Gyu Lab 燒肉實驗室

颱風迫近, 歸家前極速係附近食個Dinner, 去咗呢間主打牛舌嘅小店, 食過後令我一直回味這間餐廳嘅---- 牛舌芯!!!呢度供應各款不同部位嘅牛舌, 配搭扒類套餐, 自選升級套餐。【鐵板 牛舌芯】HK$148+$38 零糖可樂, 温泉蛋牛舌筋, 湯, 薯條.自選了黑椒汁, 鐵板熱辣辣上檯, 隨即淋上黑椒汁, 鐵板滋滋聲, 香氣四溢;  牛舌芯表面帶微微焦, 但內裡keep到粉嫩肉質, 爽口彈牙有肉汁, 沾上黑椒汁, 惹味無窮!!! 牛舌筋炆得好林而且入味, 口感有d 似牛腩, 仲有一篤即穿嘅溫泉蛋, 蛋汁撈飯食, 更加黏滑。【咖哩 牛小排配牛舌尖配飯】HK$178+$28 零糖可樂, 湯, 薯條.同樣係鐵板餐, 本身已跟飯, 再加$28有埋可樂, 湯同薯條。牛小排鮮嫩, 連帶些少油脂, 肉質有點咬口; 牛舌尖都幾厚身, 爽口唔韌, 配埋咖哩汁, 撈飯食一流。 加配嘅洋蔥湯, 足料清甜, 有助解膩。此為兩個set嘅薯條, 加咗紫菜粉, 薯條脆而不油。…查看更多

在尖沙咀的繁華地帶，有一家名為「燒肉實驗室」的餐廳，專注於提供獨特的燒肉體驗。這裡的設計現代而時尚，燈光柔和，營造出一種舒適的用餐氛圍。走進餐廳，服務生熱情地迎接，讓人感受到一種親切的氛圍。我們點了兩道招牌菜：紐西蘭鐵板西冷牛扒壽喜燒和咖哩美國牛小排配牛舌尖。首先，紐西蘭鐵板西冷牛扒壽喜燒是一道色香味俱全的菜品。牛扒的肉質非常鮮嫩，口感滑順，搭配上特製的壽喜燒醬，甜中帶鹹，讓人一試成主顧。牛肉在鐵板上煎烤的過程中，香氣四溢，令人垂涎，沾上日本蛋黃，令肉更軟滑。這道菜的配菜包括新鮮的洋蔥，增添了營養與口感的層次。接下來是咖哩美國牛小排配牛舌尖。這道菜的咖哩醬汁濃郁，帶有一點微辣，與牛小排份量很多，男士食都絕對夠飽。牛舌尖的口感更是讓人驚喜，柔軟而富有彈性，與牛小排的搭配非常和諧。整體的味道層次分明，讓人一口接著一口，完全停不下來。另外我們配了意粉，蕃茄意粉亦毫不遜色！值得一提的是，升級套餐只需加$28，便可享用麵豉湯、汽水及薯條。麵豉湯的湯底清淡，香氣撲鼻，與燒肉搭配相得益彰。薯條外脆內軟，鹽味適中，作為配菜也相當不錯。總的來說，「燒肉實驗室」不僅僅是一家燒肉餐廳，更像是一個美食實驗室。每一道菜都經過精心調配，無論是味道還是擺盤都讓人感受到廚師的用心。若你在尖沙咀附近尋找一個可以品嘗高品質燒肉的地方，「燒肉實驗室」絕對值得一試。這裡的美食不僅能滿足你的味蕾，更能讓你享受與朋友聚餐的快樂時光。…查看更多

