影片
電話號碼
26618380
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
有關獎賞計劃
優惠
星期日係family day帶左仔仔去左科學園放電。踩下單車曬下太陽~夜晚入左呢間寵物友善餐廳，下次要帶埋屋企狗狗來先！呢度樓底好高，仲有戶外區可以同寵物一起食野！室内都見到海景。🥗芒果大蝦$158一上菜有D嚇親，因爲真係超級大份，勁開心！殺沙律醋鹹度剛剛好，沙律菜新鮮。🍕新奧爾良薄餅 $158Pizza又係大份到爆！講緊係成個木盤Size甘大份喔。最重要係多料同好味。餅底好薄脆，要趁熱食正。🦐Butter Chicken Curry $148鷄肉好滑很不錯，咖喱偏椰子味多D好容易入口，甜度岩。整體都好食👍🍎Banoffee Pie $88 呢個甜品好少見但好好食，面層係tiramisu cream不甜的，中間有香蕉，下層係木糠餅碎。超好味，大大份仲配埋雪糕先$88!🥤飲品就正常發揮~原來逢星期一晚任何薄餅、意粉或沙律有買一送一優惠！好抵👍一定會encore♥🥢Harbourview Grill (香港科學園) 🌏沙田白石角香港科學園科技大道東12號12E大樓二座地下S081號舖
繼續閱讀
係新城市行完街, 就搭小巴黎科學園行下食晚餐, 3個字就到都好快, 今晚呢間西餐廳可以望住靚海景, 感覺好Chill，情侶拍拖或者同朋友黎傾計打卡都好適合。佢則邊係熱門單車路徑，同埋海旁都好多人跑步和放狗, 種意跑步, 帶埋狗狗或踩單車既朋友岩哂！餐廳提供室內和室外座位，裝潢型格, 仲有酒吧位置可以飲下野, 座位舒適, 我就揀左坐靠窗邊落地玻璃位置, 可以望到靚景。*Prawn & Mango Salad沙律菜新鮮, 蝦隻爽口彈牙, 配搭芒果, 好開胃*Mexican Nachos (墨西哥玉米片)玉米片配芝士，食既時候可以加上醬料, 提供左3款（牛油果醬、蕃茄肉碎醬、酸忌廉），食落多層味道又香口！呢款小食餸啤酒一流*NZ Grain-Fed Rib Eye Steak 12oz (NZ 肉眼扒配薯菜)肉眼扒要左medium, 煎得外層焦香, 內裡肉質juicy, 同埋都幾大塊和厚身，牛味濃郁，點埋醬汁, 更惹味, 薯條即炸熱騰騰, 正！*Classic Cocktail ~ Frozen MargaritaMargarita 都可以好多配搭, 我就揀左Passion fruit 和Frozen, 望落去可以打卡, 飲落非常冰涼, 小小酸酸地, 真係好岩夏天, 同埋都好大杯, 可以慢慢飲, 個人喜歡整體店員親切有禮, 都有主動問下野食味道如何, 感覺輕鬆愉快, 食物質素滿意, 下次可以試下set dinner, 都幾抵，星期一又有優惠, 買一送一！
繼續閱讀
香港科學園遠離繁囂，一向是假日踩單車、食飯好去處，趁著週末就來到位於海旁的 Harbourview Grill ，餐廳分為室內室外用餐區，戶外座位為寵物友善區域，可以帶狗狗，空間更開揚，還可遠眺吐露港海景，迷人景色盡入眼簾，內裡樓底夠高，面積寬敞，氣氛悠閒，坐得舒服，餐牌選擇繁多，逢星期一晚任何薄餅、意粉或沙律有買一送一優惠。墨西哥餡餅 $128經典Quesadilla餅皮口感酥軟得來帶點韌勁，吃起來保留著單純的麵粉香，點上酸忌廉醬、牛油果醬和番茄莎莎後，更能散發濃濃中南美洲的異國風味，餡餅裡面釀滿雞肉芝士餡料，隨著烤過的高溫都融化出來了，芝味無窮。