每次經過はま寿司都見到勁多人等位，星期日下午兩點幾時間，行過見到唔多人等位，就撳飛去試吓。店入面好光鮮乾淨，同壽司郎一樣用平板點餐。因為唔知會唔會幫襯第二次，一口氣點咗15款壽司、飲品同甜品。佢嘅款式係多，但食物質素方面好壞參半。我點咗下面嘅菜式：海膽三文魚子軍艦 $17呢個真係覺得正，佢個海膽夠新鮮，冇腥臭未，配搭三文魚子食落好有驚喜。原條穴子 $36好大條嘅穴子，所以我地兩個人要一條share。味道屬正常。特大天然赤蝦 $17蝦肉夠新鮮，肉質彈牙，size亦比佢其他菜式正常，唔係得半隻咁嚇人。鮮蝦天婦羅 $12同樣係正常嘢，外皮夠脆，蝦肉都係爽脆，有扼人。明太子沙律 仿皇帝蟹柳 $12食唔出有明太子嘅味道，完全比沙律醬嘅味道覆蓋哂。佢嘅仿蟹肉有啲濕，口感一Pat嘢咁。北海道大生帆立貝 $22我諗住有個大字，隻帶子係好大隻，估唔到係細細隻一粒仔，我要少飯啫，冇理由連粒帶子都縮水🤣。吞拿魚沙律軍艦 $12呢個因為圖片數量限制就唔出相，反正我唔堆介食。佢個吞拿魚沙律好似一篤嘢咁，食落口係一堆漿咁，我覺得係呢餐最差嘅一款壽司。松葉蟹肉蟹膏軍艦 $17呢個有驚喜，佢個蟹肉配蟹膏真心覺得好味，味道好flesh，值得一試。炙燒芝士沙律醬玉子 $12佢個配搭得幾好，玉子好軟熟，加上芝士沙律醬，刺激味蕾。香脆薯條 $12炸得都好脆，雖然啲薯條幼咗少少，但都自唔錯。炸雞2件 $12因為照片數限制，我選擇唔出呢張相，因為連我呢個「雞人」都覺徥唔太好食，幸好只係叫咗兩粒。我唔太喜歡嘅理由係佢有雞皮之餘仲要勁肥膩，我咁鍾意食雞皮，都唔太頂得順佢果個口感。大切三文魚 $17又一個比佢個「大」字扼左，講橫切面係稍大少少，可惜係切得太薄，薄到冇乜口感，件三文魚係新鮮，但我真係唔知係咪因為要少飯，連件刺身都要縮水。和風粟子蒙布朗 $17我向來唔食粟子嘢，我都係試下，但有驚喜嘅係，佢個粟子味好香好突出，同一般西餅店果啲苦苦臭臭完全唔同。可能會有人覺得偏甜，但唔甜就唔叫甜品。和風芭菲 $29嚟到最後一件甜品，和風芭菲個味道係標準嘅日式味道，佢個抹茶雪糕嘅味道都夠濃郁，$29蚊完全係合格。威士忌梳打 $27呢個就真心冇乜特別，味道偏淡，威士忌嘅味道都唔算太出，如果想飲酒的話，寧可貴少少飲清酒🍶。總括嚟講係，有啲菜式係唔太差，刺身係新鮮，只不過係太薄切，同埋價錢係比壽司郎平少少，我哋叫咁多嘢埋單$383，加上有啲係要叫兩碟，呢個價都唔太過份，佢款式亦算多，如果見到冇乜人又想食下日本嘢嘅話，都可以試吓。…查看更多
