15
2
1
電話號碼
29181133
營業時間
今日營業
11:30 - 23:00
星期一至日
11:30 - 23:00
付款方式
Visa Master AE 現金
座位數目
100
其他資料
酒精飲品
泊車 詳細介紹
加一服務費
食評 (26)
潮食日菜 焦點食評
等級4 2017-06-18
14694 瀏覽
說起中環或金鐘,如果想在附近用餐,近月又多了一個新地點。 HON10走的是時尚日式食肆,空間感強烈,門口的酒吧位更是吸睛。 牆上的掛畫,若是客人有興趣,大可買回家慢慢欣賞。 今次跟幾位朋友飯聚,餐前先來一份小食併盤($108) Ostumami Combo 火炙牛舌、芥末螺肉、漬蒜頭及枝豆 牛舌一向係我摰愛之一,經火炙肉味更濃,又有少許嚼口,超好味;螺肉帶辛香,爽口彈牙,用來佐酒一流:而蒜頭及枝豆用來消磨時間就最啱。 櫻花煙三文魚配山葵忌廉($108) Sakura Smoked Salmon with Wasabi Cream 在煙三文魚肉塗上一層山葵忌廉,口感滑溜中帶些少辛香,令魚肉不再單調。 鰻魚牛油果卷($108) Dragon Roll 在鰻魚卷放上牛油果片及魚籽,賣相更佳,兩種食材都是軟綿幼滑,相當可口。 軟殼蟹卷($108) Soft Shell Crab Roll 而軟殼蟹賣相澎湃,外層用蘿蔔片包裹,帶來一絲清爽的口感,不錯的配搭。 極上刺身拼盤($688) Deluxe Sashimi Platter 三文魚腩、吞拿魚腩、金目鯛、牡丹蝦、赤鯥魚、劍魚腩及北寄貝 份量十足又新鮮,三文魚、劍魚及吞拿魚選用腩位就更覺肥美,金目鯛肉質鮮甜,牡丹蝦夠大隻,真是找不到挑剔的道理。 極上壽司拼盤($458/12件) Deluxe Sushi Platter 作價有點進取,但12件各有不同,赤貝、 油甘魚、三文魚、赤蝦及八爪魚都是吃得出的新鮮 。 吞拿魚三味卷($388) Tuna Maniac Roll 赤身加上中拖羅及大拖羅,一口氣試盡3款不同部位。 本店雜錦魚生飯($258) HON10 Chirashi Don 賣相亮麗,橫移打開長盒,內裡舖滿了是日精選及新鮮的魚生,加上飽滿混圓的魚籽,真是味覺的大滿足。 燒澳洲和牛西冷配柑橘醬油($248) Grilled Australian Wagyu M8 Sirlion 燒至最愛的medium rare,柔軟得來帶少許嚼口,蘸點一下柑橘醬油,令油膩感減輕,真心覺得好味。 大蝦野菜天婦羅拼盤($128) Prawn and Vegetable Tempura Platter 脆漿夠薄,但油份能瀝得更清就最好。 水牛城炸雞($138) Buffalo Chicken 選用了雞脾肉炮製,但個人覺得幾膩下,食兩三件要停手。 至於甜品,就是芝麻、柚子及抹茶雪糕,但無食到。 其實餐廳感覺舒適,食物有水準,而性價比更是不俗,相信是附近上班族的一個上佳選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-04
9239 瀏覽
金鐘太古廣場最近又開了一間新的日本餐廳,裝潢大玩藝術而餐廳也會播放一些音樂,應該是配合門口位置的酒吧,等大家可大喝一杯而行入少少仲有壽司吧,仲有即場師傅再到餐廳主位置了,一行入去就被多幅牆壁掛畫所吸引,聽店員講是日本藝術家作品,而且仲可購買回家,價錢都要數千元起先來Extra Lemon Highball $78入面會有whisky,soda,double fresh lemon,調酒師果然有一手,真係層次豐富Tsukigase no Umegenshu (Plum) Nara奈良県 $108佐酒小食拼盤 $108枝豆、蒜頭醬油漬、牛舌、螺肉,每款都好好味,本人最愛蒜頭的爽脆加上醬油的鹹度另外螺肉都好鮮甜極上刺身拼盤 $688三文魚肥美吞拿魚腩油香仲有赤貝的爽口,另外仲有海膽、牡丹蝦、鰤魚櫻花煙三文魚配山葵忌廉 $108煙燻過的三文魚好肥美帶香可以配埋旁以小多士,有山葵忌廉跟蔥花伴吃燒澳洲和牛西冷配柑橘醬油 $248牛味濃厚帶油香,加埋個柑橘醬汁會把味道更提升抹茶心太軟  $48雖流心效果不出眾,但味道是我想要的紅豆香蕉春卷配豆腐雪糕  $58大愛濃濃的蕉香跟春卷的酥脆,可來幾夾 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-06
171 瀏覽
普普通通價錢唔算好貴,但如果講性價比就一般,不過勝在地點方便,係Pacific place , 貴在地點夠convenient.味道唔算好好,但亦語差,魚生無問題,沙律正常,燒雞麻麻地。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-04-04
117 瀏覽
以前都叫做保持到水準,但係今日啲嘢食差到飛起,真係不知所謂。嗰個牛肉飯啲牛肉乾爭爭,啲米粒完全冇味,個啲牛肉仲要鞋個鞋底,衰過吉野家。吞拿魚蟹肉飯勉強合格,但啲食材應該唔係咁新鮮。天婦羅卷就失敗到不得了,簡直差中極品,天婦羅好似橡膠咁,佢竟然用糯米去整,同大陸啲crossover一模一樣但啲味完全唔夾。呢排又凍,個啲廚師竟然同某一台客人講到雞啄唔斷,完全都冇心機去煮俾你地食。啲質素係差過屋邨嘅日本餐例如大本型的十勝牛,但價錢就君悅質素。啲廚師由天光講到天黑,都唔知做乜佢哋呢啲咁嘅食物質素同高昂收費,以後都唔使幫襯,影相都浪費手機ram。唔怪得冇乜客人,千萬不要光顧 繼續閱讀
(以上食評乃用戶個人意見 , 並不代表OpenRice之觀點。)
等級3 2017-12-31
988 瀏覽
西曆年30晚,想去一下有氣氛的地方,去英資太古廣場看一下。隨步隨心,走進了這一家日本餐廳。門口有些西洋餐廳風格,放滿了一大堆酒瓶,走進內裡,坐在梳化座,環境舒服寬敞,比昨天去的IFC千兩優勝!點了一個二人餐,上來的刺身,色澤好,味鮮美,乾淨整理,好。還有薄燒牛排,配的醬油不錯,牛本身就一般味道。有個燒雞翼,香脆可口。鰻魚飯的味道中上,醬油甜了一點,但很好味。套餐500多元,在這個地點,這個食物質素,是算扺食。另外不太飽,還點了個蔥花吞拿魚腩卷。這個很好,油花剛剛好,不太油但有油香,約70元的價錢,好味。總括來說是滿意的一餐。 繼續閱讀
(以上食評乃用戶個人意見 , 並不代表OpenRice之觀點。)