估唔到尖沙咀有間隱世專食牛舌鐵板餐嘅地舖，入到去好有日本居酒屋嘅感覺好似置身去咗日本一樣。牆上貼住好多用日文寫住解釋牛部位嘅宣傳單張。美國牛小排配牛舌尖鐵板餐鐵板「滋滋聲」上枱，香爆！美國牛小排油花靚，肉質軟淋又多汁，仲要有4塊，份量超足。牛舌尖爽脆彈牙，口感似豬頸肉。洋蔥汁濃郁但甜味，撈埋啲熱辣辣嘅白飯，真係無得頂！滿溢牛舌筋溫泉蛋飯牛舌筋炆得超淋滑，入口即化又入味！口感有d 似牛腩。溫泉蛋一篤穿，蛋汁撈飯簡直無得輸。米飯吸晒精華，每啖都係濃濃牛香。加上蔥花同醬油提鮮，味道層次豐富。抵食又大碗，絕對會再encore！另外可以加$28轉套餐，包薯條、汽水及牛舌餐湯。薯條新鮮炸起超脆身，薯味香濃！粗身夠口感，鹹鹹哋點茄汁絕配。食到停唔到口！跟餐嘅牛舌餐湯，胡椒味十足、飲得出落了很多牛舌煲成，好有牛味。呢個價錢食到咁高質鐵板餐，抵讚！咖喱三重牛舌鐵板餐內含牛舌芯、牛舌尖、牛舌筋咖喱香噴噴！牛舌三重奏真係驚喜：舌芯軟嫩多汁、舌尖爽脆彈牙、舌筋膠質滿滿炆得淋，三種口感一次過滿足。咖喱汁微辣惹味，撈飯無得頂！絕對係牛舌控必試之選！尖沙咀鐵板日本牛舌專門店…查看更多

燒肉實驗室, 這個店名好特別, 吸引到我同朋友停下腳步, 入去吃個晚餐.體驗一下.餐廳面積不大, 座位排列整齊, 大約可容納 20位客人.餐廳主打牛燒, 服務員送上餐牌細心介紹, 有鐵板系列, 咖喱系列, 同單點.餐單可以自行選擇: 主食有牛, 豬, 雞 配不同醬汁,飯或意粉. 轉套餐 +$28 有湯, 汽水, 炸薯條.升級加 $38  白飯轉為溫泉蛋丼加滿溢牛舌筋. 首先我叫了個 [鐵板牛舌芯系列 + 套餐升級]. 朋友叫咖喱系列 [伊比利亞梅頭配牛舌尖 + 轉套餐]兩個套餐先送來冰涼汽水: 可樂. 雪碧套餐食物大家分嚐, 我的鐵板牛舌芯  送到,  牛舌芯 熱辣辣上枱, 個鐵板好重, 內容好有份量. 牛舌芯大大件, 入口豐厚有嚼勁, 外層香脆惹味, 內裡牛味醇香, 肉味濃郁, 軟嫩多汁. 醬汁配上黑椒汁.非常惹味.炸薯條夠香脆, 配茄汁。打開蓋, 飲啖暖暖的湯, 內有牛粒豆腐粒, 湯頭極甜.白飯配溫泉蛋同滿溢牛舌筋粒, 丼飯滿滿的, 有牛舌筋粒及溫泉蛋, 材料鋪至滿滿, 完全遮蓋了白飯, 米飯粒粒香軟糯滑, 好食.咖喱系列的伊比利亞梅頭配牛舌尖, 伊比利亞梅頭已去骨, 好稔有肉味,燒牛舌尖, 口感爽彈, 又滑又嫩, 保留肉汁. 送香濃咖喱汁撈白飯真係一 流.燒肉即燒即送上檯, 夠熱 份量足, 調味好.  餐廳重冇收加一服務費, 真係抵食. 今晚食得勁飽.…查看更多

今天到尖沙咀看展覽，經過一間新開業的燒肉店，見門前餐牌相當吸引，便入內嚐嚐。餐廳不大，和式裝修，牆上海報富日本風情。枱上放有多種調味品，包括我最喜歡的七味粉。這裏主推牛舌及牛排，有鐵板及咖喱系列多種菜式選擇。轉套餐只加$28，包括湯、汽水及薯條。升級套餐再加一碗“滿溢牛舌筋溫泉蛋丼”，只需$38，非常實惠。鐵板系列：“美國牛小排配牛舌尖”燒熱鐵鍋上枱，啫啫作響，香氣瀰漫，未吃已經口水流。份量不少，除牛小排外，牛舌尖把鍋面鋪得滿滿的。牛小排肥瘦適中，不老不靭，肉質鮮嫩，肉汁豐富。牛舌尖肉質鬆軟可口而帶酥香，配上洋蔥汁料，非常惹味。“滿溢牛舌筋溫泉蛋丼”丼飯上蓋滿了牛舌筋，份量不少，腍軟口感，再混合溫泉蛋，滋味非常。咖喱系列：“三重牛舌”（牛舌芯、牛舌尖、牛舌筋）雖然同是牛舌，但各有不同口感：牛舌芯爽口，牛舌尖腍軟，牛舌筋有質感，伴上香而不辣的日式咖喱和珍珠米飯，別有一番滋味。“牛舌洋蔥湯”牛氣十足，洋蔥加上牛肉濃湯，最佳拍檔。“薯條”一大碟另上，新鮮即炸，香脆可口，配上茄汁更美味。這裏的牛舌及牛排菜式，無論是份量和味道，都讓我留下深刻印象，而且價錢還非常實惠。…查看更多

