Hama Sushi

營業中

休息中

中午12時到了東港城一田百貨旁邊的hama sushi午膳，不用等位便可以入座，一個人也可以坐卡位十分舒服。初步看，餐單裏的選項似乎比壽司郎多，而且價錢普遍也比較平。集中看每月推介的項目，選了大蝦壽司$12、穴子壽司$12、螢光魷魚壽司$12、海膽軍艦$22、吞拿魚壽司$17；熱食的選擇也很多，我選了鴨肉蕎麥麵$34；甜品我選了黑糖蕨餅配雲呢拿雪糕$17（本身想點栗子蒙布朗，但他說準備中一直都等不到有點失望）；整體味道合格，性價比不錯，比較欣賞他提供的熱食，也喜歡他提供不同風味的醬油供顧客選用（我自己比較喜歡昆布醬油），全部合共連加一服務費$138。環境方面，雖然坐得舒服，但整潔度方面也有少少瑕疵，餐桌上不難發現角落位置有一些污漬，以日本餐廳的標準來說，這是不太理想的。另外餐桌上也應該安排一個小收納盒供食客擺放垃圾；而吧檯座位的食客也應該要有一個籃子或地方擺放隨身物品。

每次經過はま寿司都見到勁多人等位，星期日下午兩點幾時間，行過見到唔多人等位，就撳飛去試吓。店入面好光鮮乾淨，同壽司郎一樣用平板點餐。因為唔知會唔會幫襯第二次，一口氣點咗15款壽司、飲品同甜品。佢嘅款式係多，但食物質素方面好壞參半。我點咗下面嘅菜式：海膽三文魚子軍艦 $17呢個真係覺得正，佢個海膽夠新鮮，冇腥臭未，配搭三文魚子食落好有驚喜。原條穴子 $36好大條嘅穴子，所以我地兩個人要一條share。味道屬正常。特大天然赤蝦 $17蝦肉夠新鮮，肉質彈牙，size亦比佢其他菜式正常，唔係得半隻咁嚇人。鮮蝦天婦羅 $12同樣係正常嘢，外皮夠脆，蝦肉都係爽脆，有扼人。明太子沙律 仿皇帝蟹柳 $12食唔出有明太子嘅味道，完全比沙律醬嘅味道覆蓋哂。佢嘅仿蟹肉有啲濕，口感一Pat嘢咁。北海道大生帆立貝 $22我諗住有個大字，隻帶子係好大隻，估唔到係細細隻一粒仔，我要少飯啫，冇理由連粒帶子都縮水🤣。吞拿魚沙律軍艦 $12呢個因為圖片數量限制就唔出相，反正我唔堆介食。佢個吞拿魚沙律好似一篤嘢咁，食落口係一堆漿咁，我覺得係呢餐最差嘅一款壽司。松葉蟹肉蟹膏軍艦 $17呢個有驚喜，佢個蟹肉配蟹膏真心覺得好味，

#豬同鴨講 #Pig2duck▫️🔍 Hama Sushi #はま寿司📍 香港將軍澳坑口重華路8號東港城2樓223及225號舖▫️📝 ★★★★☆ 👍▫️▪️▪️▪️▪️▪️▪️▪️▪️▪️▪️🍣日本過江龍平民壽司店，價錢相宜💰▪️▪️▪️▪️▪️▪️▪️▪️▪️▪️▫️【 大切吞拿魚腩 】HK$12 🐟 吞拿魚腩油脂唔算豐富，食落帶點微酸，吞拿魚味突出▫️【 真鱈白子軍艦 】HK$17㊙️ 白子即係精巢，接受到先好叫呀，滑捋捋，味道偏淡▫️【 炙燒焦糖三文魚腩 】HK$12👍🤩 超好食，三文魚腩油脂味好香，魚油味非常突出，配埋焦糖一流！推薦‼️▫️【 蔬菜天婦羅 】HK$12🥬 完全唔似食緊蔬菜天婦羅，炸到脆卜卜▫️【 醬燒日本鯛魚 】HK$17🐟 鯛魚口感彈牙，比三文魚煙靭，但味道鮮甜，魚味濃郁▫️【 炸雞胸軟骨 】HK$12🐓 炸雞軟骨，外脆內軟軟骨脆卜卜！好啱送酒🍻▫️【 朱古力芭菲 】HK$29🍨 一大球雲呢拿雪糕係面，有啲Brownies🍫﹑粟米片﹑忌廉同朱古力醬🍦😈 非常邪惡，完美地為今餐落幕 🈵😌▫️▫️完！▫️▫️▫️

