影片
以上資料只供參考, 請與餐廳確認詳情
韓國市區有好多咖啡店，香港就好少見有韓式咖啡店。好彩最近係佐敦就開了一間名叫《Hillwood 54 Cafe》~很有韓式格調嘅咖啡店。店內有很多义電位，並有wifi 服務， 啱哂文青帶部notebook嚟，一邊做野，一邊嘆住咖啡或食野。呢度提供韓西食品，下午有韓國傳統式飯餸，例如：泡菜豬肉飯、辣雞肉飯等。另外，仲有西式輕食，例如：三文治、麵包等。今次我下午嚟就嗌左：✨️烤牛肉飯牛肉切薄片，紋理清晰有嚼勁。並伴有2款可添食嘅美味前菜，十分豐富。✨️藍莓乳酪沙冰乳酪香滑，沙冰夠凍又夠磨，解渴怡晨。
繼續閱讀
尖沙咀又開左新café 同朋友一齊chit chat 下，有麵包、main course同影相，即刻去試下！Cafe裝修新淨靚仔，環境整潔舒服，好啱hea吓或者同朋友傾下計。見到佢有好多唔同麵包同甜點，麵包控既我即刻買黎試下：墨魚海鹽包包身烘到微脆，裏面軟熟帶粒粒墨魚肉，面層有海鹽點綴，感覺新穎，好食。香橙磅蛋糕賣相好吸引，都好岩打卡，蛋糕身夠濕潤有橙味，唔會太甜，食落有少少清香，食完主食再食呢個甜品一流。烤牛肉飯有巨量韓式烤牛肉伴飯，牛肉軟熟唔會老，調味啱啱好唔駛太多汁，配上煎蛋同埋佢地嘅小菜送飯食，真係好夾。肉醬芝士公子麵感謝似韓式炸醬mix西式，肉醬好夠味，加左芝士令到肉醬多左份咸香同層次，麵熟度啱啱好，值得encoreIced Americano咖啡香偏重，入口微澀，冰量啱啱好，飲落醒神夠清新，岩晒食完蛋糕或者配件重口味餐點仲有，如果去開呢間café 既朋友，記得係樓下影埋相，入面有好多唔同相框，可以同朋友慢慢揀同影！
繼續閱讀
📍 Hillwood 54 Cafe (尖沙咀)尖沙咀山林道54-56號利雅商業大廈地下2B號舖及1樓✨Beef Bulgogi Rice💰88牛肉醃得非常入味，香甜中帶有少少辣味，搭配白飯好正！米飯吸咗醬汁，食落去每一口都充滿味道，真係一個好開胃嘅選擇。✨烤牛肉三文治💰63包邊烤得金黃酥脆，牛肉嫩滑，配上新鮮嘅生菜同埋醬汁，啖啖都好滿足，搭配一杯飲品真係一流！✨墨汁鹽味麵包💰30呢個麵包外脆內軟，墨汁味道獨特，咸味恰到好處，食落去好特別，呢個我真係第一次試，感覺好新鮮！✨牛油麵包💰30就更加好味，牛油味香濃，咬落去鬆軟煙靭，簡單但又唔失水準，配茶或咖啡都非常合適。✨Blueberry Yogurt Smoothie💰58味道清新，藍莓嘅酸甜感好夠，搭配滑順嘅酸奶，真係好適合炎熱嘅天氣。✨Hot Cafe Latte💰31濃郁嘅咖啡味，配上奶泡，口感滑順，提神醒腦。回頭：yesss，Hillwood 54 Cafe 嘅食物質素高，味道好，環境舒適，絕對值得推介👍🏻👍🏻✨
繼續閱讀
山林道最近有間韓系咖啡店新開幕地方闊落座位多、靠牆全部有插蘇位朝7晚9點坐耐少少辦吓工都好適合早餐以粥同湯麵為主另有特色麵包午餐主打飯麵Tea Time 有韓式小食晚市有豬扒、漢堡扒餐等目測員工清一色講韓文、出品有信心保證🔶 早餐🔖 牛骨湯麵套餐 HK$48雖話即食湯麵但落咗蛋絲賣相唔頹碎蛋沙律三文治啲餡多到嗶出嚟!配埋泡菜、薯仔絲仲有韓國產咖啡/茶份量完全係重量級、CP值非常高🔶 下午茶🔖 年糕腸仔串 HK$28年糕口感軟糯唔會「擦子膠」🔖 辣蝦魚糕棒HK$28🔶 麵包/蛋糕 （打包）🔖 自選迷你麵包 HK$26/3個 薯仔包/粟米包/紫薯包好墜手、絕對唔係空氣麵包～🔖 香橙朱古力蛋糕 HK$68 （打包）橙味蛋糕口感輕盈頂層係厚厚黑朱古力配料仲有合核、糖漬橙皮同無花果🔶 貼紙相 $20 / 次落單時散叫飲品可免費獲一組兌換號碼飲品平均HK$3X
繼續閱讀
尖沙咀新開韓國Cafe，全韓國人班底經營，由早上7點開始營業，早餐、午餐、晚餐提供各式各樣主食，另有麵包，咖啡沙冰果汁茶等供應，注意晚上6點後只有包類同飲品。店內環境闊落，木系色，有埋插頭插電，無論係學生想去溫書或者同閨蜜吹吓水呢度都係個唔錯嘅選擇。包類有成十幾款，堂食可拜託店員叮一叮，私心推介墨魚汁鹽味麵包，鹹香味配上煙韌嘅口感真係超滿足😌 雲尼拿朱古力扭紋包甜而不膩，比較適合做下午茶或飯後甜點。紅豆牛角包同忌廉芝士紅豆包餡料十足，脹卜卜性價比高。布朗尼偏濕潤，帶微微流心效果，朱古力控必點。主食方面要咗芝士炸醬公仔麵，麵條較闊，麵質煙韌彈牙，軟硬程度煮得啱啱好，邊撈邊有香氣，唔會死甜或死鹹，同朋友仔Share最合適不過。旋轉熱狗熱辣辣上，超大條，賣相一流，咬落有口感，搭配茄汁同黃芥末更開胃。食住包配朱古力同牛奶，滿足！
繼續閱讀
您可能會有興趣的...