今日同老公行開尖沙咀，突然好想食燒肉，誤打誤撞搵到呢間隱藏喺小巷嘅日式燒肉店，一試難忘！由裝修到食物都充滿心思👍🏻原條蒲燒鰻魚蛋包飯：原條鰻魚鋪滿蛋包飯，鰻魚燒得啱啱好，外皮微脆，肉質鮮嫩又多汁，醬汁甜而不膩，配上滑溜嘅蛋包飯，真係一口接一口停唔到口😍鐵板美國牛小排配牛舌尖：牛小排油花均勻，燒到剛剛好，入口即化，肉香爆棚！搭配嘅牛舌尖爽脆彈牙，兩種口感一次過滿足，鐵板熱辣辣上枱，仲keep住滋滋聲，好正👍🏻升級套餐包括牛舌海帶麵豉湯、飲品、薯條仲有牛舌溫泉蛋丼😍加$38絕對超值牛舌海帶麵豉湯：麵豉湯唔會死鹹，海帶同蔥花提鮮，最驚喜係湯底有粒粒牛舌，嫩滑得來又增添口感，暖胃又滿足😃飲品：可樂＋玄米茶玄米茶香氣撲鼻，食完燒肉飲一啖熱茶，中和油膩感，完美配搭！炸薯條：即叫即炸，外脆內軟，薯仔味香濃，好惹味，令人忍唔住係咁食😻牛舌溫泉蛋丼牛舌粒鋪到滿一滿，爽口嫩滑，溫泉蛋撈勻後每粒飯都掛滿蛋汁，牛舌嘅爽脆同蛋香交融，好正😊…查看更多

鐵板牛舌專門店💥 餐廳主打鐵板燒肉及牛舌 環境日系復古 餐牌有分鐵板系列及咖哩系列 兩個系列都可以+$28 升級套餐包括湯、汽水、薯條====᪥ 鐵板香蔥薄燒牛舌芯 $128鐵板可以選擇黑椒汁/洋蔥汁 跟飯/意粉+$38 白飯升級滿溢牛舌筋溫泉蛋丼鐵板到咗之後就會淋上汁～ 不過唔太夠熱😶‍🌫️᪥ 咖喱美國牛小排配牛舌尖 配飯 $178咖喱ok的🍛 唔辣嘅日式咖喱～ 牛舌尖軟腍店員幫我地將兩個餐嘅薯條裝咗一齊 所以呢到係兩個薯條的份量～…查看更多

尖沙咀赫德道街頭位置被餐廳名吸引即時想做個實驗，入內和風木系。餐牌簡單易明一張過，鐵板或咖喱飯類再選肉就可以。跟餐湯及薯條牛舌洋蔥湯有驚喜，牛舌好腍好好味，而洋蔥味適中，有水準。粗薯條外脆內軟，可配上餐桌上山椒粉或黑椒鹽，惹味十足。鐵板紐西蘭西冷牛扒配壽喜燒汁⭐️直接配壽喜燒汁，鐵板熱辣辣上桌即使淋上壽喜燒汁香氣撲鼻，店員細心提醒西冷整塊大概五成熟，有需要可以切開用鐵板餘溫辣一辣兩邊。牛扒肉味濃脂肪比例剛好，沾上新鮮日本蛋就是完整壽喜燒的風味。選配的意粉帶和風茄汁炒意粉甜酸開胃。咖喱美國牛小排配牛舌尖牛小排和牛舌尖的份量十足，牛小排每一件都帶油香，牛舌尖厚切十分軟腍，滲出香濃牛香，日式甜咖喱飯簡簡單單，牛肉尖醬食又多一種口味。位置方便人流多，上菜速度快速，細心提醒手袋可放凳內，新派得來帶傳統日本鐵板風味，值得一試。…查看更多

