985
137
46
港鐵銅鑼灣站 E 出口, 步行約1分鐘 繼續閱讀
所有分店 (3)
電話號碼
28682277
開飯介紹
人氣甜點店,除招牌甜點外,也推薦義大利粉及其他輕食。 繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
付款方式
AlipayHK 支付寶 現金 八達通 微信支付
座位數目
50
其他資料
酒精飲品
自帶酒水
切餅費 詳細介紹
電話訂座
外賣服務 詳細介紹
加一服務費
當面支付
食評 (1261)
等級4 2021-07-09
372 瀏覽
對上一次食呢間餐廳應該已經係兩三年前 今日同朋友出街 決定再次試吓睇吓佢哋水準有冇保持到 定係提升左呢?我哋去到嘅時候已經要等位 大概等咗半小時 不過都OK唔算話太耐我哋一坐低就叫咗一個小食 -蜜糖芥辣雞翼仲記得我以前都會叫呢一個雞翼當做開胃小食 呢個雞翼份量夠多而且賣相又好好 即叫即炸 上枱嘅時候仲係好脆架之後我哋就叫咗個主食 -烤紐西蘭肉眼扒配燒汁呢個肉眼扒我哋叫咗七成熟 熟到就啱啱好 塊肉眼扒超級大塊 我同個女仔friend食完之後已經食唔到其他嘢 而且佢嘅肉質夠晒嫩口 呢個價錢來講真係好抵 因為佢跟餐叫嘢飲都係加$25 所以我哋叫咗個曲奇Milkshake 今次嘅飲品我就覺得唔夠曲奇味 比較淡咗啲 下次如果落返多啲曲奇應該會好飲好多雖然我哋話好飽但係我哋都係叫咗甜品食 我哋食咗佢新出嘅梳乎厘 仲另外加多左一球芝士雪糕 咁就會識落冇咁dry 佢嘅梳乎厘都做得幾soft 入口即溶 除咗味道唔錯之外 外觀都igable 啱晒我哋呢啲港女打卡啊整體而言 佢哋嘅質素都係keep到水準 而且佢又會按照潮流去推出新嘅產品 大家如果想食梳乎厘打卡嘅話都可以過嚟🤣 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-16
836 瀏覽
HeSheEat開業多年,一直人氣高企,除左因為餐廳食物質素同種類豐富之外,餐廳仲會不時調整餐牌,不停給予食客新鮮感。今日我地趁經過銅鑼灣,晚餐就選擇去HeSheEat食,食完仲可以試下上年年尾先推出嘅梳孚厘Pancake。😁我地未夠7點已經到餐廳,當時仲未係好多人,不過7點半左右就已經滿座。餐廳裝修簡約之餘亦富有格調,我地好好彩坐到店內嘅圓枱,非常寬敞舒適。😙HeSheEat食物份量偏大份,我地點左一客沙律,兩款主食,加埋Pancake,肯定夠哂食。😆牛油果蟹肉凱撒沙律 $78沙律菜新鮮爽脆,配上清新醒胃嘅醬汁,牛油果和蟹肉係無縫組合,非常夾。而且蟹肉份量相對多,每一口都吃到蟹肉的鮮甜味👍🏻黑松露雜菌春雞燴意大利飯 $98黑松露燴意大利飯好軟淋,吸晒d野菌味,味道香濃可口。而春雞皮烤得很香脆,熟度剛剛好,肉質嫩滑多汁,仲要係雞脾。😍三重芝士大蘑菇黑松露牛肉漢堡 $95牛肉漢堡非常厚身,熟度大約5至7成,肉汁飽滿,芝士味非常濃郁,配以鮮嫩多汁大蘑菇,味道層次十分豐富。另外隨碟的沙律是以意大利陳醋調味,酸酸甜甜好清新。👍🏻楓樹糖漿梳乎厘班戟 $78梳孚厘pancake非常厚,口感未至於係空氣感,質地好鬆軟,蛋味香濃,甜度恰當,入口有啖啖蛋香,配埋楓糖漿和cream味道一流。👍🏻埋單每位唔駛$200,性價比相當高。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-07
783 瀏覽
