547
32
25
港鐵太子站 C2 出口, 步行約2分鐘 繼續閱讀
電話號碼
27940095
開飯介紹
美國安格斯55oz斧頭扒,黑松露包糠慢焗原隻三黃雞(提前一天預訂即可) 繼續閱讀
特色
浪漫情調
慶祝紀念日
營業時間
今日營業
11:30 - 23:00
星期一至五
11:30 - 23:00
星期六至日
11:00 - 23:00
公眾假期
11:00 - 23:00
付款方式
Visa Master AlipayHK 支付寶 現金 AE 銀聯 微信支付
座位數目
45
其他資料
網上訂座
Wi-Fi
酒精飲品
自帶酒水 詳細介紹
切餅費
電話訂座
賞訂座積分
加一服務費
當面支付
有關獎賞計劃
食評 (627)
早前豬豬遵從老師教導吃素半年,咖喱先生對此感到非常不安,皆因他某程度上也被迫要和豬豬一起吃素。為了滿足他吃肉的要求,就選擇和咖喱先生到 Home Sweet Home 吃半自助午餐。在這裏無論是素食者還是肉食者,也可以各取所需,各適其適。這裏樓底高,空間寬敞,最適合忙裏偷閒,假日吃個 Brunch。一開門我們就光臨,成為當天頭兩名客人。半自助午餐的主菜,選擇也不少。最令人欣賞的,就是除了西餐一般供應的肉類外,竟然有素食者合適食用的意粉和意大利飯,讓素食與非素食者同枱吃飯的機會增加了不少。餐湯、前菜、沙律和甜品也是以自助形式提供給客人享用。當天的餐湯是薯仔是忌廉湯。暖暖的餐湯正好為腸胃打個底。別看這裏規模不大,沙律和前菜,製作亦非常認真,味道更是一流。為食的豬豬前後也吃了三盤呢。餓肉餓了很久的咖喱先生,自然選擇了美式燒西冷牛扒,配燒薯仔和燒汁。燒西冷並非厚切,但是份量也非常足夠。肥瘦適中,亦沒有煎得太過乾身。而豬豬就選擇了意大利茄醬素雞肉意粉。這碟意粉賣相非常不錯,可惜素雞肉比較乾身,讓本來不錯的味道打了一點折扣。甜品的選擇多,確實花多眼亂。結果豬豬把所有認為好吃的,各取了一件回來。結果還引起咖喱先生爭相追捧,不斷追吃甜品。(大誤)一個美味、安寧、平靜和舒適的 Brunch, 最後以餐飲完結。原來這裏亦提供 High Tea。有機會可以來嘗試一下。 繼續閱讀
(以上食評乃用戶個人意見 , 並不代表OpenRice之觀點。)
這間餐廳很近地鐵站,外表較平凡,但內裡的環境很溫暖,黃昏色調燈光,環境寧靜,是聚會及談情的好地方,Main course由$298至$468不等,豐憸由人。前菜 - 黑魚魚蟹肉他他, 海鮮酥皮小盒, 龍蝦波菜湯前菜多樣化,很有心思,當中最喜歡煙燻三文魚,嫩滑甘香,大大塊很有果腹感。澳洲鮮穀飼黑安格斯肉眼Size都幾大塊同厚切,肉味都幾濃郁,肉質不乾,沾上旁邊酸酸甜甜的醬汁食,很可口。澳洲和牛牛柳,芝士烤波士頓龍蝦和牛的size不是很大,很多餐廳也是這樣,這樣才突顯其矜貴,和牛牛味濃郁,肉質很嫩滑,而龍蝦加上芝士後,鮮甜的蝦肉多一分油香,好好食。開心果果仁烤羊鞍烤過的羊鞍很香口,而開心果仁亦錦上添花,兩者很夾,羊肉外脆內嫩,內裡很有肉汁,很美味。甜品很出色,揀了士多啤梨味的雪糕,酸酸甜甜,最出色既係隔離既綠色tart, 樣子精美,茶味很濃郁,但不會太苦,而且甜度適中。甜品很出色,揀了士多啤梨味的雪糕,酸酸甜甜,最出色既係隔離既綠色tart, 樣子精美,茶味很濃郁,但不會太苦,而且甜度適中。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-21
407 瀏覽
