拿魚他他 $158上碟好靚，總共有四層，分別係啫喱、吞拿魚蓉、牛油果同餅乾。味道意想不到咁夾👍🏻🟠黑松露雜菌椰菜花飯 $168以為會膩到食唔到，但四個人食其實完全唔夠喉😂😂🟠 USA Prime Sirloin $278油脂分布真的不錯，五分熟亦控制得不錯👍🏻🟠 威靈頓牛扒 $328 皮內的醬與肉沒有分離，蘑菇醬同牛扒味道融洽🥰🟠 騎士鬆餅 $58 好味到嗌多咗份⋯⋯——————————👭🏻人數：4💵人均：$400🍽份量：飽⏱到達時間：7pm⏳等候時間：0min

Honor Knight Restaurant位於屯門御海灣設有outdoor位置👍🏼有日光透射到店內，增添溫暖感覺午餐配有餐湯同熱飲是日餐湯係椰菜花湯入口香滑😋有粒粒椰菜花增加口感✨紐西蘭肉眼扒面層微焦，肉質保持軟熟👍🏼脂肪同瘦肉比例適中，不會有油膩感咬落嫩滑多汁，配上燒汁滋味無窮另有我好鍾意嘅帶皮薯仔墊底🤭食得開心滿足✨美國豬鞍扒配薯蓉優質豬鞍🤩啖啖肉肉質鬆軟嫩滑🤤肉汁豐富醬汁帶有香草味🌿入口清新開胃✨藍莓芝士餅（+$25）入口軟綿滑輕盈😍藍莓🫐酸酸甜甜，令蛋糕甜而不膩✨凍菠蘿汁+Fruit punch(另外收費）夏天飲可以降溫解渴😉

屯門高質西餐不是太多，位於御海灣這間Honor Knight有驚喜，屯門區來講首位🥇地方環境非常寬敞，樓底比較高，仲有室外座位，飲杯酒或者咖啡都咁chill🤩🤩 威靈頓牛柳 $328 係佢哋嘅signature菜式，當然要要試！一上枱非常有驚喜😍😍外皮非常酥脆，包住厚厚嘅蘑菇黑松露醬 牛柳五成熟完全冇血水，熱辣辣，擺入口，非常享受😎牛柳質素也非常高！軟稔，而且牛尾濃郁 配菜亦盡顯心思，超長西蘭花仲有薯仔焗蕃茄仔👍👍擺盤非常靚 食慾大增！香煎帶子蘑菇扁意粉🍝份量好多，兩個人share都夠，蘑菇醬香濃，意粉軟硬適中😎香煎帶子，外焦內嫩，非常鮮甜仲有紅白酒、咖啡☕️選擇添下次Weekend 可以試吓午餐🥣