平日晚上和朋友去行街,晚上朋友揀左呢問餐廳,位置都幾方便,地鐵出口行過去1分鐘咋!🍗單骨蜜糖芥末雞翼價錢不貴,但分量十足而且每一隻雞翼都沾有好多醬汁,食落好夠味,食落都有啲酸酸甜甜,唔會好膩口🍟脆薯格配泰式辣醬、酸忌廉好少見到有酸忌廉呢個配搭喇所以我哋叫咗,份量超級多,成個木砧板咁多,個碟有幾大,薯格就有幾多🤣🤣果然我哋又眼闊肚刷嗌多咗🍝白菌、煙腩肉、溫泉蛋芝士汁鮮蛋意大利麵我本身睇唔到呢個意大利麵係新鮮做嘅,呢個價錢來講食到新鮮做嘅真係好唔錯個樣睇落有啲似伊麵,食落都幾彈牙👍🏻醬汁好足夠,唔會食到一半唔夠汁好乾咁🤩加埋溫泉蛋嘅蛋汁真係冇得頂👍🏻🍗黑松露雜菌春雞燴意大利飯我哋仲叫咗一個小春雞,冇諗到佢上碟兩隻雞都好大件,食落啲雞肉都仲好多肉汁,唔會好柴嘅口感,好好味飯嘅份量偏多,不過我哋真係嗌得太多嘢食喇,所以食唔晒,味道係正常發揮嘅👌🏻👌🏻🍑白桃白茶我叫咗一杯嘢飲,用鼻聞好鄉土味,飲落就茶味多啲👍🏻👍🏻七點幾到,都差不多九成滿了,好彩我哋入得快,店員都好友善👍🏻我哋見到仲有人排隊所以就冇留低傾偈好耐啦,下次都會想嚟食,因為性價比好高。我哋其實仲有啲甜品想試,但因為太飽冇叫囉,下次會想試吓🤪 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-29
1529 瀏覽
好耐無去hesheeat食了,有點兒掛念!例牌係我最愛食的墨汁意粉,再點份西蘭牛扒,加餐湯同叫埋心太軟!+$30 是日餐湯配蒜蓉包今日餐湯係蘑菇湯,可以見到好多蘑菇蓉,一粒粒的,用咗咁多蘑菇打個湯,難怪咁香的蘑菇味!火辣墨汁意粉配扒虎蝦$95黑色意粉配墨汁,夠晒黑,食到好難保持儀態,不過我就好鍾意食,少少辣少少甜,意粉香濃墨汁味,仲有3煎到好金黃的虎蝦!烤紐西蘭肉眼牛扒配燒汁$148肉眼扒叫了7成熟,外熟內軟,切開入面仲係紅鮑的,唔會煎到太熟,牛扒沾上燒汁就更野味~另外有驚喜係著條,佢好似沾上炸粉再炸?總之就係特別脆身,幾好食!Dinner Combo加$25可以叫其他飲料,咁我又叫了杯Oreo奶昔,有少少似麥旋風,好creamy,好oreo~ 抹茶心太軟配豆漿雪糕$62心太軟係即叫即焗,唔想等太耐記得早d叫職員準備,我開始食個牛扒時就叫定,時間控制得剛剛好,心太軟剛剛焗好,一切開就流晒出來,用豆腐雪糕沾少少就正,豆腐加抹茶係絕配!Hesheeat的dinner combo都幾抵食,而且佢間中又會轉下內容,我過一排又會去食下 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-28
903 瀏覽
約了朋友到這間餐廳吃晚餐,到達時店內已差不多坐滿人。在晚上九時半後,我們離開之時才拍攝上圖。先點一杯士多啤梨奶昔($38),頂層加了士多啤梨色一樣的碎粒,帶點少女夢幻感。士多啤梨果醬與牛奶拌勻,柔滑的牛奶和甜甜的士多啤梨果醬一直是我的最愛。燕麥乳酪奶昔($38),杯內滿是燕麥粒,頂層鋪了微脆的甜品餅乾碎片粒。佔了杯中四分之一的極厚忌廉,與酸甜乳酪攪拌,先吃一大口厚忌廉,再連忌廉一起喝乳酪奶昔,兩種不同的口感和味道,帶來滿滿的幸福感。翻看餐牌的首頁,得悉最多人點的是墨魚汁意粉,我們當然不會錯過。辣肉腸火辣墨魚汁意粉($78)其實沒有甚麼火辣味,所以不吃辣的人也能吃。上桌時傳來微微烤肉腸的香氣,辣肉腸肉味濃郁。意粉掛滿墨魚汁,墨魚汁往往令人容易黏口,但這裏的墨魚汁意粉並沒有這種感覺,反之變得滑溜香口,難怪成為最多人點的食物之一。三重芝士大蘑菇黑松露牛肉漢堡配田園沙律($95),作為配菜的田園沙律份量頗多,醬汁提升新鮮沙律菜的清爽口感。頂層極香脆的漢堡包面下是濃郁的黑松露醬,大蘑菇嫩滑多汁,牛肉以不同的芝士夾着,上層芝士味濃,下層芝士可拉絲,想不到除了意粉和甜品,漢堡也做得如此出色。漢堡另配薯條(+$10)是正確的決定,看似普通的薯條,炸得香脆,能做到外脆內軟的效果,份量頗多。甜品宇治抹茶黑芝麻梳乎厘班戟($108)即叫即製,製作時間需要三十分鐘,所以我們提前三十分鐘便下單製作。熱燙香軟的梳乎厘,伴甜度適中的紅豆、香滑黑芝麻忌廉,澆上滿滿香濃的宇治抹茶醬,不論賣相和味道都十分出色。整體而言,不論飲品、甜品、沙律還是主食,份量很大,而且每一道菜的擺碟漂亮,味道甚佳,性價比高,值得一再光顧。 繼續閱讀
(以上食評乃用戶個人意見 , 並不代表OpenRice之觀點。)