194
2
0
港鐵奧運站 C1 出口, 步行約4分鐘 繼續閱讀
所有分店 (2)
電話號碼
91603680
開飯介紹
提供全日早餐、手工意粉、手工薄餅等,款式眾多,特別推介手工啤酒烤雞,十分惹味。 繼續閱讀
營業時間
今日營業
12:00 - 16:00
17:30 - 22:00
星期一至日
12:00 - 16:00
17:30 - 22:00
公眾假期
12:00 - 16:00
17:30 - 22:00
公眾假期前夕
12:00 - 16:00
17:30 - 22:00
付款方式
AlipayHK 支付寶 現金
座位數目
90
其他資料
網上訂座
加一服務費
當面支付
有關獎賞計劃
食評 (204)
等級4 2021-01-23
740 瀏覽
之前約朋友係大角咀食下午茶,但又不想花時間排隊等位,所以上網見到呢間啲評語不錯就聯絡餐廳訂枱了。餐廳門口巳經玩味十足,以為自己去咗玩具店🤣,入面設計是色彩繽紛,有七色嘅「Welcome Home」燈牌,不同顏色嘅椅子和牆壁,不同款色嘅燈罩和木系枱。餐牌設計同樣色彩繽紛,多款美食和飲品可選。香辣蕃茄白酒煮藍青口 (HK$88).一碟有10幾青口,沒有真的數過.藍青口大隻,多肉,鮮甜.蕃茄醬汁有微辣,配青口不錯👌🏻小食拼盤 (HK$98).酥炸雞翼:我覺得最好味,因為有柚子蜜和芝麻,好好味😋.炸廣島蠔:大隻,啖啖肉,多汁,麵包皮薄😋.芝士薯條:厚肉薯條,少鹽,多芝士醬🤤.炸魷魚酥:魷魚厚切,爽彈口感,味道方面,呢個味道最淡,不過都好味👌🏻朱古力脆片蛋糕 (HK$38).碟上有美美的音符,當然相機食先啦!.件蛋糕好大件又厚身.朱古力味道非常濃郁,幾甜吓,好彩有朋友一齊分享食😁牡丹花花茶 (HK$48).有粉紅色花嗰壺茶.餐牌上寫可以養血和肝、容顏紅澤、散鬱祛瘀、精神飽滿.味道幾清新.提供一次加水服務㗎*皇胎菊花茶 (HK$48).黃色花嗰壼茶.餐牌上寫可以清熱明目、醒腦提神、潤膚美肌、耐老延年.味道就係菊花茶咁嘅味道.提供一次加水服務㗎 繼續閱讀
(以上食評乃用戶個人意見 , 並不代表OpenRice之觀點。)
由於疫情持續,所以我都好耐都冇四出覓食,最多都係同朋友去下cafe 短聚。上星期日終於同朋友去食brunch,難得出街食飯,我地都特登揀左一間有特色又有人氣既餐廳,就係位於大角咀嘅Homeland。我地大約一點半去到餐廳,到達後發現原來係一間黃店,餐廳內嘅裝修擺設都帶出同香港人打氣嘅訊息。餐廳內每張餐桌都放有一瓶「香港加油」既水,就連餐牌都係別具心思。我同朋友都點左一個套餐,分別係西班牙海鮮炒飯同埋Egg Benedict。每個餐都附上田園沙律🥗同埋餐飲。我就點左一杯熱檸水,始終天氣凍,想飲啲健康熱飲暖下位。而朋友就點左一杯熱咖啡☕️,聞落都香噴噴。我地除左點左套餐,亦都額外點左一個小食,就係炸吉列廣島蠔。我同朋友都好中意食蠔,由生蠔🦪、焗蠔到炸吉列蠔,我地都一樣食唔停口。炸吉列廣島蠔 $38第一道上黎嘅菜式就係炸吉列廣島蠔,外面炸到金黃色,外脆內軟,相信係即點即炸。如果係預先炸好,一定唔會咁鬆脆 👍🏼除左表面炸得好香脆,入面嘅廣島蠔都好鮮嫩多汁,食到海水味,食得出係有一定質素嘅蠔。食完頭盤之後,就黎到我地都好期待嘅主菜。首先上黎嘅係西班牙海鮮炒飯,整道菜嘅外觀都非常吸精,擺盤好精緻好靚,色彩繽紛,仲有啲花瓣作點綴,真係唔捨得食。🌼西班牙海鮮炒飯 $148西班牙海鮮炒飯上面有大蝦、彈牙嘅八爪魚魚、蜆、青口同埋帶子,每一種海鮮都係我既至愛。蝦同八爪魚尤其鮮甜爽口,連平時唔太會點青口既朋友都大讚好食。炒飯比平時食開嘅飯硬身,更有嚼頭,配合埋檸檬汁同番茄🍅,酸酸甜甜又鮮味十足。👍🏼Egg benedict $98朋友點嘅係egg benedict配以德國香腸、煙三文魚、沙律、牛油果🥑同埋煙肉🥓,賣相同樣非常精緻,以煙三文魚製成花狀,中意影美食既人一定會影唔停手。egg benedict即係水波蛋,只係表面既蛋白凝固左但入面既蛋黃依然係流質狀態,一切開蛋黃醬就會湧出黎,雞蛋鮮嫩味美。不過呢個egg benedict 同傳統嘅製法有啲唔同,冇用到幼嫩菠菜而係用沙律菜,中間再夾左一片煙三文魚。我地平時都好中意食煙三文魚,清新得黎又帶點咸香。另外,個人覺得比較驚艷嘅係德國腸,真係好好味。外皮好似脆皮咁香脆,肉質細嫩,味道有別於一般香腸,炭燒香味撲鼻。食物質素好唔錯,而且價錢又唔算貴,又係香港人嘅自家小店,絕對值得一試👍🏼我都有介紹朋友黎試下,有好野食緊係要齊齊分享 😋 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-27