今日嘗試到太子找尋隱世美食,在OpenRice見到這間餐廳評價很高,就和男朋友一起來這裏試過下午茶甜品架!價錢絕對不貴,$328兩個人份量。還要是即叫即製,全部甜品都是自家製的!咸食有【煙鴨胸沙律】,這個就是煙鴨胸肉包著沙律菜,一小口開開味蕾。【三文魚籽溫泉蛋】中間是流心的,配上三文魚子感覺又幾創新。【鵝肝小餅乾】鵝肝味道不濃,但餅乾很脆。【芝士火腿牛角包】份量很大,味道幾香。【迷你蟹肉牛油果薄餅】最好吃的咸點,芝士味濃郁,滲出淡淡蟹肉牛油果味。主角甜品非常出色!【玫瑰奶凍杯】奶滑得來又夠結實,士多啤梨醬令到味道更加香。【焦糖燉蛋】面頭的焦糖燒得焦香又有色澤,而燉蛋亦非常重蛋味,是很有水準的焦糖燉蛋。【馬卡龍】有檸檬和朱古力味,朱古力味很重朱古力, 兩款都不算甜,蛋白脆又好吃!【忌廉牛油曲奇】牛油味重得來配上甜甜的忌廉醬,雖然肥膩但令人上癮。【咖啡蛋糕】和【薄荷朱古力蛋糕】兩款都不會太甜,味道幾突出。我和男朋友選擇了花茶,【洛神玫瑰花茶】酸甜剛好匹配,而且茶濃花香。 繼續閱讀
(以上食評乃用戶個人意見 , 並不代表OpenRice之觀點。)
自從西洋菜街被殺街之後,一切回復正常,旺角街頭依然遊人如鲫,不過再沒有那些大媽的惡俗之表演,起碼耳根樂得清靜。跟朋友放工後由旺角走到太子,沒有太特別想別哪一間餐廳只是想找間舒服的坐低食個晚餐,有情調的隱世西餐廳,是她介紹給我的。位於太子基隆街,我本人比較少到這個位置,她說晚市套餐價錢不貴,值得試試,概然有想法又有推介,就這樣吧。.藍紫色的門面佈置,門外天花垂吊著一束束不同顏色的小型 LED 燈,配上餐廳名【Home Sweet Home】,好親切喔。同埋都不算太隱世,因為太子C2出口行去只需3分鐘。餐廳環境不大,透過茶色玻璃門望入去一眼望晒,牆壁是混凝土原樣,地板是深棕色木漆地板。 燈飾是簡單的天花燈。 餐桌是木製的,有兩組高身吧檯 , 配以舒服穩陣的高櫈,我們就被安排坐這裡。 為營造浪漫氣氛,裡頭的燈光較暗,所以每檯都放置了小燭檯。感覺些融合了潮與摩登既配搭。另外仲有一點小心思既佈置,一大片牆身以紅酒酒樽作裝飾,亦有掛燈及有些擺設都挺為喜歡。店員親切放上餐牌介紹一番...好有「Home」的感覺。餐廳菜式選擇很多,有pizza、意粉、牛扒等,而且還會供應海鮮拼盤,當中包括澳洲小龍蝦、皇帝蟹、青口及螺等,多款又新鮮。不過我地見晚市套餐價錢不貴,點了兩份晚市套餐。包頭盤、冷盤、湯、主菜及甜品,感覺頗抵食!突然間見到有一個推廣做緊就係嚴選時令當做生蠔品嚐新鮮極之享受嘅生蠔推廣友人見到有空運海鮮生蠔,隨季節而定,即慶點了幾款試一試。🔹 空運新鮮生蠔-半打 $108當日生蠔非常爽口鮮甜,入口出奇順滑,有creamy的質感,但每一隻既大小不一,不太穩定而且就略嫌不夠飽滿,沒記錯是南非生蠔或者是廣島蠔吧。全日供應添。前菜:🔹黑魚子蟹肉他他+煙三文魚+龍蝦菠菜湯黑魚子蟹肉他他:薄切的青瓜片捲住蟹肉,賣相美美,入口感覺挺清新。非常易做但又極開胃,食入口鮮味十足,魚子爆開的一剎那好正既感覺。煙三文魚及龍蝦菠菜湯:煙燻技術薰制處理得不錯,魚肉沒有煮熟, 保留大量水分, 入口較濕潤, 有明顯煙燻香味, 鮮味亦較出眾,配左小小汁更加好食。而細細杯既龍蝦菠菜湯shot杯承載,幾Buy呢個Idea,龍蝦鮮味不算太濃郁但就好Creamy,分量唔多既關係,冇諗到有咩層次感只係覺得都可以。燒扒之夜晚餐-因為主菜都是肉類。食物熱辣辣送到嚟...🔹澳洲和牛牛柳芝士烤波士頓龍蝦🦞 $468份量頗大,擺盤精美。先說說配菜,見到五顏綠色,好開胃,茄子和翠玉瓜咬落多汁,底下用上法式奶油薯蓉,增添飽肚感,一層層的奶油堆疊而成,份量好飽肚架。