126
62
23
港鐵鑽石山站 C2 出口 繼續閱讀
所有分店 (1)
電話號碼
23271966
開飯介紹
品牌於2016年創立,供應多元化且定價相宜的西式料理,款款分量十足;裝潢走簡約路線,是家庭聚餐及與好友相聚之選。 繼續閱讀
營業時間
今日營業
08:00 - 22:30
星期一至日
08:00 - 22:30
付款方式
Visa Master AlipayHK 支付寶 現金 微信支付 OpenRice Pay
其他資料
網上訂座
酒精飲品
無障礙設施 詳細介紹
支持減塑 詳細介紹
賞訂座積分
加一服務費
當面支付
以上資料只供參考, 請與餐廳確認詳情
有關獎賞計劃
食評 (264)
等級4 2023-12-04
1650 瀏覽
仲有唔夠三個禮拜就到聖誕,又係時候約朋友出嚟聚餐兼提早慶祝。 友人愛吃西餐,為咗遷就他的行程和時間,所以特意選了荷里活廣場 2 樓這間「HOKO Farm」。餐廳裝潢時尚,座位寬敞,環境極具空間感,闊落舒適,梳化座後面配有一排落地大玻璃,採光度非常充足。餐廳午市有 Set Lunch 供應,選擇非常豐富,定價由 $64 至 $198 不等,配是日餐湯、手工麵包及餐飲。我哋一人點咗一個餐,另外再加咗客大啡菇。是日餐湯為南瓜忌廉湯,湯身稠杰,南瓜味好香濃,水準不俗。餐包自家製,包身非常軟熟,上桌時還附有牛油和果醬。水牛芝士焗荷蘭有機大啡菇 ($85)  啡菇肥大肉厚,面頭滿佈誘人芝士及紅彤彤嘅車厘茄,入口菇味好濃郁,一咬爆汁。香蒜鮮蝦橄欖油炒意粉 ($88)  鮮蝦有 5 隻,份量十足;意粉煮得啱啱好,食到爽口煙韌嘅 Al Dente 質感,入口蒜香味好突出,每一啖都非常惹味。燒美國肉眼扒配燒汁薯菜 ($198) 肉眼揀咗 5 成熟,外層坑紋燒得好靚仔,一切開肉汁就隨隨流出,入口牛脂味好香濃。薯條金黃粗身,咬落啖啖薯香,點茄汁食,相當滋味。一場嚟到,梗係要食埋甜品先走,點咗客焦糖香蕉朱古力窩夫伴雪糕 ($76)  窩夫即叫即製,入口外香脆內煙韌,焦糖香蕉十分香甜,加埋朱古力雪糕,簡直係絕配。餐飲有凍果茶、奶茶、檸檬茶或檸檬水可供選擇,另外亦可以加錢轉其他飲品,升級即磨咖啡+$10、梳打特飲+$18。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-05-06
0 瀏覽
餐廳比較開陽,但係又唔唔會太嘈整體張枱都幾大坐得幾舒服餐牌一目了然,晚餐套餐都幾多選擇,最鍾意係佢嘅套餐已經配咗餐包、餐湯南瓜湯同埋沙律,薯仔藜麥田園沙律比起一般嘅沙律落多咗心思,餐包又有牛油同埋果醬,加埋嘢飲百零蚊好合理嘅價錢!同埋店員服務態度都好好,有問又答,感覺幾好👍🏻 朋友叫嘅套餐係香草烤雞半隻配鮮茄意粉 🍝 $128 ,雞嘅份量都幾大隻,肉都幾嫩滑,個皮烤得幾香脆唔會油!鮮茄意粉醬汁味道都幾好,酸酸甜甜好開胃,配菜嘅西蘭花翠玉瓜同埋蕃茄仔都幾多汁!我叫左輕煎刺身級帶子鮮蝦蛋黃忌廉汁手工意粉$168,呢一個寫明係手工意粉,同朋友嘅鮮茄意粉比起上嚟更加有咬口,如果鍾意質感更加厚嘅意粉就應該叫呢一個,手工意粉醬汁方面比較濃稠食落好香滑,蛋黃忌廉汁質感整體濃郁,好掛面,同手工意粉好夾,帶子係刺身級,所以入邊好嫩身,好似魚生咁,只係出邊輕輕煎左一下,保留咗新鮮帶子嘅嫩滑感,!