36
11
2
港鐵灣仔站 B2 出口, 步行約4分鐘 繼續閱讀
所有分店 (2)
電話號碼
27823988
營業時間
今日營業
11:00 - 16:00
星期一至六
11:30 - 21:00
星期日
11:00 - 16:00
付款方式
現金
其他資料
自帶酒水 詳細介紹
電話訂座
食評 (52)
等級4 2020-12-21
2380 瀏覽
星期六中午嚟到我無訂枱,因為前一日打唔到電話嚟。雖然排第一張枱,但餐廳比較細,所以最後等咗大概15分鐘先入得。等緊同時留意廚房入面煮嘢食嘅過程都頗有趣。Moo ‘Salpicao’ $258Beef Tenderloin x Cauliflower Rice美國牛柳係好味,多汁夠淋,但椰菜花飯味道非常古怪,鍾意蒜頭嘅我都覺得落得太重手,根本唔能夠就咁食,必須每一啖都要夾埋牛柳先食得落..如果為咗美國牛柳來光臨嘅話,個人認為無需要專程嚟到餐廳以呢個價錢去食牛柳,亦唔需要話椰菜花健康啊,而食麻麻地好味嘅菜式(香港大把健康美食可選擇)。所以總括而言,對於小編來講,試過一次就夠啦另外,小編主要來Holy Gaw嘅目的其實係食紫芋雪糕~Ice cream sandwich $58Bun x Ube ice cream紫芋雪糕係小時候嘅最愛,每逢菲傭返鄉下,佢都必定會買一大盒紫芋雪糕俾我哋小朋友食網上見到holy gaw係菲律賓fusion餐廳,即刻禁入去睇吓有冇類似嘅雪糕賣。佢哋嘅自家製雪糕有兩種口味:紫芋/牛油果味~真係期待咗好耐終於有得食紫芋雪糕嚟到嘅時候小編特別興奮。雪糕上面仲加咗開心果粒,配搭顏色好特別呢種雪糕唔會好快溶,香芋味道出眾,加埋香脆嘅麵包一齊食真係好夾。但菲傭姐姐表示喺中環一帶市集8個小ube sandwich只需要大約港幣22元(相信哩度係賣presentation...)總結:各位foodie,要唔要以哩個價錢去試質素一般嘅食物,大家就自行決定啦 繼續閱讀
(以上食評乃用戶個人意見 , 並不代表OpenRice之觀點。)
一個勵志既故事都係由汗水、時間、心血延伸出黎,能夠捨棄高薪厚職,拋開榮華富貴,絕對唔係一件易事。係灣仔新派菲律賓菜「Holy · Gaw」店主Marvin正正就係活生生既例子,佢最初廚藝由白紙一張慢慢經過打工仔既洗禮,最後將所學到既菜式融合菲律賓傳統食材,再經改良配合香港人味道,最終打造成自己既一片事業。單單係呢顆心態,足以令人寫個服字!👇📌To · Start - ▪ Grilled Tuna · Salad - $108▫ 第一道先試餐廳秋冬新推出既「吞拿魚扒·沙律」,將吞拿魚扒切成塊件,再配搭青瓜、蘿蔔、柚子汁,成個賣相相當靚仔。吞拿魚食落肉質嫩滑,軟腍入味,完全唔乾身,整個感覺清新唔膩。📌Holy · Pasta -  ▪ Spicy Rosé Prawn - $198▫ 有西班牙菜「Gambas」之稱既「辣汁虎蝦·玫瑰意粉」,比我想像中無咁辣,容易入口。原來當中加入左Spicy Vodka Sauce,唔怪辣得黎聞落相當香口;另一亮點係佢既意式rigatoni口感煙韌彈牙;而大蝦份量十足,每隻都夠哂大隻,食落相當爽口,呢個必食推介!📌Holy · Cauliflower Rice - ▪ Piggy 'Crispy · Pork Sauté' - $188▫ 要傳統新派菲律賓菜,「Sisig」絕對係不二之選,不過要迎合返香港人口味。老闆好巧妙地經過改良,用左豬皮、豬頸肉,再加入大量蒜頭、蘆筍形成一個椰菜花飯,整體口感豐富又飽肚;加上配搭埋日本雞肝醬,健康又惹味,無得輸!📌To · Add -▪ Ice Cream  · Sandwich - $58▫ 又點少得菲律賓傳統甜品「Ube」啦,今日既味道揀左菲律賓紫薯,味道唔會太甜;加上餐廳自家製當地既小餐包「Pandesal」,入口非常鬆軟,值得一試。📌C o c k t a i l s - ▪ Calamansi · Mojito - $68▫ 呢杯Cocktail比平時飲開既Mojito好唔同,有種酸酸甜甜既感覺;原因係加左菲律賓桔仔「Calamansi」,入口份外甘香清新。📌Holy · Drinks - ▪ Calamansi · Soda - $38▫ 另一杯非酒精既,我會推介同樣用菲律賓桔仔「Calamansi」做底,加埋Soda。飲落透心涼又解膩,正! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-22
