3
1
0
電話號碼
57021627
付款方式
AlipayHK 支付寶 現金 微信支付
其他資料
當面支付
食評 (8)
等級4 2020-07-24
998 瀏覽
這間餐廳向來以只見有外賣自取,但無論中午、夜晚、定還是宵夜時間,都不時會見到人龍。早輪經常在家中附近吃東西,於是就想到下午茶來試一試這店。點了個炸魚配薯條,轉了薯格,薯格份量非常之多,內裏結實,但是薯格又不會太過乾,因此大快朵頤,內容豐富,炸到香脆,味道一流。而魚柳,亦都非常之大件,好像有兩大件,內裏的魚柳肉質亦都結實,不會覺得口感太乾,外皮雖然厚,但並非只有炸粉那種魚柳,吃上來口感豐富。下午茶都非常之大份,幾乎可以與西式那些「炸魚薯條」的正餐匹敵。另一次試一試蟹子沙律,發現沙律都是比較多沙律醬混入青瓜絲之內,因此味道偏向普通而且清淡,但是如果胃口不佳的話,吃這個沙律也不錯。燒豬腩,味道有點燒汁味道,豬腩不會太過肥膩,肥瘦均勻,吃內有少許脆皮的質地,味道也不錯。另外有一次就試試蟹子撈麵,有些麻醬撈落麵條裏邊,太多有可能會肥膩,太少,就會空口吃白麵,但是它的麻醬不會太少,分量剛剛好。吉列豬扒,亦都以透明膠盒盛載,豬扒的外皮也不薄,但是剛好炸起,立即食,外皮即使不薄,亦都比較脆,而且夠熱燙炒烏冬,反而份量偏少,比沙律或撈麵的份量少總括,炸物實在出色;如果等到下午茶,減$5更實用,比起求其比碗麵,或是迷你東西的店子更好吧 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-07
83 瀏覽
一間唔係好起眼嘅大埔小店,到埗後都見到有唔少人幫襯。店舖主打外賣🥡,主要以港式日風既菜式為主,揀左主菜可以揀唔同配菜,今次我就揀咗E餐配薯格🥔($42 送餐飲🧃)。炸得非常黃香,拎到返屋企都仲有熱度。入口係會刮口個種脆,豬扒🐷都唔會太乾,但調味同腌得唔係咁夠。略嫌薯格炸得過火好乾,如果外脆內軟就完美喇。如果大家經過可以試下,炸物比較多,間唔中可以過下口癮🙂。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-25
452 瀏覽
今日同朋友踩單車去到大埔, 入大尾篤之前喺大埔中心搵嘢食, 朋友介紹呢度有一間良心小店賣嘅小食都幾好食, 仲要係好夠火喉, 幾時一齊坐低食放低架單車喺店外面, 放一陣應該都安全入去有得揀唔同嘅小食餐, 好似我朋友食呢一個嘅雞槌 加炸薯格嘅套餐都只係40蚊左右仲包埋嘢飲, 個薯格啱啱炸好超級趣, 調味亦都唔錯, 如果雞脆就非常之好味, 好濃嘅瑞士汁另外我叫呢一個嘅冷麵套餐亦都幾好, 除咗都幾滑嘅冷麵之外, 最開心係呢一個嘅豬腩肉捲, 好有心思, 用豬腩肉包住野菜同埋蘿蔔, 捲埋一卷再攞去燒, 最特別嘅係豬腩卷嘅入面係有一條年糕喺度, 用料雖然唔係特別貴, 但就係好有心思嘅菜式茶餐仲包一杯嘢飲 可以自己揀, 大滿足 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-21
616 瀏覽
雞脾當道之時,雞槌仔更啱心水,冇嗰種要趁熱一次過食晒成隻脾的壓力。四件燒汁雞槌、一份蟹籽芝麻醬冷麵加一罐飲品睇落細細份,食吓食吓都飽肚。好耐冇飲清涼爽,推介自行加冰減甜。留意小店齋做外賣,冇堂食,啱晒依家齊齊抗疫買返屋企開餐。麵條爽口夠涼,芝麻醬份量剛好,條條麵都掛到醬,唔係醬浸麵,喜歡;雞槌仔大細平均,冇煮過龍梅梅爛爛,賣相吸引。不過呢,雞肉淡口,單靠燒汁加味,味道唔夠豐富喔。特價時段餐價減五蚊,有借口試其他餐。 繼續閱讀
(以上食評乃用戶個人意見 , 並不代表OpenRice之觀點。)
B餐 五花腩🥩配薯格🥔 連餐飲🧃 $40五🖐🏽花腩夠入味 幾霖 🤩$40有呢d 食得過👻雖然唔係好夠飽 但係我覺得呢個價錢💰都可接受 如果肚餓👅嘅人 可以叫佢哋嘅飯🍚或麵🍜餐呢間店🏡小本經營🧑🏽‍🍳👩🏼‍🍳 大家支持下佢哋店入邊仲要有文宣貼紙💌 好靚我都忍唔住攞咗啲貼🤤🤣 繼續閱讀
(以上食評乃用戶個人意見 , 並不代表OpenRice之觀點。)