影片
港鐵銅鑼灣站 F2 出口
繼續閱讀
開飯介紹
caffè HABITŪ the table是一間悠閒舒適、富時尚型格的意式精品咖啡店餐廳，並一直以意大利人對生活飲食講究的嚴選態度作為服務宗旨。caffè HABITŪ精心挑選優質的自家調配烘焙咖啡，彌漫著獨特的幽香，並且含豐富的層次和口感。店舖環境優雅，洋溢著簡約的歐陸風味，正正反映了品牌尤其著重意大利人熱情、富活力和對生活講究的態度。
繼續閱讀
特色
飲o野傾計
附加資料
無肉餐單詳情: 逢星期一提供多款素食菜式，另每天供應少量素食菜式。
營業時間
星期一至日
11:00 - 22:00
以上資料只供參考, 請與餐廳確認詳情
食家推介
相關文章
今日收工去銅鑼灣Hysan Place嘅Habitu，體驗一下佢哋嘅法式風味！話說呢間餐廳環境真係幾有格調㗎！📸 (唔記得Selfie 㖭) 柔和嘅燈光, 簡約時尚嘅設計, 配上輕柔嘅背景音樂, 真係好relaxing, 好適合同朋友慢慢嘆吓嘢傾吓計。雖然座位之間嘅空間可能略嫌侷促少少, 但整體氣氛依然舒適😌。先講講食物! 我哋叫咗佢哋嘅招牌菜—燒豬鞍同埋百里香檸檬煮日本蜆。先嚟個主角—燒豬鞍! 賣相一流, 金黃色嘅豬鞍皮, 香脆可口, 肉質鮮嫩多汁,配上香濃嘅醬汁同埋薯條, 簡直係完美組合! 😋 不過, 可能因為我哋嘅要求比較高, 覺得豬鞍略嫌乾了一點, 但整體味道依然不錯!至於呢個百里香檸檬煮日本蜆, 真係要畀個like👍🏻! 蜆肉鮮甜肥美, 湯汁嘅味道恰到好處, 酸酸甜甜, 帶有淡淡的百里香香氣, 令人回味無窮! 我哋仲叫咗個炒磨菇同菠菜做配菜, 味道都唔錯, 清爽解膩🍄🥬。服務方面, 侍應嘅態度非常友善專業, 笑容可掬，令我哋感覺賓至如歸😊! 價格方面, 整體而言係合理嘅, 畢竟地點係銅鑼灣Hysan Place嘛!總括嚟講, Habitu 嘅環境同食物都幾夾, 係一個適合朋友聚會或者情侶約會嘅好地方💖! 如果可以改善豬鞍嘅濕潤度就更加完美啦！Dr. Martin's Rating: ⭐⭐⭐⭐ (4.5星)推薦指數: 強烈推薦! 想體驗一下舒適環境同高質法式菜式嘅朋友, 不妨去試吓！建議改進: 可以考慮調整燒豬鞍嘅烹調時間, 令肉質更加濕潤。
繼續閱讀
星期六嘅下午，同男朋友銅鑼灣shopping，行行吓覺得有啲攰，專登上嚟諗住飲杯咖啡食件cake。咖啡嘅賣相係唔錯，一如既往好飲嘅。不過，可能因為係週末嘅關係，店外誠品嘅人流比較多，令到餐廳內環境都幾嘈吵，傾偈都有啲困難，坐得唔係好舒服。另外，職員嘅服務都不太主動，整體來講我覺得去其他分店比較好，蛋糕叫左抹茶opera同朱古力蛋糕，味道係正常，亦唔特別推介所以冇影相。就係咁，匆匆忙忙咁食完飲完就走了。
繼續閱讀
今日放假，可以約啲朋友食個HEA LUNCH，出邊天氣實在太熱，都係響商場入邉搵食最好。蒜香蝦薄PIZZA ($168) 比想像中好食。雖然無CRUST， 個底焗得幾脆，就算放咗廿分鐘之後都仲脆，啲蝦都無欺場，真係全部原隻大蝦，用手食啱啱包住一件一隻，加埋夾住大量火箭菜，輕盈得黎唔肥膩。蟹餅柚子醬 ($118)，三個人三件，一人一件。望落去件頭唔大﹐不過蟹肉都幾多，而且佢唔係炸，無咁油。