服務態度一般，如果有出去試過幾間就會有比較所有壽司魚生都係好薄，普普通通主要好奇怪嘅係中拖羅同大拖羅嘅顏色，好紅（同食開x氣，xx郎唔同）口唔係好敢食。食個中拖羅，覺得質地好似擦膠咁，麻麻哋，跟住試嗌大拖羅，👉🏻結果係兩塊中拖羅嘅薄魚生放埋一齊就叫大拖羅呢樣嘢真係好驚嚇🙀(圖片右下角）拖羅蓉壽司，質地好似未解凍完好幾款壽司尤其是軍艦的壽司，未包實就上碟，落到枱散晒嗌咗碗豚肉加量版來的時候得1塊豚肉👍🏻好犀利咁都得（唔知係出錯定係趕收工，都等咗好耐）本身諗住投訴，不過都已經食到好晏，前面啲嘢食都好失望，唔想有糾纏。試完唔會再返轉頭

新店開張每日都好多人排隊，等位咁岩係超市門口，好似阻住條街咁，壽司質素一般，壽司飯鬆散較酸，而且份量細，魚生非常薄同細。餐廳乾淨企理，一人一部點餐ipad,適合一人用餐，用餐位置唔算好迫。

呢間壽司店係Sukiyaki牛肉飯同一個集團旗下，但個人認為就冇牛肉飯做得咁出色。入到去見價錢唔貴，仲平過壽司郎。但真係一分錢一分貨，叫一碟$12嘅壽司唔好太大期望。叫$17、$22、$27價位嘅，就真係靚啲好食啲。$17 嘅大切三文魚，比起$12碟嘅靚好多。$27嘅中拖羅（兩塊魚、一舊飯）呢碟唔記得幾錢，最下面係吞拿魚蓉。上面係兩款吞拿魚；如果$12碟兩件嘅，就係咁嘅貨色。我地坐卡位，就唔係太逼。店內環境光猛，都坐得舒服。不過衛生就唔算非常好，入座時座位上面有食物碎。

今口路過,見呢間壽司店不用排隊,就入去試下...吧枱座位比較窄,4人卡座亦相當迫,但新開業不久,尚算干淨企理,用pad點餐,逐碟叫,可慢慢揀,慢慢食!運輸帶送食物,方便快捷.....炸蠔唔錯,有蠔味,都只係$12,抵讚👍白蝦盛海苔包亦好足料,白蝦多到呢.....🤪柚子炙燒吞拿就普通左D.....京蔥辣熟蝦就怪怪的,唔似日式囉!都係炸蠔比較出色,叫多碟净炸蠔3件,食過夠!整體食物同價錢成正比,不過不要期望過高!總結,服務員工有禮,招呼殷勤,地方干净,光猛.....食餐晏啫,一試無妨,唔好太過奄尖啦!😄

本身諗住食隔離元氣，但見呢間新野乾乾淨淨，裝修幾靚又唔係等好耐，決定試下新野，點知就中左伏。求其嗌左啲typical既三文魚壽司、吞拿魚壽司、甜蝦壽司，仲有碟話係期間限定既壽司，黎到個賣相已經唔掂，又乾又唔肥美，但應該有魚生既紋路，食落口樣樣都係below average, 舊垃圾期間限定似食緊擦膠咁又無咩鮮味，茶碗蒸蛋既質地同壽司郎、元氣亦有唔同，無咁好食。簡單黎講，間舖頭得個樣，真係愈食愈嬲，無樣好食，唔會再幫襯。不過呢個算係開張無耐果陣既情況，唔知依家會唔會有改善，但都唔㑹再去。