897 瀏覽
最後一日聖誕假期去咗大角咀Homeland食Brunch!店內擺設七彩繽紛,感覺溫馨舒適,好有家的感覺聖誕節期間仲推出左「聖誕自由揀抗疫套餐」,有1/2/4人餐可供選擇,款式都幾多元化慢煮雞胸雜菜沙律&煙三文魚雜菜沙律雜錦沙律菜好新鮮爽脆,慢煮雞胸啖啖肉;煙三文魚就油潤肥美紫薯湯用紫薯製成嘅紫薯忌廉湯,口感順滑,散發着陣陣紫薯香蒜香辣椒炒大蜆意大利粉大蜆份量及數量都十足,絕不吝嗇!每隻大蜆肉都好肥美,鮮甜味美爆炸糖楓糖三文魚柳伴薰衣草忌廉汁三文魚柳連魚皮煎到微微香脆,充滿魚油香,魚肉好嫩滑呢~旁邊嘅薯蓉都非常出色,好軟滑,牛油味非常香濃,極之邪惡,好好食!熱檸水&熱檸茶海鹽焦糖芝士餅芝士餅呈三層,表面第一層係忌廉芝士,芝士味都幾香濃!中間層帶海鹽焦糖甜香,最底層就係消化餅底 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-23
622 瀏覽
難得就到聖誕節可以放下平日假期, lunch就食呢間平時好旺場既良心餐廳😋個人非常欣賞餐廳既佈置! 仲有一角係寄賣好多黃色精品~ 收益係會捐出幫手足~ 非常好!!食物方面, 我地點左聖誕自由揀抗疫套餐, 好快就有得食, 真係好有效率!是日餐湯 (甘荀濃湯) 質地好creamy, 有少少薑味, 冬天飲一流前菜揀左煙三文魚&八爪魚雜菜沙律, 有拌酸酸甜甜沙律醋, 唔係冇味齋食草~ 八爪魚都唔係咬極唔斷, 亦好厚實彈牙~唔錯!Main course揀左個Fusion菜: 冬蔭功海蝦闊條麵味道真係幾特別, 有冬蔭功酸酸辣辣, 又豐富既香料味, 感覺好惹味開胃~好鍾意佢地麵既質地, 係非常有咬口同煙煙韌韌! 仲好掛汁下~唔錯!香煎澳洲黑毛安格斯西冷我地order左5成熟~ 塊排都幾大塊幾足料啵!厚身得來, 都算腍~ 肉味都幾濃~ 唔錯!拌菜既薯蓉值得一讚! 係有小小薯仔粒粒, 好有咬口! 唔係我最怕果D冇牙人食既薯蓉!咸蛋黃醬酥炸雞翼雞翼炸到金黃色, 好酥脆~ 而且每一隻都有咸蛋黃醬包裹薯, 咸咸香香, 係幾好味!一碟都有6隻 (唔係單骨) 好抵食!餐飲配熱咖啡&熱奶茶總括而言, 餐廳除左有良心, 食物同服務質素都好~ 我諗下次會再黎食!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-22
557 瀏覽
餐廳裝修色彩繽紛, 十分夢幻, 每個角落都係靚靚打卡位, 座位舒適, 連餐具都是七彩繽紛, 顏色悅目, 賞心樂事 ,令人胃口大開, 聖誕將至, 餐廳推出優惠聖誕自由揀抗疫套餐, 價錢親民、抵食。香辣蕃茄白酒煮藍青口$88青口肥美挺身,浸泡在誘人香辣蕃茄白酒汁中,微微泛辣, 別有一番風味。香草牛油蒜香焗田螺$88 蒜香焗田螺, 鮮味彈牙, 散發著誘人的蒜香, 精華在墊底的薯蓉,吸收了田螺的鮮味,再加上牛油味,既香且滑,津津回味。班尼迪蛋$98班尼迪蛋, 賣相令人垂涎欲滴, 輕輕刺穿雞蛋, 金黃滑溜蛋漿流出,焗得微脆的麵包,吸收了蛋漿,回味無窮。加上煎得香脆的煙肉,帶煙燻的味道,伴碟跟配熟透的牛油果、 新鮮沙律菜及厚實的肉腸, 十分豐富而滋味。爆炸楓糖三文魚柳配薰衣草忌廉汁$138三文魚魚皮煎至焦脆, 魚肉 質感細軟,配上爆炸楓糖,感覺新穎創意, 卻又出奇地搭配,配上甜稠薰衣草忌廉汁,味道清新迷人,滑溜薯蓉墊底, 滿滿的牛油香氣,薯蓉吸嗦了三文魚油香,細膩口感更吸引。浮華墨紅玫瑰花茶$48浮華墨紅玫花茶以蠟燭台座熱, 上枱時, 已經傳來陣陣玫瑰花香,呻一口是芬芳馥郁,令人心曠神怡。玫瑰抹茶牛奶$36抹茶牛奶,奶滑香郁,拌勻滿滿的忌廉topping,入口特別奶滑、順喉, 加上玫瑰花瓣 香氣, 更添吸引力。抹茶蛋糕$38抹茶份量相對較輕,帶啖啖芝士風情,質感濕潤而鬆化,整體搭配得宜,令人回味。 繼續閱讀
(以上食評乃用戶個人意見 , 並不代表OpenRice之觀點。)