494
94
29
港鐵銅鑼灣站 E 出口, 步行約1分鐘 繼續閱讀
所有分店 (3)
電話號碼
28682277
開飯介紹
人氣甜點店,除招牌甜點外,也推薦義大利粉及其他輕食。 繼續閱讀
營業時間
今日營業
12:00 - 23:30
星期一至日
12:00 - 23:30
付款方式
現金 支付寶
座位數目
50
其他資料
當面支付
食評 (671)
特色pancake 焦點食評
等級4 2018-06-29
641 瀏覽
今晚去Sogo shopping ,幫屋企廚房櫃儲糧,不知不覺行咗個半小時有多,肚子已經非常肚餓,都係決定快快去附近搵間餐廳食飯先。行出Sogo 四周圍睇睇,就立刻見到我最愛嘅HeSheEat , 我立即拖住老公飛快上去醫肚。呢間餐廳位於商場內,坐位比較開掦,但裝修精緻舒服。快快打開餐牌order野食先,真係好肚餓。炸蘑菇釀雞肉蘑菇大大隻,面層釀入雞肉再炸,蘑菇厚身多汁,雞肉鮮味,沾上黑松露蛋黃醬,更添滋味。八爪魚墨汁意大利飯八爪魚軟嫩鮮味,墨汁意大利飯creamy , 入口充滿鮮味,飯粒軟硬適中。春雞黑松露意大利飯呢款係我最愛既意大利飯,春雞肉質嫩滑,味道鮮美,黑松露意大利飯香濃味美,入口creamy 。雖然已經好飽但我今晚超想食甜品,於是我地決定每人各自揀一款。三重朱古力蛋糕蛋糕鬆軟綿密,入口細緻軟滑,朱古力味濃厚香甜,上層朱古力脆脆香脆香濃,三重滋味,口感一流。岩鹽焦糖厚焗鬆餅賣相極佳,鬆餅厚身,入口軟綿,配上岩鹽焦糖醬,楓糖漿,雲呢拿雪糕,香甜美味,一冷一熱,非常滋味,完全令人食唔停口。估唔到pancake 可以咁出色,我決定以後要列為我必點甜品首選! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-23
652 瀏覽
HeSheEat一向質素唔錯, 岩晒所有男孩女孩去食!今晚收左工之後, 就由男孩的我, 帶著女孩的女朋友, 去食美食D間HeSheEat位於銅鑼灣地帶, 差唔多一出地鐵站行多兩步就到, 位置冇得輸!Mocha Cookie Frappe-$42好香滑, 夠晒透心涼!帶子青蘋果焦糖合桃子蜜糖芥末沙律-$95一黎到梗係要食返個沙律醒醒胃先, D個蜜糖芥末汁好惹味, 配上新鮮既沙律菜真係岩晒, 上面仲有超新鮮的帶子, 帶子係係外面略略煎一煎, 個口感係外脆內嫩, 唔錯的沙律炸雞翼韓式辛辣醬-$52D個炸雞翼好出色, 外面炸得好香脆, 裡面既雞翼肉仲好嫩滑, 而且超多肉汁, 再配上辛辣醬, 絕配也墨魚汁魷魚扁意粉-$108D個上次都有食到, 今次再叫! 食落水準KEEP到, 魷魚1D都唔韌, 質素高, 個意粉微微有D咬口, 唔會過硬過淋, 食得出廚師既功架, 而且個意粉係有少少辣的, 令人有越食越開胃的感覺白酒牛油汁蜆肉意粉-$118白酒同牛油煮成既汁香而不膩, 個香味滲入D意粉到, 超級好味, 而加上有唔少新鮮又大隻既蜆, 入面係完全冇沙的!!!綠茶紅豆厚焗鬆餅-$62D個上枱我地一致都覺得好似熊既腳印咁, 超可愛的說, 個鬆餅蛋味好香, 而且做得夠鬆軟, 唔會死實實, 再加上綠茶雪糕同綠茶粉, 好好味的甜品埋單四百幾, 食左咁多野, 好合理既價錢!總結黎講, 我覺得今次既食物仲有進步過上次, 有驚喜, 期待下次再黎試其他菜色! 繼續閱讀
(以上食評乃用戶個人意見 , 並不代表OpenRice之觀點。)
午后甜品 焦點食評
等級4 2018-06-16
501 瀏覽
