HELLO Kitchen

營業中

休息中

衛生問題：第一次入去呢間餐廳嗰陣冷氣機滴水，心諗算啦。然後呢次去呢間餐廳竟然食到🪳。。。衛生環境勁差。飲品因為係用透明膠杯，飲嘅係檸檬水，見到杯凍檸水裏面有啲黑色飄下飄下嘅嘢，都唔知係咩嚟。。。。服務態度：唔知係咪因為呢間餐廳只有一位職員？服務態度認真麻麻，人多都理解，但係客就只有兩枱，態度又唔好👎🏻食物味道：味道都ok嘅，不上不下。種類都唔太多選擇，意粉同burger。反正係以後都唔敢去呢間餐廳。

蒜香紫洋蔥奶油煙肉雜菌意大利粉$54意大利粉嘅味道好食，奶油嘅份量唔會令人食完覺得好肥膩，食完都唔會有好滯嘅感覺，不過煙肉只係得好幾塊，如果多啲會加好多分。呢個餐仲免費送熱飲，我嗌咗一杯檸檬水，檸檬唔太新鮮，其中一片檸檬仲要得塊皮。😂車打芝士煙肉牛肉漢堡配薯菜 $66牛肉漢堡不過不失，牛肉都juicy，仲有隻煎蛋，蛋汁令漢堡味道層次提升不少。不過薯條係翻炸，仲要唔夠熱，唔脆，味道一般。呢個餐叫咗一杯鹹柑桔，味道都唔錯。

去到餐廳門口落單叫早餐（當時10am左右）餐廳話“唔做外賣”，但平時買過午餐/晚餐都可以外賣自取，而且我地係 “自取” 唔係 “送外賣”，所以再double confirm多次，店員十分不耐煩回答“唔做外賣”，冇解釋任何原因，直接行返入餐廳。唔太明白點解唔可以外賣自取，當時未過早餐時間，餐廳都冇任何客人，唔會係太忙做唔到，睇返早餐menu同店外易拉架都冇寫只限堂食。2023/07/22 10am外賣自取 2人

平時食開lunch,見到出面有一個早餐易拉架。幾吸引。就聽日去左試。一行去姐姐已經叫早晨。好有親切感。叫左一個牛柳粒brunch。出到黎真係同張相一樣。多士唔會好似出面茶記咁小牛油。因本人十分喜歡多牛油。就大膽叫姐姐可唔可以比多舊我。姐姐好好人咁比多一舊我。仲話唔夠可以再比。街坊餐廳真係唔同。臨走時。姐姐仲會好好咁跑出來開門。下次可以試下其他

第一次幫襯叫錯早餐款式都算啦當自己未訓醒，第2次去到叫岩自己想食果款，跟手叫埋野飲但見果個一腳踢招呼客人負責落單既嬸嬸己雞咁腳行左去bar枱，個餐黎到食左一大半諗住等埋杯野飲，點知等極都唔見咪問下個嬸嬸囉，佢竟然而家先同我講話我冇叫到野飲，淨叫野食唔叫野飲會係客人慣性常態咩？當場比佢吹到彈起，費事同佢嘈教精佢，淨係即場落埋杯凍飲飲埋食飽走人算啦，以後都咪駛指意我再去幫襯呢間一個人招呼十幾枱客既垃圾餐館仔，仲要趕住叫客人埋單，驚死走作單咁囉。

HELLO Kitchen (大圍)行完山搵食，經過田心村見到呢間村屋下面嘅餐廳裝修都幾骨子，所以入去試一試。唔坐喺室內，環境都算舒服，現在天氣涼涼哋，也不會太難叫了兩個午餐，一個龍蝦意粉及雞扒意粉有半隻龍蝦，但係味道比較淡，意粉味道也很行要額外加鹽雞扒意粉，雞扒口感食落好似食緊雞胸肉，點解雞扒都可以唔嫩😂希望餐廳可以改善一下食物質素，環境係幾好，但係食物質素就差一點🥹室內地方可以帶狗隻，如果有寵物想同寵物一齊食嘢，這裏是不錯大圍田心村252號地舖

朋友介紹田心村有間餐廳burger好好食，今日放假就過左去食午餐，餐牌有三款burger,我就選擇左黑松露什菌牛肉漢堡，黎到當然相機食先啦，好香既黑松露味，唔似出面咁勁既石油氣味，同個包又真係幾夾。不過食埋薯條真係好飽。店內不算大，但坐得幾舒服。

週末晚同朋友外出食飯路過發現田心村有間西餐廳便姑且一試，果然有驚喜！我倆點了一份龍蝦海鮮餐有一隻龍蝦，兩隻鮑魚，數隻青口及鮮蝦，鮑魚非常鮮味青口亦不會太硬至於龍蝦亦不錯！我們另點了芝士焗龍蝦意粉，龍蝦是半隻原隻上不像出面一般西餐只有龍蝦肉碎，價錢亦非常平民抵食水準亦高。

路經田心村，上次食過呢間幾好食，今次再去幫襯食burger,佢晚餐有幾款burger選擇，今次選擇左龍蝦肉burger,嘩，真係有好多龍蝦肉係度，都幾鮮甜，同牛肉burger都好夾。如果晚餐都有黑松露什菌漢堡就好啦，上次食好香黑松露味，又唔大陣石油氣味。值得推介。