公司有一個超級鍾意食牛舌嘅同事極力推介要嚟Gyu Lab燒肉實驗室食呢度嘅牛舌，所以就嚟試一試。店外裝飾好似日本居酒屋，趟門打開感覺走入咗居酒屋，唔使飛都可以去到日本。食物類別雖然唔多，但勝在貴精不貴多嘅情況更加可以突顯對食物嘅專注，今次點咗兩款食物，包括：鐵板牛小排配牛舌尖配意粉；咖哩三重牛舌配飯，加埋$28升級套餐有薯條、湯及飲品。鐵板牛小排配牛舌尖配意粉再配埋黑椒汁，黑椒汁淋上熱焫焫嘅鐵板，小排及牛舌嘅香味撲鼻而來！另外每條意粉都掛滿香濃嘅茄醬，好味到整份意粉都清哂。咖哩三重牛舌配飯，開最初以為係三重縣嘅牛舌，原來係三重口感嘅牛舌，包捨牛舌芯、牛舌尖及牛舌筋。牛舌芯是牛舌中最柔嫩的部分，肉質細膩、軟滑，入口有種即化感覺。牛舌尖肉質相對較瘦，口感略為緊實，但食落都好有牛味。牛舌筋相對筋膜較多，但食落係爽口感覺。鍾意牛舌嘅人真係唔可以錯過！…查看更多

其實我本身都係牛肉控，見到 menu 有鐵板牛小排配牛舌尖、仲有咖喱三重牛舌，即刻心動落單～🍛 咖喱三重牛舌 ($158)呢個牛舌套餐真係驚喜！三重牛舌分別有唔同厚薄度，口感層次好豐富～啖啖牛香之外，仲有淡淡炭燒香味。最正係咖喱汁，偏向日式咖喱，微甜帶少少香料辣，唔會蓋過牛舌嘅鮮味，仲有啲洋蔥嘅清甜，撈飯一流！🍚 咬落去啲牛舌外層微脆，內裡仲保留到啲肉汁，食到停唔到口～配返罐冰凍 Coke，好爽快！🥤🥩 鐵板牛小排配牛舌尖 ($168)鐵板 sizzling 上枱，香味勁吸引！🔥 牛小排油花分佈靚，肉質嫩滑，juicy 得嚟唔膩；牛舌尖就厚切口感，咬落有嚼勁但唔韌，仲帶少少蒜香同洋蔥底味，食落好香口。成個配搭好啱鍾意食 heavy 嘢嘅人，咬落啖啖滿足～😎🍟 小食 + 配餐我哋仲叫咗 溫泉蛋牛舌筋 ($38)，呢個真係邪惡之選！牛舌筋炆得好腍，完全入口即化，加埋流心溫泉蛋，拌飯食簡直天堂組合～😍另外仲有薯條 + 湯 ($28)，薯條炸得脆口，雖然係基本小食，但熱辣辣送口仲幾滿足。✨ 整體感覺餐廳氣氛好輕鬆，坐得舒服，啲鐵板香味一送上枱已經令隔離枱望到流口水 🤤。價錢合理，份量足…查看更多

尖沙咀有間燒肉實驗室，小店日式裝潢，座位寬敞舒適。主打牛肉，有鐵板同咖哩系列。點了鐵板，美國牛小扒配牛舌尖上餐前先送上黑色圍巾，上檯時店員在面前淋上醬汁，滋滋聲又香噴噴。牛小扒肉厚有肉香，牛舌尖嫩滑，洋蔥汁夠惹味，不少洋蔥墊在牛扒下，吸收精華美味，食到尾段食物仍保持到溫度。安格斯牛板腱配牛舌尖咖哩飯賣相一樣吸引，牛板腱入口嫩滑有肉香，牛舌尖經黑椒、蔥調味，嫩滑又惹味，咖哩微辣。加錢轉套餐，薯條香脆可口，有紫菜碎更加分。…查看更多

食咗一次已經非常驚艷🥹去尖沙咀搵食，唔想食太貴，但係又要有質素，極力推薦！！🌼鐵板西冷牛扒壽喜燒汁依個價錢，依塊牛扒絕對好有誠意，火候控制得啱啱好，切開仲好粉嫩，咬落超多肉汁唔會韌，配壽喜燒汁好夾，仲要俾埋隻蛋你中和下，唔會太鹹，洋蔥最後索晒啲汁超正🤤🌼雙層牛舌咖哩漢堡蛋包飯擺盤幾有心思，漢堡有好濃嘅牛味，中間仲食到粒粒嘅牛舌粒好有口感，咖喱甜甜地唔會太辣搶咗牛味，配埋個滑蛋，超有層次😋🌼套餐加配薯條🍟、湯🥣特別想讚薯條擺耐咗都唔會淋，仲係好脆口，而且個湯都好用心煲，入面有啲牛，飲落好清甜解膩…查看更多