坑口附近又多一間平價壽司店, 壽司款式有很多, 都是自已在平板落單, 食物送到時間都好快, 整體味道正常, 無特別突出的地方, 可以一試, 見到隔離有食甜品, 今次無試, 留下次 環境 : 餐廳新裝修, 明亮舒服 服務 : 職員有禮貌 價錢 : HK$216, 共11碟 (含加一服務費)

今晚嚟咗將軍澳東港城搵食,試下新開既日式連鎖壽司店,重點係見佢營業時間去到晚上10時,平時夜了8時想食晚餐在商場內好難搵到店可以食,到門口需要攞飛,好快就叫,一行四人入座,座位夠寬闊,光線充足,仲點比起同類壽司店衛生整潔,好舒適抵讚,先用小營幕點食物,食物種類多,壽司,剌身,軍艦,卷類,麵類,湯類,小食,甜品,飲品咩都有,而本人喜歡小食既種類很多,炸雞,芝士薯條,章魚燒,薯餅,天婦羅,蓮藕片最特別,下次可以試下,同埋壽司飯都係用100%越光米,最特別枱上有五款不同口味既醬油,隨自己配搭,欣賞!點了藍鰭吞拿魚,正!因價錢不貴,不停點壽司,勁滿足!仲有小食薯條,叫了二次,叫埋甜品，整體滿意!會再嚟幫襯!

我唔係住將軍澳 不過知道呢間舖頭好似新開無耐 又唔想下下都去壽司郎或者元氣食 所以晏晝試咗呢間 點知都有啲驚喜喎👍🏼我個人唔算好鍾意食魚生 所以揀熟嘅壽司或者拉麵多 整體選擇都有好多 同埋又唔算好貴 我揀嘅大部份都係$12一碟 真係幾好食😁仲有叫咗個$36拉麵都唔錯 同女朋友食咗$300到 都已經爆到黐線😂所以都幾值得再嚟試多次鰻魚壽司個人就比較鍾意 因為佢啲照燒汁幾隻😂之後仲有熟牛肉壽司 都係唔錯希望佢可以開多幾間分店啊😆女朋友仲話會帶屋企人泥試下

吾明香港人真係好鍾愛食壽司，間間都要排隊的，呢間新開都係要排隊的，食品包羅萬有…拉麵、天婦羅、甜品、雪糕、手卷、茶碗蒸、軍艦…咩都有，價錢經濟實惠，我最喜歡食拉麵、綠茶雪糕、天婦羅，HAMA 醬燒牛肉必食…..不過無軟殼蟹手卷

坑口除左元氣、壽司郎、爭鮮，又再開多間迴轉壽司喇，又可以多個選擇，一個星期四日都可以食唔同壽司，正呀。預先網上訂位，訂左 6:45，都好高效率，6:48 已經可以入座。因為新開張，所以都好光猛新淨。但座位編窄，4人卡位真係迫迫地，如果要放埋外套同手袋，真係有 d 坐得唔算舒服，枱面好細但要放餐具、醬油，淨番枱面位置好少。反而通道就非常闊落，設計上有 d 浪費，通道可以縮減少少，座位加番闊少少。一樣係用 pad 落單，食物都好快就送到。醬油有5款口味，好勁。推介味道 ok 既 : 大切生三文魚，夠大件夠厚、炙燒鰻魚，雖然比較細片，但有炙燒味、炙燒焦糖三文魚腩，焦糖燒到有 dd 脆，甜甜咸咸咁幾好味、香辣京蔥絲吞拿魚蓉，吞拿魚蓉加埋辣油，好過癮、吉列蠔軍艦，隻蠔都算大隻，外面炸得好鬆脆。唔推介既 : 長鯺吞拿魚、油甘魚、鱆魚小丸子。街坊可以食吓，唔係住附近既唔使專登過黎食。