Home A Day

營業中

休息中

✨中環黎講 價錢相當不錯坐低之後 經理親自介紹餐廳特色多國菜 包括星加坡 馬來西亞 素食者 咖喱(港式) 樣樣俱全 想不同國家嘅人嚟到都可以嘗試唔同風格👍🏻即使係當地人 因為香料 配菜都會港式化 所以不會太重口味 迎合香港人需求.另外仲有素食者餐牌見到隔籬枱叫咗肉碎太陽蛋飯 好吸引 下次試.同朋友吃午餐時 就快走嘅時候下午茶時間 見到隔籬枱有好精緻嘅食物😍決定下一次要返嚟試！.🍽️酸奶燉牛尾 配 漩渦蛋包飯 $128🐂呢個牛尾超級腍👍🏻 自動骨肉分離 目前香港cafe食過最腍嘅🤤.🍽️全日早餐 (選了西式炒蛋) $148這盤早餐擺盤精緻 色彩繽紛超豐富 份量亦比想像大.🥐 牛角包 外層酥脆🥓 培根 煎得微微焦香 鹹香酥脆🍳 炒蛋 可以選擇太陽蛋🐟 煙燻三文魚 油脂豐富 咸香鮮嫩🍅 番茄+沙律 增添爽口感 平衡油膩🌭 香腸 飽滿多汁 芝士餡 香脆🍲 蕃茄豆 無特別.🍽️冬陰功單骨雞中翼（4件）+$18冬陰功味重 雞翼香脆.🍽️日本紫薯栗子薯餅（1件）+$18好推薦！真栗子🌰 紫薯味濃 好鐘意.✨飲品 加配特飲 正價-$10☕️生椰latte 原價 $60 特別推介 特濃版

有日喺中環街市行開市集,竟然喺對面街見到一間新開嘅Cafe😍環境好乾淨舒服,真係店如其名~有少少家嘅感覺😂即刻入去試試佢先🤭•🔸煙三文魚水牛芝士 $128煙三文魚包住水牛芝士整成三朵花好睇又好食😍•🔸手打炸蝦餅 $98蝦肉好彈牙切開嘅時候已經感受到炸得好香脆•🔸喇沙大虎蝦帶子意粉 $188喇沙汁好香濃，2隻虎蝦好大隻仲有豆卜伴碟，風味十足~•🔸叉燒蛋香脆薄餅 $98呢個係店員推介俾我🌟 係同華豐燒臘特別聯乘既菜式自家燒製嘅厚切叉燒,但咬落去好腍!!估唔到整成pizza咁夾🙌🏻而且我覺得呢個菜式令人有驚喜，性價比好高👍🏻 •🩷Hanami Day粉粉櫻花椰香鮮奶特飲$50🩵Sunny Day藻藍蛋白椰香鮮奶特飲$50兩杯都係充滿着淡淡嘅椰香藍色既Sunny day口感light d粉紅色既Hanami day就奶感重少少兩杯嘅顏色好打卡able~😝(不過記得都唔好影相太耐因為上面啲cream始終都會溶㗎🤣)*加配正價飲品每杯減$10•埋單嘅時候仲發覺收據上面第一行寫住”welcome Home”,有少少sweet🤭😂

今日去咗呢一間近香港站既fusion cafe好鍾意佢簡約嘅裝修 仲要有成版嘅素食menu諗唔到食乜所以問吓個Staff有咩介紹佢哋勁好雖然最尾冇乜點叫佢介紹嘅嘢但係佢都勁有耐性🍛喇沙忌廉豬柳配漩渦蛋包飯$108🍛呢一餐最出色嘅就係呢一個蛋包飯 ～ 平時蛋包飯呢多數都係配咖喱 呢一間竟然有喇沙揀個喇沙嘅稀杰程度拿捏得啱啱好🥹擺耐咗都唔會一pat pat 但係又唔會覺得佢好稀個喇沙好香又唔會好辣 好欣賞呢間餐廳覺得佢嘅菜式其實都係有跟香港人嘅口味調節過豬柳都幾好食唔乾 仲要醃得幾入味😌下次嚟一定會encore試其他口味嘅蛋包飯🥗素食波奇碗$118 🥗超級欣賞呢個pokebowl 擺得IGable 仲勁足料入面有齊唔同顏色嘅蔬果 份量仲要好好多澱粉類仲有藜麥同埋粟米 滿足晒營養需要一個女仔食晒一份應該好有飽足感🤰🍗冬蔭公單骨雞中翼 $18🍗跟餐加$18就有四件單骨雞翼抵到爛食落呢係好香香茅味 唔油但係好脆覺得佢香而唔辣 食完又唔口渴超正 🍍Aloha Day $55🍍係菠蘿加綠茶既smoothie 😍菠蘿控一定要叫佢係用¼個新鮮嘅菠蘿打出黎 唔係淨係用果醬酸酸甜甜咁好好飲好似食緊菠蘿冰一樣