去咗尖沙咀嗰間主打牛舌嘅餐廳，真係有啲料到。朋友嗌咗個「咖喱三重牛舌鐵板飯」，一上枱就聽到鐵板炸炸聲，香味撲鼻，成件事好有氣勢。牛舌分三個部位：舌心、舌尖同舌根，每樣都各有特色舌心厚身啲，咬落去有啲彈性但唔韌，吸晒咖喱汁之後好惹味，啲香料唔會太搶，幾有層次。舌尖薄啲，有啲擺耐左係鐵板會煎到微微焦邊，但中間仲係嫩嘅，口感有對比，混埋咖喱汁同白飯一齊食，啖啖都係牛香咖喱本身係日式風，唔係港式嗰種辣爆型，啱晒鍾意香而唔太辣嘅人。配埋味噌湯、汽水同薯條，雖然係套餐，但每樣都唔馬虎，薯條份量夠，味噌湯清清地啱晒解膩，仲要牛味超濃！ 我嗰份就係壽喜燒西冷牛扒，仲升級咗加牛舌根溫泉蛋丼飯。牛扒煎到外面焦香，入面仲有肉汁，壽喜燒汁甜甜地，如果舊牛扒可以肥返少少會更加美味。牛舌根就真係正，燉到好腍，入口即化，冇韌冇筋，專登加啲壽喜燒汁，更加香濃，配飯一流。溫泉蛋就係畫龍點睛，黏口又有層次，甜香、牛味、蛋香一齊爆出嚟總括嚟講，呢間餐廳真係玩得非常刁鑽，除左靠食材本身，火候、醬汁、配搭都好講究。食完之後唔止飽，仲有種「嘩，原來牛舌可以咁玩」嘅驚喜…查看更多

上網見到d post 講, 諗住去試下, 呢個位本身食鰻魚飯, 中午食既話要排隊, 但我比較早食, 唔洗等位, 如果夏天要係出面等位, 建議都係唔好食, 餐廳上菜好慢, 廚房好似得一個人煮咁, 上菜幾慢, 等左差不多半個鐘先有野食, 其實可以比左個湯, 飲住先, 但最後個飯同個湯一齊黎, 野食太咸, 洋蔥汁落勁多同胡椒, 蒜又落勁多鹽同胡椒, 牛舌又多鹽, 成個飯勁咸, 飲兩罐可樂都覺得口渴。建議改善下出餐流程, 加快進度, 先上湯, 薯條可以轉沙律, 廚師唔好落咁多鹽。…查看更多

俾我發現ssp嗰間出名食牛舌嘅Gyu Town喺TST開咗間姐妹店, menu都有啲新嘢，呢日即刻衝去試下XD首先係牛舌洋葱湯，調味夠 好好飲，洋葱煲到淋晒好甜，滾熱辣上枱，個人覺得可以凍返少少🤏 方便即時飲😂 隨後上埋薯條，比較粗身保留返薯仔嘅質感，唔會過咸。  鐵板香蔥薄燒牛翼板，staff會幫忙上枱時淋黑椒汁落去，香到呢~😍 落單後staff會主動提供apron，保護客人唔駛彈到成身都係。仲有個貼心位係，牛翼板下面鋪咗大量洋蔥，令燒到通紅嘅鐵板起到保温作用之餘，又唔驚煮到牛肉過熟。牛翼板吸收咗蔥香同洋蔥嘅甜味，配上黑椒汁寧舍惹味，肉質嫩得黎又帶少少嚼勁，好食到不得了，我次次黎都必叫香蔥燒🤌另外升級跟咗個滿溢牛舌筋温泉蛋丼，好多好多肉啱晒牛魔王。牛舌筋煮得好腍，但佢好似係用紅酒汁煮(?) 總之同鐵板揀嘅黑椒汁唔同，食嘅時候感覺有啲唔夾，但溫泉蛋加分！温泉蛋never goes wrong XD 撈飯食口感更加滑🥳另一邊係咖哩飯配美國牛小排同牛舌尖。咖哩以日式標準黎講比較辛口，辣辣哋幾惹味唔食得辣嘅人都啱食。牛小排煎到好香，咬多幾啖牛味出晒黎。牛舌尖好淋身，兩款肉嘅口感完全唔同，撈埋咖哩食都幾夾。SSP嗰邊無咖哩架，試新嘢無伏開心💕…查看更多