新奧爾良薄餅 $158Pizza 大大個，熱烘烘出爐，美式薄餅比傳統意大利拿波里Pizza更薄身香脆，配料豐富，舖滿雞肉、蘑菇、菠菜、薯仔、酸忌廉、甜辣椒汁，微辣惹味，還有誘人的芝士拉絲效果。烤牛肉漢堡 $168 最傳統的基本款漢堡，夾著厚切牛肉漢堡扒、生菜、洋蔥和番茄，另加$10可加配焦脆煙肉，包身烘出外層輕脆的口感，內裡鬆軟有彈性，帶有微甜牛油香，漢堡扒牛味濃厚，口感扎實爽彈，煎得帶有焦香，同時又能鎖緊肉汁，薯條炸得金黃酥脆。朱古力心太軟 $98將溫熱的心太軟伴雲尼拿雪糕吃，帶來一冷一熱的雙重感官體驗，切下脆脆的表層就會緩緩地流出香濃醇苦的朱古力醬溶漿。The Blue Mist $68Happy Hour 時段為3-8pm，上桌時點燃迷迭香，增添一抹深邃的煙燻氣息，以蝶豆花調配的Gin Tonic色澤瑰麗，入口清涼解渴。
繼續閱讀
最近搵到間環境優美嘅西餐廳， 望住個日落用餐真係特別浪漫， 啱曬情侶拍拖同閨蜜打卡。鄰近就係熱門單車路徑，愛踩單車朋友仔一定要嚟試呀！如果怕熱既話，坐室內都可以，窗邊落地玻璃位一樣望到靚景。餐廳設計很有格調，酒吧位好大好搶眼，座位闊落坐得好舒服。⭐墨西哥餡餅餡餅夾住有芝士、雞肉、香料，食既時候加入3種醬料（牛油果醬、蕃茄肉碎醬、酸忌廉），帶出不同既口感！個人喜歡牛油果醬，食落會覺得好夾好清新。⭐芝士大蝦意粉呢款意粉夠哂creamy! 濃郁既芝士忌廉醬好好食！ 大蝦爽口彈牙，意粉軟硬適中，菇類帶出鮮味！而且份量夠哂大！好抵食⭐NZ 肉眼扒配薯菜肉眼扒大塊又厚身，烹調時間岩岩好！ 肉質軟淋夠曬juicy，而且牛味好濃郁，食既時候帶有一點微焦的香氣 十分推薦。伴碟有薯條及沙律，性價比超高！⭐COCO LOCO / Freshen Up每天3pm - 8pm係happy hour 時間，指定飲品會做特價！個人喜歡 Freshen Up, 佢係荔枝加青檸再加ginger soda, 酒如其名，非常醒神。餐廳整體性格比挺高的 食物質素同份量都相當滿意 而且環境優美 週末帶埋狗狗嚟散下步都幾好 ，令人離開一下煩囂！而家餐廳夜晚既set dinner 真係好抵食，星期一仲會做買一送一優惠！下次帶埋媽咪過來chill下先！
繼續閱讀
上星期在吐露港踏單車後，經過科學園，留意到一間海景餐廳，設有户外餐枱，內面座位寬敝舒適，盡覽海景，週一至五午市設有自助餐，非常吸引，今日特和朋友來吃午餐。看過餐牌，自助午餐可以用特惠價錢追加主菜和飲品等多個選擇。自助菜式頗豐富：有磨菇湯、烤蒜蓉包、沙律、咖喱大蝦及飯、炸物、肉醬意粉、蔬菜、煙肉腸比薩、磨菇素比薩、朱古力蛋糕。其中咖喱大蝦及煙肉腸比薩最值得推薦，咖喱不辣但惹味，鮮蝦大大隻。比薩新鮮即烤，香噴噴，餅底香脆，有濃厚芝士，饀料豐富。自助餐包指定餐飲，新鮮滴漏咖啡味道香濃。追加主菜：「西冷扒」外皮煎香，五成熟，肉質鮮嫩多汁，口感十足，配菜有南瓜、紅蘿蔔、西蘭花，再淋上調味汁，好滋味。「阿拉斯加比目魚」份量不少，一大塊。外面微微煎香，肉質嫩滑無比，無腥味，啖啖肉。追加飲品：「紅酒」一杯紅酒，送牛扒最合適。另加甜品：「朱古力熔岩蛋糕」朱古力蛋糕配雪糕，切開蛋糕後，裏面的熱朱古力如熔岩般流出，十分吸引。蛋糕主體亦非常幼滑，加上甜甜的朱古力醬，是道出色的甜品。一邊享用美食，一邊欣賞風景，非常滿足，意猶未盡。原來餐廳逢星期一晚有買一送一優惠，我計劃下次再來吃晚餐，帶埋狗狗，選戶外座椅，享受美食及柔柔自然晚風。
繼續閱讀