84
4
0
港鐵上環站 A2 出口, 步行約8分鐘 繼續閱讀
電話號碼
34892348
開飯介紹
主打泰式串燒,所有串燒醬汁均是自家製作,設有不同辣度選擇。另外供應多款酒精飲品。 繼續閱讀
營業時間
今日營業
15:00 - 23:00
星期一
全日休息
星期二至六
16:00 - 00:00
星期日
15:00 - 23:00
付款方式
Visa Master AlipayHK 支付寶 現金 八達通
其他資料
網上訂座
酒精飲品
電話訂座 詳細介紹
賞訂座積分
外賣服務
室外座位
當面支付
有關獎賞計劃
食評 (91)
好耐無去過中環哩邊搵野食,今次就黎試下哩間泰式酒吧餐廳,餐廳環境型格,有彩繪牆打卡位📸️仲要不停播住啲英文歌,真係幾chill幾有feel。餐牌上面好多泰式食物可以選擇,部份食物都係辣既,而且辣得好過癮,食得辣既人會覺得好正😆但如果你唔食得辣都可以叫小辣或者走辣。🥬Thai lard lettuce wrap $128生菜包既肉碎用既係新鮮豬肉,所以食落特別鬆軟入味,質感濕潤,仲要加左好多洋蔥同唔少辣椒,超香辣惹味,而且生菜新鮮爽甜,哩個真係好食推介👍🏻🍝Thai basil chicken spaghetti half $68超香橄欖油味,意粉質感彈牙,軟硬度適中,加上紅椒、青椒、雞肉絲同兩款唔同既辣椒,同樣香辣可口。🍢串燒Wagyu和牛 $32Chicken thigh雞髀肉 $28Naem sour pork sausage豬肉脆皮酸腸 $32Pineapple菠蘿 $28和牛肉質軟腍,唔洗點醬汁已經好惹味;雞髀肉都燒得香口;豬肉腸酸甜開胃,裏面除左豬肉碎仲有豬軟骨碎,口感比較豐富,係香港既餐廳比較少見到,值得一試;燒菠蘿份量好多,好抵食,鮮甜多汁,用黎解辣真係一流。另配兩款自家製醬汁,一個係味道甜辣既泰式辣醬,另一款係沙嗲醬,裏面有花生同蝦,蝦米味好突出。🦐Thai crackers $28蝦多士面鋪上滿滿既芝麻,充滿芝麻香,咬落去非常鬆脆,裏面係蝦滑,質感彈牙,配有蝦餅,蝦味突出,相當鬆化。🍹Sabai Sabai $98加左檸檬同薄荷葉,味道微酸清新。🍺Vitamin C $118Orange vodka,orange juice & bottle of Thai red bull最特別既係裏面加左泰國紅牛,有豐富既維他命C,酒類飲品黎講味道偏甜,比較適合女仔飲。🧋Thai Milk Tea cold $48味道好正宗同濃郁,奶味同茶味都好香,好飲推薦👍🏻整體黎講,哩間泰式餐廳嘅食物質素相當高,基本上樣樣都好食,夠曬香辣惹味,絕對值得一試,亦係我會回訪既餐廳。 繼續閱讀
(以上食評乃用戶個人意見 , 並不代表OpenRice之觀點。)
呢間餐廳位於蘇豪區,近期人氣相當高!🔥 係Soho 嘅打卡熱點📸 佢最靚嘅打卡位就係佢個門口個彩繪玻璃,我見有唔少身邊朋友都特登過嚟打卡㗎!👀 入到去氣氛都幾好,店內播放住強勁音樂🎶 我見唔少人都係過嚟同朋友慶祝生日同暢飲,場面夠哂熱鬧,氣氛咁正自然就成為咗大家嘅新蒲點!🤣呢道菜式唔算好多,有得揀Mains,Skewers,Small bites!仲有Vegan menu🌿 酒嘅種類就好多款,可以盡情飲,老闆仲會親自調酒🤙🏻❤️ The Crying Tiger Steak “seua rong hai” $208呢個係佢哋人氣菜式之一💗 我見每枱都有叫🤣 佢哋選用美國安格斯肉眼扒,肉質柔嫩,牛肉味道濃郁🐂 配上佢哋自家調製nahm jim jaew醬汁,鹹甜酸辣味留在口腔持久不散,幾惹味😙❤️ Thai Basil Chicken Spaghetti (Half) $68驚食唔哂所以叫咗半份💁🏻‍♀️ 呢碟意粉好泰式,有雞胸肉、辣椒同金不換!意粉煙韌,辣味十足🔥 食得辣嘅朋友可以挑戰吓,辣得嚟都幾過癮!