可能係大圍區最好食burger。價錢親民，食物質數高，龍蝦肉意粉係我至愛，牛肉同雞漢堡都係無得頂，唯一無咁好既地方，無咩員工服務，出菜慢一點，因為店主小本經營，價錢公道 所以等下都值得既😌。

未行入間餐廳，淨係見到黑色玻璃門，感覺還好，入到店內，裝修一般，我地兩個人，所以佢安排我坐近門口位置，但未坐低，我老公已話好多烏蠅仔喎⋯⋯，咁我向店員表示想掉位，佢都ok禮貌嘅，坐低之後就叫咗兩份F餐安格斯牛扒 配薯菜同埋兩杯凍咖啡，佢問我幾成熟，就話7成，黎咗兩個蕃茄湯，啲湯淡而無味，啲色好清，明顯材料不足及落咗少許糖增加味道，另外嗰杯咖啡簡直驚為天人，無奶香味無咖啡味，只得甜味，我嗰杯走甜老公嗰杯正常甜，但出黎嘅味係完全一樣，唯一分別係佢熱熱地我冰嘅，最奇係佢冰分開上，雖然我知有啲靚餐廳會咁做，但佢已經咁淡仲落乜鬼冰⋯⋯好啦，等到佢上主菜黎，真心嚇親我，薄切到一個點，大約得0.3cm左右，咁你做咩問我要幾多成熟？個薯條未炸透，個心仲未熱，啲菜就真係白烚⋯⋯我未試過食西餐可以差到咁，真心難食到覺得不可思議，最後佢個冷氣位係會滴水嘅，衛生環境差，奉獻大家不要去幫襯，除非佢有勇氣想試劣食或者你見到佢食評改善咗就另計。補充返，我見另兩枱嘅人都係叫Burger，個樣唔錯幾掂，但味道就唔清楚喇。

是晚與她相見，久違了的甜心，當天相處的片段，成為今天的話題。。。 原定的小店沒有開，隨心到旁邊也好味的【 Hello Kitchen】店舖不大，就是老街坊就知道出色的食品，店員親切，座位不多，但間隔讓人感到有足夠空間。 今晚選擇多菜為主，有煙三文魚沙律，芝士薯條，蟹籽龍蝦肉黑松露意大利粉，芝士焗椰菜花。 煙三文魚沙律：煙三文魚肉外仲有蟹籽令口感更豐富，沙律菜十分新鮮，脆口，分量也不少，襯上至愛的黑醋，再多一客也能全吃掉。 芝士薯條：滿足😈惡慾望，厚切的薯條，加上香濃芝士，完全停不了手。芝士焗椰菜花：又係芝士，呵呵呵，芝士控，開了自動波，沒法子了。芝士焗蔬菜一定夾，一樣大家要試試了。 蟹籽龍蝦肉黑松露意大利粉：味香，松露味濃，可見廚師花心機爆炒好，意粉口感極好，再配上大大件龍蝦肉，嘩！店主真大方，好多塊🥰，蟹籽也一大匙，令人興奮。 小店的好處，就是充滿驚喜，令人喜悅，藉得前來，走一走，尋尋寶。

第一次食，午餐叫左F餐，安格斯西冷牛排配意粉，薄切就算仲無牛味又難咬，咬極都吞唔到，刀切都難切。唔會再食，搵錢都唔係咁搵。真係唔會再有下次，被逼80字打唔晒，係咁。

因為疫情關係好耐都無出街食飯啦⋯呢排天氣回暖風和日麗wfh都work到有啲悶決定今日出去抖抖氣睇吓有咩好嘢食。行到田心村附近大多數都係茶餐廳嚟真係興趣不大點知再行多幾步見到有間西式餐廳就決定試一試。餐牌上有幾個set lunch可供選擇，竟然見到有個burger平時都係食碟頭飯多所以決左試吓個burger睇吓有無驚喜先！等咗一陣店員上菜嘅時候我睇到個賣相當唔錯！burger size比出面一般嘅大入面有芝士，烟肉同一塊厚度適中嘅牛肉，咬落啲肉汁豐富非常juicy另外仲付上了薯菜，薯條係舊式快餐店嘅波浪形薯條真係好有兒時回憶，最重要係佢只係賣$58！另外我加錢試埋佢杯即磨咖啡味道非常香濃今餐lunch真係好滿足好有驚喜！店員仲話佢哋app外賣服務以後我wfh又多一個選擇啦

聞說田心村有間西式小店價錢經濟實惠食物質素性價比高所以趁今日放假專誠過嚟試一試睇吓傳言屬真屬假。地點屬於田心村頭段對着巴士站方向很容易就揾到，原來呢度有幾張露天座位真係好適合而家嘅天氣及環境。先睇睇餐牌午餐選擇都算多有意粉，牛扒，pizza，burger等等，我點了最愛嘅卡邦利意粉及一份雞翼，呢度仲有即磨咖啡可供選擇。等咗一陣我嘅午餐終於嚟到⋯卡邦尼意粉雖然睇落做法簡單但我亦曾經食過好差嘅，呢度個卡邦尼水準超高意粉煙靭有口感味道濃厚又唔會太乾身，最重要係個價錢只係賣$56 喺超市買個叮叮意粉都要差唔多二十蚊啦呢個真係超級十分抵食！雞翼味濃亦夠juicy唔會炸得太乾身，另外我點了杯即磨咖啡，味道非常香濃而且細滑。呢個時勢真係好難揾到一間價錢相宜而食物質素又高嘅店舖，希望小店可以繼續維持落下等多啲人嚟試吓用心經營嘅店舖！