日本蜆柚子胡椒意粉 ($158)，我係好鍾意食柚子胡椒嘅，所以我覺得佢唔係好夠柚子胡椒味，但我啲朋友就話OK，唔會太辛辣。要讚下啲蜆，厚身，嫩，仲有少少海水味，但係無咩入到柚子胡椒味。三重芝士香草腸闊蛋麵 ($128)，個牛肉燒汁底幾好食，仲隱隱有陣酒香。芝士有拉絲，雖然料唔多，味道唔錯，算係偏濃味﹐所以啱我。兩個朋友最後食埋個心太軟 ($78)，一人一半（我唔食）；目測少少流心，味道佢地話普通心太軟，無咩特別。其實有叫咖啡飲，不過飲完先記得未影相… 我嗰杯係橙香iced americano，之前響其他地方飲過，哩度都幾好飲，鍾意佢甜酸苦味出奇地夾。佢啲嘢食普遍輕盈，碟頭唔大，CAFÉ食物，係啱女仔食啲，味道中上，服務唔錯，仲會行過黎換下碟。環境都幾好，舒舒服服傾下偈﹐最後坐足兩個鐘，都唔會趕人走。
繼續閱讀
星期日到Habitu食午餐，我們散點菜式，再點飲品，我們點了香草大蝦扁意粉，蒜香青口意粉，蒜香蝦薄餅，柚子蜜糖雞翼，甜品點了可麗餅。飲品要了奶茶、咖啡及凍果茶。大蝦意粉蝦有腥味，味道一般。薄餅雞翼正常發揮。凍果茶比咖啡貴，但外觀及味道都無特別。食完咸點再吃甜點，服務員沒有主動換碟，服務都是一般。
繼續閱讀
見到社交網站廣告，Habitu同誠品書店推出聯乘Menu「文學在餐桌」，咁我就同一樣好鍾意睇書嘅侄仔專登約出去銅鑼灣食，點知非常失望。7點半左右，見到店內得返高檯，我年紀有返咁上下就緊係坐唔到，好彩店外仲有幾個位，係就係焗啲同叫店小工冇咁方便，但算啦，因為本身最想都係支持文學。我地叫左兩個套餐，只係主食唔一樣。個湯係雜菜湯，同普通快餐店的冇咩分別，只係用咗個咖啡杯黎裝叫做高級啲。沙律都係冇特別，都係菜呀芝士粉咁，應該係同文學冇特別關係。點知呢，呢個時候竟然上咗飲品……我同侄仔真係哭咗，好後悔冇專登提店小二等到甜品先上。我介紹侄仔加錢飲佢地果個特色招牌焦糖咖啡，佢覺得好飲嘅。我就要咗黑咖啡，味道都幾淡，好啱怕苦的人。主菜一：軟殼蟹蟹肉意大利燴飯唔知係咪本人食開cheap野，咬唔到蟹肉，果個軟殼蟹只係食到麵粉。本人都唔知咩係正宗意大利燴飯，我就當佢係硬少少嘅白粥咁食，都冇話唔得嘅。主菜二：茄子芝士蕃茄醬意大利手工貓耳粉啲醬好酸呀，好啱鍾意食酸味嘅朋友。食食下，侄仔頂唔順，醒起可以問店小二拎黑椒，店小二就比咗支唔係grind嘅黑椒粉，但食多兩啖，侄仔就話唔食喇，佢話撈埋sour cream，好似嘔吐物味道。因為本人好耐冇嘔過，已經忘記了嘔吐物味道，所以就可以食埋侄仔唔食嘅得意貓耳粉。去到甜品，真係首尾呼應，又係用咖啡杯裝，甜品個名叫玫瑰士多啤梨芭菲。個雪糕球唔係雲呢拿味，係益力多味。呢個甜品係酸味多過甜味，因為士多啤梨片同藍莓都係非常酸，應該啱孕婦口味。侄仔就話玫瑰花瓣同塊葉阻住佢食野，我就叫佢唔好嫌三嫌四。我見到侄仔黑晒面，話要去誠品睇書，於是好快就埋單啦！記得呀，誠品會員呢個餐單有八折，盛惠$389，但店小二話佢地同誠品唔同公司，所以冇得誠品會員儲分。我同侄仔最失望的係，食完都唔知邊忽同文學有關，Menu冇解釋，侄仔催促我舉手問店員，我同侄仔解釋，唔好阻人做野！最後提提大家，出面的檯都幾細，唔係好夠位放得晒啲碟，做客人要醒爬，幫下店小二，自己食完疊好杯碟，等店小工送食物黎時，方便店小二收走食完的杯碟，唔係佢地就放唔到新食物～～
繼續閱讀