行得累了,只是四時許,想在銅鑼灣找家cafe坐下,一點也不容易。找過好幾間都大排長龍,然而看到這間位於銅鑼灣二樓的cafe有位空位,我同honey立刻去break 一break.這家店的選擇唔係太多,主打輕食,還有意大利飯同意粉等等。而甜品則有十七款$58-$108,主要以西式為主,飲品$32-$45,是一般cafe的價錢。士多啤梨玫瑰茶$45玫瑰茶顏色嬌紅,茶上還有一球士多啤梨雪芭。這杯茶入口冰涼,有新鮮的士多埤梨粒粒,微甜清新,還透出有淡淡的玫瑰香,感覺輕怡,口中留有高貴的茶香。若平曰飲開水果茶,就可能會覺得這玫瑰茶味味道較淡。Coconut coffee$35這咖啡細細杯,充滿椰香,入口奶滑,表面有一層薄薄的奶泡。這杯咖啡既有椰子味,咖啡味亦同樣甘香,味道輕甜,十分平易近人。特濃朱古力慕絲$69這個甜品味道唔錯,有朱古力忌廉、朱古力脆脆、朱古力雪糕等等,好像朱古力三重奏。雖然朱古力的味道唔係特別濃郁,用的是牛奶朱古力,但味道香甜。香濃的朱古力慕絲,配上口感幼滑的忌廉,加上冰凍的朱古力雪糕,與脆口的朱古力脆脆,朱古力味有層次,甜而不膩,囗感豐富。在結賬的時候才發現這家店掛著各種奬項,還是各雜誌推薦的cafe同開飯甜品得獎店!整體感覺ok, 可以一訪。 繼續閱讀
(以上食評乃用戶個人意見 , 並不代表OpenRice之觀點。)
鬧市中的好去處 焦點食評
等級4 2018-06-11
609 瀏覽
這天放工後,我約了大專同學在銅鑼灣吃晚飯和逛街,經過其他朋友介紹,我們決定來到這間餐廳試一試,來到餐廳門口,看到店內環境寬敞和清潔衛生,店內的人客非常多,証明食物的質素應該很不錯和牛肉醬鮮蛋意大利($128)將和牛打成肉醬,十分香稔軟嫩,份量十分多,質素延高,意大利麵十分軟彈煙韌,份量非常多,將温泉蛋的蛋汁加入到意大利麵中,使其更黏口八瓜魚墨魚汁意大利飯($138)厚身的八瓜魚軟彈煙韌,新鮮和富有水份的番茄,意大利飯加上墨魚汁十分黏口,整體份量非常多炸蘑菇釀雞肉($68)用麵包糠包著爽口微彈的蘑菇和香稔軟嫩的雞肉,十分特別,份量很多炸粗薯條配酸奶酪及泰式辣醬($48)用新鮮薯仔炸成薯條很長,非常脆口,配上清新的酪奶醬及泰式辣醬,十分特別,非常抵食芒果忌廉班㦸卷($58)用軟綿綿的蛋漿包著用芒果攪拌成的芒果蓉,非常清甜,外層再灑落一些朱古力碎,十分香脆,雲呢拿雪糕味道恰到好處,不會太甜雜果乳酪奶凍($55)士多啤梨,芒果,奇異果,藍莓,這些水果都十分新鮮和清甜,質素很高,乳酪雪糕酸酸甜甜,令人非常開胃,牛奶布丁十分清新和清甜,整體來說,主菜,小食,甜品,飲品的選擇都有很多,食物的用料很新鮮,食物的質素非常高,食物的份量非常非常多,價錢相對非常合理,店員有良好的服務態度和有禮貌,所以我認為這間餐廳值得再去惠顧 繼續閱讀
(以上食評乃用戶個人意見 , 並不代表OpenRice之觀點。)
Let's Eat! 焦點食評
等級4 2018-05-14
1425 瀏覽
最近網上最Hit就係sogo thankful week 逼爆玻璃啲相,我就笑唔出囉!因為我都要入去買嘢,幾經波折買到心頭好,好似打完仗出返嚟,最想坐低食返個輕食,補一補元氣。最近附近我最鍾意就係食 HeSheEat,有時候撞啱多人會大排長龍,當晚就啱啱好,可以輕鬆地吃晚飯。每隔一段時間就會轉一個新嘅 Special Menu, 今次個 main 幾啱我口味!帶子青蘋果焦糖合桃蜜糖芥末醬沙律 $95,清新嘅口味最啱我,而老公就最鍾意食脆口的焦糖合桃,帶子份量今次好像比較少,都煎得好香喔!沙律菜夠晒新鮮。同好姊妹share,蟹肉蕃茄牛油果沙律 $95,這個就有點像蕃茄他他,mix 蟹肉牛油果,入口十分香滑,魚子醬略帶鹹香,跟多士一起吃軟硬有層次。跟住就係今晚嘅 special ,八爪魚墨魚汁意大利飯$138,好似喺韓國食到嘅大八爪魚一樣咁鮮甜,飯裏面仲加左少少辣椒,所以味道帶點薇辣,仲食到香濃嘅芝士味,濃濃的墨汁食完成個嘴同牙都變成黑色,同男朋友嚟食真係要考慮清楚,個樣會好搞笑。另外仲share左一個 HeSheEat Brunch $138,兩件香脆薯餅啱啱炸出嚟,熱辣辣好好味,老公 order 炒蛋好滑,牛角包好有日本味道,大啡菇水準之上,整體味道很好。最後當然唔少得甜品啦,叫了綠茶心太軟 $62。開心果碎特別,水準之作,一切開綠茶醬好似熔岩咁流出嚟,好流心。老公最愛特濃朱古力慕絲 $69,佢自私食,9秒9食晒應該真係幾好味。坐窗邊可以見到街景,覺得自己好悠閑。值得讚一下服務很好!侍應不停為客人加水又有笑容。 繼續閱讀
(以上食評乃用戶個人意見 , 並不代表OpenRice之觀點。)