唔食得辣嘅朋友就要自己衡量啦~ 😏❤️ Skewers佢哋串燒係配兩款醬,有自家製沙嗲醬同辣椒醬!☞︎ Wagyu $32和牛軟嫩多汁,牛味唔算好重👀☞︎ Chicken Thigh $28肉質軟腍,唔會燒到好乾柴👌🏻☞︎ Pork Sausage $26食落無論質感同味道有啲似食緊台灣香腸😂 口感紮實,味道甜甜哋!❤️ Sriracha Chicken Wings $68用常見嘅泰國是拉差醬去整,雞翼香脆好滋味,香辣醒胃🌶 佐酒一流!🍻❤️ Thai Iced Lemon Tea $48 & Fresh Lime Soda $42叫咗兩款無酒精飲品!叫之前好好奇Thai Iced Lemon Tea 會係咩味,味道偏甜,茶味都幾濃。Lime Soda配泰菜一流,好refreshing,如果大杯啲就更爽啦😚餐廳推薦度:⭐️⭐️⭐️⭐️ (4/5)週末或假期過嚟chill吓都唔錯😝 呢度逢星期五、六晚仲會有Live DJ,今次錯過咗添🥲 好可惜呀⋯⋯補返Menu先👇🏻 繼續閱讀
(以上食評乃用戶個人意見 , 並不代表OpenRice之觀點。)
餐廳:H.O.P House on Peel (中環)地址:中環卑利街63-63A號地下A號舖難得去到中環果邊食飯,心郁郁想飲返杯🍸,緊喺搵返間又chill、個vibes又正嘅bar and restaurant坐低享受此時此刻啦😎行到卑利街聽到呢間H.O.P House on Peel就比佢嘅House Music吸引咗🎶,作為一個音樂愛好者😛,食飯果陣有正嘅音樂真喺食都食得開心過人,所以就決定入去食個飯relax吓啱啱7點鬆啲仲未喺好多人,有機會同好Chill嘅老闆傾咗兩句,而最令我疑惑嘅喺點解間餐廳有咁多教堂嘅元素💒,又有好多教堂都用嘅馬賽克玻璃壁畫,又有米開朗基羅名畫《創造亞當》嘅一部分,同Bar唔喺太match但又真喺勁有feel🤟。一問底下先知原來老闆以前喺英國成日去一啲荒廢咗嘅教堂,播住House Music,一班朋友邊wave邊chill,感覺真喺好正,所以想將呢種感受帶返嚟香港開咗呢間餐廳🇭🇰而House On Peel就自然解做House Music on Peel Street啦🎵,疫情緩和,每個星期五同六晚都有DJ打手喺餐廳live住咁大玩House Music,唔知喺唔喺你杯茶呢?✝️Thai Larb Lettuce Wrap $128以泰式香料醃製新鮮豬肉碎,加上自家製泰式辣汁🌶,用爽脆生菜包住嚟食🥬,紅青辣椒同洋蔥帶嚟唔少顏色同香味🧅,豐富得嚟酸辣嘅味道非常開胃😋✝️Thai Basil Chicken Spaghetti (Half) $68以泰式融合意式做法🇹🇭🇮🇹 ,將羅勒同泰式嘅香辣口味加上雞肉意大利粉🍝,仲可以選擇少辣或者唔辣,相當惹味👍✝️Skewers餐廳嘅串燒喺必食推介之一,先叫咗個Wagyu和牛粒串($32);之後有老闆極力推介嘅泰式地道小食——Naem Sour Pork Sausage泰式酸腸($32),一般以豬肉🐷、豬皮、煮過而黏黏哋嘅飯、洋蔥🧅、泰式醃料去整作,特別得嚟酸酸哋幾好食,必試😎;另外叫咗Eggplant燒茄子($26)同Pineapple燒菠蘿🍍($28),菠蘿原條上,茄子加上秘製醬汁再拎去燒香🍆,另外仲有餐廳自家製嘅沙嗲同辣醬,可以按自己喜好嚟蘸✝️Chicken Wings $52雞翼有4隻,整成單骨共8件,食起上嚟更方便😌,炸雞翼香脆可口,可以蘸泰式辣醬嚟食,另外亦有辣味雞翼可以揀🍗✝️Tom Yum $138餐廳有五款signature泰式cocktails,為保持神秘感,餐牌上只喺有材料嘅圖案🍸,希望等食客可以自己估吓有咩元素喺當中,玩得飲得又有趣🤣,呢個冬陰公味都幾特別,鍾意飲酒又鍾意冬陰公嘅人可以一試😈,至於呢份神秘感我就幫老闆keep it as a secret喇🤫 ✝️Fresh Lime Soda $38喺梳打同糖水當中加入泰式鮮青檸,飲落酸甜清新,顏色有啲似可樂,出面都比較少試到呢啲有泰式元素嘅飲品🇹🇭嚟到其實有一種家嘅感覺,店員又nice,我哋坐咗喺餐廳外嘅沙發座位🛋,而餐廳喺少有嘅酒吧餐廳而fusion泰國菜🇹🇭,食物價錢唔貴,有好多輕便簡單嘅食物,食物質素仲要好okay,I really like this place😍!! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-08
197 瀏覽
H.O.P. House On Peel 係喺蘇豪區嘅泰酒吧餐廳,裝修用心,環境氣氛良好,身物仲要幾高質添!Mai Tai $110以甜口嘅Rum酒加果汁調配而成,入口香甜帶溫和嘅酒味,以樹葉攪拌,充滿熱帶風情!Kirin $74500ml 大大杯,爽!Chicken Wings $52炸到酥脆嘅單骨雞翼,同泰式甜辣醬係絕配!Pineapple $28大大件燒菠蘿,烤至外層焦香,中間爆汁,正!Wagyu $32Naem Sour Pork Sausage $32Pork's Neck $28H.O.P.啲串燒都幾高質!跟埋沙嗲醬同埋辣椒醬,鐘意點咩都得!The Crying Tiger Steak "Seua Rong Hai" $208美國安格斯肉眼扒煎至五成熟,軟嫩可口,肉味香濃!加埋特調醬汁,酸辣中帶一點點甜,份外惹味!Thai Basil Chicken Spagetti (half) $68金不換嘅香氣好突出,而且仲要辣辣哋同埋甜甜哋,充滿泰式感覺嘅意粉! 繼續閱讀
(以上食評乃用戶個人意見 , 並不代表OpenRice之觀點。)
👍🏻The Crying Tiger Steak $2088oz安格斯肉眼扒,燒到半生熟,咬落有肉汁🤤塊扒本身有醃過,味道似香茅燒牛肉,好香😛牛味唔算好濃郁,但好惹味店員話配扒既自家製醬汁先係重點,辣到老虎都喊不過食落又唔算好辣🤣香料味重,酸酸辣辣好開胃😜味道:9/10性價比:7/10-👍🏻Thai Basil Chicken Spaghetti $68/half落左魚露、九層塔同橄欖油炒香雞絲份量都唔少,肉質算嫩滑😋嗌左加辣,除左紅辣椒外仲有大量泡椒粒,幾有驚喜🤩!泡椒比起紅辣椒更辣,後勁超強愈食愈辣🥵但加辣成個意粉泡椒味太突出略為蓋過左魚露同九層塔既香味建議正常辣度會好啲🤣半份份量都唔少,幾抵食😌👍🏻味道:8/10性價比:8/10-👍🏻泰式酸豬肉腸 $32呢個好有驚喜😜!用新鮮豬肉而製外面燒得微脆,入面既豬肉碎咬落充滿肉汁🤪口感似生菜包個啲豬肉碎咁味道酸酸地又惹味,豬肉味好香,好好食🤤🤤味道:9/10性價比:8/10-👍🏻豬頸肉 $28肥瘦適中,一串四塊,切得幾厚身邊位燒得微脆,燶燶地勁香,仲keep到幾嫩口😛味道:8/10性價比:8/10-👍🏻和牛 $32乾左少少,無想像中咁juicy,不過牛味夠濃郁配埋自家製既醬料就惹味啦🤪味道:7/10性價比:7/10-👍🏻是拉差雞翼 $68/8隻炸到脆卜卜,雞翼醃得入味juicy😋因為係單骨,每隻雞翼外面都沾上更多是拉差醬酸酸辣辣好濃味🤩味道:8/10性價比:7/10-📍H.O.P House on Peel中環卑利街63-63A號地下A號舖#hkfoodie #foodiehk #hkfood #foodhk #hkeat #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #中環 #中環美食 #中環好去處 #蘇豪 #蘇豪美食 #蘇豪好去處 #houseonpeel 繼續閱讀
(以上食評乃用戶個人意見 , 並不代表OpenRice之觀點。)