原來中環新開咗一間小清新Fusion Cafe，入面嘅裝修係白牆木凳，燈光非常光猛，完全啱晒打卡！一坐低店員已經介紹佢哋嘅多國菜式係特登調配番符合香港人口味架～冬蔭功海鮮忌廉長通粉泰式酸辣汁+忌廉奶香，大蝦帶子青口吸滿醬汁，長通粉掛汁力超強，估唔到冬陰功同忌廉原來係咁夾🤤黑松露帶子奶油義大利麵有三大粒帶子煎到金黃色微焦，黑松露醬多到每根意粉都包滿，香氣撲鼻！冬蔭功單骨雞中翼雞皮脆肉嫩，冬陰功香茅味超開胃日本紫薯栗子薯餅佢哋嘅紫薯真係採用日本紫薯！紫薯甜+栗子香，外脆內綿密，好推薦😋Aloha Day佢哋係採用咗新鮮菠蘿去打成沙冰，菠蘿味道非常濃郁，清爽解膩💛紫薯鮮奶呢個好有驚喜，坊間嘅紫薯鮮奶，通常都係用紫薯粉，佢哋真係用紫薯再加牛奶去整，完全係飲到纖維同顆粒感，好濃郁💜

返工前搵早餐食，就見到有一間新開嘅cafe 望Menu價錢合理就入咗去食我就叫咗個日出西貢 入面有意大利雜菜湯扎肉長通粉配太陽蛋或者炒蛋，仲有一個牛角包，真係好有驚喜！👍🏻首先，個扎肉跟我平時食嘅唔同，有一股濃郁嘅胡椒味，肉味亦都幾重，食落去好滿足。而個雜菜湯長通粉，材料十分足夠，裡面有好多不同嘅蔬菜，番茄味濃郁，仲有幾粒煙肉，湯頭香口到我停唔到。🤪然後，個沙律菜都好意外，醬汁係油醋汁，但同出面唔同，呢個係酸酸味味 但又帶甜嘅味道搭配得非常好，特別開胃！至於個太陽蛋，賣相靚到爆，有大大兩粒蛋黃，實在吸引。🥰牛角包鬆軟，仲有濃濃嘅牛油香味。不過，頗為可惜地係佢係迷你型，食落去唔夠過癮🫩🥹飲品方面，我選擇咗一杯Ice Latte，賣相不錯！適合打卡！味道方面，飲得出唔係普通咖啡豆，入口滑溜，非常順口。總體來講，我一定會再返嚟，仲想試下佢哋嘅其他早餐同午餐。價錢合理，食物質素高，而個環境又舒適，真係讓人放鬆到唔想走！😆👍🏻👍🏻👍🏻

今次喺中環核心地標 中環街市對面 繼續有全版素食 仲有我哋期待已久嘅 素食 新肉丸漩渦蛋包飯 💚🍀！中環素友 今次唔使行咁遠，大家快啲嚟試吓 😍Home A Day reopens in core the Central area - right across from the new Central Market! Come try their veggie Omurice, super yummy! 😋 Recommended dishes 必吃- Thai Basil Omni Minced Pork Stir-.Fry with Rice and Sunny Side Egg 泰式新辣肉碎飯配太陽蛋- Laksa Noodle with Omni Meatballs and Tofu Puff 新肉丸豆卜喇沙- Curry Omni Meatballs and Mixed Vegetable with Omurice 咖喱雜菜新肉丸配浚渦蛋包- Tom Yum Kung Penne with Assorted Mushroom冬陰功忌廉雜茴長通粉- Spaghetti wit