另外兩個人都叫咗一個小食share金沙薯條$78,份量都幾多,係脆脆粗薯條🍟 上面有滿滿嘅鹹蛋黃醬,鹹鹹香香,好邪惡又好好食!仲有香蕉朱古力窩夫🧇,套餐另加$50,同朋友share份量都幾足夠,本身想食心太軟,但因為太夜去,所以賣晒嚕,香蕉上面有焦糖醬外脆內軟好香口,帶有微微嘅焦苦薄脆面,配上雲呢拿雪糕好夾,窩夫係比較厚身,但外層窩夫保持到熱度同香脆,食落又會有鬆軟感,加埋忌廉同雪糕好正! 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-23
78 瀏覽
「Hoko Farm」嘅環境充滿著自然氣息,令人感到放鬆,你可以坐在舒適嘅環境中,悠閒地享受美食。晚餐菜單抵食吸引,有好多款精緻嘅菜式。晚餐包餐湯、沙律及飲品,燒薯仔藜麥田園沙律配凱汁,真係好健康又開胃!安格斯燒烤汁煙肉和牛漢堡配薯條,多層次嘅口感,加上煙肉同燒烤汁嘅香味,絕對令你嘅味蕾感到滿足。焗北海道元貝配蟹肉野菜鮮茄汁意粉,意粉彈牙,配上蟹肉同新鮮嘅野菜,再加上茄汁嘅風味,絕對係一個美味嘅選擇!香煎羊架配牛肝菌汁黑同松露燴飯,羊架肉質嫩滑,配上濃郁嘅牛肝菌汁黑,令味道更加豐富;松露燴飯則散發著迷人嘅松露香氣,每一口都令人陶醉!🥗🍔🍝🍖🍚配上一杯清涼嘅飲品,完美嘅搭配啊!🥖🍵✨有時間一定會再去👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-04
345 瀏覽
同老公間唔中會去鑽石山南蓮園池 行下,我哋行完都會去對面的荷里活廣場食嘢,而有一間餐廳係我哋去得最多,今日都係去咗呢間🤭 因為好食又唔貴。🧡燒美國肉眼扒配燒汁薯菜🧡肉眼扒都幾大塊,牛扒肉質都保持到肉嫩多汁,有着牛肉本身的嚼勁;仲有好多脆薯條熱辣辣脆卜卜,伴菜仲炒菌雜菜、烤蒜頭🧄午餐跟餐仲有個餐湯忌廉粟米湯同埋餐包🧡大啡菇野菌漢堡伴薯條🧡呢個素食漢堡都幾大份,大啡菇好多汁,脆薯條每條都熱辣辣脆卜卜。🧡朱古力布朗尼伴雪糕🧡呢個甜品好正,布朗尼質地做得好好,表面烘到好香脆,每口都吃到香濃朱古力味,配埋個雪糕、棉花糖一齊食非常夾。💛雪山芝士芒果沙冰💛呢杯好好飲,厚厚嘅奶蓋,濃郁芝士嘅味道,下面的芒果冰沙又不會太甜,面層仲有少少芝士碎,攪勻嚟飲好香好好味😋💛熱咖啡☕️💛 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-01
220 瀏覽
茶記質素嘅3點3輕食是日係附近做完嘢有啲肚餓,等到下午茶時段先嚟食蒜蓉汁雞扒意粉 + 凍茶 ($5X?)一向都好怕多汁意粉,首先啲意粉無咩調味,好似就咁烚熟咁。另外,唔知呢間啲廚師係咪驚個雞扒太乾,所以煎完個雞扒就咁淋一堆汁上去。有相為證,我估好多人都無諗過以西餐為招牌嘅餐廳會煮到好似屋企樓下間茶記咁(呀唔係,隻碟係靚啲)成件事唔夾㗎,不過我肚餓就照食。公道啲講句,無咩人食,所以我都有得坐4人位,個sofa 係幾軟熟。==============================為質素嘅,勸你去返普通茶記食下午茶。 繼續閱讀
(以上食評乃用戶個人意見 , 並不代表OpenRice之觀點。)