澳洲和牛牛柳都燒得幾靚,五成熟,和牛肉質軟腍,帶適量肉汁,澳洲嘅和牛呢間比我感覺味道非常鮮美,遠遠超過目前M9級牛肉,有一股甜香的牛油味道,比牛肉更有牛肉味道;肉味較為濃郁。用少量黑椒調味更加正,好似落左少量rosemary?惹味左少少,整體口感入口有融化嘅感覺!芝士烤波士頓龍蝦🦞。龍蝦用芝士及白汁焗,必定香口非常,但肉真係唔夠多食落肉較嫩滑細緻。🔹扒澳洲先谷字黑安格斯肉眼·燒薯 $398五成熟的牛扒切開呈剛好的粉嫩色肉質,肉和肥肉兼有,煎烤味道比較香,入口有陣陣炭燒的香味,肉質嫩滑帶彈性,脂肪比例平均,肥膏只在側邊,怕肥的也能輕易切走肥膏。入口時可以聞到香濃的牛肉味,肉汁亦相當豐富。覺得唔夠味放少許海鹽調味便可,整體味道是不錯的啊!而且兩款配菜都很有誠意啊!燒薯屬於香港人的味道,沒有太大驚喜,因為心知味道都跟一般模樣,只是夠軟腍又易入口。成知餐總結係完全不輸高級餐廳。🔹甜品主廚精選-法式焦糖布甸女士們喜愛的甜品同樣整得有版有眼,晚餐呢個甜品好吸引,味道有水準之餘,賣相又靚。黃糖做焦糖糖衣使色澤更深,味道少許帶甘蔗味。控制焗爐的火力剛好,又軟又滑,不過要盡快進食,放久了焦糖會溶化成糖水喔!嘿!其實佢仲有一啲甜品嘅星級推介但係已經太飽了。就例如好似佢嘅重奏甜品拼盤或者特濃朱古力心太軟都好吸引!飲品:餐酒、咖啡或茶其他飲品可以加錢升級🔹百香果香橙冰茶加$22 很適合配牛排扒吃。百香果香橙,多汁的水果、沁人心脾的茶葉,也許還帶點花香,這才是屬於夏天的味道!喝下去不是一般「死甜」的味道。🔹紅棗黑枸杞茶 $32黑枸杞和紅棗都是很常見的兩種養生食物,它們的吃法多樣,味道好, 營養豐富,深受人們的喜歡。飲一壺味道清香,色澤明亮既茶夠晒開胃,輕淡嘅鮮甜會慢慢散發出嚟,味道屬於輕口味,而且會暖住放係到,唔怕飲凍左既茶,素質不錯喔!是晚既燭光晚餐西餐廳,雖然位於太子市區,但係餐廳環境挺為舒適,坐得舒適 , 耳聽樂曲 , 播放著輕快音樂比大家鬆一鬆。其實都幾岩好情侶、朋友、同事坐低慢慢食,慢慢咁Chill下。歌曲好似咩都有,但全部都好岩我聽。論價錢不算係便宜實惠價,但合理,論食物亦都不錯,論服務好到位,懇勤又有禮,聽朋友講平日晚上都有大部時間會滿座,餐廳應該幾受歡迎吧。 有質素的二人晚餐,相信都定為慶祝既一個落腳點。 繼續閱讀
(以上食評乃用戶個人意見 , 並不代表OpenRice之觀點。)
雖然近日社會氣氛並不好,但飯也終須要食,本身仲擔心位於「太子站」後一條街嘅Home Sweet Home今晚仲開唔開,但其實呢度好似未受影響,入夜後仲幾好生意。除A La Carte外,應該會比較多人選擇晚市套餐,套餐包括前菜、主菜、甜品及餐飲,份量足夠,仲食到幾飽添。 (主菜)澳洲和牛柳•芝士烤波士頓龍蝦($468/套餐)- 和牛肉質軟腍,帶適量肉汁,由於採用澳洲嘅和牛,因此肉味較為濃郁。主以鹽及黑椒調味,亦加左少量rosemary。龍蝦用芝士及白汁焗,都幾香口,但肉唔多。(主菜)扒澳洲鮮殼飼安格斯肉眼•燒薯($398/套餐)- 雖安格斯不及和牛,但食起上黎都唔差,肉味適中,邊位補一層厚厚嘅脂肪,食起上黎又幾有油香。雖調味差不多,但呢塊扒嘅rosemary香草更多,味道更濃郁。(餐酒)Sauvignon Blanc - 較入口級別嘅一款白葡萄餐酒,味道較fresh及清新,帶果香,微酸。(是日甜品)綠茶撻配朱古力雪糕 - 雪糕偏甜無乜特別,重點係右邊嘅綠茶撻,微暖,曲奇皮脆香,綠茶醬呈流心狀,香甜得很。 繼續閱讀
(以上食評乃用戶個人意見 , 並不代表OpenRice之觀點。)