1396 瀏覽
見到呢間應該係比較新開嘅餐廳🍴,飯腳表示受到fusion嘅打卡裝修佈置,有點衝動地要試一試🤔.店舖唔算大,不過都有隔板保持衛生,無論餐牌、餐具、服務都感覺到誠意,加上網上食評一面倒的讚賞應該不會有太大問題,可惜.....———————————————————————————🍝Meatball Bolognese 💬 其實肉丸意粉都唔會有點樣可以難食,不過肉丸唔知點解有陣好古怪嘅味道,意粉都質感亦偏厚同硬但都還接受到,不過食到一半開始食唔落去....😕.🍝Gaw’s Carbonara 💬朋友幾經轉呔,最後還是揀返比較穩陣啲一款,但上枱時驚見😰點解係泥黃色仲要滿佈蔥蒜,放口一試,真係完全唔能夠接受到嘅味道🤫,望望餐牌「Our own interpretation of a classic」真係無話可說😶,只怪不懂欣賞😖😖😖.🍝Spicy Rose Prawn 🦐 💬餐廳🍴又真係幾好,詢問後願意俾我地轉食另一款比較易入口嘅辣蝦煙斗粉,不過一試之下同樣地,除了三隻蝦🦐係比較好食之外,個醬汁都係接受不了😣.🗣見到Openrice 係寫住菲律賓🇵🇭菜,唔通真係接受唔到呢種煮法?🤔🤔🤔大家不妨俾少少意見🗳 繼續閱讀
(以上食評乃用戶個人意見 , 並不代表OpenRice之觀點。)
* Moo 'Salpicao' (HKD258)* Crusty 'Gambas' (HKD218)* Ice Cream Sandwich (HKD58) 👧🏻👩‍👧喜愛程度: 💛💛💛/5之前soft opening經過時女職員好熱情咁介紹個menu 已經覺得好吸引😆 店面不大 適合情侶/兩三個朋友傾計👯‍♀️ cauliflower rice 啱曬keto人士同埋幾特別 好似d無咩餐廳有供應👍🏻 分別叫左牛嫩肉同香辣蝦cauliflower rice 🐮調味適中但煮得過熟 🦐可能是filipino inspired的關係 比較重口味 主菜整體性價比不高 但最驚喜就係佢地嘅ice cream sandwich🍦 鬆軟的斑斕麵包夾著厚厚的ube雪糕 意外地融洽 勁好味😋 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-22
51 瀏覽
香港好似真係無乜食菲律賓菜嘅餐廳,見佢啲菜色幾特別,所以就搵左個週末嚟試一試!作為重口味愛好者嘅我一早已經揀好要Crispy Pork Sauté加cauliflower rice! 朋友就點左rose prawn,再加一人一杯cocktail。Cocktail 先上,都幾清新,好適合夏天,不過啲冰稍為多左少少,好快就開始變淡。之後期待已久嘅crispy pork sauté到喇,個汁用雞肝加上citrus and spices熬成,份量十足,入口味道十分濃郁,不過就稍嫌豬肉有點嚡口,而調味都鹹左少少,而個人會想肝嘅味的再濃啲!椰菜花飯其實係完全無飯嘅!全部都係剁碎左嘅才,椰菜花飯,勝在有濃烈嘅蒜香😆不過由於兩碟菜都好濃味,所以我覺得個豬肉配白飯可能會更夾。至於rose prawn 我淨係試左佢嘅pasta,al dente之餘味道同Carbone嘅spicy vodka rigatoni都好似🤪聽講呢度嘅大廚係嗰度出身嘅,鍾情呢味又唔想下下去Carbone咁貴嘅,呢度都係好選擇! 繼續閱讀
(以上食評乃用戶個人意見 , 並不代表OpenRice之觀點。)