影片
招牌菜
聽講這裡午餐買一送一, 專誠由金鍾到来嘗試, 沒有太大驚喜但抵食.叫了套餐A, 首先是磨菇湯, 有好多磨菇粒但唔夠香, 味道一般. 主菜是Spare Ribs,份量大, 醬汁夠香濃, 還有不同款類蔬菜拼碟, 觀感一流. 隨后是chocolate mousse 之類甜品, 有好香朱古力味, 味道也不太甜.
繼續閱讀
本人從未食過難食的團購，餐廳環境ok，個湯好飲但無得添加，牛扒超級韌，黑毛豬~難食，羊扒一般，雞卷可以一吃，甜品~沒有選擇，只吃了一大碗雜果。離開後要到附近再吃雲吞麵。總括一d都唔值
繼續閱讀
太平洋帆船酒店，前身是有骨氣火鍋的旗艦店。佔了幾乎整棟大樓的有骨氣火鍋店結業後不久，亦由於香港的酒店用地嚴重的不足，這棟樓就搖身一變，成為了一個說小不小，說大不大的精品酒店。而這酒店就在我平時由公司前往郵局的必經路上，酒店的側門有一家因為吸了摩利臣山的靈氣而令到環境特別清雅的一家西餐廳。平日，這餐廳的午餐價錢都不算是便宜。價錢上同生意額上，一直都被隔幾間鋪的油吧比下去了，而是日就特別的旺場，因為平日放在大街的牌多了一行字，大大的寫著 "buy 1 get 1 free"，及正是日只有兩個人食飯，這裡有咁既優惠，當然要來一試啦。最便宜的有焗豬扒飯，除返起黎只需要30多元一個人。而且有湯亦有甜品，真的可以用超值來形容。而是日的湯，是一碗簡單的忌廉湯，夠雞味，夠 cream，香口怡人。 同事要了一個龍脷柳飯，卷著來焗的魚，肉味肉汁可自身滲回魚肉當中，帶有鹽味，而魚肉是夠香口的。不過，魚不太鮮，完全是用汁的鹽味搭夠，肉厚，但一吃就知道是急凍過的進口魚。 肉，一片大大豬扒是好多人的所好。紅肉比起魚肉來得新鮮，豬肉吃得出不是本地豬，因為肉味比較濃而且夠腍，烤過的雜菜也味道甜美，輕輕的汁也帶動了怡人的味道，這一份豬扒確是好。 飯後，有甜品有飲品，的確是抵晒，而甜品是一份小小的 moose cake，帶點啡味亦有朱古力味，不錯。 有優惠才來，就是我今天酊訪的原因，真的好希望這優惠長做長有，因為以這一個價錢來計，的確是又抵又好食。
繼續閱讀
所有食物都好滿意~而且那個腸是超讚的,我以為會比較咸,原來不會呀,而且好多汁..好味道個甜品真真的好推薦大家去食, 不過太甜的,食完不會有膩的感覺,正正正!我都吃了4塊,因為太美味啦.哈哈餐廳環境好靚,不過地方唔算太大,
繼續閱讀
平時不多寫食評, 不過上星期到Hill Oyster Bar & Grill 晚餐後, 見到這裡只得一個食評, 好像太少了, 因為好東西應該多D人知, 所以都好想SHARE一下.我係情人節前一個月留意到Hill Oyster Bar & Grill 做團購優惠, $299二人晚餐連加一, 大概環境都唔錯 (只是地點不算太方便), 就膽粗粗買左COUPON又跟手打去BOOK埋位. (由於今年2月14係星期二, 其實WEEKDAY又唔想咁就唔0岩自己時間, 所以預早提前少少'做節')以前一直都幾經常會試團購推薦的餐廳, 從精打細算角度, 加上可以省去一點要成日諗去邊度開餐的精神, 又可以試多D新野. 質數好壞參半啦, 都係BY LUCK, 不過經驗之談, 我會偏向揀較新開0既餐廳試, '感覺'上新開會想做好口碑同時當宣傳, 理論上應該質數較理想. 而這次在Hill Oyster Bar & Grill 是一次很享受的晚餐! 超值了~環境氣氛很好, 地方不算很大, 不過感覺精緻簡約, 很喜歡! 頭盤係生蠔 X 4PCS, 餐廳代揀選了2X法國+2X非洲 (名就唔記得, 因為冇份食, 剛剛之前個胃唔太舒服 )男友一連食晒4隻之後只說了一個字, '正'! 雖然冇得食我都問下DETAIL少少, 佢話較喜歡法國那款味道濃一點. 之後有個泡沫黑松露湯, 好香好滑, 總之好味! 主菜揀左 法式海鮮飯 + 海蝦意粉兩款的汁都味道剛好, 不會有膩的感覺; 較喜歡個海鮮飯!食到哩個時候其實都有D飽, 不過女人的第二個胃可以繼續FUCNTION, 完成埋餘下兩款甜品. (甜品的份量亦不少, 又一個超值! )法式焦糖燉蛋 + + 法式燉鮮牛乳 ---- 個人喜好, 都是較喜歡焦糖燉蛋. 餐廳做的甜度剛剛好, 不會太甜~ 個甜品絕對將整個晚餐提升了, 令人覺得很圓滿~最後, 還有附送餐飲. 餐廳的服務很好, 上菜的時間也控制得很好!
繼續閱讀